Nyob zoo xyoo tshiab,

Tsoom phooj ywg sawv daws, peb pawg ntseeg nyob Versailles no tau noj peb caug teev Tswv Ntuj quas nas xyoo thiab txais nyuj lub xyoo tshiab rau hnub tim 23/11/2008.

Kuj muaj Txiv Plig Cwj Vuam Chiv tuaj pab peb ua lub thaj mis xas nrog cov Txiv Plig nyab laj. Peb kuj caw tsoom kwv tij nyob lwm lub xeev tuaj koom nrog peb, muaj cov nyab laj thiab qhab meem lawv txhawb peb lub 30 Hmoob.

Lub xyoo laus dhau mus thov nas coj peb tsoom Hmoob thoob qab ntuj tej vij sw kev phem, vij mob, vij nkeeg, coj mus khawb qhov faus rau phab yaj kum hiav.

Zaj kaw xyoo laus thov kom zaj nphau toj los txhub, nphau dej los nyab kom tsoom Hmoob ntsej tsis hnov muag tsis pom.

Nyuj xyoo los txais lub xyoo tshiab kom nyuj coj kev txawj ntse, kev muaj noj muaj haus, kev nyob koom npoj sib coj kom loj, pw koom nras mus tsis tag tsis kawg ntawm tsoom hmoob lub npe.
Kom txawj ntse sib twv ua neej ncaj neeg ncees kom txhob nkees tuav lub npe Tswv Ntuj tau muab tseg los hu ua Hmoob.

sawv cev pawg Hmoob ntseeg Ntuj Kas Tos Liv xeev Versailles
Sau npe : YANG Tsim Yeej Nab
Diocèse de Versailles Communauté du Sud Est Asiatique - SEA

0 commentaires: