COV ZAJ NYEEM RAU HNUB CHIV 29/11/2009

( Hnub chiv 1 Tos Huab Tais - Xyoo C )

(Hais lus Hmoob - En Français)

• Zaj Nyeem 1 : Yes Les Mias 33,14-16

14 Huab Tais lo lus. Txog lub caij lub nyoog kuv yuav pub kev nyob dawb nyob huv raws li kuv tau cog lug rau His Xais Lais tsev neeg thiab rau Yus Das tsev neeg.
15 Txog lub hnub nyoog ntawd, txog lub sij hawm ntawd, kuv yuav ua Das Vis yug ib tug kaus ncaj ncees thiab nws yuav ua qhov ncaj qhov yog rau lub teb lub chaw.
16 Txog lub hnub nyoog ntawd, luag yuav tuaj pab tso Yus Das, Yes Lus Xas Les yuav tau nyob thaj yeeb thiab nws yuav tau lub npe li no : “Huab Tais yog peb kev ncaj ncees.”

• Zaj Nyeem 2 : Tes Xas Los Nis 3:12 txog 4:2

12 Thov kom Huab Tais ua nej hlob mus, thiab vam meej nyob hauv txoj kev sib nyiam, thiab kev nyiam zeej tsoom, ib yam li peb nyiam nej.
13 Thov kom Huab Tais ua nej lub siab nyob ruaj nreb hauv txoj kev ntshiab, tsis muaj chaw xyeej, nyob ntawm peb Txiv Tswv Ntuj xub ntiag, tos txog hnub peb tus Huab Tais Yes Xus yuav nrog tas tsoom Leej Ntshiab rov los.
1 Peb thov nej thiab txhib nej nyob hauv Huab Tais Yes Xus kom nej coj ib lub neej li cas thiaj ntxim Huab Tais siab, raws li nej tau kawm ntawm peb. Ces nej kuj coj ib lub neej li ntawd : nej muab siab rau ua zoo zuj zus mus mog.
2 Nej twb paub cov lus peb qhia rau nej lawm, yog Yes Xus kom peb qhia nej zoo li ntawd.

• Lus Kas Ntawv Moo Zoo 21,25-28.34-36

25 Yes Xus piav rau nws cov thwj tim txog thaum nws yuav tuaj :"Yuav muaj tej lub cim nyob saum lub hnub, lub hli thiab cov hnub qub. Nyob saum daim av, tej teb chaws yuav txhawj xeeb vim dej ntuj yuav ntxeev yuav nphau muaj cua daj cua dos.
26 Yuav ua neeg ntshai tuag kus txhawj tej xwv txheej tuaj raug lub ntiaj teb, vim tej hwj huam txheej ntuj saud yuav nphau tag.
27 Thaum ntawd, yuav pom Neeg Leej Tub tuaj saum ib twv huab muaj hwj huam thiab muaj hwj chim loj.
28 Thaum tej xwm pib tshwm tuaj, nej kav tsij sawv tsees thiab tsa taub hau, kev txhiv nej tuaj txog ze lawm."
34 Nej ceev faj, tsam nej tej siab qaug rau txoj kev plhom, quav cawv thiab txob xeeb rau lub neej txhob cia tej hnub ntawd poob ncaj hnub nej tsis faj txog.
35 Zoo li lub vas yuav qhwv tas txhua tus tib neeg saum daim av.
36 Nej yuav ua neeg feeb meej, teev ntuj tsis tseg, nej thiaj yuav tsim nyog maim dhau txhua yam yuav tshwm sim tuaj thiab muaj ntsej muag sawv ntsug ntawm Neeg Leej Tub xub ntiag."

(Mus nyeem tsab ntawv nthuav Ntawv Ntshiab)

LECTURES DE LA MESSE DU 29/11/2009
( Premier dimanche de l'Avent - Année C )
(Hais lus Hmoob - En Français)

• 1ère lecture : Annonce de la venue du Messie (Jr 33, 14-16)
  Lecture du livre de Jérémie

Parole du Seigneur : Voici venir des jours où j'accomplirai la promesse de bonheur que j'ai adressée à la maison d'Israël et à la maison de Juda : En ces jours-là, en ce temps-là, je ferai naître chez David un Germe de justice, et il exercera dans le pays le droit et la justice. En ces jours-là, Juda sera délivré, Jérusalem habitera en sécurité, et voici le nom qu'on lui donnera :« Le-Seigneur-est-notre-justice ».

• 2ème lecture : Comment se préparer pour le jour du Seigneur (1Th 3, 12 -- 4, 2)
  
  Lecture de la première lettre de saint Paul Apôtre aux Thessaloniciens

Frères, que le Seigneur vous donne, entre vous et à l'égard de tous les hommes, un amour de plus en plus intense et débordant, comme celui que nous avons pour vous. Et qu'ainsi il vous établisse fermement dans une sainteté sans reproche devant Dieu notre Père, pour le jour où notre Seigneur Jésus viendra avec tous les saints. Pour le reste, vous avez appris de nous comment il faut vous conduire pour plaire à Dieu ; et c'est ainsi que vous vous conduisez déjà. Faites donc de nouveaux progrès, nous vous en prions, frères, nous vous le demandons dans le Seigneur Jésus. D'ailleurs, vous savez bien quelles instructions nous vous avons données de la part du Seigneur Jésus.

• Evangile : L'attente de la venue du Fils de l'homme (Lc 21, 25-28.34-36)
  Évangile de Jésus Christ selon saint Luc

Jésus parlait à ses disciples de sa venue : « Il y aura des signes dans le soleil, la lune et les étoiles. Sur terre, les nations seront affolées par le fracas de la mer et de la tempête. Les hommes mourront de peur dans la crainte des malheurs arrivant sur le monde, car les puissances des cieux seront ébranlées. Alors, on verra le Fils de l'homme venir dans la nuée, avec grande puissance et grande gloire. Quand ces événements commenceront, redressez-vous et relevez la tête, car votre rédemption approche. Tenez-vous sur vos gardes, de crainte que votre cœur ne s'alourdisse dans la débauche, l'ivrognerie et les soucis de la vie, et que ce jour-là ne tombe sur vous à l'improviste. Comme un filet, il s'abattra sur tous les hommes de la terre. Restez éveillés et priez en tout temps : ainsi vous serez jugés dignes d'échapper à tout ce qui doit arriver, et de paraître debout devant le Fils de l'homme. »

Ib tsoom niam txiv kwv tij neej tsa Hmoob Ntseeg Tswv Ntuj txhua tus,

Hnub no, yog hnub lub Koom Txoos Kav Tos Liv qhib dua ib lub xyoo tshiab mloog Tswv Ntuj cov lus qhia. Tas ib tsoom neeg ntseeg Tswv Ntuj hauv lub Koom Txoos Kav Tos Liv qhib lub caij tos Huab Tais yug los ciaj neeg. Vim li ntawd, nyob hauv cov zaj nyeem hnub no, peb yuav khaws cov yaj saub tej lus qhuab qhia. Cov yaj saub sawv Tswv Ntuj lub npe, cev Tswv Ntuj tej lus qhuab qhia His Xais Lais. Thaum ub, His Xais Lais yog Tswv Ntuj haiv neeg. Tswv Ntuj xa cov yaj saub tuaj coj tsoom His Xais Lais kom taug tau kab tau kev mus cuag Tswv Ntuj, tsis txhob thaub qab, txhob thim thiab txhob yuam kev mus raws tej dab qus, mus npuab dab phem tog. Lub zim txwv no, peb los ntxuav plig hauv lub Koom Txoos Kav Tos Liv ua Tswv Ntuj haiv neeg. Peb mloog cov yaj saub tej lus hais rau His Xais Lais, kuj yog mloog Tswv Ntuj lus hais rau peb tib yam nkaus.
Lub caij tos Huab Tais yug los ciaj neeg, kuj thooj li lub caij xaus nruab xyoo. Peb hnov cov yaj saub hais txog tej xwv txheej yuav tuaj raug lub ntuj lub teb. Lub caij tos Huab Tais yog lub caij nyoog txais koob txais hmoov. Vim lub sim ceeb tos Huab Tais yuav yug los ciaj neeg. Yog ib lub moo loj thiab zoo ncha ri tuaj rau lub sim ceeb. Yog ib lub moo cav txog Tswv Ntuj yuav tshwm sim los ua neeg kom cawm tau peb leej tib neeg muaj txhaum, tuaj tso leej tib neeg dim nws lub txhoj lub txhaum, tuaj npo peb leej tib neeg sawv ciaj hauv tsoom tub tuag los ciaj sia nyob mus li. Vim li ntawd, lub sim ceeb tos ntshis Huab Tais tuaj pab tuaj cawm lub sim ceeb.
Peb muaj peb txuj ci Hmoob vim peb yog haiv neeg Hmoob. Fab Kis muaj Fab Kis txuj ci txawv Hmoob txuj ci. His Xais Lais kuj muaj His Xais Lais txuj ci. Vim li ntawd, peb nyias yog nyias ib haiv neeg, nyias muaj nyias txuj ci sib txawv. Tiam sis peb txawm nyias yog nyias ib haiv neeg, kuj muaj tej yam kev cai nyob hauv nyias txuj ci yuav luag zoo sib xws li nyob hauv luag lwm haiv neeg thiab. Muab piv li Hmoob thiab His Xais Lais cov xeem. Hmoob hais dab neeg txog Hmoob cov xeem sawv qhov twg los. Yog thaum dej nyab ntiaj teb, tshuav nkauj muam nraug nus dim los ua neej. Nkawd mus dov zeb saum hauv tsua. Nkawd ob lub zeb txawm ntog los sib khwb, ces nkawd thiaj sib qaws ua neej. Tiam sis nkawd yug tau ib tug me nyuam tsis muaj tes tsis muaj taw…Nkawd thiaj mus nug saub. Yawm saub kom muab tus me nyuam hlais ua 12 phuv pov lawm 12 lub roob. Txawm sawv muaj 12 xeem Hmoob los ua neej ua tsav. Vim li no, thaum muaj ib pluag noj, Hmoob tuav txog vaj tsab xeem lis, yog teev tag 12 lub xeem Hmoob. His Xais Lais kuj muaj 12 lub xeem tib yam li peb Hmoob thiab. Thaum Yas Kos tseem hluas, nws sawv kev mus yuav nyab. Mus txog tom tog kev, nws nrog ntuj tus tshiab sib ntsuas zog ib hmos kaj ntug plaws kam kam yeej kiag ntuj tus tshiab. Kaj ntug txoog, ntuj tus tshiab thiaj foom koob hmoov thiab daws lub npe tshiab rau Yas Kos hu ua His Xais Lais (Tswv Ntuj heev thiab Muaj Zog). Yas Kos yug tau 12 leeg tub : tus tub hlob Lus Npes, Xis Mes Oos, Les Vis, Yus Das…Yos Xes thiab Npis Yam Meej yog ob tug kawg. Raws li His Xais Lais kev cai, thaum lawv tuav txog His Xais Lais thiab Yus Das npe, kuj zoo tib yam lawv teev tag 12 xeem His Xais Lais thiab.
Hnub no peb hnov yaj saub Yes Les Mias cev Tswv Ntuj cov lus li no : “Txog lub caij lub nyoog kuv yuav pub kev nyob dawb nyob huv raws li kuv tau cog lus rau His Xais Lais tsev neeg thiab rau Yus Das tsev neeg.” His Xais Lais yog ib me nyuam haiv neeg dog dig tsis muaj hwj chim npaum li tej haiv neeg tej teb chaws loj Hais Nkws Tos, As Xis Lias, Npas Npis Los Nias…lawv tej teb chaws loj no. Thaum lawv cov teb chaws loj tuaj sib ntaus rog txeeb teb txeeb chaw, His Xais Lais tsis txaus lawv tej luj taws tsuj ua rau His Xais Lais teb puas tsuaj thiab ntsoog tas. Vim li ntawd, His Xais Lais thiaj li quaj hu ntuj thov Tswv Ntuj tuaj pab tuaj npo lawv ntawm lawv tej yeeb ncuab muab lawv tsim txom, rhuav lawv vaj tse, lwg lawv tej nyiaj kub nqa lawm thiab tseem cab lawv mus raug txim ua qhev rau pej kum teb. His Xais Lais nco ntsoov Tswv Ntuj txhais tes tau tiv thaiv His Xais Las ntawm vaj Fas Las Oos cov tub rog, coj lawv rov los txog lawv teb chaws. His Xais Lais tus vaj loj thiab muaj hwj chim tshaj yog Das Vis. Thaum Das Vis tseem ua vaj, Das Vis npaj txhim ib lub tuam tsev rau Tswv Ntuj tuaj nyob. Tiam sis Tswv Ntuj hais rau yaj saub Nas Tas kom mus hais rau vaj Das Vis paub : “Thaum koj hnub nyoog nchav txaus thiab koj yuav mus pw nrog koj cov poj cov yawm, txawm dhau koj lawm kuv yuav tuav rawv ib tug xeeb ntxwv yug hauv koj plab los kuv yuav hwj xwm nws lub theej kiab nyob mus li…Das Vis hais tias: Koj yog tus tsa koj haiv neeg His Xais Lais ua koj haiv neeg mus ib txhis, Huab Tais, koj tuaj yeem los ua nws tus Tswv Ntuj. Ziag no, Huab Tais Tswv Ntuj, nco ntsoov koj cov lus koj tau cog tseg rau koj tus tub txib, rau nws lub tsev thiab ua raws li koj tau hais rau nws. 2 Xas Muas7,12-13.24.25.” Yaj saub Yes Les Mias hais rau tsoom tub ki His Xais Lais cov poob siab tas rau Tswv Ntuj kom nco ntsoov, tsis txhob ntaus siab me, nco ntsoov khaws Tswv Ntuj tej lus puag thaum Tswv Ntuj tau hais rau yaj saub Nas Tas, hais rau vaj Das Vis…Txog lub caij lub nyoog Huab Tais yuav tuaj npo sawv daws kev txom nyem raws li Huab Tais cov lus tau hais tseg.
Yes Les Mias cov lus peb hnov hnub no kuj hais rau peb cov ntseeg tau ua siab me, tau yuam kev, tau ua xyem xyav rau Tswv Ntuj kom rov qab nco txog ras txog Tswv Ntuj kev hlub peb leej tib neeg, kom peb rov ua siab loj ib yam His Xais Lais thaum ub raug luag tsim txom, raug mus kaw nyob txim, raug mus ua qhev khawb av ua nyuj ua nees laij luag tej liaj teb ziab tshav. Zim txwv no, peb tsis ua leej tib neeg twg qhev, tsis ua tus nom twg qhev. Tiam sis thaum peb muab nyiaj yuav qaib npua los tua kho peb lub mob kom zoo. Peb ua dab qhev ib zaug tas, ob zaug tuaj peb zaug tuaj...Peb lub neej nyuaj siab tam sis no, peb kev txhawj xeeb tam sis no kuj tsis txawv ntau His Xais Lais thaum ub lawv kev nyuaj siab, keb txhawj xeeb thiab kev txom nyem. Qhov txawv, tsuas yog thaum ub thiab nyiam no peb nyias nyob nyias ib lub caij nyoog, nyias nyob nyias ib tiam neeg. Thaum ub, lawv raug tej vaj ntxwv huab tais khoo, quab yuam thiab tsim txom. Nyiam no, tsis muaj vaj ntxwv huab tais khoo peb. Tiam sis yog dab khoo, dab quab yuam, tsim txom kom peb tsis tau zoo nyob. Muaj ntau tus dab khoo peb, haub peb lub zim txwv no. Tsis yog peb tej dab Hmoob thiaj ua phem, tuaj haub tuaj ntxias peb xwb. Dab phem txawj txia ua ntau tus dab qus ntxias neeg. Muaj dab tub sab, dab tub nkeeg, dab quav dej quav cawv, dab quav yeeb, dab plhom plees plhom yis…Peb kev nyob ncaj ncaj dab los tsis ua, Tswv Ntuj los tsis teev, kuj yog raug ib hom dab tshiab tsis tau muaj npe ntxias sawv daws kom nyob ncaj. Ntiaj teb neeg tiam no feem ntau, yog raug hom dab no. Peb tsis txhob xav tias hom dab no tsis looj koov, tsis heev. Tsis muaj ib hom dab yuav zoo rau neej nyob txog qhov twg.
Nyob hauv cov teb chaws nplua nuj, neeg tau tau zoo nyob ncaj nyob dawb puag tes puag taw. Pw tshaib plab sawv los, siv siv zog noj tau tej niag plab rov mus pw tsa ceg cos rau tshav ziab niag tus hiav nti. Rov sawv los noj niag tus plab nruj nreem cuag Hmoob txav las npuas rog ntev niaj ntau hli, ntau xyoo…Yus rov ntsia yus zoo li tsis muaj txiaj ntsim dab tsi. Npua rog zoo tua noj, suav rog neeg rog txaus txhawj, txaus ntshai. Hmoob hais tias txawj noj ces noj tau zoo nyob, tsis txawj noj ces noj ua mob. Peb sim muab xav saib thaum lub neej poob zoo li no lawd, peb puas muaj siab qhuas tias zoo kawg, siv siv zog noj yeej, noj qab noj zoo ntxiv rau yog koob yog hmoov? Noj lwj noj liam dhau kev cai, lub cev, tej roj ntsha muaj mob, ua kab peem…puas yog koob hmoov los yog khaum thiab ua npog lawm ? Thaum ntawd, ho yuav tau phob ib tom nyiaj mus yuav tsiaj txhu, qaib npua los tua kho yus lub mob lub ntsaj saib puas nquag, puas khees. Peb yuav tau xav kom txaus txaus, ua ntej peb yuav liam dab phem dab looj koov, tus dab twg yuam kom peb noj loj npaum li ua kom peb plab ntxee ua mob kiag ? Tus dab ntawd lam muaj npe no ntshai yog tus phem tshaj tej. Nyias yuav tsum xav nyias kom zoo zoo saib tus dab ntawd npe hu li cas ? Tsis tas li xwb, nuj nqes tshuav ntau yuav them tiag. Tseem tau muab ib tom nyiaj mus yuav tej niag hnab tshuaj los noj, los txhaj ntoog yus lub mob lub ntsaj ua hnub ua hmo…Tej txhia, ho rho niag thooj nyiaj mus ntiav kws tshuaj muab yus phais ciaj, kaus yus roj, luas yus tej pav ywj lawm tsheej thoob pov tseg… Nej sim xav saib, thaum ntawd, peb lub cev, peb lub neej tsis yog raug xwv txheej no ho yog raug tus dab qas tsi ? Peb sim cuab pob ntseg mloog Lus Kas cov lus no : “Nyob saum daim av, tej teb chaws yuav txhawj xeeb vim dej ntuj yuav ntxeev yuav nphau muaj cua daj cua dos. 26 Yuav ua neeg ntshai tuag kus txhawj tej xwv txheej tuaj raug lub ntiaj teb, vim tej hwj huam txheej ntuj saud yuav nphau tag” Tej nyiaj yus plhom rau qhov noj, qhov haus, luam thuam nyiaj txiag kho yus tus dab mob txhob tim yus, tej nyiaj ntawd yuav siv muaj nuj nqes cawm tau 10 leej, 20 leej me nyuam pluag tau kawm ntaub kawm ntawv, cawm tau leej puav neeg txom nyem dim kev tuag tshaib...Ntiaj teb neeg kev mob kev ntsaj tsis yog xwv txheej tuaj raug lub ntiaj teb thiab yog dab tsi ? Tej neeg pluag tshaib plab tsis muaj noj tsis muaj haus, tuag tshaib…Yus kev poob nyiaj kho yus lub mob, vim yus noj luam thuam, ua yus plab ntxee, ua rau yus mob, tsis yog xwv txheej tuaj raug yus thiab yog dab qas tsi ? Peb thiaj yuav tau ceev faj txog cov lus peb hnov hnub no : “Nej ceev faj, tsam nej tej siab qaug rau txoj kev plhom, quav cawv thiab txob xeeb rau lub neej txhob cia tej hnub ntawd poob ncaj hnub nej tsis faj txog” Peb tsis txhob xav tias nyob ncaj ncaj yuav yog ib qho zoo rau peb tib neeg.

Ib tsoom phooj ywg Hmoob, Neeg Leej Tub yog tus yuav pab tau peb kho kom peb lub neej tsim txiaj, txhob liam txwv li tsiaj txhu : “Nej yuav ua neeg feeb meej, teev ntuj tsis tseg, nej thiaj yuav tsim nyog maim dhau txhua yam yuav tshwm sim tuaj thiab muaj ntsej muag sawv ntsug ntawm Neeg Leej Tub xub ntiag”.

Cwj Vuam Chiv 25.11.2009

COV ZAJ NYEEM RAU HNUB CHIV 22/11/2009

( Hnub chiv 34- xyoo B )

(Hais lus Hmoob - En Français)

• Zaj Nyeem 1 : Das Nias tsab ntawv (7,13-14)

13 Kuv yog Das Nias, ntuj tag hmo kuv pom hauv zaj npau suav, kuv ntsia zoo li neeg leej tub nrog ib co iab oo tuaj saum ntuj tuaj. Nws txawm hla los mus cuag ib tug neeg laus, muaj tus coj nws mus txog ntawm tus ntawd xub ntiag.
14 Luag muab hwj huam, hwj chim thiab vaj ntxwv cob rau nws. Tas txhia haiv neeg, txhia teb chaws, txhia xeem lus tiam nws. Nws lub hwj huam ua hwj huam nyob mus li tsis dua taw thiab nws ua vaj kav lub vaj teb vaj chaw tsis txawj puas ntsoog.

• Zaj Nyeem 2 : Ntawv Qhib Yav Tom Ntej (Ap 1, 5-8)

5 Txais txiaj ntsim thiab kev thaj yeeb tuaj ntawm Yes Xus Pleev, uas yog tus Tim Khawv pheej xeeb, tus xub yug hauv cov tub tuag los, tus tswj kav tsoom vaj nyob ntiaj teb.
Nws nyiam peb, nws tau muab nws cov ntshav los ntxuav peb cov txhaum.
6 Nws tsa peb ua ib haiv neeg, ua ib co Leej Choj teev nws Leej Txiv Tswv Ntuj. Vim li ntawd, mas lub koob meej thiab lub hwj chim tswj fwm yog nws tug tas ib txhiab ib txhis. Ua li.
7 Ntsia saib ! Nws nrog cov huab los. Txhua leej txhua tus yuav pom nws, cov tau nkaug nws kuj yuav pom. Tas txhua haib neeg nyob ntiaj teb yuav quaj yuav nyiav vim nws. Yuav muaj tseeb li ntawd.
8 Huab Tais Tswv Ntuj hais tias : "Kuv yog As Fas thiab Os Mes Nkas"; kuv yog Tus Nyob, Tus Ib Txwm Nyob, Tus Tab Tom Los.
Kuv yog tus Muaj Hwj Huam tas nrho."

• Zam Ntawv Moo Zoo (18,33-37)

33 Pis Las Tos rov chaws mus txog hauv kem tsev txiav txim, nws hu Yes Xus thiab nug tias : "Koj puas yog cov Yus Das tus vaj ?"
34 Yes Xus teb tias : "Koj hais koj tus kheej li ntawd, los yog muaj neeg tau piav kuv rau koj?"
35 Pis Las Tos teb tias : "Saib kuv puas yog neeg Yus Das ? Koj lub teb chaws thiab cov thawj leej choj coj koj tuaj rau kuv. Koj tau ua dab tsi ?"
36 Yes Xus tsa ncauj hais : "Kuv lub vaj teb vaj chaw tsis yog hauv ntiaj teb no. Nyob li kuv vaj teb vaj chaw yog ntiaj teb no, kuv tej tub teg tub taws yuav tiv thaiv tsis pub kuv poob hauv cov Yus Das tes. Tam sim no kiag, kuv vaj teb vaj chaw tsis nyob qhov no."
37 Pis Las Tos teb nws tias : "Vaj yog koj, puas yog ?" Yes Xus teb tias : "Yog koj hais vaj yog kuv. Vim li ntawd kuv thiaj yug los thiab vim li ntawd kuv thiaj tuaj nyob ntiaj teb no kom xwv ua tim khawv txog tus tseeb. Leej twg txawm nrog tus tseeb nws mloog kuv lub suab.

(Mus nyeem tsab ntawv nthuav Ntawv Ntshiab)

LECTURES DE LA MESSE DU 22/11/2009

( Trente-quatrième dimanche - année B )
(Hais lus Hmoob - En Français)

• 1ère lecture : Lecture du livre de Daniel (Dn 7, 13-14)

Moi, Daniel, je regardais, au cours des visions de la nuit, et je voyais venir, avec les nuées du ciel, comme un Fils d'homme ; il parvint jusqu'au Vieillard, et on le fit avancer devant lui. Et il lui fut donné domination, gloire et royauté ; tous les peuples, toutes les nations et toutes les langues le servirent. Sa domination est une domination éternelle, qui ne passera pas, et sa royauté, une royauté qui ne sera pas détruite.

• 2ème lecture : Lecture de l'Apocalypse de saint Jean (Ap 1, 5-8)

Que la grâce et la paix vous soient données, de la part de Jésus Christ, le témoin fidèle, le premier-né d'entre les morts, le souverain des rois de la terre. A lui qui nous aime, qui nous a délivrés de nos péchés par son sang, qui a fait de nous le royaume et les prêtres de Dieu son Père, à lui gloire et puissance pour les siècles des siècles. Amen. Voici qu'il vient parmi les nuées, et tous les hommes le verront, même ceux qui l'ont transpercé ; et, en le voyant, toutes les tribus de la terre se lamenteront. Oui, vraiment ! Amen ! Je suis l'alpha et l'oméga, dit le Seigneur Dieu, je suis celui qui est, qui était et qui vient, le Tout-Puissant.

• Évangile de Jésus Christ selon saint Jean (Jn 18, 33-37)

Lorsque Jésus comparu devant Pilate, celui-ci l'interrogea : « Es-tu le roi des Juifs ? » Jésus lui demanda : « Dis-tu cela de toi-même, ou bien parce que d'autres te l'ont dit ? » Pilate répondit : « Est-ce que je suis Juif, moi ? Ta nation et les chefs des prêtres t'ont livré à moi : qu'as-tu donc fait ? » Jésus déclara : « Ma royauté ne vient pas de ce monde ; si ma royauté venait de ce monde, j'aurais des gardes qui se seraient battus pour que je ne sois pas livré aux Juifs. Non, ma royauté ne vient pas d'ici. » Pilate lui dit : « Alors, tu es roi ? » Jésus répondit : « C'est toi qui dis que je suis roi. Je suis né, je suis venu dans le monde pour ceci : rendre témoignage à la vérité. Tout homme qui appartient à la vérité écoute ma voix. »

Nruab Xyoo 34 Tim 22.11.2009


Ib tsoom niam txiv kwv tij neej tsa ntseeg Tswv Ntuj, mloog Tswv Ntuj lus,


Hnub no yog hnub xaus lub caij nyoog teev ntuj xyoo 2. Lwm hnub chiv tuaj, qhib dua ib lub caij nyoog teev ntuj tshiab, yog lub caij nyoog teev ntuj xyoo 3. Vim li ntawd, hnub no, yog zoo hnub zoo nyoog, tas tsoom ntseeg sawv daws hauv lub Koom Txoos Kav Tos Liv thoob ntiaj teb, peb ua hmoov nco Huab Tais Yes Xus lub txiaj ntsim ua Vaj Ntxwv kav lub sim ceeb qhov muag pom thiab kav lub sim ceeb qhov muag pom tsis tau.
Peb los ntxuav plig hauv lub Koom Txoos Kav Tos Liv, los ntseeg Tswv Ntuj, peb yug ua lub Koom Txoos cov tub ki, yug dua tshiab ua Tswv Ntuj cov me nyuam, ua Tswv Ntuj haiv neeg nyob saum daim npoo av. Peb lub neej nyob ntiaj teb no thooj li tej tib neeg, zoo tib yam li lwm haiv neeg tsis paub tsis ntseeg ntuj. Peb los sis yuav muaj cuab muaj yig, muaj vag muaj tse, muaj liaj muaj teb, muaj hauj lwm ua thiaj tsheej neeg, thiaj muaj noj muaj haus, thiaj ua neej xws luag. Peb zoo tib yam nkaus lwm leej lwm tus tib neeg nyob ntiaj teb. Ua li, puas muaj tej yam dab tsis ua tau peb txawv luag ntiaj teb tej haiv neeg ? Peb kuj muaj qhov txawv luag lwm haiv neeg thiab. Qhov peb txawv lwm haiv neeg no yog dab tsi ua rau peb txawv luag ? Qhov ua rau peb txawv luag no, tsis yog txawv sab nraum daim tawv, yuav ua rau neeg qhov muag pom xyeem. Qhov ua kom peb txawv luag, yog lub Cim Ntxuav peb tau txais hauv lub Koom Txoos Kav Tos Liv, Yes Xus lub Koom Txoos, peb ciaj ua Yes Xus kwv ua Yes Xus muam. Peb txawv vim peb yug dua tshiab, tsis yog neeg ntiaj teb nkaus li qub lawm xwb. Txawm peb lub cev ntaj ntsug tseem nyob ntiaj teb no, lub Cim Ntxuav hom peb ua qaum ntuj neeg lawm.
Yog li ntawd, ib tsoom niam txiv kwv tij phooj ywg, xyov nej xav li cas txog qhov no ? Nej paub tias nej yog neeg ntiaj teb thiab neeg qaum ntuj, ua li ntawd, puas ua kom nej zoo siab, los ua kom nej poob siab, los tsis ntxiv dab tsi rau nej hlo li ? Tsuas zoo li luag lwm haiv neeg tsis paub, tsis ntseeg Tswv Ntuj, nyob ncaj ncaj xwb, ntuj los tsis xav teev, dab los tsis xav ua. Los nej xav li tej txhia neeg xav hauv lawv nruab siab : Kuv ces, nyiaj los khwv txaus noj, tsis mus thov khawv leej twg; txuj ci los kawm txawj tsis vam txog leej twg pab lawm. Yus ua taus yus txiv, tsis vam, tsis ntshaw txog leej twg pab lawm…Tej txhia, tseem xav li no thiab : Cov neeg ntseeg Tswv Ntuj yog cov neeg pluag, neeg txom nyem, tsis paub txuj…Yus twb ua neej xws luag, muaj nyiaj txiag txaus, paub txuj paub ci tshab tas; laj mus mloog tej xib hwb thiab tej txiv plig hais lus; yus tseem paub txuj dua lawv; tawm rooj plaws, luag twb hu yus ua xib hwb, ua dov tawj diam…Yus tus kheej lub npe nrov txaus, nto nto koob meej lawm, yuav li ntawd. Laj mus nrog tej neeg ntseeg teev ntuj, muaj neeg pluag, neeg txom nyem, raug mob raug ntsaj coob tuaj zaum pawg lug; yus tsis xav mus pom lawv, yus tsis xav mus zaum, mus sawv phim tej me nyuam neeg dog dig ntawd, ua rau yus txaj muag, poob ntsej muag. Yus twb yog neeg loj, muaj hwj chim, muaj phooj ywg txawj ntse, yus paub tej neeg nplua nuj, paub tej kws txuj, tej dov tawj, tej nom tej huab tais…Cia mam ua qhov yooj yim thiab tau zoo li lawv tej xwb…Ua li sawv daws, txawm xyeej nkees thiab ces nkaum twj ywm tom tsev tsis mus ib taws teev ntuj...Tsoom phooj ywg sawv daws, qhov yus yuav rov nug yus tus kheej, yog li no : Peb yog Tswv Ntuj haiv neeg nyob ntiaj teb no. Peb xyaum coj li tus neeg ntseeg Tswv Ntuj, los peb yuav coj li tej neeg tsis hwm ntuj, ua li lawv ua rau yus pom ntawm qhov muag. Los tej zaum, twb tsis coj zoo npaum li lawv, twb tsis piv tau tej neeg coj dab qhuas thiab…Thaum zoo li no lawm, puas yuav phim ua Tswv Ntuj cov tub ki, hnub yus txais lub Cim Ntxuav, yus tau cog lus nrauj txoj kev phem, nrauj txoj kev txhaum pov tseg ?
Nyob hauv cov zaj nyeem hnub no, peb hnov hais txog neeg Leej Tub tus muaj hwj huam, muaj hwj chim ua vaj ntxwv kav lub vaj teb vaj chaw tsis txawj ploj, nyob mus li tsis txawj puas ntsoog. Peb yog neeg ntseeg Tswv Ntuj tiag, peb mloog Tswv Ntuj lus tiag, peb yog Tswv Ntuj tub ki nyob ntiaj teb no tiag…Peb txawm yog neeg dog dig, pluag, txom nyem, los neeg muaj, neeg nplua nuj; peb txawm yog neeg muaj mob pw nrom ca, los neeg noj qab nyob zoo ua neej cus plaws; peb txawm yog neeg pej xeem, noob qhe, neeg tub teg tub taws, los noob nom, ua huab tais ua nom ua tswv…Rau Tswv Ntuj, peb zoo tib yam loj sib luag, Tswv Ntuj hlub peb tib yam nkaus. Hmoob hais tias muaj vaj huam sib luag zos ntawm Tswv Ntuj. Muaj tib tug xwb thiaj loj dua : neeg Leej Tub thiaj yog tus loj dua cov, sawv daws thiaj pe thiab hawm nws : “Luag muab hwj huam, hwj chim thiab vaj ntxwv cob rau nws. Tas txhia haiv neeg, txhia teb chaws, txhia xeem lus tiam nws” Vim li ntawd, cov zaj nyeem hnub no, caw peb cuab pob ntseg mloog kom zoo. Peb muab Tswv Ntuj cov lus no coj los xav kom txaus rau peb txhua tus.
Muab piv li neeg ntiaj teb cov teb chaws muaj vaj ntxwv huab tais kav. Niaj hnub no, tus poj vaj Es Lis Xas Npes ua tus kav As Kiv teb. Peb kuj paub Thaib teb, muaj vaj ntxwv Thaib ua tus kav. Tam sis no, nws hnub nyoog nchav heev lawm. Nyob li Los Tsuas teb, ua ntej xyoo 1975, yog vaj ntxwv Sisavang Vong Vathana ua vaj kav neeg Los Tsuas. Txij li 1975 los txog zim txwv no, Los Tsuas teb hloov tsis muaj vaj ntxwv kav. Fab kis teb thaum ub kuj muaj vaj ntxwv Fab Kis. Tiam sis, xyoo 1793, tsoom pej xeem Fab Kis tau ntxeev siab ntes lawv tus vaj ntxwv Louis 16 tua pov tseg. Lawv xaiv ib tug pej xeem los ua lawv tus thawj, ua lawv tus nom, saib xyuas pej xeem Fab Kis. Lawv coj li ntawd los txog niaj hnub no. Yog peb nquag nyeem phau ntawv Ntshiab, peb paub His Xais Lais liv xwm. Thaum lub caij ua vaj Das Vis ntej, tsoom His Xais Lais nyob ua sab ua sua. Lawv tau mus ua qhev ntau tiam neeg nyob Hais Nkws Tos teb mus txog thaum Tswv Ntuj xa Mai Xes tuaj coj lawv khiav tawm Hais Nkws Tos tus vaj Fas Las Oos tes hla hav suab puam rov los nyob lawv teb chaws. Ntau tiam tom qab, Das Vis sawv ua His Xais Lais tus vaj xyoo 900 ua Yes Xus ntej…Ua li, peb pom tias ntiaj teb neeg tsis hais tiam neeg twg kuj puav leej muaj huab tais, muaj vaj ntxwv. Txawm yog tus vaj ntxwv twg, muaj hwj chim loj npaum twg, tsis muaj ib tug vaj ntxwv yuav nyob ua vaj kav ruaj thiab khov mus li. Tsis muaj dua ib tug twg yuav ciaj vaj ntau tiam. Vim neeg txoj sia luv luv. Neeg lub hwj chim qis qis. Neeg lub hwj chim yog neeg cev tes mus txeeb los, txhij neeg teg neeg taws nqa ntaj nqa hmuv, nqa riam phom mus rhuav mus tua lwm tus vaj. Mus txeeb luag tug los ua yus tug, nqa lawv tej nyiaj tej kub los ua yus li, txhim yus lub teb chaw, tsa yus lub theej kiab…Tus vaj ntxwv twg twb ua li ntawd. Vim neeg coj li ntawd. Neeg lub hwj chim tsis tsa lwm tus tib neeg kom sawv kom zoo. Neeg lub hwj chim tsuas muaj txo lwm tus tib neeg kom yau, rhuav tshem, ua kom puas, ua kom ploj mus. Neeg qia qia dub hwj chim, ntshaw ntshaw hwj chim tuav ruaj ruaj ntawm tes tsis tso, tsis faib tau ib qho rau tus twg. Vim li ntawd, neeg lub hwj chim txawv deb Huab Tais Tswv Ntuj lub hwj chim.
Tswv Ntuj muaj hwj huam loj, muaj hwj chim ntau. Tswv Ntuj tsis khuv xim muab nws tej hwj huam los pub rau cov neeg mloog nws lus, tsis khuv xim muab tag nws lub hwj chim pub rau cov neeg ncaj ncees tus me nyuam neeg dog dig los tus neeg loj ua luag txwj laus, tus zoo siab sawv Tswv Ntuj lub chaw, sawv Tswv Ntuj lub npe los hlub los plws tej neeg pluag. Yog li ntawd, peb thiaj pom cov leej ntshiab ua tau hwj huam yees ntxwv. Cov leej ntshiab muaj Tswv Ntuj lub hwj chim puv lawv siab. Yog lawv tus kheej xwb ua tsis tau dab tsi. Tiam sis vim lawv sawv Tswv Ntuj lub npe hlub leej tib neeg. Ces lawv ua tau tej yam tib neeg ua tsis tau. Sab nraum daim tawv, lawv yog tib neeg li luag tej. Tiam sis, nyob sab nruab siab, lawv yuav qaum ntuj siab. Lawv txawm ua tau tej yam neeg tsis muaj peev xwm ua tau.
Piv txwv li tus txiv plig Jean-Marie Vianney nyob lub zos Ars, ze lub nroog Lyon, Fab Kis teb. Tswv Qhia xa nws mus saib cov ntseeg hauv lub me nyuam zos deb nroog loj. Ars, yog ib lub me nyuam zos neeg pluag pluag thiab txom txom nyem. Xyoo 1824, nws qhib ib lub tsev kawm ntawv txais cov nyuam ntxhais pluag (La maison de la Providence). Nws yuav tsum yug mov tib si rau cov me nyuam. Muaj ib hnub, ob tug niam ua mov Jeanne-Marie Chanay thiab Catherine nkawd npaj ua mov rau cov me nyuam noj. Nkawd pom tias hnab hmoov nplej tshuav 2 nyuag nphauv tes hauv qab hnab. Yuav tsis txaus ua rau sawv daws noj. Nkawd mus hais rau txiv plig Jean-Marie tias tsis tshuav hmoov nplej txaus ua mov ci rau sawv daws noj yuav ua cas ? Txiv plig teb nkawd tias neb kav tsij mus npaj do hmoov nplej puab ncuav li txhia zaus. Nkawd rov los maj mam muab cov hmoov npej hauv qab hnab hliv qho me ntsis qho me ntsis hauv thoob tov dej xyaw, cev tes do zuaj li txhia zaus. Zoo li dej tsis txaus pheej muaj muaj qog. Ho rov hliv dej txhab thiab ho hliv hmoov nplej txhab tas zog thiab xuas tes do zuaj tsis tseg. Kov thiab kov ua cas tos nkawd pom thoob twb puv li txhia zaus txaus puab ncuav rau sawv daws noj, hmoov nplej twb tsis tag. Ua rau nkawd ceeb tag, nkawd hais qhia txiv plig. Nws teb nkawd tias : « Tswv Ntuj lub siab zoo, nws txuag nws cov pluag.» Tej lub cim zoo li no, yog hwj huam Tswv Ntuj pab tuaj txhawb Jean-Marie thiab nws cov me nyuam pluag.
Peb thiaj hais tias : Tswv Ntuj lub hwj huam txawv tej nom, tej vaj ntxwv tej hwj huam. Tswv Ntuj ua hwj huam los cawm neeg, zoo li txheej thaum ub tho kev hauv nruab nrab dej ntuj rau tsoom His Xais Lais hla dhau dej ua phab ntsa dej nyob sab xis thiab sab laug, los puas ua hwj huam txhawb txiv plig Jean-Marie Vianney yug mov rau cov me nyuam tshaib plab. Vim li ntawd, cov lus, nyob hauv Zam tsab Ntawv Moo Zoo peb hnov no, caw peb cov neeg ntseeg thiab caw ntiaj teb tib neeg kom tig mus ntsia tus tseem Vaj, tseem Huab Tais, tus muaj hwj huam thiab muaj hwj chim kav lub sim ceeb mus ib txhiab ib txhis. Pis Las Tos ua « préfet », ua nom kav His Xais Lais teb 10 xyoo, txij xyoo 26 txog xyoo 36. Nws yog neeg Los Mas. His Xais Lais cov thawj leej choj npau taws rau Yes Xus. Lawv pom Yes Xus ua tau hwj huam ntau zaus kho cov neeg tuag ceg rov mus taus kev, kho cov dig muag rov pom kev, tsa cov tuag ciaj rov los. Lawv tsis tau hnov dua leej twg muaj cuab kav hu nws tus kheej ua Tswv Ntuj Leej Tub. Lawv tsis txaus siab, vim Yes Xus hais tias Yes Xus nqes saum ntuj los, Yes Xus yog Tswv Ntuj Leej Tub. Vim li ntawd, lawv ntxub Yes Xus, lawv hais tias Yes Xus vwm. Lawv tso tub rog tuaj ntes Yes Xus coj mus rau Pis Las Tos tua pov tseg. Tiam sis nyob hauv cov Los Mas txoj cai, ua ntej yuav tua ib tug neeg pov tseg, yuav tsum nug nws lub txim, nws tau ua txhaum loj li cas, puas tsim nyog tuag los tsis tsim nyog. Lawv kuj tsis lam taus lam tua neeg. Yuav tsum nrhiav cov ua tim khawv pom tus neeg phem lub txhaum. Pis Las Tos xav paub saib Yes Xus tau ua txhaum loj dab tsi. Rau Pis Las Tos, lub txim txhaum cov thawj leej choj xav kom tua Yes Xus, vim Yes Xus tau hais tias Yes Xus yog Tswv Ntuj Leej Tub. Tsis yog ib lub txim loj tsim nyog muab Yes Xus tua. Pis Las Tos thiaj nug Yes Xus, xav paub saib Yes Xus yog leej twg : “Koj puas yog cov Yus Das tus vaj ?... Koj lub teb chaws thiab cov thawj leej choj coj koj tuaj rau kuv. Koj tau ua dab tsi ?” Yes Xus teb tias : “Kuv lub vaj teb vaj chaw tsis yog hauv ntiaj teb no.” Nyob hauv nkawd cov lus peb hnov hnub no, Zam xav qhia rau peb paub tias Yes Xus yog Vaj Ntxwv thiab Huab Tais kav lub sim ceeb mus txhiab niag tim puas xyoo : “Pis Las Tos teb nws tias : "Vaj yog koj, puas yog ?" Yes Xus teb tias : "Yog koj hais vaj yog kuv…” Yog vim li ntawd, hnub no, yog ib hnub zoo hnub zoo nyoog. Peb yuav nco ntsoov khaws tsab ntawv Moo Zoo no hauv nruab siab. Peb yuav tsis txhob xav yuam kev li cov thawj leej choj pom Yes Xus ua hwj huam ntau yam cawm tej neeg mob, neeg raug txom nyem zoo ntau leej los lub siab ntsws twb tsis ras, tsis nthuav. Lawv twb tsis thim xav, twb tsis ntseeg, twb tsis hwm tias Yes Xus yog Tswv Ntuj Leej Tub. Lawv tseem coj Yes Xus mus tua, muab rau Pis Las Tos dai saum ntoo cuam nrog cov neeg phem thiab tub sab ua ib nqag. Pis Las Tos thiaj txaug ib daim phiaj ntawv ceeb toom dai saum toj tus ntoo cuam : “Yes Xus, Nas Xas Les, Vaj Yus Das”. Peb twb paub tias Yes Xus nqes saum ntuj los. Yes Xus muaj hwj huam loj pab tau leej tib neeg txhua leej txhua tus. Peb haj tseem tsis tso siab rau Yes Xus, tsis ntseeg Yes Xus kom tag peb lub siab ib yam cov thawj leej choj. Peb yeem mus mloog tej saub cuav, yeem mus mloog tej txiv neeb txiv yaig, cia lawv tej dab neeb kho yus qhov mob. Muab nyiaj muab txiaj ntiav txiv neeb, muas tsiaj txhu thiab xyab ntaw los kho yus, vim txiv neeb kom ua li ub ua li no, ua li hmoob ua kam…Tej yam cov neeg ntseeg ua no, yog nkaus li cov neeg ntseeg coj Yes Xus mus rau cov txiv neeb tua tib yam li cov thawj leej choj coj Yes Xus mus rau Pis Las Tos tua thiab. Vim peb tsis tso siab tiag tiag rau Yes Xus, tam li peb thuam Yes Xus. Ib yam cov thawj leej choj tsis ntseeg Yes Xus, Yes Xus hais tseeb tias nws yog Tswv Ntuj Leej Tub tseem tub qaug lawv thiab. Lawv tuaj ntes Yes Xus mus tua. Peb leej twg rov mus thawj txiv neeb, yog peb tso Yes Xus pov tseg, peb rov rhuav Yes Xus peb tsis khuv xim Yes Xus.

Tseem tshuav ntau yam yuav piav, tiam sis peb yuav ua zaug piav ua zaug hais tsis tas hnub no. Tej zaum cov lus peb yuav khaws yog li no : Yes Xus yog tseem Vaj thiab Huab Tais ciaj sia muaj hwj huam loj nyob mus li peb yuav teev yuav hawm. Yog peb tsis tso siab rau Yes Xus kom tag siab ntsws, peb zoo li cov thawj leej choj ntxeev siab coj Yes Xus mus rau tej tib neeg dog dig rhuav tua pov tseg.

Cwj Vuam Chiv 17.11.2009

COV ZAJ NYEEM RAU HNUB CHIV 15/11/2009
( Hnub chiv 33- xyoo B )

(Hais lus Hmoob - En Français)

• Zaj Nyeem 1 : Tsab Ntawv Das Nias (12,1-3)

1 Kuv yog Das Nias, kuv hnov lo lus no ntawm Haub Tais : Thaum lub caij nyoog ntawd, ntuj cov tshiab tus thawj, Miv Ka, tus saib xyuas koj haiv neeg, nws yuav sawv tsees los. Yog ib lub caij txhawj xeeb loj tsis tau pom dua ib zaug txij thaum xeeb muaj tej teb chaws los. Tiam sis lub caij ntawd, kuj yog kev cawm yuav tuaj rau koj haiv neeg thiab tag rau cov muaj npe hauv Tswv Ntuj phau ntawv.
2 Muaj neeg coob tsaug zog hauv ntiaj teb cov plua av yuav tsim dheev los : tej txhia yuav muaj sia nyob mus li, tej txhia yuav poob ntsej muag thiab poob qab mus ib txhis.
3 Cov thoob tsib yuav nra paug npaum nkaus txheej ntuj saud thiab cov thawj neeg ncaj ncees rau ib zeej tsoom yuav ntsa iab npaum cov hnub qub mus txhiab niag tim puas xyoo.

• Zaj nyeem 2 : Hes Nplaws (He 10, 11-14.18)

11 Cov leej choj niaj hnub sawv ntsug leg lawv txoj kab xwm, lawv rov cev cov thaj txi Ntuj ntau zaus, tab sis cov thaj txi Ntuj tsis muaj hwj huam daws txhaum tau.
12 Hos Leej Pleev, mas nws tsuas cev thaj txi Ntuj daws txhaum ib zaug xwb, ces nws zaum ntawm Tswv Ntuj phab xis mus li.
13 Nws tos kom Ntuj muab nws cov yeeb ncuab los ua rooj rau nws tiag taw lawm xwb.
14 Leej Pleev tsuas cev paj tshab ib zaug xwb, ces nws ua tau kom cov uas nws tau ntxuav lawv huv lawd zoo tiav nto ntsis.
18 Thaum Ntuj zam txhaum tas, mas tsis tas yuav rov ua thaj txi Ntuj them txhaum ntxiv.

• Mas Kos Ntawv Moo Zoo (13,24-32)

24 Yes Xus piav txog nws yuav tuaj rau nws cov thwj tim : “Thaum lub caij ntawd, kev txhawj xeeb loj dua tag, lub hnub yuav tsaus ntais, lub hli yuav qauj les.
25 Cov hnub qub yuav poob saum ntuj los, cov hwj huam txheej ntuj saud yuav nphau tag.
26 Luag yuav pom neeg Leej Tub tuaj saum iab oo tuaj, muaj hwj huam loj thiab muaj hwj chim.
27 Nws yuav xa cov Tshiab mus sau tag cov muaj npe nyob plaub ceg kaum ntuj, txij npoo ntiaj teb mus txog tim npoo ntuj.
28 Kom zaj piv txoj lus txog tsob txiv ncuav pias qhia nej paub : Txij thaum nws cov ceg pib zooj thiab nplooj pib nthaw, nej paub ntsoov lub caij sov tuaj txog ze lawm.
29 Nej thiab, kuj zoo tib yam nkaus, thaum nej pom tej yam xwm ntawd tshwm, nej paub ntsoov neeg Leej Tub tuaj txog ze, ntawm nej qhov rooj.
30 Kuv hais tseeb rau nej : tej ntawd twb yuav tshwm sim ua ntej phaj neeg no twb tsis tau dua tas.
31 Lub ntuj lub teb yuav dua mus, kuv cov lus yuav tsis txawj dua taw.
32 Hnub nyoog thiab sij hawm twg, tsis muaj tus paub tau, tsis hais cov Tshiab nyob saum ntuj, tsis hais neeg Leej Tub, kawg Leej Txiv tus kheej xwb”.

(Mus nyeem tsab ntawv nthuav Ntawv Ntshiab)

LECTURES DE LA MESSE DU 15/11/2009

( Trente-troisième dimanche - année B )

(Hais lus Hmoob - En Français)

• 1ère lecture : Lecture du livre de Daniel (Dn 12, 1-3)

Moi, Daniel, j'ai entendu cette parole de la part du Seigneur : « En ce temps-là se lèvera Michel, le chef des anges, celui qui veille sur ton peuple. Car ce sera un temps de détresse comme il n'y en a jamais eu depuis que les nations existent. Mais en ce temps-là viendra le salut de ton peuple, de tous ceux dont le nom se trouvera dans le livre de Dieu. Beaucoup de gens qui dormaient dans la poussière de la terre s'éveilleront : les uns pour la vie éternelle, les autres pour la honte et la déchéance éternelles. Les sages brilleront comme la splendeur du firmament, et ceux qui sont des maîtres de justice pour la multitude resplendiront comme les étoiles dans les siècles des siècles. »

• 2ème lecture : Lecture de la lettre aux Hébreux (He 10, 11-14.18)

Dans l'ancienne Alliance, les prêtres étaient debout dans le Temple pour célébrer une liturgie quotidienne, et pour offrir à plusieurs reprises les mêmes sacrifices, qui n'ont jamais pu enlever les péchés. Jésus Christ, au contraire, après avoir offert pour les péchés un unique sacrifice, s'est assis pour toujours à la droite de Dieu. Il attend désormais que ses ennemis soient mis sous ses pieds. Par son sacrifice unique, il a mené pour toujours à leur perfection ceux qui reçoivent de lui la sainteté. Quand le pardon est accordé, on n'offre plus le sacrifice pour les péchés.

• Evangile : Évangile de Jésus Christ selon saint Marc (Mc 13, 24-32)

Jésus parlait à ses disciples de sa venue : « En ces temps-là, après une terrible détresse, le soleil s'obscurcira et la lune perdra son éclat. Les étoiles tomberont du ciel, et les puissances célestes seront ébranlées. Alors on verra le Fils de l'homme venir sur les nuées avec grande puissance et grande gloire. Il enverra les anges pour rassembler les élus des quatre coins du monde, de l'extrémité de la terre à l'extrémité du ciel. Que la comparaison du figuier vous instruise : Dès que ses branches deviennent tendres et que sortent les feuilles, vous savez que l'été est proche. De même, vous aussi, lorsque vous verrez arriver cela, sachez que le Fils de l'homme est proche, à votre porte. Amen, je vous le dis : cette génération ne passera pas avant que tout cela n'arrive. Le ciel et la terre passeront, mes paroles ne passeront pas. Quant au jour et à l'heure, nul ne les connaît, pas même les anges dans le ciel, pas même le Fils, mais seulement le Père. »

Nruab Xyoo 33 Tim 15.11.2009

Ib tsoom niam txiv kwv tij neej tsa mloog Tswv Ntuj lus qhuab qhia,

Lub caij lub nyoog dua ntais, tsis muaj pes tsawg hnub twb tag ib lis piam. Twb rov txog lub caij lub nyoog peb tuaj sib sau, tuaj mloog Tswv Ntuj lo lus ntuas peb.

Raws li cov lus peb hnov hauv zaj nyeem ib thiab hauv Mas Kos tsab ntawv Moo Zoo hnub no, puav leej hais txog tib lub ntsiab lus : hais txog hnub ntiaj teb kawg. Txawm yog lub ntiaj teb daim av, tej roob zeb roob tsuas, tej kwj ha nyuam dej me, niam dej loj, dej hiav txwv; tej xyoob ntoo, tsiaj txhu thiab peb leej tib neeg… Muaj ib hnub twg yuav yog hnub xaus, ib hmo twg yuav yog hmo kawg rau tas puas tsav puas yam. Tsis muaj hnub tshiab yuav tawm tuaj, tsis tshuav lwm hmo yuav tawm los : “lub hnub yuav tsaus ntais, lub hli yuav qauj les. Cov hnub qub yuav poob saum ntuj los, cov hwj huam txheej ntuj saud yuav nphau tag.” Tsis yog thawj zaug peb hnov hais cov lus no. Yog li ntawd, peb txhua tus puav leej paub tias ntuj yuav kawg ib hnub twg, muaj ib hmos teb yuav xaus. Tsis yog Tswv Ntuj yuav hais cov lus no hem kom peb txhawj los kom peb ntshai. Vim tab peb txawm txhawj tab peb txawm ntshai, los peb yuav ua tsis tau dab tsi los cheem hnub kawg hmo xaus tsis pub muaj. Tswv Ntuj hais cov lus no txib cov neeg mloog lus, Tswv Ntuj tsuas qhia cov neeg ncaj zoo siab ua Tswv Ntuj cov tub txib kom qhuab qhia rau tib neeg paub kom ua siab loj, ua siab ntev, ua neeg ncaj ua neeg zoo hauv ntiaj teb no. Tib neeg txoj sia yeej yuav ploj yuav tu ib hnub twg hauv ntiaj teb no, vim lub neej mus li ntawd. Tiam sis neeg txoj sia yuav piam tseem ib hnuib twg vim yuav muaj ntau yam xwv txheej tuaj raug tib neeg thiab lub sim ceeb. Tsis yog vim li ntawd, sawv daws yuav txhawj, yuav ntshai. Tiam sis vim yus paub ua ntej yuav muaj tej yam xwv txheej loj, nyias thiaj li yuav npaj nyias tej siab ntsws kom ruaj txhob txhawj.

Tib neeg txoj sia txawm piam sij tas hauv ntiaj teb no, nqaij ciab zib, txha ua txha plhaub mag. Txawm nqaij thiab txha yaj ua av luaj dag lawm. Rau peb tib neeg tsis muaj hwj huam ces cuag li yog yaj ntshis. Tib neeg twg siav tu ces cuag li yuav ploj mus lawm niaj txhiab ib txhis. Tiam sis rau Huab Tais Tswv Ntuj muaj hwj huam, leej tib neeg zoo, tus tib neeg ncaj ncees cev nqaij thiab txha txawm yuav yaj tag ua plua tshauv, sawv ncho ua plua av tiam dhau tiam lawm. Los tus neeg lub txiaj ntsim siab loj siab dav, neeg ncaj neeg zoo yuav nyob nraim tsis ploj hauv Tswv Ntuj nplooj siab nplooj ntsws : “Tiam sis lub caij ntawd, kuj yog kev cawm yuav tuaj rau koj haiv neeg thiab tag rau cov muaj npe hauv Tswv Ntuj phau ntawv”. Thaum chiv lub keeb Tswv Ntuj muab av luaj los puab ua neeg thiab tshuab pa tis siav rau neeg ciaj saib daim av. Thaum hnub kawg, kuj tib yam, Tswv Ntuj yuav muab tib neeg zoo tej plua av plua tshauv tsa kom ciaj sia mus nyob ntawm Tswv Ntuj xub ntiag. Thaum chiv lub keeb Tswv Ntuj tsim neeg nyob saib daim av. Thaum hnub ntiaj teb kawg, Tswv Ntuj sau tej plua av neeg nqaij thiab txha txia los ua kom sawv muaj txoj sia tshiab mus lawm saum ntuj nyob txhiab niag tim puas xyoo : “Muaj neeg coob tsaug zog hauv ntiaj teb cov plua av yuav tsim dheev los : tej txhia yuav muaj sia nyob mus li, tej txhia yuav poob ntsej muag thiab poob qab mus ib txhis” Tib neeg lub neej nyob ntiaj teb yuav hloov, yuav plhis lis plho muaj hwj huam, muaj hwj chim. Ntiaj teb tib neeg lub neej tsis kawg tsis suaj kaum rau daim av peb qhov muag pom thiab raws li peb zaj tswv yim neeg xav tau xwb. Peb tsis yog nroj tsuag thiab tsiaj txhu kab kooj kab ntsaum, nas kos nas kauv, nab raj nab rawm los tsov txaij nrob nraum…Rau tej tsiaj txhu ntuj kawg xub zeb teb kawg xub ntoos. Rau tib neeg, lub ntuj tshiab tseem yuav tuaj, tseem yuav tshwm los hloov lub ntiaj teb qub no. Yog lub ntiaj teb no tsis kawg, lub sim ceeb tshiab yuav tsis sawv tsis tshwm los.

Thaum chiv lub keeb, Tswv Ntuj tsim lub sim ceeb qhov muag pom thiab lub sim ceeb qhov muag pom tsis tau. Zoo li Tswv Ntuj tsim peb cev nqaij thiab ntsuj plig (neej sab thiab dab sab). Tswv Ntuj tsim muab ntuj cov tshiab muaj hwj chim qhuas Tswv Ntuj lub koob meej, ua Tswv Ntuj cov tub txib cev Tswv Ntuj lus. Muaj peb leeg thawj ntawm Tswv Ntuj tsoom tshiab Tswv Ntuj qhia npe rau tib neeg paub : Lam Faiv (Raphaël), Nkas Nplias (Gabriel) thiab Miv Ka (Michel). Lam Faiv, yog tus tshiab qhib yawg Tos Npis dig muag rov pom kev thiab coj ke rau nws tus tub mus yuav nyab. Peb nquag nyeem Yes Xus lub Moo Zoo, phim peb yuav nco thiab yuav paub Nkas Nplias, yog tus tshiab Tswv Ntuj xa tuaj cev lus rau nkauj Xwb Mab Liab : koj cev yuav xeeb tub, koj yuav tis nws npe hu ua Yes Xus, yog tus nyob siab Leej Tub. Miv Ka, yog tus Tswv Ntuj yuav xa mus tshawb nrhiav ntiaj teb tib neeg tej npe. Hnub peb txais lub Cim Ntxuav, peb tau hu cov leej ntshiab thiab ntuj cov tshiab tuaj vij tuaj pov hwm peb tiv dab Xas Tas. Peb tau sau peb cov npe cia rau lub Koom Txoos phau ntawv ntxuav plig : “Thaum lub caij nyoog ntawd, ntuj cov tshiab tus thawj, Miv Ka, tus saib xyuas koj haiv neeg, nws yuav sawv tsees los” Miv Ka kuj yog tus yuav sawv tiv dab phem Xas Tas nyob saum ntuj. Xas Tas yuav txia ua Zaj Laug nqos thawj tug me nyuam tub yug ntawm ib tug poj niam los. Miv Ka yog tus yuav mus sau tej plua av neeg nqaij thiab txha txia ua kom tas mus saum ntuj : “Luag yuav pom neeg Leej Tub tuaj saum iab oo tuaj, muaj hwj huam loj thiab muaj hwj chim. Nws yuav xa cov Tshiab mus sau tag cov muaj npe nyob plaub ceg kaum ntuj, txij npoo ntiaj teb mus txog tim npoo ntuj” Tus yuav sawv los tiv Neeg Leej Tub yog Xas Tas, tus ntxias neeg kom yuam kev. Miv Ka yuav nrog Xas Tas thiab nws cov dab sib ntsuas zog.

Hnub kawg yuav muaj xwv txheej loj, tej hnub qub yuav poob saum ntuj los, tej hwj huam txheej ntuj saum yuav nphau tag…tej yam peb pom thiab peb lub siab xav tau no txawm ua yus ntshai, ua yus txhawj loj npaum twg, twb tsis cuag qhov yus yuav txhawj thiab ntshai tiag : yog yus tej txhaum. Qhov txaus txhawj txaus ntshai tiag, yus tej txhaum ua rau Miv Ka pab tsis tau yus kom sawv los nrog tsoom neeg zoo neeg ncaj mus saum ntiaj teb tshiab cuag Tswv Ntuj. Tam zoj yus sawv tuaj Xas Tas tog tiv Miv Ka, ciaj dab Xas Tas. Yus txawm xav thiab tsis xav, los mus li ntawd, Miv Ka pab tsis tau yus. Neeg Leej Tub sawv saum iab oo ntsia yus khuv xim yus poob rau hnub tsaus ntais, hmo hli qauj les mus ib txhis. Puas yog yus khaum ? Tsis yog khaum li Hmoob hais, tsis yog ntuj nplua yus los ntuj muab yus tso pov tseg. Hnub kawg hnub xaus yuav muaj raws li yus pom yus xav thiab yuav muaj tej yam tshiab tshwm tuaj sim neej neeg lub siab thiab lub tswv yim xav tsis txog. Peb tsis txhob xav tias hnub xaus hnub kawg tseem tshuav ntev pes tsawg niaj pes tsawg tiam. Hnub xaus hnub kawg twb pib sawv yog tsis tau txog caij txog nyoog xaus xwb : “Kuv hais tseeb rau nej : tej ntawd twb yuav tshwm sim ua ntej phaj neeg no twb tsis tau dua tas”.

Yog li ntawd, hnub kawg twb pib lawm. Peb txoj hauj lwm yog mloog Yes Xus lus qhia npaj tos hnub kawg. Hais txog cov muaj npe sawv mus saum lub ntuj tshiab thiab cov tuaj dab Xas Tas tog tiv tus tshiab Miv Ka, peb yuav to taub li cas ? Yog peb ntsia tej yam xwm tshwm hauv neeg lub neej, tej xwm ntawd yuav qhia peb to taub txog hnub ntiaj teb kawg vim li cas tej txhia muaj npe mus saum lub ntuj tshiab, tej txhia ho yuav poob ntsej muag poob qab mus ib txhis. Yes Xus kom peb ntsia tej nroj tsuag, saib tsob txiv ncuav pias. Ces yus paub lub ntuj so yuav tuaj. Los puas muab ua piv txwv zoo li nyob hauv ib yig neeg : Niam thiab txiv yug tau ib tse me nyuam. Hmoob hais tias yug tau cev, yug tsis tau siab. Cov me nyuam yus yug, muaj cov mloog lus ces ua neeg tsim txiaj, ua lub neej ntsiag to. Tus tsis mloog lus ces ua teeb meem ib hnub loj zuj zus. Koj hlub los nws hais tias koj hlub tsis txaus. Koj qhuab los nws tsis yuav, koj hais los ntsej tsis to qhov tsis mloog yus ua niam ua txiv lus. Nws yuav nws zaj. Koj qhia qhov zoo, nws mus ua qhov rhuav plhu, haus dej haus cawv, quav yeeb quav tshuaj, tub sab tub nyiag, huab noj huab haus, tua neeg…Ua rau yus kev tws tag. Yus hlub yus tus me nyuam npaum twg los zoo li yus hlub pov tseg tsis muaj ib qho txiaj ntsim.

Peb tej txhaum rau Tswv Ntuj zoo tib yam nkaus li ntawd. Hnub txiam txim ntiaj teb kawg, tsis yog Tswv Ntuj tsis hlub peb, tsis pab peb, tso peb pov tseg…Tswv Ntuj xav pab peb kawg li thiaj tso tej saub tuaj qhuab tuaj qhia peb los peb sij ua tsis tau zoom nyiam, peb tsis mloog, tsis khaws Tswv Ntuj tej lus ib los ua tshuaj kho peb lub mob. Tswv Ntuj xa ib tug saub tuaj ua ntej tas tsis txaus. Ho xa dua lwm tus saub tuaj lawv qab los tib neeg tsis hloov neeg lub siab phem. Tseem niaj hnub sib cav sib ceg, tug tsis zam tug, ib leeg pauj rau ib leeg, sib ntxub sib ntaus sib tua…Tswv Ntuj thiaj ua ib siab xa nws Leej Tub Huab Tais Yes Xus yug ua leej tib neeg kom neej muag pom xyeem, ntsej hnov Tswv Ntuj ncauj lus hais. Los tib neeg tseem tsis lees paub Yes Xus yog Tswv Ntuj Leej Tub. Muab Yes Xus ntes tua tuag dai qas ncuv saum ntoo cuam ris lub nra neeg phem, tau lub npe thiab ev lub ntsej muag tub sab. Tswv Ntuj kev hlub tib neeg zoo li pov tseg dawb tam zoj yus hlub yus tus me nyuam tawv ncauj tsis muaj nuj nqes. Vim li no, hnub kawg, peb tej txhaum ua rau Tswv Ntuj kev kuj tws pab tsis tau peb. Yog vim li ntawd, tsis yog Tswv Ntuj xwb tim tsis xav pab peb. Tsis yog Tswv Ntuj nplua peb, tso peb pov tseg. Peb cov tsis muaj npe mus saum lub ntuj tshiab, hnub txiav txim hnub kawg, neeg Leej Tub nrog Miv Ka thiab tsoom tshiab tuaj sau ntiaj teb neeg cov npe, peb yuav nyob peb, nyob twj ywm hauv peb tej txhaum. Yog kev ciaj dab Xas Tas tub ki. Vim ib txwm Xas Tas yeej tiv Tswv Ntuj tsis mloog ntuj lus ib yam li tus me nyuam tawv ncauj tsis mloog niam mloog txiv lus.

Cov muaj npe mus saum ntuj yuav ci ntsa iab npaum cov hnub qub. Vim lawv muaj neeg Leej Tub lub hwj chim ua tsoos tsho rau lawv hnav. Thaum hnub ntiaj teb kawg, ntuj yuav tsaus thiab hli yuav qauj mus li. Cov neeg thoob tsib neeg ncaj ncees yuav ci ntsa iab los taj lub hnub thiab lub hli mus ib txhis phim Neeg Leej Tub lub hwj chim : “Cov thoob tsib yuav nra paug npaum nkaus txheej ntuj saud thiab cov thawj neeg ncaj ncees rau ib zeej tsoom yuav ntsa iab npaum cov hnub qub mus txhiab niag tim puas xyoo”

Tsoom phooj ywg Hmoob ntseeg Yes Xus, Huab Tais cov lus qhia hnub no, tsis yog lus hem peb leej twg. Yog ib co lus ceeb toom, lus qhuab qhia kom sawv daws ua siab loj siv zog nrauj peb lub siab phem pov tseg. Peb yuav xyiv fab tas mus li ua qhov zoo tsis tseg. Hnub kawg, peb thiaj tsis poob ntsej muag. Peb yuav muaj Tswv Ntuj txoj sia ua peb tug.


Cwj Vuam Chiv 9.11.2009

COV ZAJ NYEEM RAU HNUB CHIV 08/11/2009
( Hnub chiv 32- xyoo B )

(Hais lus Hmoob - En Français)

• Zaj Nyeem 1: Phau Ntawv Vaj Ib (17,10-16)

10 Es Lis thiaj sawv kev mus rau Xas Les Tas. Thaum nws mus txog ntawm ncauj ke ntug zos, muaj ib tug poj ntsuam tseem khaws khaub tawg, nws thiaj hu thiab nug tias : « Koj puas kam muab koj lub tshob nqa ib qho dej tuaj kuv haus »
11 Nws txawm tig zoj mus nqa dej, Es Lis rov hais nws tias : « Koj nqa ib thooj mov hauv koj tes tuaj thiab ».
12 Nws teb tias : « Kuv tsa tes tau rau koj tus Huab Tais Tswv Ntuj ciaj sia ! Kuv tsis muaj mov siav ; kuv tsuas tshuav kiag ib teg hmoov nplej hauv qab hub thiab me me roj hauv qab taig. Kuv tuaj khaws ob tug taws coj mus khee ua rau kuv tus tub wb noj. Thaum wb noj tas wb mam tuag. »
13 Es Lis teb nws tias : « Tsis txhob txhawj, mus ua li koj hais. Tiam sis, koj xub npaj puab ib lub ncuav siav rau kuv tso : Koj mam li ua rau koj thiab koj tub.
14 Saib, Huab Tais, His Xais Lais tus Tswv Ntuj hais tias : Hub hmoov nplej tsis txawj tag, tais roj tsis txawj nqhuab mus txog thaum Huab Tais tso nag los ywg daim av.
15 Tus poj niam mus ua raws li Es Lis tau nug, tus saub thiab tus poj niam thiab nws tus tub tau mov noj ntev loo.
16 Hub hmoov nplej tsis txawj tag, tais roj tsis txawj nqhuab xws li Huab Tais tau hais tawm ntawm Es Lis lub ncauj.

• Zaj nyeem 2 : Hes Nplaws (He 9, 24-28)

24 Leej Pleev chaws mus hauv ib lub tsev Ntshiab uas tsis yog neeg txhais tes txhim, thiab tsis yog ib lub tsev ua piv txwv txog lub saum ntuj : Leej Pleev mus saum ntuj lawm tiag. Leej Pleev thiaj tawm los nyob ntawm Tswv Ntuj xub ntiag, nws cev lus pab peb.
25 Tsis tas Leej Pleev yuav rov cev nws rau Tswv Ntuj ob peb zaug, xws li tus tuam leej choj uas niaj xyoo nws yuav tsum rov mus cev ib co ntshav uas tsis yog nws cov ntshav nyob hauv Kem Ntshiab.
26 Yog Leej Pleev tsuas ua leej choj xws li lwm cov leej choj xwb, mas txij ntuj tsim teb raug los nws yuav tsum raug txom nyem ntau zaus. Tab sis thaum txog lub zwj ceeb kawg, nws tawm los ib zaug xwb, nws los ua nws thaj txi Ntuj rhuav kev txhaum pov tseg.
27 Leej tib neeg tsuas tuag ib zaug xwb, dhau qhov tuag lawm, yog lub caij txiav txim.
28 Leej Pleev rov muab nws txi Ntuj ib zaug xwb, kom nws tau ris ib zeej tsoom cov txhaum. Nws yuav tawm rov los zaum ob : zaum ntawd, nws yuav tsis ris kev txhaum, nws yuav tawm los rau cov neeg tos nws, nws yuav cawm lawv.

• Mas Kos Ntawv Moo Zoo (12,38-44)

38 Thaum Yes Xus qhuab qhia sawv daws, nws hais tias : "Nej ceev faj rau cov kws ntawv, lawv nyiam hnav ua zam sees thiab lawv nyiam kom luag hawm lawv tom tej tshav puam,
39 Lawv nyiam zaum tej chaw tuaj pem thawj hauv tej tsev txoos thiab cov zoo chaw hauv tej pluas noj.
40 Lawv sib huas tej poj ntsuam cuab tam thiab ua hom txawj teev ntuj tas zaj tas zog. Lawv yog cov yuav raug txiav txim hnyav ncawv."
41 Yes Xus zaum hauv lub Tuam Tsev teev ntuj ncaj kem tsev tso nyiaj. Nws ntsia zeej tsoom tuaj ntsaws nyiaj rau hauv lub hub. Muaj cov nplua nuj coob leej tso nyiaj ntau heev hauv hub.
42 Muaj ib tug poj ntsuam pluag txav zoj mus tso tau ob lub nyuam txiaj.
43 Yes Xus hais rau nws cov thwj tim : "Kuv hais tseeb rau nej, tus poj ntsuam pluag no tso rau hauv hub ntau tshaj tag sawv daws.
44 Vim tas sawv daws, lawv rho lawv tej nyuag seem, hos nws li, nws rho tag nws txoj kev pluag : nws pub tag nrho, tag raws li nws muaj taus ua neej."

(Mus nyeem tsab ntawv nthuav Ntawv Ntshiab)

LECTURES DE LA MESSE DU 08/11/2009

( Trente-deuxième dimanche - année B )

(Hais lus Hmoob - En Français)

• 1ère lecture : Lecture du premier livre des Rois (1R 17, 10-16)

Le prophète Élie partit pour Sarepta, et il parvint à l'entrée de la ville. Une veuve ramassait du bois ; il l'appela et lui dit : « Veux-tu me puiser, avec ta cruche, un peu d'eau pour que je boive ? » Elle alla en puiser. Il lui dit encore : « Apporte-moi aussi un morceau de pain. » Elle répondit : « Je le jure par la vie du Seigneur ton Dieu : je n'ai pas de pain. J'ai seulement, dans une jarre, une poignée de farine, et un peu d'huile dans un vase. Je ramasse deux morceaux de bois, je rentre préparer pour moi et pour mon fils ce qui nous reste. Nous le mangerons, et puis nous mourrons. » Élie lui dit alors : « N'aie pas peur, va, fais ce que tu as dit. Mais d'abord cuis-moi un petit pain et apporte-le moi, ensuite tu feras du pain pour toi et ton fils. Car ainsi parle le Seigneur, Dieu d'Israël : Jarre de farine point ne s'épuisera, vase d'huile point ne se videra, jusqu'au jour où le Seigneur donnera la pluie pour arroser la terre. » La femme alla faire ce qu'Élie lui avait demandé, et longtemps, le prophète, elle-même et son fils eurent à manger. Et la jarre de farine ne s'épuisa pas, et le vase d'huile ne se vida pas, ainsi que le Seigneur l'avait annoncé par la bouche d'Élie.

• 2ème lecture : Lecture de la lettre aux Hébreux (He 9, 24-28)

Le Christ n'est pas entré dans un sanctuaire construit par les hommes, qui ne peut être qu'une copie du sanctuaire véritable ; il est entré dans le ciel même, afin de se tenir maintenant pour nous devant la face de Dieu. Il n'a pas à recommencer plusieurs fois son sacrifice, comme le grand prêtre qui, tous les ans, entrait dans le sanctuaire en offrant un sang qui n'était pas le sien ; car alors, le Christ aurait dû plusieurs fois souffrir la Passion depuis le commencement du monde. Mais c'est une fois pour toutes, au temps de l'accomplissement, qu'il s'est manifesté pour détruire le péché par son sacrifice. Et, comme le sort des hommes est de mourir une seule fois, puis de comparaître pour le jugement, ainsi le Christ, après s'être offert une seule fois pour enlever les péchés de la multitude, apparaîtra une seconde fois, non plus à cause du péché, mais pour le salut de ceux qui l'attendent.

• Évangile de Jésus Christ selon saint Marc (Mc 12, 38-44)

Dans son enseignement, Jésus disait : « Méfiez-vous des scribes, qui tiennent à sortir en robes solennelles et qui aiment les salutations sur les places publiques, les premiers rangs dans les synagogues, et les places d'honneur dans les dîners. Ils dévorent les biens des veuves et affectent de prier longuement : ils seront d'autant plus sévèrement condamnés. » Jésus s'était assis dans le Temple en face de la salle du trésor, et regardait la foule déposer de l'argent dans le tronc. Beaucoup de gens riches y mettaient de grosses sommes. Une pauvre veuve s'avança et déposa deux piécettes. Jésus s'adressa à ses disciples : « Amen, je vous le dis : cette pauvre veuve a mis dans le tronc plus que tout le monde. Car tous, ils ont pris sur leur superflu, mais elle, elle a pris sur son indigence : elle a tout donné, tout ce qu'elle avait pour vivre. »

Nruab Xyoo 32 Tim 08.11.2009

Ib tsoom niam txiv kwv tij neej tsa phooj ywg kub siab mloog Tswv Ntuj lus,

Peb yug los ua neeg, peb muaj niam muaj txi, muaj ib tse neeg hlub, peb thiaj ciaj ua neeg nyob. Thaum tseem yau, sawv daws noj nyob, pw haus ua ke. Loj hlob tiav neeg, nyias mus ua nyias neej. Sawv daws puav leej yug tau los muaj qhov muag pom kev, muab lub ncauj hais lus, muaj tes muaj taw. Nyias tej siab ntsws txawj xav txawj ntshaw. Nyias lub cev yuav noj yuav hnav. Nyias lub plab txawj qhia nyias mus ua, mus khwv rau nyias noj. Ib tug tsis tos ib tug. Hmoob hais tias : nyob, tug tsis ua rau tug noj. Tuag tsis faus ib ntxas. Hmoob nco Hmoob tej niam tej txi lub txiaj ntsim kev iab kev khwv tu da quav da zis…Thaum qua tub qua ntxhais, Hmoob thiaj sau nqe mis nqe hno. Yog yus Hmoob kab lis kev cai poj rhawv kab yawm rhawv kev. Ntawm neeg ntiaj teb kuj tib yam. Ib leeg, tsis txawv ntau ib leeg. Tus tib neeg twg, twb yuav tau khwv thiaj muaj noj muaj hnav saib xyuas daim av ntuj muab rau yus kav mus txog hnub kawg.

Yug los ciaj neeg hauv lub ntiaj teb, tus paub Tswv Ntuj thiab tus tsis paub, tag sawv daws puav leej txais lub sim ceeb los ua yus tug. Vim daim av, tsis yog peb leej tib neeg twg tsim tawm los. Lub sim ceeb, lub ntiaj teb thiab tib neeg puav leej yog Tswv Ntuj tsim. Tswv Ntuj nyiam tag ib puas tsav yam Tswv Ntuj tsim tau los. Tiam sis neeg, yog yam Tswv Ntuj hlub dua tas puas tsav yam nws txhais tes tsim los. Tswv Ntuj thiaj muab tag lub sim ceeb kib rau tib neeg ua tus kav saib xyuas nrog Tswv Ntuj, tso tag Tswv Ntuj tes qav num rau tib neeg txhais xib teg :
“Tus txawj ploj tuag, ua cas koj tseem yuav tshua, As Das tub ki koj tseem thuv txog,
Koj tsim nws yau zog ntuj, koj muab meej mom thiab sawm txhiaj rau nws ntoo,
Kom nws kav koj tes qav tes num…NPN8,5-7 »
Yuav kom peb tib neeg to taub Tswv Ntuj thiab kom peb swm Huab Tais. Peb yuav muab Tswv Ntuj los piv rau yus niam yus txiv. Peb sim xav saib, yus niam yus txiv hlub yus npaum li cas thiab yus hlub yus tej me tub me nyuam npaum li cas. Tswv Ntuj tseem txawj hlub yus tshaj yus hlub yus tej me nyuam. Yog hnub peb swm Tswv Ntuj, peb pom Tswv Ntuj hlub peb loj dua tej tib si. Hnub ntawd, peb yuav zoo siab hlo ua Tswv Ntuj tej tub ki.
Peb leej tib neeg, tej txhia tsis txawj hlub lawv tej me nyuam tiag, lam yug tau, muab me nyuam tso pov tseg, tsis kov tsis tu lawv, tsis cob tsis qhia lawv ua noj ua haus, tsis qhia kawm txuj kawm ci. Kav chawj tej me nyuam lawv mam peem lawv. Muaj tej niam txiv tsis txawj hlub lawv tej tub ki. Tswv Ntuj tsis zoo li ntawd. Tus tib neeg tsis zoo hlub, los Tswv Ntuj muab tes plws, muab tes khawm lias puag zoj hauv nws xub ntiag. Tsis hais tus zoo, tus phem, tus muaj tus pluag, tus zoo neej, los tus mob hnyav qaug txaj qaug lav…Vim li ntawd, Tswv Ntuj hlub tib neeg tag tus thiab hlub kawg siab hlo. Tswv Ntuj tsis xub ntsia saib peb yog neeg ntse los neeg ruam, yog neeg Kav Tos Liv los neeg coj dab qhuas, yog neeg muaj mob pw nrom ca los neeg nquag zoo neej…Peb zoo thiab phem Tswv Ntuj pom tag, paub tag. Tswv Ntuj hlub peb kawg siab kawg ntsws tshaj peb tib neeg siab ntsws ua kam thiab tshaj peb lub siab xav tau.
Ua neej nyob, tib neeg twg los puav leej ntshaw muaj txwg muaj nkawm, ntshaw ib leeg txhawb ib leeg, ib tug hlub ib tug thiaj tsheej cuab tsheej yig, ua lub neej thiaj sov siab. Vim li no, txoj kev ntsoj kev ntsuag, yog ib txoj kev tu siab loj nyob hauv tib neeg lub neej saum daim av. Hmoob thiaj muab khaub dab ntsoj ntsuag lub neej ua kwv txhiaj lus taum los hais ua tshuaj kho tej siab ntsws txom nyem kom zoo, hais nplij tub ntsoj ntxhais ntsuag ib los teev lawv lub kua muag.
Zoo li tus poj ntsuam nyob lub zos Xas Les Tas. Nws raug txom nyem, quaj ntsuag, tshaib thiab nqhis tiv lub ntuj kub lub teb nkig yog peb leej tib neeg lub neej nyob ntiaj teb no. Tswv Ntuj pom tus poj ntsuam thiab nws tus tub lub neej pluag, tshaib thiab nqhis tshuav txoj sia ua nruj nriaj nyob. Ua rau Tswv Ntuj hlub nkawd tsis paub kawg, pes tsawg Tswv Ntuj yuav cawv kom tau nkawd. Tus poj ntsuam tsis yog ib tug neeg His Xais Lais, tsis yog Tswv Ntuj haiv neeg. Tsis yog zoo li peb leej tib neeg lub siab thiab lub tswv yim xav tau. Tswv Ntuj xaiv tau His Xais Lais ntawm tas txhia haiv neeg hauv ntiaj teb los ua Tswv Ntuj haiv neeg, ces Tswv Ntuj tsis hlub, tsis tshua txog lwm haiv neeg. Tsis yog Tswv Ntuj thiaj hlub His Xais Lais tseg lwm haiv neeg, pab His Xais Lais tsawm thiab hnyos lwm haiv neeg raug txom nyem. Tswv Ntuj tsis xav nqaim li tib neeg lub siab ti siab nqaim. Tswv Ntuj hlub tib neeg sawv daws tag nrho. Yog Tswv Ntuj txawj hlub txog tus poj ntsuam thiab nws tus tub txog txij xa tau Es Lis, Tswv Ntuj tus tub txib tuaj cawm nkawd ob niam tub. Peb yuav ua neeg thoob tsib, pom kev deb, txawj xav qhov ncaj ncees qhov yog. Nws yog ib lub cim Tswv Ntuj qhia rau peb pom, vim tas lub sim ceeb, tas ntiaj teb tib neeg yog Tswv Ntuj tug Tswv Ntuj tsim. Peb txawm yuav nyob rooj teb twg saum daim npoo av, yog peb leej twg muaj kev txom nyem, raug kev tsaus ntuj loj npaum cas, Tswv Ntuj pom tag nrho. Tus poj ntsuam no lub neej, yog peb tib neeg lub neej nyob ntiaj teb no. Tswv Ntuj tsis tso tus poj ntsuam no tuag tshaib tuag nqhis. Peb yog neeg ncaj ncees, peb ib suab hu, Tswv Ntuj yuav npo peb dim peb kev txhawj xeeb kev tsaus ntuj tib yam nkaus. Vim li no, peb Hmoob ib txwm tsis paub Tswv Ntuj, tsis paub teev ntuj. Tiam sis, peb Hmoob ntseeg tias muaj ntuj nyob saud, ntuj pom. Hnub Hmoob tau kev tws, Hmoob hu ntuj pab. Hmoob lub yeem loj Hmoob fim ntuj tuaj pab, tuaj pov hwm Hmoob. Hais tau tias Hmoob kuj hwm ntuj tib yam li tus poj ntsuam nyob lub zos Xas Les Tas, neeg pluag, tiam sis siab loj, siab dav, siab ncaj, siab zoo, hlub neeg…
Piv txwv li yus ob niam txiv thaum nyuam qhuav sib tau thaum tshiab ib leeg tseg tsis taus ib leeg. Zoo tam ntua yuav tsis muaj hnub tsaus. Xav tsis txog ib zaug tias lub ntuj yuav txawj rov, lub teb yuav txawj nphau ib hnub twg. Ua lub neej ntev xyoo ua ke, ib leeg paub ib leeg, hais lo ntxhib taj lo mos, hais qhov luv taj qhov ntev, ua pliaj plhu hiav taj lub ntsej muag luag…tawm rooj plaws tsis xav rov los nkag hauv lub vaj lub tse hnov tej lus tshawj lus chim…ntev thiab ntev muaj qhov zais thiab qhov dag tshwm los lwv yeej ua ntuj liab teb ntsuab…Thaum zoo li no lawd, peb lam ua neej ua ke xwb, peb zoo li poj ntsuam thiab yawg ntsuag ntsaub yus tej tub ki nyob. Tsis muaj leej twg pab yus ntxiv ntxhua, hlub yus, txhawb yus. Zoo li tshuav yus tus kheej ua neej nyob tiv lub ntuj kub lub ntuj nkig hauv ntiaj teb no. Lub neej txawm zoo li lub ntuj qhuav lub teb nkig los yuav tau ua lub siab loj, ua siab dav, siab ncaj, siab zoo, hlub neeg…yus txawm ua ntsuag, los Tswv Ntuj tsis tso yus pov tseg. Tswv Ntuj yuav xa neeg tuaj pab yus.
Vim li ntawd, txij hnub peb los txais lub cim ntxuav hauv lub Koom Txoos Kav Tos Liv. Peb los ua lub Koom Txoos Kav Tos Liv tsoom tub ki. Tswv Ntuj xaiv peb los ua Tswv Ntuj haiv neeg, ua Tswv Ntuj tes qav num, ua Tswv Ntuj cov tub txib tshaj Tswv Ntuj lo lus kom mus thoob qab ntuj neeg. Peb mloog lub Koom Txoos lus, yog mloog Yes Xus lus qhuab qhia. Kev mloog Yes Xus lus yog xyaum coj ib lub neej tshiab. Peb coj peb lub neej kom mus raws li Yes Xus qhia peb coj thiab peb xyaum ua li Yes Xus qhia peb ua. Yog peb txoj kev nrauj dab phem, txiav siab tsis ua neeg phem, tsis txhob pauj rau luag, yuav ntev yuav zam rau tu ua tub qaug yus. Yog lub neej tshiab Yes Xus qhia rau peb kom peb ua, vim peb ntseeg Yes Xus, vim peb zoo siab ua Yes Xus cov thwj tim, peb zoo siab lawv Yes Xus qab, Yes Xus mus ua peb ntej tho kev rau peb taug…
Ib tsoom kwv tij neej tsa Hmoob, txoj kev sib zam, tsis txhob pauj cov neeg saib tsis taus yus, ua tub qaug yus, zam rau tus neeg txhob txwm nrhiav plaub nrhiav ntug, coj yus mus ncej rooj txwj laus…Peb pom tias tsis yooj yim npaum li ntawd. Tsis tas li ntawd xwb, Yes Xus tseem hais ntxiv rau peb sawv daws cov neeg ntseeg tib si : « Kuv hais rau nej, nej cov mloog kuv lus : Nej hlub nej cov yeeb ncuab, nej ua zoo rau cov neeg ntxub nej… LK6,27 » Peb lub luag dej luag num Yes Xus tso rau peb ua nyob hauv peb yim neeg, hauv peb tsoom kwv tij neej tsa, hauv peb lub zej zog thiab hauv peb lub teb chaws yog xyaum coj lub neej tshiab raws li Yes Xus qhia. Yog peb tus kheej xwb, peb yuav tsis muaj zog zam tau rau yus tus poj niam los yus tus txiv ua tub qaug yus, los yus tus kwv tij saib tsis taus yus, los yus cov neej tsa ua txhaum yus…Yus puas yuav hlub taus yus tus yeeb ncuab li Yes Xus qhia ? Yog peb vam txog peb tus kheej xwb, peb yuav zam tsis tau rau leej twg. Tiam sis, peb twb pom peb tsis muaj zog, peb pom peb txawj ua txhaum rau luag, peb pom peb txawj dag luag…peb yuav thov Tswv Ntuj zam rau peb. Yus tus kheej tsis txawj mloog Yes Xus lus, yus tsis txawj ua xis Yes Xus siab nyiam. Yus thov kom Yes Xus zam yus tej txhaum rau yus, thov kom Yes Xus hlub yus, txhob tso yus rau hauv txoj kev txhaum. Yus yuav tsis txhob coj li cov kws ntawv thiab cov neeg loj, neeg nplua nuj. Yus yuav xyaum coj li cov pluag thiab coj li tus poj tsuam tuaj tso nyiaj hauv tsev teev ntuj. Nws ob lub txiaj muaj nuj nqes tshaj tag cov npluaj nuj cov nyiaj tib si.
Vim cov kws ntawv thiab cov nplua nuj lawv ua dab tsi, lawv ua qhov kom tau ntsej muag, ua qhov kom neeg qhuas thiab neeg hwm lawv. Peb tsis txhob xav tias cov kws ntawv thiab cov nplua nuj thiaj ntshaw muaj hwj chim, ntshaw muaj koob meej xwb. Yog Yes Xus qhia cov lus no rau peb hnub no, vim Yes Xus paub, nyob hauv leej tib neeg tas sawv daws puav leej ntshaw muaj koob meej. Tib neeg kev nrhiav koob meej ua rau tib neeg sib tawg tsis sib haum. Ib tug khib rau tug, ib tug saib tsis taus tug, ua rau ib tug ntxub ib tug. Thaum kawg, tseem txw neeg sib tua tuag kom puas tsuaj. Vim tus muaj nyiaj tau lub koob meej neeg nplua nuj, muaj vaj tse zoo, tau daim zoo hnav, muaj noj tsis tshaib haus tsis nqhis. Tus kws ntawv tau lub koob meej neeg muaj txuj ci, neeg txawj ntse, ua nom, ua tswv…Leej tib neeg xav li ntawd, muab nyiaj muab kub, muab kev txawj ntse los sib lwv, los khav. Yes Xus xav txawv neeg xav. Tus muaj koob meej thiab muaj hwj chim tsis yog tus nplua nuj thiab tus txawj ntse, yog tus neeg siab dawb, siab ncaj hlub neeg. Tus poj ntsuam pluag, siv zog pab tag raws li nws kev pluag los pab neeg. Zoo li nws tseem yoo tej pluas mov kom tseg tau ob lub txiaj coj los tso rau hauv tsev teev ntuj ua txiaj ntsim. Hos cov nplua nuj tso tej tes txiaj rau lub hub nyiaj, tiam sis yog lawv cov nyiaj seem xwb. Lawv muab tsis tag lawv lub zog los hlub neeg. Yes Xus thiaj hais rau nws cov thwj tim tias : "Kuv hais tseeb rau nej, tus poj ntsuam pluag no tso rau hauv hub ntau tshaj tag sawv daws.
44 Vim tas sawv daws, lawv rho lawv tej nyuag seem, hos nws li, nws rho tag nws txoj kev pluag : nws pub tag nrho, tag raws li nws muaj taus ua neej”
Yog muab hais los mus, tus poj ntsuam pluag siv zog hlub neeg tag nws lub siab. Cov nplua nuj tuaj tso nyiaj kom tas kev cai. Lawv hlub neeg tsis cuag tus poj ntsuam pluag.

Ib tsoom phooj ywg sawv daws, xav kom peb mloog Huab Tais Yes Xus lus qhuab qhia zoo cuag tus poj ntsuam thiab muab tag peb lub siab los nrog Yes Xus hlub peb tej tib neeg tsis zoo nyiam thiab tsis zoo hlub. Yog txoj hauj lwm Yes Xus xa nws cov thwj tim mus ua, yog txoj hauj lwm Tswv Ntuj xa Tswv Ntuj tus tub txib Es Lis mus cawm neeg. Kuj yog peb txoj dej num peb yuav tau nrog Huab Tais Yes Xus rau tes ua pab ntiaj teb tib neeg.

Cwj Vuam Chiv 4.11.2009