LUS TSHAJ MOO QAIJ QAUG

Cov xyom cuab hauv cov Hmoob Kav Tos Liv, lawv cov txheeb ze tau tas sim neej xyoo 2009, muaj raws li nram qab no :

• Mme HAM Paj Txoov (78)
• M. Hawj Neej Tswb (45)
  
• M. LIS Neej Vaj (45)
• M. LIS Txhiaj Tub (77)
• M. LIS Txhiaj Foom (35)
• Mme LIS Txiaj Vaj (38)
• M. TSAB Ntxoov Yias (37)
• Mme TSAB Xaiv Tuam (77)
• M. YAJ Nom Tub (49)
• M. YAJ Ntshiab (49)
• M. YAJ Ntsuab Pov (71)
• Mme YAJ Ntsuab Pov (10)
• M. YAJ Txhiaj Vws (45)

Nej nco thiab pab thov peb Txiv Tswv Ntuj rau lawv thiab.


(Yog tshuav leej twg peb tsis tau sau npe, thov nej pab xa tuaj thiab. Ua tsaug)

COV ZAJ NYEEM RAU HNUB CHIV 27/12/2009

( Tsev Neeg Ntshiab - Xyoo C )

(Hais lus Hmoob - En Français)

• Zaj nyeem 1 : Phau 1 Ntawv Xas Muas 1,20-22.24-28

20 As Nas cev xeeb tub thiab nws yug tau ib tug tub, nws muab tis npe hu ua Xas Muas, txhais tias: Tswv Ntuj mloog peb lus thov, vim nws hais tias : "Kuv tau thov ntawm Huab Tais los."
21 Leej txi, Es Kas Nas thiab nws tsev neeg nce mus txi Huab Tais raws li txhia xyoo thiab mus pauj yeem.
22 Tab sis As Nas tsis mus, nws hais rau nws tus txiv tias : "Thaum tus me nyuam cais taus mis, kuv mam coj nws mus : mam muab nws cev rau Huab Tais thiab nws yuav nyob tod mus li”
24 Thaum tus me nyuam cais taus mis lawm, nws niam, As Nas coj nws mus hauv Huab Tais tsev, nyob Xis Laus. Nws coj ib tug heev nyuj peb xyoos, ib hnab hmoov nplej mog thiab ib hwj caw nrog nws.
25 Lawv muab tus heev nyuj los ua txim thiab coj tus me nyuam mus qhia rau tus leej choj Es Lis.
26 As Nas hais rau nws tias : "Kuv tus Huab Tais, thov koj mloog kuv hais! Koj muaj txoj sia nyob ntawm ko, tsis dag, kuv yog tus poj niam tau tuaj ntawm no ze ntawm koj tsa ncauj thov Huab Tais.
27 Kom muaj tus me nyuam no, kuv tau tsa ncauj thov thiab Huab Tais tau muab rau kuv, pauj kuv tej lus thov.
28 Fij no, kuv muab nws qee rau Huab Tais. Nws yuav nyob qee rau Huab Tais mus tas nws sim neej. Thaum ntawd, sawv daws pe Huab Tais.

• Zaj nyeem 2 : Zam tsab ntawv 3, 1-2.21-24

1 Nej ntsia saib, Leej Txiv txoj kev nyiam peb loj tas npaum no : yam li peb hu ua Tswv Ntuj cov me nyuam, peb yog Tswv Ntuj cov me nyuam tiag ! Lub ntiaj teb neeg tsis paub peb, vim ntiaj teb neeg tsis paub Leej Txiv.
2 Cov zoo nyiam, nyem no, peb yog Tswv Ntuj cov me nyuam. Qhov uas yav tom ntej peb yuav plhis mus zoo li cas, tseem tsis tau tawm los rau qhov muag pom xyeem. Peb paub tias, thaum Leej Pleev yuav tawm los rau qhov muag pom xyeem, mas peb yuav zoo li Nws, vim nws zoo li cas, mas peb yuav pom Nws zoo li ntawd.
21 Cov zoo nyiam, yog peb lub siab tsis muab txim rau peb, mas peb tso siab lug mus nyob ze Tswv Ntuj.
22 Yog peb thov yam twg ntawm Tswv Ntuj, mas peb yuav tau txais yam ntawd ntawm nws, vim peb coj nws cov lus qhia, thiab peb ua xis nws siab.
23 Tswv Ntuj Lo Lus qhia yog lo lus no : kom peb ntseeg txog nws Leej Tub Yes Xus Pleev lub npe, thiab peb yuav sib nyiam, raws li nws qhia kom peb ua.
24 Tus coj Tswv Ntuj cov lus qhia, nws nyob hauv Tswv Ntuj, thiab Tswv Ntuj nyob hauv nws.
Peb paub tias Tswv Ntuj nyob hauv peb, vim muaj Leej Ntuj Plig uas Tswv Ntuj pub rau peb.

• Lus Kas Ntawv Moo Zoo 2,41-52

41 Yes Xus niam thiab txiv niaj xyoo mus Yes Lus Xas Les ua lub ntees Hla.
42 Thaum Yes Xus muaj kaum ob xyoos, lawv mus ua hmoov raws li txhia zaus.
43 Thaum dua cov hnub nyoog tas, sawv daws rov fib qab, tshuav tus me nyuam Yes Xus nyob Yes Lus Xas Les, tom qub qab, nws niam thiab txiv tsis paub.
44 Nkawd xav tias nws nrog ib co lawm, lawv mus ib hnub ke nrhiav nws hauv cov txheeb ze thiab cov swm neeg.
45 Nrhiav tsis ntsib nws, nkawd thiaj tig rov qab mus Yes Lus Xas Les nrhiav nws tas zog.
46 Tau peb hnub nkaus, nkawd nrhiav tau nws hauv lub Tuam Tsev Teev Ntuj zaum nruab nrab hauv cov kws txuj mloog lawv cov no thiab nug lawv.
47 Tas sawv daws cov mloog nws, puav leej yoob tas rau nws lub tswv yim ntse thiab nws tej lus teb lawv.
48 Nrhiav tau nws, nkawd kuj ceeb tag, nws niam hais rau nws tias : "Me tub, tim li cas koj ua li ntawd rau wb ? Saib ! Koj txiv thiab kuv, wb txhawj koj npaud."
49 Tiam sis nws hais nkawd tias : "Vim li cas neb ho nrhiav kuv ? Neb tsis paub tias ntawm kuv txiv teej tug, kuv yuav tsum nyob ntawd lod?”
50 Tiam sis nkawd tsis to taub cov lus nws hais rau nkawd.
51 Nws thiaj nrog nkawd nqes mus Nas Xas Les, nws mloog nkawd lus. Nws niam nco ntsoov tej lus no hauv nws nruab siab.
52 Yes Xus hlob siab, hlob cev, muaj Tswv Ntuj txiaj ntsim thiab tib neeg qhuas.

(Mus nyeem tsab ntawv nthuav Ntawv Ntshiab)

LECTURES DE LA MESSE DU 27/12/2009
( La Sainte Famille - Année C )

(Hais lus Hmoob - En Français)

• 1ère lecture : L'enfant donné par le Seigneur (1 S 1, 20-22.24-28)
  Lecture du premier livre de Samuel

Le temps venu, Anne conçut et mit au monde un fils ; elle lui donna le nom de Samuel (c'est-à-dire : Dieu exauce) car, disait-elle : « Je l'ai demandé au Seigneur. » Elcana, son mari, monta au sanctuaire avec toute sa famille pour offrir au Seigneur le sacrifice habituel et celui du vœu pour la naissance de l'enfant. Anne, elle, n'y monta pas. Elle dit à son mari : « Quand l'enfant sera sevré, je l'emmènerai : il sera présenté au Seigneur, et il restera là pour toujours. » Lorsque Samuel eut été sevré, Anne, sa mère, le conduisit à la maison du Seigneur, à Silo ; elle avait pris avec elle un taureau de trois ans, un sac de farine et une outre de vin. On offrit le taureau en sacrifice, et on présenta l'enfant au prêtre Éli. Anne lui dit alors : « Écoute-moi, mon seigneur, je t'en prie ! Aussi vrai que tu es vivant, je suis cette femme qui se tenait ici près de toi en priant le Seigneur. C'est pour obtenir cet enfant que je priais, et le Seigneur me l'a donné en réponse à ma demande. A mon tour je le donne au Seigneur. Il demeurera donné au Seigneur tous les jours de sa vie. » Alors ils se prosternèrent devant le Seigneur.

• 2ème lecture : Dieu fait de nous ses enfants (1 Jn 3, 1-2.21-24)
  Lecture de la première lettre de saint Jean

Mes bien-aimés, voyez comme il est grand, l'amour dont le Père nous a comblés : il a voulu que nous soyons appelés enfants de Dieu- et nous le sommes. Voilà pourquoi le monde ne peut pas nous connaître : puisqu'il n'a pas découvert Dieu. Bien-aimés, dès maintenant, nous sommes enfants de Dieu, mais ce que nous serons ne paraît pas encore clairement. Nous le savons : lorsque le Fils de Dieu paraîtra, nous serons semblables à lui parce que nous le verrons tel qu'il est. Mes bien-aimés, si notre cœur ne nous accuse pas, nous nous tenons avec assurance devant Dieu. Tout ce que nous demandons à Dieu, il nous l'accorde, parce que nous sommes fidèles à ses commandements, et que nous faisons ce qui lui plaît. Or, voici son commandement : avoir foi en son Fils Jésus Christ, et nous aimer les uns les autres comme il nous l'a commandé. Et celui qui est fidèle à ses commandements demeure en Dieu, et Dieu en lui ; et nous reconnaissons qu'il demeure en nous, puisqu'il nous a donné son Esprit.

• Evangile : Les parents de Jésus le retrouvent chez son Père (Lc 2, 41-52)
  Évangile de Jésus Christ selon saint Luc

Chaque année, les parents de Jésus allaient à Jérusalem pour la fête de la Pâque. Quand il eut douze ans, ils firent le pèlerinage suivant la coutume. Comme ils s'en retournaient à la fin de la semaine, le jeune Jésus resta à Jérusalem sans que ses parents s'en aperçoivent. Pensant qu'il était avec leurs compagnons de route, ils firent une journée de chemin avant de le chercher parmi leurs parents et connaissances. Ne le trouvant pas, ils revinrent à Jérusalem en continuant à le chercher. C'est au bout de trois jours qu'ils le trouvèrent dans le Temple, assis au milieu des docteurs de la Loi : il les écoutait et leur posait des questions, et tous ceux qui l'entendaient s'extasiaient sur son intelligence et sur ses réponses. En le voyant, ses parents furent stupéfaits, et sa mère lui dit : « Mon enfant, pourquoi nous as-tu fait cela ? Vois comme nous avons souffert en te cherchant, ton père et moi ! » Il leur dit : « Comment se fait-il que vous m'ayez cherché ? Ne le saviez-vous pas ? C'est chez mon Père que je dois être. » Mais ils ne comprirent pas ce qu'il leur disait. Il descendit avec eux pour rentrer à Nazareth, et il leur était soumis. Sa mère gardait dans son coeur tous ces événements. Quant à Jésus, il grandissait en sagesse, en taille et en grâce, sous le regard de Dieu et des hommes.

Ib tsoom ntseeg mloog Tswv Ntuj lus,

Peb twb ua peb tus Huab Tais Yes Xus lub hmoov Tsuj Xeeb los xaus tas. Hnub no yog hnub nyoog hwm Yim Neeg Ntshiab. Tej zaum peb yuav xav tau hauv siab tias, yim neeg ntshiab yog yim neeg zoo li cas ? Yim neeg ntshiab yog yim neeg twg ? Ua li mas, nyob hauv lub Koom Txoos Kav Tos Liv, peb yog ib tse neeg xwb. Peb los ua tib tse neeg yuav Tswv Ntuj lub npe hauv Lub Koom Txoos Kav Tos Liv, peb txais txoj kev ntseeg Tswv Ntuj raws li lub Koom Txoos Kav Tos Liv qhia ; lub Koom Txoos coj thiab qhia rau peb hwm thiab mloog Tswv Ntuj lus raws li cov Thwj Tim coj thiab qhia kom ua. Lawv tau coj thiab qhia kom ua raws li Yes Xus tau qhia rau lawv puag thaum chiv keeb. Yog vim li ntawd, peb los txais lub Cim Ntxuav hauv lub Koom Txoos Kav Tos Liv, peb los ciaj ua Yes Xus cov kwv cov muam, yog peb mloog thiab peb ua raws li Koom Txoos Kav Tos Liv qhia rau peb ua. Vim li ntawd, peb thiaj yog tib tse neeg xwb. Txawm tias peb yog tib tse neeg, tiam sis, peb muaj ntau xeem neeg hais ntau xeem lus, muaj ntau tsav txuj los koom yuav tib lub npe, ua Tswv Ntuj me nyuam, ua tib tse neeg ntseeg loj. Peb kuj nyias muaj nyias ib tse neeg, nyias muaj nyias ib cuab ib yig neeg. Nyob hauv peb nyias cuab yim neeg, kuj muaj tej yig txawj coj, txawj hais lus zoo, txawj sib haum, txawj sib zam. Muaj tej yim neeg kuj tsis tshua txawj sib yoog, muaj muaj lus xaiv, ua teeb meem ntau yam ua xyuv qas niab, sib cav sib ceg, ua rau cov yim neeg ntawd puas tsuaj sib faib tawg tas…

Hnub no, tas lub Koom Txoos Kav Tos Liv ua hmoov hwm Yim Neeg Ntshiab. Lub Koom Txoos caw peb cov neeg ntseeg txhua leej tig mus ntsia Mab Liab thiab Yos Xes nkawd lub neej nrog Yes Xus. Lawv thiaj yog Yim Neeg Ntshiab, txawj coj kom sib haum, txawj hais lus zoo hauv tsev thiab sab nraud ntxim Tswv Ntuj siab, muaj ntuj txiaj ntsim thiab xis neeg nyiam, ua rau neeg qhuas. Lawv yog ib yig neeg ntseeg mloog Tswv Ntuj lus, txawj ua raws li tej laus qhuab qhia. Mab Liab thiab Yos Xes nkawd kuj cob qhia Yes Xus thaum yau ua neeg mloog lus thiab mob siab rau txoj kev teev ntuj hwm Tswv Ntuj raws li Mai Xes txoj cai. Lawv niaj xyoo mus teev ntuj nyob Yes Lus Xas Les ib yam li cov His Xais Lais sawv daws, cov neeg kub siab mloog Tswv Ntuj lus. Hnub no, peb tsis muaj sij hawm los piav txog Xas Muas tsab ntawv, hais txog As Nas thiab Es Kas Nas nkawd yog ib yig neeg nyiam Tswv Ntuj mloog Tswv Ntuj lus. Nkawd tau pom Tswv Ntuj tej txiaj ntsim tshwm sim pub rau nkawd txais. Lub txiaj ntsim nkawd tau txais yog nkawd tus tub Xas Muas. Cia lwm lub sij hawm peb mam los piav txog Xas Muas tsab ntawv no.

Hnub no, peb hais txog Mab Liab thiab Yos Xes nkawd yim neeg nrog Yes Xus. Hais txog peb txoj kev ua neeg mloog Tswv Ntuj lus thiab hwm Tswv Ntuj, puas yooj yim npaum li peb siab xav. Peb sim muab xav kom txaus txog ntawm yus tus kheej ua ntej. Yus puas yog ib tug neeg mloog lus, puas mloog yus niam yus txiv lus ? Ua ib tug neeg mloog lus puas yooj yim rau yus ? Peb pom tias txoj kev mloog lus tsis yog ib txoj kev yooj yim taug. Tsis yooj yim rau qhov yus yuav tau siv zog niaj hnub hwj xwm yus lub siab lub ntsws mus rau qhov zoo. Yus yuav siv zog tiv thaiv yus lub cev tsis pub poob hauv kev yooj yim, txoj kev tsim txiaj. Yus yuav txawj qees yus lub suab nrov kom yau zuj zus, yus yuav tau cheem yus lo lus ntxhib tsis txhob hais…Vim li ntawd, nej yug tau ib co me nyuam, nej qhuab qhia lawv kom ua neeg mloog nej ua niam ua txiv lus, vim nej xaiv txoj kev tsim txiaj rau lawv taug, nej yug tau lawv, nej hlub lawv, nej nrog lawv khuv xim lawv lub neej tsis xav pub lawv poob koob meej thiab ua neeg liam txwv. Nej tsis xav kom lawv ua neeg tawv ncauj qig lus, twm xeeb twm kawv, ncauj puam suab khawv, tsis mloog nej hais, tsis yuav leej twg qhia. Nej yug tau ib tug me nyuam qig lus, yeej ua rau nej ua niam ua txiv nplooj ntsws txob txhawj, nyuaj nej siab, ua nej nyob tsis kaj pw tsis tsaug. Nej yuav muab hnub thiab hmo coj los xav tsis thoob. Puas yog tim nej tsis txawj yug, los yog tim nws tsis txawj mloog nej lus…Peb los ua neeg ntseeg Tswv Ntuj, peb cog lus nrauj dab phem, tig los mloog Tswv Ntuj lus qhuab. Ua raws li Tswv Ntuj lus qhia tsis yog yooj yim. Vim li ntawd, kuj tsis yooj yim rau Mab Liab thiab Yos Xes thiab Yes Xus lawv ua neeg mloog lus. Peb txhob xav tias lawv ua ib yim neeg ntseeg Tswv Ntuj teev Tswv Ntuj, tsis khwv rau lawv, ntshai lawv tau tau zoo. Peb tsis txhob xav tias vim Tswv Ntuj xaiv tau lawv, ces lawv yuav nyob twj ywm puag tes puag taw hauv tsev, tsis tau cev tes mus khwv cia li tau noj, tsis tau loj npab ntshuas muab tes xaws cia li tau hnav, ntshai sim neej lawv dim plaws kev mob plab dia hau, kev txhawj xeeb ntxhov plawv…Ua lub neej nyob ntiaj teb, tsis yooj yim cuag siab xav, tsis zoo li hais kwv huam thiab dab neeg. Ua leej tib neeg nyob, leej twg twb puav leej raug kev haub kev ntxias, muaj kev iab kev khwv, raug kev txob txhawj, kev tsaus ntuj…sawv daws yuav tsum peem tiag kom dhau, siv zog ntsos, rau siab ntso tiv tiag nyias kev txob txhawj kev tsaus ntuj tsis pub swb.

Vim li ntawd, hnub no, lub Koom Txoos caw peb kom tig mus ntsia Yim Neeg Ntshiab nyob Nas Xas Les. Lawv yog peb tus piv txwv peb yuav xyaum raws kom tau lawv tus roj tus hnee, xyaum ua li lawv ua. Peb sim xav saib, puas yog vim lawv txawj mloog Tswv Ntuj lus, lawv nyiam Tswv Ntuj tag lawv tej siab ntsws, lawv zoo siab ua rau Tswv Ntuj raws li lawv txawj thiab ua tau. Puas yog li ntawd, Tswv Ntuj thiaj tau kev xaiv Mab Liab los ua Tswv Ntuj Leej Niam yug Tswv Ntuj Leej Tub. Tswv Ntuj thiaj pom qab xaiv tau Yos Xes los ua txiv hlub Mab Liab thiab Yes Xus nkawd, los nrog Mab Liab tu Yes Xus kom hlob, cob qhia Yes Xus kom loj tiav neeg. Yog peb xav txog Mab Liab thiab Yos Xes nkawd lub neej, peb yuav pom kuj tsis yooj yim npaum li cas. Thaum Mab Liab hlob tiav nkauj, Yos Xes hlob tiav nraug. Nkawd ib leeg yeej ntshaw ib leeg, ib tug yeej txaus siab yuav ib tug. Vim li ntawd, Yos Xes twb tuaj qhaib Mab Liab : “Lub rau hli ntuj, Tswv Ntuj xa Tshiab Nkas Nplias mus hauv lub nroog Nas Xas Les, Nkas Lis Lais teb, cuag ib tug nkauj xwb muab qhaib rau ib tug txiv neej npe hu ua Yos Xes LK 1,26-27” Vim nkawd ob leeg puav leej yog neeg mloog Tswv Ntuj lus. Nkawd ob leeg puav leej zoo siab ua Tswv Ntuj cov tub txib leg Tswv Ntuj txoj hauj lwm. Yuav lees Tswv Ntuj txoj hauj lwm, yog yus tsis mloog Tswv Ntuj lus, yus puas yuav muaj zog ua tau ? Yog Mab Liab tsis mloog Tswv Ntuj lus, ntshai Mab Liab yuav tsis teb rau Nkas Nplias tias : “Kuv yog Huab Tais tus ntxhais txib, thov kom muaj raws li koj cov lus koj tau hais rau kuv” Yog Yos Xes tsis mloog Tswv Ntuj lus, thaum Yos Xes paub tias nws tus hluas nkauj cev xeeb tub. Yos Xes twb muab Mab Liab laim pov tseg lawm ntxov. Ntawv Ntshiab hais tias Yos Xes yog ib tug neeg ncaj : « Yes Xus niam, Mab Liab, muab qhaib rau Yos Xes ; ua ntej nkawd los ua txij nkawm, Leej Ntuj Plig ua nws cev xeeb tub. Yos Xes, nws tus txiv, yog ib tug txiv neej ncaj, nws tsis xav muab los hais kom ncha ntws, txiav tau siab muab nws nrauj twj ywm tseg MT1,18-19 » Peb pom tias nkawd lub neej kuj tsis yooj yim kiag. Tiam sis, nkawd ob leeg puav leej mloog Tswv Ntuj lus, ciaj tuag muab nkawd pluaj siab dai rau Tswv Ntuj, muab nkawd lub neej cog cia rau Tswv Ntuj txhais xib teg. Nkawd ib leeg mloog ib leeg, ib tug txhawb ib tug mus raws li Tswv Ntuj los lus hais rau hauv nkawd siab. Lub neej kuj tsis niaj hnub yooj yim cuag li cas rau nkawd. Vim nkawd lub neej tsis mus raws li nkawd tau hais tseg, tau tham cia thaum ntej. Tswv Ntuj lo lus tuaj cuam tshuam nkawd lub hom phiaj npaj nkawd lub cuab lub yig. Tiam sis nkawd yog neeg mloog lus, nkawd ob leeg tos txais tau Tswv Ntuj lo lus hauv nkawd lub neej. Nkawd ua tau Tswv Ntuj muaj chaw tso siab. Tswv Ntuj lo lus tsis tuaj cuam tshuam nkawd xwb, tseem txhab ib lub zog loj rau nkawd daws tej teeb meem ib qib zuj zus hauv nkawd lub neej. Tsis yog nkawd tsis ntsib teeb meem, tseem tshuav teeb meem ntau thiab tshuav loj dua ntxiv. Hauv nkawd lub neej, nkawd tsuas paub hnub no xwb, nkawd kuj tsis paub xyov tag kis, nws yuav zoo nws li cas. Tiam sis, txawm li cas, nkawd kev tso siab rau Tswv Ntuj khov kho xws caj tsuas thiab ruaj nreb xws caj zeb. Nkawd muab Tswv Ntuj lo lus ua nkawd tus txha nqaj qaum txheem nkawd lub cuab lub yig, ua teeb taws pom kev hnub tsaus hauv nkawd neej, ua dag ua zog ntug ntoob tiv thaiv dab Xas Tas hniav ntaj hniav riam tuaj chob tuaj hlais nkawd tej siab ntsws. Nkawd yuav sib vam khom ib leeg pab txhawb pab nres ib leeg : Mab Liab tsuas tau txais Tswv Ntuj ib lo lus ntawm Nkas Nplias xwb (koj cev yuav xeeb tub…yog tus nyob siab Leej Tub) ; ntawm Yos Xes kuj tib yam (Txhob ntshai mus coj Mab Liab, koj poj niam los…Nws yuav yug ib tug tub, koj tis nws npe hua ua Yes Xus, yog nws, tus yuav txhiv nws haiv neeg ntawm lawv cov txhaum) ; Mab Liab thiab Yos Xes nkawd yeej tsis xub paub ua ntej txog Tswv Ntuj lo lus nrov ncha tuaj hauv nkawd nplooj siab nplooj ntsws, xyov nws yuav tshwm sim zoo li cas lawm tom ntej. Nkawd tsuas pob sab rau siab ntso npaj nkawd lub neej li sawv daws. Txog caij ua noj ua haus, nkawd mus ua noj ua haus ; txog caij teev ntuj, nkawd mus teev ntuj ; txog sij hawm ua hmoov Hla, nkawd mus koom, mus nrog sawv daws ua hmoov Hla.

Vim li ntawd, hnub no, peb hnov Lus Kas piav txog nkawd coj Yes Xus mus ua hmoov Hla nyob Yes Lus Xas Les li txhia niaj txhia xyoo. Tiam sis, xyoo ntawd, Yes Xus hlob tuaj muaj 12 xyoos. Fij no lawv mus teev ntuj, muaj tej yam txawv txhia niaj txhia zaus. Tej yam txawv ntawd, ua rau Mab Liab pom lawv lub neej hloov zuj zus. Xyov tim li cas, Mab Liab nkawd cia li nrhiav tsis pom Yes Xus nrog nkawd sawv kev rov los tsev li txhia xyoo. Nkawd twb sawv kev los ko taw ib hnub ke lawm, tseem tau rov qab mus pem nroog Yes Lus Xas Les, mus nrhiav Yes Xus ploj rooj teb twg lawm. Ua rau Mab Liab txhawj xeeb kawg nkaus. Lawv muab 3 hnub mam rov sib nrhiav tau thiaj zoo Mab Liab siab : “Me tub, tim li cas koj ua li ntawd rau wb ? Saib ! Koj txiv thiab kuv, wb txhawj koj npaud” Tsis tas li ntawd xwb, tseem muaj tej lo lus Mab Liab thiab Yos Xes nkawd hnov nkawd tus tub Yes Xus hais ua rau nkawd yoob thiab xav tsis thoob : “Vim li cas neb ho nrhiav kuv ? Neb tsis paub tias ntawm kuv txiv teej tug, kuv yuav tsum nyob ntawd lod ?...Nws thiaj nrog nkawd nqes mus Nas Xas Les, nws mloog nkawd lus. Nws niam nco ntsoov tej lus no hauv nws nruab siab” Mab Liab pib to taub zuj zus txog nws Leej Tub Yes Xus. Los txog tav no, yeej tsis muaj dab tsi yuav ua rau Mab Liab ras dheev li cas. Mab Liab ntsia Yes Xus yeej yog Yos Xes nkawd tub. Tiam sis txij Yes Xus hais nws cov lus no tshwm, ua rau Mab Liab mam txais tau Nkas Nplias cov lus thaud Nkas Nplias tau hais rau nws : “koj cev yuav xeeb tub...yog tus nyob siab Leej Tub LK1,31-32” Tswv Ntuj cov lus Nkas Nplias xa tuaj rau nws ua rau nws nplooj siab nplooj ntsws to ntshua. Ziag no, Mab Liab pib to taub txog nws Leej Tub Yes Xus yog tus nyob siab Leej Tub. Leej Txiv Tswv Ntuj yog tus nyob siab. Yes Xus yog Tswv Ntuj Leej Tub. Nyiam no, Mab Liab pom tias yuav tshuav ntau yam, ntau lub cim ntxiv yuav tshwm sim tuaj ua kom Tswv Ntuj lo lus cawm lub sim ceeb tsheej xeeb. Mab Liab thiab Yos Xes nkawd yuav pom Yes Xus qhia Tswv Ntuj lo lus tseeb zuj zus lawm yav tom ntej.

Ib tsoom kwv tij neej tsa nyiam Tswv Ntuj, mloog Tswv Ntuj lus, peb ua hmoov hwm Yim Neeg Ntshiab. Thov kom lub txiaj ntsim Tswv Ntuj tau tso rau Yim Neeg Ntshiab tuaj txog rau ib tsoom niam tsoom txiv, tsoom kwv tsoom tij, tsoom neej tsoom tsav sawv daws thiab tuaj txog rau tas tsoom tub ntxhais hluas txhua leej txhua tus. Peb twb los ua Tswv Ntuj haiv neeg hauv lub Koom Txoos Kav Tos Liv. Tswv Ntuj tau txib kom peb leg Tswv Ntuj txoj hauj lwm ua Tswv Ntuj cov tub ntxhais txib ib yam Mab Liab thiab Yos Xes nkawd. Tswv Ntuj tos tau nkawd ua tsheej Tswv Ntuj cov tub txib. Niaj hnub no, Tswv Ntuj tos peb sawv daws txhua leej txhua tus, tsis hais tuas laus tus hluas, tus muaj mob los tus zoo neej, tas tus. Tswv Ntuj tos peb sawv daws sib pab leg Tswv Ntuj txoj hauj lwm ib yam Mab Liab thiab Yos Xes. Tswv Ntuj tes dej num muaj ntau tsav ua tsis tag. Yog peb sib ntxeeb ua tib txog hauj lwm xwb, ces sawv daws yuav sib cav sib ceg, hais tsis haum, ib tug ua ua ntej, lwm tus yuav rhuav lawv qab. Thaum kawg, coob leej ntau tus yuav puag tes puag taws ntsia pab nyuag sib cam liab muag tsuas thiab plim pliaj nyob ntsia tsis rau tes leg Tswv Ntuj tes qav num npau xi ua tsis tag.

Thawj txoj hauj lwm Tswv Ntuj tso rau peb ua, hnub peb cog lus nrauj dab phem, tig los ua neeg ncaj ua neeg zoo, mloog Tswv Ntuj lus. Txoj hauj lwm ntawd peb ua txog qhov twg lawm ? Los peb twb muab laim pov tseg ntev lawm tsis loj npab ntshuav kov ?

Txoj hauj lwm ob leg Yes Xus txoj hauj lwm mus kom txog hnub nws yuav rov tuaj, ua tim khawv txog Yes Xus, yam li faib peb mov rau tus tshaib noj thiab zam rau tus neeg ntxub peb…peb puas faib peb mov rau tus tshaib noj, los peb tseem mus txeeb tus pluag li los ntxiv kom tsam rau peb, los puas peb tseem npaj riam phom tos kev yuav kem peb tus yeeb ncuab caj pas thiab txo nws txoj sia…

Huab Tais, thov koj xaiv peb los ua koj cov tub ntxhais txib, xa koj lo lus tuaj cuam tshuam peb lub hom phiaj hloov peb lub neej kom muaj txiaj ntsim li Yim Neeg Ntshiab.

Cwj Vuam Chiv 21.12.2009

COV ZAJ NYEEM HMO 24/12/2009
( Hmo Yes Xus Yug Los - Xyoo C )

(Hais lus Hmoob - En Français)

• Zam Ntawv Moo Zoo 1,1-18
  

1 Thaum chiv keeb muaj txawm Leej Lo Lus thiab Leej Lo Lus nyob ze Tswv Ntuj thiab Tswv Ntuj yog Leej Lo Lus.
2 Nws nyob ze Tswv Ntuj ib txwm keeb.
3 Tas puas tsav yam muaj tshwm vim nws. Yog tsis muaj nws, ib yam dab tsis twb tsis muaj.
4 Hauv nws muaj txoj sia thiab txoj sia yog tib neeg qhov pom kev.
5 Qhov pom kev ci ntsa kev tsaus ntuj thiab kev tsaus ntuj zawm tsis cuag nws.
6 Muaj ib tug neeg, nws npe hu ua Zam, Tswv Ntuj xa nws tuaj.
7 Tus no tuaj ua ib tug pov thawj, kom nws zeem txog qhov pom kev, kom sawv daws ntseeg vim nws.
8 Tus ntawd tsis yog qhov pom kev, tab sis kom nws zeem txog qhov pom kev.
9 Qhov pom kev thiaj yog tseem tiag, kaj nrig tib neeg tas tus tuaj nyob ntiaj teb no.
10 Nws yeej nyob txawm ntiaj teb no. Muaj nws, ntiaj teb thiaj tshwm los, tsis kav ntiaj teb tsis lees nws.
11 Nws tuaj rau qhov zoo, tsis kav nws cov neeg tsis kam txais nws.
12 Cov twg txais nws, nws pub lub peev xwm rau lawv ua tau Tswv Ntuj me nyuam, cov kam ntseeg hauv nws lub npe,
13 Cov tsis yog ntshav, tsis yog nqaij yuam, tsis yog ib tug neeg twg yuam, tiam sis yug muaj ntawm Tswv Ntuj.
14 Thiab Leej Lo Lus txawm xeeb ua nqaij, tsa nws tsev tsam phooj nyob nrog peb thiab peb ntsia ntsoov nws lub hwj chim ; yam li hwj chim ib leeg tub kheej nyob ze Leej Txiv, muaj txiaj ntsim loj thiab tseem ceeb.
15 Zam zeem txog nws thiab qw nrov tias : "Tus no yog tus kuv hais tias, tus lawv kuv qab tuaj lawm, nws twb ua kuv ntej lawm, vim nws yog kuv tus thawj."
16 Vim tas peb sawv daws puav leej tau txais ntawm nws phwj yaws txiaj ntsha txiaj ntsim.
17 Vim Txoj Cai muab tuaj rau Mai Xes, lub txiaj ntsim thiab kev tseem ceeb vim Yes Xus Pleev thiaj tuaj txog.
18 Tswv Ntuj tsis muaj leej twg pom sim neej; Leej Tub ib leeg kheej, Tswv Ntuj yog nws nyob hauv Leej Txiv xub ntiag, nws yog tus muab qhia rau peb.

LECTURES DE LA MESSE DU 24/12/2009

( La nuit de Noël - Année C )(Hais lus Hmoob - En Français)

• Evangile de saint Jean 1, 1-18

1 Au commencement était le Verbe, et le Verbe était avec Dieu, et le Verbe était Dieu.
2 Il était au commencement avec Dieu.
3 Toutes choses ont été faites par Lui, et rien de ce qui a été fait n'a été fait sans Lui.
4 En Lui était la vie, et la vie était la lumière des hommes;
5 et la lumière luit dans les ténèbres, et les ténèbres ne l'ont pas saisie.
6 Il y eut un homme envoyé de Dieu, dont le nom était Jean.
7 Il vint pour servir de témoin, pour rendre témoignage à la lumière, afin que tous crussent par lui.
8 Il n'était pas la lumière, mais il vint pour rendre témoignage à la lumière.
9 C'était la vraie lumière, qui éclaire tout homme venant en ce monde.
10 Il était dans le monde, et le monde a été fait par Lui, et le monde ne L'a pas connu.
11 Il est venu chez Lui, et les Siens ne L'ont pas reçu.
12 Mais, à tous ceux qui L'ont reçu, Il a donné le pouvoir de devenir enfants de Dieu; à ceux qui croient en Son nom,
13 qui ne sont pas nés du sang, ni de la volonté de la chair, ni de la volonté de l'homme, mais de Dieu.
14 Et le Verbe a été fait chair, et Il a habité parmi nous; et nous avons vu Sa gloire, gloire comme du Fils unique venu du Père, plein de grâce et de vérité.
15 Jean rend témoignage de Lui, et crie, en disant: C'est celui dont j'ai dit: Celui qui doit venir après moi a été placé au-dessus de moi, parce qu'Il était avant moi.
16 Et nous avons tous reçu de Sa plénitude, et grâce pour grâce.
17 Car la loi a été donnée par Moïse; la grace et la vérité ont été faites par Jésus-Christ.
18 Nul n'a jamais vu Dieu; le Fils unique, qui est dans le sein du Pére, voilà Celui qui L'a manifesté.

LUS TSHAJ XO KEV PLOJ TUAG NTAWM TSOOM NTSEEG HMOOB
NYOB IB CHEEB TSAM PARIS

Yawg Txhiaj Tub LIS tau tas sim neej lawm.
Nws muaj ze ntawm 80 xyoo.

Tsev xyom cuab yuav coj nws los tha ua kev cai Kav Tos Liv rau lub chav tsev :

"La Ferme Champigny" - 77390 CRISENOY
(Prendre la A5 en direction de Troyes puis la 1ere sortie Saint Germain Laxis aprés le péage)

Lub ntees yuav npaj raws li nram no :

• Hnub tim 25-12-2009, thaum 19h00 : Ua kab ke xa plig
  
  
• Hnub tim 26-12-2009, thaum 10h00 : Thov Tswv Ntuj rau tus tas sim neej
  Thaum 19H00 : Rov qab thov Tswv Ntuj rau tus tas sim neej
  
  
• Hnub tim 27-12-2009 Thaum 10h00 : Thov Tswv Ntuj rau tus tas sim neej
  Thaum 15h00 : Xyom cuab lo lus hais txog tus laus lub neej
  
  
• Hnub tim 28-12-2009 : Thaum 8h00 : Thov Tswv Ntuj rau tus tas sim neej
  Thaum 10h00 : Sawv kev mus sam sab

Tsev xyom cuab xov tooj :

• M. LIS Xaiv Phiab : 06.70.61.35.30
• M. LY Kou : 06.07.91.20.02
• M. LY Ying : 06.37.86.21.81

COV ZAJ NYEEM RAU HNUB CHIV 20/12/2009

( Hnub chiv 4 Tos Huab Tais - Xyoo C )

(Hais lus Hmoob - En Français)

• Zaj nyeem 1 : Mis Kes Tsab Ntawv 5,1-4

1 Npes Les Hes Es Fas Tas, tus me tshaj hauv Yus Das cov xeem, kuv yuav ua tawm ntawm koj tus yuav tswj His Xais Lais. Nws lub keeb chiv puag thaum hauv paus txheej laus thaum ub.
2 Nws tau tso lawv pov tseg mus txog thaum tus yuav yug me nyuam yug tau me nyuam. Pawg seem hauv nws cov kwv tij yuav rov los nrog His Xais Lais cov me nyuam.
3 Nws yuav sawv tsees los, nws yuav saib nws pab tsiaj muaj Huab Tais lub hwj huam, muaj nws tus Tswv Ntuj lub npe nto koob meej. Lawv yuav tau nyob thaj yeeb, nws yuav muaj hwj huam loj mus txog puag npoo ntiaj teb.
4 Nws tus kheej yog kev thaj yeeb.

• Zaj nyeem 2 : Hes Nplaws 10, 5-10

5 Vim qhov ntawd, thaum Leej Pleev los nyob ntiaj teb no, nws thiaj hais tias : “Tswv Ntuj, cov thaj txi Ntuj thiab cov paj tshab, mas koj tsis xav yuav, koj thiaj puab ib lub cev rau kuv.
6 Cov thaj hlawv tsiaj thiab cov thaj txi Ntuj them txim txhaum, koj tsis zoo siab txais.
7 Kuv thiaj hais tias : “Tswv Ntuj, kuv tuaj ua raws li koj nyiam, raws li riam Ntawv sau hais txog kuv”.
8 Leej Pleev xub hais tias : “Cov thaj txi Ntuj, cov paj tshab, cov thaj hlawv tsiaj, cov thaj txi Ntuj them txim txhaum, koj tsis zoo siab txais : tej ntawd yog tej yam uas Txoj Cai qhia kom cev.
9 Leej Pleev hais ntxiv tias : “Kuv tuaj ua raws li koj nyiam.” Li ntawd, Leej Pleev rhuav thawj txoj cai, nws tsa ib txog tshiab los hloov.
10 Vim nws tau ua qhov zoo no, mas peb thiaj ntshiab tuaj. Yes Xus Pleev cev nws lub cev ib zaug xwb, ces peb ntshiab mus li.

• Lus Kas Ntawv Moo Zoo 1,39-45

39 Thaum lub hnub nyoog ntawd, Mab Liab sawv kev tsees maj nroos mus pem toj siab, pem lub nroog nyob cheeb tsam Yus Das.
40 Nws chaws mus hauv Ntxas Kas Lias tsev thiab hu Es Lis Xas Npes.
41 Xyov ua cas thaum Es Lis Xas Npes hnov dheev Mab Liab hu nws, tus me nyuam hauv nws plab dhia ib rhees thiab Es Lis Xas Npes cia li muaj Leej Ntuj Plig Ntshiab puv nws.
42 Nws cia li tsa suab nrov hais tias : "Koj, tus muaj hmoo tshaj tsoom poj niam huv tib si thiab lub txiv hauv koj plab yog koob hmoo.
43 Uag, ua cas muaj li ntawd rau kuv yuam, kuv tus Huab Tais leej niam tuaj ntawm kuv ?
44 Koj saib, thaum kuv ntsej hnov dheev koj lub suab hu kuv, tus me nyuam hauv kuv plab dhia ib rhees zoo siab hlo.
45 Thiab zoo siab heev rau tus muaj siab ntseeg yam yuav tsheej xeeb Huab Tais tau hais rau nws.

(Mus nyeem tsab ntawv nthuav Ntawv Ntshiab)

LECTURES DE LA MESSE DU 20/12/2009
( Quatrième dimanche de l'Avent - Année C )

(Hais lus Hmoob - En Français)

• 1ère lecture : Le Messie viendra de Bethléem (Mi 5, 1-4)
  Lecture du livre de Michée

Parole du Seigneur : Toi, Bethléem Ephrata,le plus petit des clans de Juda, c'est de toi que je ferai sortir celui qui doit gouverner Israël. Ses origines remontent aux temps anciens, à l'aube des siècles. Après un temps de délaissement, viendra un jour où enfantera celle qui doit enfanter, et ceux de ses frères qui resteront rejoindront les enfants d'Israël. Il se dressera et il sera leur berger par la puissance du Seigneur, par la majesté du nom de son Dieu. Ils vivront en sécurité, car désormaissa puissance s'étendra jusqu'aux extrémités de la terre, et lui-même, il sera la paix !

• 2ème lecture : « Je suis venu pour faire ta volonté » (He 10, 5-10)
  Lecture de la lettre aux Hébreux

Frères, en entrant dans le monde, le Christ dit, d'après le Psaume : Tu n'as pas voulu de sacrifices ni d'offrandes, mais tu m'as fait un corps. Tu n'as pas accepté les holocaustes ni les expiations pour le péché ; alors, je t'ai dit : Me voici, mon Dieu, je suis venu pour faire ta volonté,c ar c'est bien de moi que parle l'Écriture. Le Christ commence donc par dire : Tu n'as pas voulu ni accepté les sacrifices et les offrandes, les holocaustes et les expiations pour le péché que la Loi prescrit d'offrir. Puis il déclare : Me voici, je suis venu pour faire ta volonté. Ainsi, il supprime l'ancien culte pour établir le nouveau. Et c'est par cette volonté de Dieu que nous sommes sanctifiés, grâce à l'offrande que Jésus Christ a faite de son corps, une fois pour toutes.

• Evangile : La Visitation (Lc 1, 39-45)
  Évangile de Jésus Christ selon saint Luc

En ces jours-là, Marie se mit en route rapidement vers une ville de la montagne de Judée. Elle entra dans la maison de Zacharie et salua Élisabeth. Or, quand Élisabeth entendit la salutation de Marie, l'enfant tressaillit en elle. Alors, Élisabeth fut remplie de l'Esprit Saint, et s'écria d'une voix forte : « Tu es bénie entre toutes les femmes, et le fruit de tes entrailles est béni. Comment ai-je ce bonheur que la mère de mon Seigneur vienne jusqu'à moi ? Car, lorsque j'ai entendu tes paroles de salutation, l'enfant a tressailli d'allégresse au-dedans de moi. Heureuse celle qui a cru à l'accomplissement des paroles qui lui furent dites de la part du Seigneur. »

Ib tsoom niam txiv kwv tij neej tsa phooj ywg,


Peb nyob hauv lub lis piam 4 lub caij tos Huab Tais. Hnub no, peb zoo siab rov tuaj pe hawm peb tus Huab Tais Tswv Ntuj, tuaj mloog nws lus. Peb tau hnov yaj saub Mis Kes tsab ntawv thiab Lus Kas Ntawv Moo Zoo. Muaj ntau yam, Huab Tais qhia rau peb hauv cov zaj nyeem hnub no. Tiam sis peb yuav ua zaug tham tsis tag. Peb tsuas khaws ib lub ntsiab lus hauv zaj nyeem ib coj los xav ua ntej. Tas ntawd, peb ho xaiv ib lub ntsiab lus hauv zaj ntawv Moo Zoo los pab peb txoj kev ntseeg, npaj peb lub neej tos Huab Tais yuav yug los ua neeg, tos Huab Tais tuaj xyuas peb, tuaj nrog peb nyob txhawb peb lub neej, daws peb kev txob txhawj.

Yog peb cuab ntsej mloog zoo saub Mis Kes tsab ntawv hnub no, nws cov lus yuav ua rau peb tuaj zog thiab muaj kev zoo siab tsis txawj tag. Mis Kes cov lus hnub no hais txog tus neeg me. Tsis yog me lub cev nqaij daim tawv; tiam sis me nyob sab nruab nrog, sab nruab siab. Yog peb leej twg yog neeg me, noob pej xeem, noob qhe. Mis Kes cov lus hnub no, yog hais rau peb. Vim li ntawd, cov lus no, yog ib co lus ua kom peb zoo siab tsis txawj tag hauv Tswv Ntuj. Peb tus Huab Tais Tswv Ntuj tsis ntsia peb dog dig li tej nom tej tsw. Huab Tais Tswv Ntuj tsis thuam peb li tej neeg loj thiab muab hlob saib tsis taus peb. Yuav kom peb to taub txog Tswv Ntuj lub siab hlub tus neeg me. Peb yuav tau piav me ntsis txog peb ntiaj teb tib neeg lub neej. Peb tib neeg feem coob, puav leej nyiam thiab ntshaw ua tus loj, ntshaw muaj koob meej, muaj hwj chim. Sawv daws puav leej ntshaw muaj tub mab tub qhe ua qav ua num rau yus, muaj tub teg tub taws nrog ncig. Tiam sis sawv daws tsis muaj lub peev xwm, tsis muaj tes nyiaj txiag ntiav tau tub teg tub taws los ua yus qhev leg qav leg num. Kawg yog cov loj, cov nplua nuj, tej nom tswv thiab vaj ntxwv thiaj muaj nyiaj los them tub mab tub qhe. Yus pom tau tias nom tswv thiab vaj ntxwv thiab yus me nyuam neeg no sib txawv deb npaum li cas. Sib txawv qhov noj qhov haus, sib txawv ntawm nyiaj txiag, luag nplua nuj, yus neeg pluag ; sib txawv ntawm lub hwj chim, muaj neeg coob nrog ncig hwm luag, tiam luag ; ntawm yus, tsuas muaj yus pab nyuag niam txiv tub nkaus xwb…Muab piv li tias, yog yus mus ua tej nom tswv thiab vaj ntxwv cov tub mab tub qhe, yus yuav tau siv zog tawm hws leg kom txhij ua kom txhua tej dej num rau luag. Yus yuav tau thiaj luag tiam luag tas zaj tas zog. Yus ntsib luag ntawm tog kev, yuav ua ntaj teg, khoov pe hwm luag hla dhau mus lawm yus mam rov sawv tau ntseg los khee yus lub luag num ua mus. Ua npaum li, los luag twb tsis qhuas. Rau luag, yus twb tsis muaj nuj nqes. Yus txawm rau siab npaum twg los luag tseem hlub yus tsis cuag luag tus dev caum nqaij tau noj qab pw sov, nyob luag vaj luag tsev. Luag twb tsis pom yus siv zog ua luag tus qhev thiab luag tseem saib yus qis tshaj tej tsiaj txhu…Leej tib neeg lub neej mus zoo li ntawd. Ho muab piv rau kev ua dag ua zog. Peb mus ntiav zog, nrhiav hauj lwm ua, mus ua cov neeg nplua nuj tub zog, los mus ua tej tus los pav tej hauj lwm. Peb tsis tau khoov ua ntaj teg pe luag kom ti av. Tiam sis, peb kuj raug tej neeg nplua nuj, tej los pav yuam yus ua hauj lwm kom tshaj, tsis pub yus so raws li txoj cai, tsis kam yus caiv, muab yus nyiaj hli lov…ua rau yus chim, ua rau yus tu siab, los luag puam chawj tsis pom tsis paub yus kev tu siab. Ho piv lus hais txog ntawm yus Hmoob lub neej, nyob koom zej koom zos. Nyob hauv yus tej zej zog, hauv yus cuab kwv tij, kuj muaj tej txhia neeg, muaj tej cuab tej yig neeg raug luag thuam, raug luag ntxub. Tej txhia, yog vim lawv ncauj lus tsawg hais tsis taus. Lawv tsis txawj ua kom luag ob cag saib taus. Hmoob hais tias noj tsis taus ces yuav tuag, hais tsis taus ces yuav pluag. Tej txhia, lawv yog tej neeg siab ntev, muaj neeg ua tub qaug lawv los lawv ua twj ywm uv dhau tsis teb ib los siab, tsis hais tawm ib los nchav. Luag hais mob hais hnyav los lawv uv yeej, tsis ua siab luv nrog luag sib ceg liab muag tsuas. Lawv tsis nyiam nrog tej neeg nkhaus sib cam tsis tag. Lawv tsis nyiam hais lus ntau ntau…Vim li ntawd, lawv yog cov neeg me, cov neeg tsis muab hlob. Tswv Ntuj pom peb tib neeg kev txom nyem, kev txhawj xeeb loj npaum li, Tswv Ntuj thiaj tshoj qhia Mis Kes hais Tswv Ntuj tej lus rau peb hnov. Peb txawm yog noob qhe, ua nom tswv thiab vaj ntxwv tub qhe. Luag saib peb tsis muaj nqes. Peb txawm raug tej los pav quab yuam yus, dag yus. Peb txawm raug lub zej zog, tej kwv tij neej tsa thuam thiab ntxub npaum li cas. Saub qhia tias kom peb txhob txhawj. Muaj tus hlub peb, nyiam peb, kom peb nco ntsoov, txhob poob siab, txhob ntaus siab me. Muaj tus ntsia peb muaj nqes tshaj nyiaj tshaj kub. Nws ntshaw peb, txuag peb tshaj peb ntshaw pov haum, ntshaw nyiaj thiab kub. Nws nyiam peb, nws hlub peb tshaj cov neeg loj, neeg khav theeb, tshaj tej nom tswv thiab vaj ntxwv. Yog vim li ntawd, saub Mis Kes thiaj caw peb tig ntsia lub zos Npes Les Hes : “ Npes Les Hes Es Fas Tas, tus me tshaj hauv Yus Das cov xeem, kuv yuav ua tawm ntawm koj tus yuav tswj His Xais Lais” Muab piv rau lwm tej zos, Npes Les Hes yog lub me tshaj nyob rau xeev teb Yus Das. Yog ib lub me nyuam zos tsis muaj koob muaj npe ncha nrov. Tej tib neeg nyob lwm qhov chaw yeej tsis paub txog Npes Les Hes. Tiam sis tej zos loj, nroog loj li Yes Lis Kos, Yes Lus Xas Les, sawv daws puav leej paub. Yes Lis Kos, yog ib lub nroog txwj nroog laus, muaj ntsa zeb ntsa tsua thaiv, muaj tsev zeb tsev tsua zoo nkauj, muaj neeg coob, muaj lag luam, muaj tej neeg tseem ceeb, muaj nom tswv nyob. Yes Lus Xas Les tseem yim huab nto koob meej, muaj lub tuam tsev teev ntuj, muaj huab tais vaj ntxwv Das Vis lub loog, muaj tej txwj laus, cov thawj leej choj…Yog muab sib piv, tib neeg yuav tsis qhuas Npes Les Hes, zos me, pluag, pem roob pem hav, nrog tej nkuaj nyug nkuaj nees, nkuaj yaj nkuaj tshis thiab yog nyuj nees chaw mus los nog zaub. Tsis muaj tus tsi yuav txaus neeg qhuas nyob Npes Les Hes.
Saub Mis Kes qhia tias, txawm yog nws me li ntawd, Npes Les Hes thiaj ntxim Tswv Ntuj hlub, nws yog Tswv Ntuj lub chaw cia siab. Tswv Ntuj tsis zoo li tib neeg pom sab daim tawv pluag, zos me, tsis muaj koob muaj npe ncha ces yuav saib tsis taus, yuav ntxub, yuav thuam. Tswv Ntuj pom Npes Les Hes xis Tswv Ntuj siab. Tim yog nws me, tsis nplua nuj, tsis muab hlob, nws yuav txawj tos thiab txawj txais Huab Tais yuav yug los ua neeg. Lub ntsiab lus peb yuav khaws Tswv Ntuj cov lus coj peb lub neej, xyaum coj li cov neeg nyob Npes Les Hes, tsis yog ib co neeg ua nom ua tswv. Lawv yog ib co neeg ua liaj ua teb, yog ib co neeg yug tshiaj txhu pw liaj pw teb. Yog ib co neeg pej xeem tsis muaj pluaj siab dub, tsis muaj qhov dag, haub thiab ntxias, siab tsis nkhaus, tsis yuam cai lam liam kom yeej luag...Lawv coj tau, ua tau zoo nyiam tshaj nyob lwm lub nroog. Vim li ntawd, Tswv Ntuj xaiv lawv ua cov xub pom Tswv Ntuj yug los. Vim Tswv Ntuj pom lawv xis Tswv Ntuj siab. Lawv lub siab zoo li Tswv Ntuj, siab tsis dub, siab tsis nkhaus, tsis muab hlob. Leej Txiv Tswv Ntuj xa nws Leej Tub Yes Xus yug los ua neeg nyob lub zos Npes Les Hes, yog ib lub txiaj ntsim loj pauj Npes Les Hes lub siab ncaj. Vim Npes Les Hes siab zoo, Yes Xus tuaj ua kom Npes Les Hes muaj koob nto moo. Yes Xus, yog Npes Les Hes ib tug tub yuav sawv los tswj tas His Xais Lais teb hloov cov nom, cov vaj ntxwv. Yes Xus yuav sawv los tswj, los kav neeg nruab siab nruab ntsws. Yes Xus yuav tsis tswj tsis kav li tej nom tej vaj ntxwv muab txhooj muab cai los txiav txim, muab ntaj muab phom los hais neeg, muab hwj chim los khoo tub mab tub qhe…Peb los ntseeg Yes Xus, peb los ua Yes Xus cov kwv tij teev Leej Txiv Tswv Ntuj. Peb yog Yes Xus cov kwv tij seem : “Pawg seem hauv nws cov kwv tij yuav rov los nrog His Xais Lais cov me nyuam. Nws yuav sawv tsees los, nws yuav saib nws pab tsiaj muaj Huab Tais lub hwj huam, muaj nws tus Tswv Ntuj lub npe nto koob meej”Yes Xus yuav sawv ua tswv saib His Xais Lais, zoo li cov tswv yug tsiaj nyob Npes Les Hes saib lawv tej tsiaj. Tom qab, Yes Xus hais tawm tias Yes Xus yog tus Zoo Tswv Zov Yaj.

Nyob hauv Lus Kas tsab Ntawv Moo Zoo hnub no, lub ntsiab lus kuj hais txog kev tuaj zog kev zoo siab tsis txawj tag hauv Tswv Ntuj. Ua cas ho tuaj zog thiab zoo siab ? Nej sim ho xav saib, ua cas Mab Liab thiab Es Lis Xas Npes nkawd ho yuav tsis tuaj zog thiab zoo siab. Mab Liab tseem nyuam qhuav tiav hluas nkauj. Nws kuj txaus siab yuav npaj nrog Yos Xes ua neej. Hos ntawm Es Lis Xas Npes, nws twb yuav nws tus txiv Ntxas Kas Lias tau ntev xyoo lawm tsis muaj me nyuam. Mab Liab thiab Es Lis Xas Npes nkawd ob leeg puav leej yog neeg ncaj, neeg zoo. Nkawd ntseeg cov yaj saub tej lus qhuab qhia hais txog Tswv Ntuj tus cawm seej yuav tuaj. Nkawd tos ntsoov Tswv Ntuj yuav xa Tswv Ntuj Leej Pleev, tus cawm seej los cawm His Xais Lais ntawm lawv txoj kev txom nyem raug luag tej teb chaws loj tsim txom thiab quab yuam. Hais tau tias nkawd kub siab lug tos ua hnub ua hmo thaum twg tus cawm seej thiaj yuav tuaj txhiv His Xais Lais kev raug ua luag qhev kom dim los nyob twj lij, tau nyob kaj siab lug thiab tau nyob thaj yeeb. Muaj ib hnub, ib tug neeg tuaj xa xov rau Mab Liab. Nws yog Nkas Nplias. Tswv Ntuj tau xa Nkas Nplias tuaj txib Mab Liab ua ib txoj hauj lwm rau Tswv Ntuj, thov Mab Liab txais Tswv Ntuj lo lus hauv Mab Liab nruab siab, ua rau Mab Liab ceeb tag. Mab Liab cev yuav xeeb tub, yuav yog tus nyob siab Leej Tub. Mab Liab teb tias Mab Liab zoo siab ua Tswv Ntuj tus ntxhais txib. Tas ntawd, Nkas Nplias qhia Mab Liab paub tias nws tus viv ncaus Es Lis Xas Npes twb xeeb tub tau rau hli lawm. Thaum Mab Liab paub li ntawd, ua rau Mab Liab zoo siab tsis txawj tag. Mab Liab thiab Es Lis Xas Npes nkawd ib leeg nyob ib lub zos deb. Nkawd ib leeg tsis hnov ib leeg xov, vim nyias nyob nyias ib rab teb. Mab Liab twb tsis paub tias Es Lis Xas Npes cev xeeb tub yog Nkas Nplias tsis hais qhia. Es Lis Xas Npes los kuj tsis paub tias Mab Liab tau txais Tswv Ntuj ib lo lus. Zaum no, Mab Liab paub tias Es Lis Xas Npes cev xeeb tub. Yuav ua rau nws zoo siab heev, pauj tau nws kev chim siab los txog txij no, tsis nrog luag muaj tub muaj ki. Mab Liab thiaj sawv kev tam sis mus saib Es Lis Xas Npes : “thaum Es Lis Xas Npes hnov dheev Mab Liab hu nws, tus me nyuam hauv nws plab dhia ib rhees thiab Es Lis Xas Npes cia li muaj Leej Ntuj Plig Ntshiab puv nws. Nws cia li tsa suab nrov hais tias : "Koj, tus muaj hmoo tshaj tsoom poj niam huv tib si thiab lub txiv hauv koj plab yog koob hmoo” Xav kom peb mloog cov lus no kom zoo. Vim Mab Liab mloog Tswv Ntuj lus, zoo siab ua Tswv Ntuj tus ntxhais txib. Leej Ntuj Plig Ntshiab tuaj roos ua rau Mab Liab cev xeeb tub. Leej Ntuj Plig Ntshiab kuj nyob puv Es Lis Xas Npes. Vim Mab Liab tuaj xyuas Es Lis Xas Npes, Leej Ntuj Plig Ntshiab coj Es Lis Xas Npes hais tau ib co lus zoo Mab Liab tsis tau hnov dua thiab tsis xav txog.
Ib tsoom phooj ywg ntseeg Tswv Ntuj, hnub no peb hnov Lus Kas tsab ntawv hais txog Mab Liab thiab Es Lis Xas Npes nkawd tej lus sib fim, sib tham, sib xyuas. Nkawd ob leeg puav leej ntseeg Tswv Ntuj, tos Tswv Ntuj yuav tuaj cawm His Xais Lais kev txom nyem. Tswv Ntuj tau txib nkawd ib leeg ua ib txog hauj lwm nrog Tswv Ntuj. Nkawd ib leeg tau txhawb ib leeg, ib leeg nrog ib leeg zoo siab. Mab Liab nrog Es Lis Xas Npes zoo siab, nws thiaj sawv kev tsees tuaj xyuas Es Lis Xas Npes. Kuj zoo tib yam rau Es Lis Xas Npes, nws kuj nrog Mab Liab zoo siab. Tsis tas li ntawd xwb, Es Lis Xas Npes tseem hais tau ib co lus qhib Mab Liab lub siab txog tej yam Mab Liab tsis ras txog yog Mab Liab tsis hnov hais : “Koj, tus muaj hmoo tshaj tsoom poj niam huv tib si thiab lub txiv hauv koj plab yog koob hmoo” Tej zaum peb yuav tau muab nkawd cov lus no coj los xav txog peb lub neej ua neeg ntseeg Tswv Ntuj tib yam nkaus. Peb kuj tsis txawv Mab Liab thiab Es Lis Xas Npes. Nkawd tos Tswv Ntuj txoj kev cawm neeg. Peb kuj tos Tswv Ntuj txoj kev cawm peb ntawm peb tej kev txhawj xeeb, kev nyuaj siab, zam peb tej txhaum. Tswv Ntuj txib nkawd nrog Tswv Ntuj leg ib txoj hauj lwm. Peb los ua neeg ntseeg Tswv Ntuj, peb kuj los ua Yes Xus thwj tim ntawm peb lub chaw nyob. Yes Xus kuj txib peb leg nws txoj hauj lwm tshaj nws lub Moo Zoo. Nkawd mloog Tswv Ntuj lus. Peb puas mloog Tswv Ntuj lus ib yam nkawd ? Mab Liab nkawd zoo siab ua Tswv Ntuj ntxhais txib. Peb ne, peb puas zoo siab ua Yes Xus cov tub txib ntxhais txib ib ncig ntawm peb nyob, hauv peb tej zej zog, ntawm peb lub luag qav luag num ? Nkawd ib leeg nrog ib leeg zoo siab, ib leeg txhawb ib leeg, ib tug qhuas ib tug. Peb ne, peb puas ua li nkawd ? Los peb muaj khib, ib tug khib rau ib tug, tsis txawj sib haum. Sawv daws puas sib pab, los peb nyias fee nyias duj das, tsis muaj tug xav raus tes los sib pab. Peb tsis txhob xav tias ntxuav plig tas lawm, tsis muaj num ua ntxiv. Yog vim Tswv Ntuj vam peb kev tso siab rau Tswv Ntuj, vam peb kev mloog Tswv Ntuj lus ib yam Mab Liab. Tswv Ntuj thiaj coj peb los txais lub Cim Ntxuav. Ntxuav Plig tas, peb txais lub Cim Txhab Zog, yog txais Leej Ntuj Plig Ntshiab kom peb muaj zog sib pab, txawj hais lus zoo, ua neeg thoob tsib, ib leeg vam ib leeg, ib tug txhawb ib tug ib yam Mab Liab nkawd. Yog Mab Liab nyob twj ywm tom tsev, Mab Liab yuav tsis hnov Es Lis Xas Npes cov lus zoo qhib Mab Liab lub siab kom nthuav loj thiab pom kev deb. Yog peb lam muaj npe ua neeg ntseeg, sim neej, peb tsis mus teev ntuj, tsis nrhiav paub, tsis nrhiav mloog Tswv Ntuj lus, tsis nthuav ntawv Moo Zoo los nyeem los kawm. Peb lub tswv yim yuav ua cas txawj ntse, peb lub siab yuav ua cas nthuav tuaj, peb yuav ua cas muaj zog ua neeg ntseeg.

Ib tsoom phooj ywg, ua neej nyob, peb yuav tsum noj mov, peb thiaj li yuav muaj txoj sia nyob. Ua Tswv Ntuj ib tug tub txib, ntxhais txib, yog peb tsis nrhiav kawm, tsis nrhiav mloog Tswv Ntuj lus. Peb txoj kev tso siab rau Tswv Ntuj yuav ua cas muaj zog, peb yuav ua cas muaj kev ntseeg tswv Ntuj kav peb nruab siab.

Cwj Vuam Chiv 15.12.2009

COV ZAJ NYEEM RAU HNUB CHIV 13/12/2009

( Hnub chiv 3 Tos Huab Tais - Xyoo C )

(Hais lus Hmoob - En Français)

• Zaj nyeem 1 : Xos Fos Nias 3,14-18

14 Qw muaj ceem kev zoo siab, Xis Yoos me ntxhais ! Qw suab ncha ntws, His Xais Lais ! Lom zem rau koj, zoo koj siab nyob kaj lug, Yes Lus Xas Les me ntxhais !
15 Huab Tais muab koj cov neeg lam liam koj ntiab khiav, ua thaub qab koj tus yeeb ncuab. Huab Tais, His Xais Lais tus vaj ntxwv nyob hauv koj. Tsis txog koj yuav muaj kev txhawj xeeb.
16 Hnub ntawd, luag yuav hais rau Yes Lus Xas Les : “Tsis txhob ntshai, Xis Yoos ! Txhob cia koj tej tes tuag zawv !
17 Koj tus Huab Tais Tswv Ntuj nyob hauv koj, yog nws, tus ntaus thawj muab kev cawm neeg tuaj. Hauv koj yuav yog nws kev zoo siab thiab kaj siab lug, nws yuav ua dua koj tshiab khiv muaj nws txoj kev hlub.
18 Nws yuav dhia yom cev rau koj qw suab lom zem ntws cuag tej hnub tees.”

• Zaj nyeem 2 : Phis Lis Pos 4, 4-7

4 Nej yuav zoo siab mus li nyob hauv Huab Tais. Kuv rov hais dua tias nej zoo siab tiag mog !
5 nej yuav ua kom sawv daws paub tias, nej txawj yuav luag siab, vim Huab Tais los txog ze lawm.
6 Nej tsis txhob txhawj dab tsi. Thaum nej thov Ntuj, thiab nej teev Ntuj, mas nej kuj yuav ua
Ntuj tsaug. Thiab tej yam nej xav tau, nej yuav hais rau Tswv Ntuj paub.
7 Tswv Ntuj txoj kev thaj yeeb zoo tshaj qhov yus xav tau : nws txoj kev thaj yeeb yuav txuag nej lub siab thiab nej lub tswv yim kom nyob hauv Yes Xus Pleev.

• Lus kas Ntawv Moo Zoo 3,10-18

10 Cov npoj neeg tuaj kom Zam ntxuav lawv plig nug tias : "Peb yuav ua dab tsi ?"
11 Zam teb rau lawv tias : “Tus muaj ob lub tsho, kom nws faib rau tus tsis muaj. Tus muaj mov noj, kom ua tib yam nkaus.”
12 Cov neeg sau se kuj tuaj ntxuav plig thiab, lawv nug tias : "Xib Hwb, peb yuav ua dab tsi ?"
13 Nws teb lawv tias : "Tsis txhob sau tshaj txoj cai muaj tseg rau nej tuav."
14 Los txog cov tub rog, lawv nug nws tias : "Peb ne, peb yuav ua dab tsi ?" Nws teb lawv tias : "txhob muaj leej twg yuam cai, txhob ua tub qaug leej twg ; nej yuav txaus siab rau nej lub nqe zog."
15 Tsoom pej xeem nyob tos, tas sawv daws xav tau zom zaws hauv nyias nruab siab ua li Zam yog los tsis yog Leej Pleev.
16 Ces Zam hais rau sawv daws tias : "Kuv li, kuv muab dej los ntxuav nej, tiam sis tus muaj zog tshaj kuv, nws yuav tuaj. Kuv twb tsis tsim nyog daws nws txoj hlua khau. Nws li, nws yuav ntxuav nej hauv Leej Ntuj Plig Ntshiab thiab hauv hluav taws.
17 Nws tuav nws rab ntxuam ntawm tes yuav ntxuaj kom pov khawv nws lub tshav nplej thiab nws yuav sau cov nplej rau hauv nws txhab. Dua li, lub npluag yuav kub nyiab suaj kaum hauv hluav taws tsis txawj kug.
18 Nws tshaj lub Moo Zoo rau tsoom pej xeem hais ntau zaj qhuab qhia thiab lwm yam ntxiv.

(Mus nyeem tsab ntawv nthuav Ntawv Ntshiab)

LECTURES DE LA MESSE DU 13/12/2009

( Troisième dimanche de l'Avent - Année C )

(Hais lus Hmoob - En Français)

• 1ère lecture : « Fille de Sion, réjouis-toi, car le Seigneur est en toi » (So 3, 14-18)
  Lecture du livre de Sophonie

Pousse des cris de joie, fille de Sion ! Éclate en ovations, Israël ! Réjouis-toi, tressaille d'allégresse, fille de Jérusalem ! Le Seigneur a écarté tes accusateurs, il a fait rebrousser chemin à ton ennemi. Le roi d'Israël, le Seigneur, est en toi. Tu n'as plus à craindre le malheur. Ce jour-là, on dira à Jérusalem : « Ne crains pas, Sion ! Ne laisse pas tes mains défaillir ! Le Seigneur ton Dieu est en toi, c'est lui, le héros qui apporte le salut. Il aura en toi sa joie et son allégresse, il te renouvellera par son amour ; il dansera pour toi avec des cris de joie, comme aux jours de fête. »

• 2ème lecture : Soyez dans la joie : le Seigneur est proche (Ph 4, 4-7)
  Lecture de la lettre de saint Paul aux Philippiens

Frères, soyez toujours dans la joie du Seigneur ; laissez-moi vous le redire : soyez dans la joie. Que votre sérénité soit connue de tous les hommes. Le Seigneur est proche. Ne soyez inquiets de rien, mais, en toute circonstance, dans l'action de grâce priez et suppliez pour faire connaître à Dieu vos demandes. Et la paix de Dieu, qui dépasse tout ce qu'on peut imaginer, gardera votre coeur et votre intelligence dans le Christ Jésus.

• Evangile : Jean Baptiste prépare les foules à la venue du Messie (Lc 3, 10-18)
  Évangile de Jésus Christ selon saint Luc

Les foules qui venaient se faire baptiser par Jean lui demandaient : « Que devons-nous faire ? » Jean leur répondait : « Celui qui a deux vêtements, qu'il partage avec celui qui n'en a pas ; et celui qui a de quoi manger, qu'il fasse de même ! » Des publicains (collecteurs d'impôts) vinrent aussi se faire baptiser et lui dirent : « Maître, que devons-nous faire ? » Il leur répondit : « N'exigez rien de plus que ce qui vous est fixé. » A leur tour, des soldats lui demandaient : « Et nous, que devons-nous faire ? » Il leur répondit : « Ne faites ni violence ni tort à personne ; et contentez-vous de votre solde. » Or, le peuple était en attente, et tous se demandaient en eux-mêmes si Jean n'était pas le Messie. Jean s'adressa alors à tous : « Moi, je vous baptise avec de l'eau ; mais il vient, celui qui est plus puissant que moi. Je ne suis pas digne de défaire la courroie de ses sandales. Lui vous baptisera dans l'Esprit Saint et dans le feu. Il tient à la main la pelle à vanner pour nettoyer son aire à battre le blé, et il amassera le grain dans son grenier ; quant à la paille, il la brûlera dans un feu qui ne s'éteint pas. » Par ces exhortations et bien d'autres encore, il annonçait au peuple la Bonne Nouvelle.

Ib tsoom niam txiv kwv tij neej tsa thiab phooj ywg txhua leej txhua tus,


Peb zoo siab tuaj sib sau, tuaj vij tuaj pe peb Leej Niam Leej Txi, peb tus Huab Tais Tswv Ntuj, vim peb yog ib tse neeg ntseeg, yog nws tub nws ki. Tus tsim lub ntuj lub teb, tus pub peb muaj txoj sia nyob ntiaj teb no thiab tus yuav pub peb muaj txoj sia nyob txhiab niag tim puas xyoo, yog peb Leej Txiv Tswv Ntuj tib leeg. Nws hu peb tuaj sib txoos sib sau, cia peb qhib peb lub siab lub ntsws mloog nws lus, tuaj khaub zig nws dua.
Nej puas xam pom Huab Tais ua hnub kaj peb lub neej, ua tshav ziab ua nag ywg lub ntiaj teb daim av peb tej qoob loo thiab ua hmo qaim rau peb so los siav, daws peb zoo sab sawv ntxov tsees nquag plias tuav peb lub luag dej luag num ua. Peb puas muaj tus tsav tsi tsuam teev hnyav pauj tau peb tus Huab Tais lub txiaj ntsha, puas muaj tsav nqi qas tsi pauj txiaj ntsim peb tau txais dawb txais do ? Yog peb xam pom nuj pom nqi, tshuav ntau peb yuav them tsis tag rau peb Leej Txiv Tswv Ntuj. Vim li no, tsoom phooj ywg, peb txawm muab nyiaj muab kub, muab tsiaj txhu thiab qoob loo zoo npaum li cas ua txim los txi, nej xav, Huab Tais Tswv Ntuj puas ntshaw peb tej txim ntawd ? Lub ntiaj teb daim av, cov nyiaj cov kub, tej nroj tsuag, xyoob ntoo, qoob loo, kab ntsaum, tsiaj txhu…yog leej twg tug ? Puas yog peb tib neeg twg tsim muaj ? Vim li ntawd, tsoom kwv tij neej tsa, Tswv Ntuj ntshaw lwm yam peb muaj. Tsis yog khoom noj khoom siv, nws ntshaw, ua li, peb puas muab tau rau Tswv Ntuj yam peb muaj. Nws hu peb tuaj sib txoos vij nws lo lus, peb tsis yog tsis muaj num ua lam tuaj sib txoos laug caij kom dhau nyoog, los tuaj poob caij dawb nkim nyoog dag, lam teev ntuj dog dig kom tas, tos tsis hnyoo yuav mus kiab mus khws, mus pov qe hlau, ntaus phaij, twv txiaj yuam pov, haus dej haus cawv…Los puas, peb tuaj kom Xib Hwb thiab Txiv Plig zoo siab pom peb, vim lawv yuam peb tuaj teev ntuj. Peb tuaj teev ntuj, vim peb zoo siab hlo, txaus siab ua ntuj me nyuam ; peb tuaj, yog tuaj txaum yim ua peb tus Huab Tais Tswv Ntuj tsaug tej txiaj ntsha nws pub peb txais tsis tag, tej txiaj ntsig peb tau txais tas peb sim : “18 Koj tsis ntshaw tej txim, muab los txi koj tsis xav txais. 19 Tej txim txi Tswv Ntuj yog peb ntsuj plig ntsoog lis ntxaws, Tswv Ntuj tsis thuam tej siab ntsws mob ntsoog tas NPN50,18-19”Tej txim Tswv Ntuj ntshaw thiab tos peb muab rau Tswv Ntuj yog cob peb tej siab ntsws thiab ntsuj plig rau Huab Tais.
Twb yog lub lis piam 3 lub caij tos Huab Tais. Peb mloog saub Xos Fos Nias tsab ntawv hnub no. Tswv Ntuj hais dab tsi rau saub los qhuab qhia His Xais Lais hnov ? Hnub no, peb mloog saub Xos Fos Nias cov lus qhia, kuj yog mloog peb tus Tswv Ntuj cov lus hais tib yam. Peb khaws ib lub ntsiab lus coj los xav. Vim Tswv Ntuj pom nws haiv neeg lub neej txom nyem, muaj cov pluag, cov quaj ntsuag ; muaj cov tshaib plab, khaub hlab, loj leeb thov khawv, muaj txiab muaj nkeeg ; muaj cov dig muag, cov tuag ceg, cov mob ruas ; muaj cov me nyuam neeg dog dig raug tej nom raug cov loj, cov nplua nuj thuam thiab ntxub, raug hiam, quab yuam, tsim txom. Cov txwj laus, cov ua thawj, cov nom kuj tsis sib nyiam, tsis sib haum, faib ua caj ua ces, ib tog tshum lwm tog, ua plaub ua ntug, sib cav sib ceg, dub muag tsis xav sib pom…Muaj cov raug luag lom, raug tub sab tua tuag. His Xais Lais lub teb chaws tsis tiaj tus, raug tej pej kum neeg vam meej tuaj tsuj tuaj kav, quab yuam pej xeem huab hwm ntau tiam, ntau pua xyoo : zoo li cov Npas Npis Los Nias, Hais Nkws Tos, Hes Las, Los Mas...His Xais Lais cov siab ncaj, siab zoo, hwm ntuj thiab lawv cov saub nco ntsoov txhib sawv daws kom cia siab ruaj nreb rau Tswv Ntuj ; lawv nco ntsoov qhuab qhia Tswv Ntuj lus kom sawv daws ua siab loj, kom nco ntsoov khaws Tswv Ntuj lo lus twj ywm hauv siab. Muab nyias kev nyuaj siab, kev txhawj xeeb, kev tsaus ntuj lo ua lus hais, ua suab kwv txhiaj lus taum seev, ua nkauj hu Tswv Ntuj, thov Tswv Ntuj pab daws pab xyeeb ib puas kaum tsav kev iab kev daw pov tseg. Tswv Ntuj tshoj saub kom ntuas tas tsoom His Xais Lais tig ntsej los mloog, rua muag ntsia : “Huab Tais muab koj cov neeg lam liam koj ntiab khiav, ua thaub qab koj tus yeeb ncuab. Huab Tais, His Xais Lais tus vaj ntxwv nyob hauv koj. Tsis txog koj yuav muaj kev txhawj xeeb » Tswv Ntuj tsis nyob ib lub chaw xu das ib cag, los nyob ib lub teb chaws deb puag qab ntug kawg los ntxeev ntuj ntxeev teb twg, ntsej tsis hnov muag tsis pom tib neeg kev txom nyem, tsis paub plaub ntug thiab xwv txheej tuaj raug Tswv Ntuj cov me nyuam. Tsis yog peb tsis pom Tswv Ntuj ces ntshai Tswv Ntuj zoo li peb, nws yuav tsis pom peb thiab, tsis yog li ntawd. Tsis zoo li nyob hauv yus tsev neeg, yus cov me nyuam sib zeg, sib tsuab zom zaws, tes sib khawb sib dob plaub hau quaj qog qees yus tsis pom. Xyov tus twg xub thab tus twg. Peb leej tib neeg nyob hauv tsev phab ntsa thaiv peb qhov muag tsis pom sab nraum tsuag. Mus nkag hav fab, taug kev, peb tsis pom kab ntsaum nkaum tej qab nplooj qhua twg ; hnov kab saub kab xiv xi, xam tsis pom tej kab ntsuab, kab nqos vias quaj dai tej ntsis xyoob ntsis ntoo twg saum tej. Yog lub ntuj tsaus lawm, peb leej tib neeg zoo cuag dig tas tus, peb txhua tus yuav maub yuav xuas nyias txoj xub ke rov los nyias vaj nyias tsev. Huab Tais Tswv Ntuj tsis zoo li peb, txawm yog nruab hnub thiab hmo ntuj puav leej pom kev nrig tib yam nkaus rau Huab Tais. Txawm Huab Tais ntsia qaum nplooj tuaj yeej pom tshab qab ploog kab laug sab chaw nyob chaw ntaus zes ; txawm ntsia hauv pem teb pawv pleb ntswv saum npoo av yeej pom nas kos txaij pliag kaws hauv paus tauj puag nruab nrog av ; txawm ntsia pas dej nro yeej pom zaj laug pw chev cees zaj laug qho qab pag dej nro ; txawm ntsia peb tib neeg lub pliaj plhu xwb los Tswv Ntuj yeej pom peb lub siab dub los siab dawb, siab nkhaus los siab ncaj…Thaum peb tig los pom peb cov me nyuam sib thab quaj zig qees, peb txawm ntxais hniav zim ncaug zog rub me nyuam taub hau ntsoo qe qauj, los muab khauj tsiav rau ob leeg noj…Huab Tais Tswv Ntuj tsis zoo li peb, yuav xuas khauj, yuav siv ntaj siv riam thiab xuas phom los tua cov neeg txhaum, neeg phem, neeg thuam ntuj…Ntawm Tswv Ntuj, lo lus hais xwb, lub sim ceeb tshwm los, ntiaj teb daim av tawm tuaj ; muab av luaj puab tshuab pa ciaj taus neeg. « Huab Tais, His Xais Lais tus vaj ntxwv nyob hauv koj » Tswv Ntuj nyob nruab nrab hauv peb, yog peb qhov muag plooj lawm ntsia tsis pom Tswv Ntuj xwb. Tswv Ntuj hais ib los cheem nag xob nag cua ntsiag. Yog peb mloog lus, peb yuav Tswv Ntuj hais ces peb sib haum, sawv daws sib hwm thiab txawj sib hlub, ib tug ntev tau rau tug, tso lo lus ntxhib, lo chob neeg tseg…Peb suab cam suab nthe yuav ntsiag tas, Huab Tais lo lus yuav kho tau peb siab txias ntev tuaj, peb yuav zoo li peb tus Huab Tais, tsis yuav riam yuav phom ntsaws hnab ris hnab tshos tos kev tua peb tus yeeb ncuab. Phooj ywg, Tswv Ntuj lo lus zog loj tis ua loj tsis kawg, yuav kho tau peb lub siab mob kom zoo, lub siab luv kom ntev, lub siab dub kom dawb...Yuav pab kom peb thim txoj kev lim hiam. Peb yuav tso txoj kev yeeb ncuab tsis taug ntxiv. Peb yuav los ntaus kev phooj ywg nrog tas ib tsoom neeg txhua tus tib si. Yeej muaj tseeb tiag tsis yog tham pov tseg. Nej puas pom muaj ntau tus tua neeg hloov lawv lub siab phem los ua ib tug neeg tshiab, ua ib tug zoo nyiam tuaj. Muaj tau raws li saub qhia Tswv Ntuj lo lus tiag : “Huab Tais muab koj cov neeg lam liam koj ntiab khiav, ua thaub qab koj tus yeeb ncuab” Tswv Ntuj tsis zoo li peb muab tshuaj lom, muab riam hlais los xuas phom tua Tswv Ntuj tus yeeb ncuab pov tseg. Yog Tswv Ntuj ua li peb ua, peb tib neeg ob niam txiv hauv paus As Das thiab Es Vas nkawd tuag thaum ntej thaum ntxov ub, tsis muaj tib neeg nyob ntiaj teb no los txog lub zim txwv no. Tswv Ntuj hlub peb leej tib neeg txhua tus, tsis yog hais dag kom tas lus. Tswv Ntuj hlub peb, yog hlub tag siab nrho, tos ua hnub ua hmo hloov peb lub siab phem, kho peb lub siab dub siab nkhaus kom ncaj kom dawb cuag Tswv Ntuj.

Lus Kas tsab ntawv Moo Zoo peb hnov hnub no qhia tas zeej tsoom neeg tuaj mloog Zam, thov kom Zam pab lawv ua neeg tshiab : Hloov lub qub siab los coj dua lub siab tshiab, ua tib neeg nruab siab nruab ntsws, lub tswv yim thiab lub neej tshiab. Npoj neeg tuaj ntsauv Zam qhuab qhia yog npoj neeg zoo li cas ? Lawv nug Zam saib yuav ua dab tsi thiaj ua tau neeg tshiab neeg zoo ?
Npoj neeg tuaj ntsauv Zam qhuab qhia, lawv tsis txawv peb ntau. Muaj tej me nyuam neeg pej xeem, muaj cov neeg kawm txuj txawj ntse ua nom ua tswv, muaj cov tub rog kwv riam phom ua laj kab thaiv ciam dej ciam av…Hauv peb cov neeg ntseeg Tswv Ntuj Kav Tos Liv kuj zoo li npoj neeg tuaj mloog Zam qhuab qhia Tswv Ntuj lus. Peb cov ntseeg muaj ntau xeem neeg hais ntau xeem lus nyob thoob ntiaj teb. Muaj cov pluag, txom nyem, muaj cov tshaib plab thov khawv tsis muaj vag muaj tse nyob ; muaj cov txawj ntse ua nom ua tswv tswj zej tswj zos, kav teb kav chaw, ua txwj laus txiav plaub txiav ntug ; muaj cov tub ceev xwm khiav hauj lwm, tuav txhooj saib cai, tuav lub zej zog kom thaj yeeb ; muaj teb tub rog thaiv teb thaiv chaw kom sawv daws tau nyob tiaj tus, mus los tau luag tsis muaj tub sab tsov rog ua kub ua ntxhov. Tus hlob tus yau, tus laus tus hluas, tas sawv daws muaj qav muaj num ua. Zoo li peb los ntseeg Tswv Ntuj, peb los ua Tswv Ntuj cov tub cov ki. Peb los txais Tswv Ntuj lub luag dej luag num ua. Ua li, tsoom ntseeg sawv daws, Tswv Ntuj tej qav num, tshuav npau xi, ua tsis tag. Tswv Ntuj tej qav num tsis kawg rau thaum yus los ua neeg ntseeg hauv Koom Txoos Kav Tos Liv, yus kawm kev ntseeg 2 xyoos ntxuav plig tas ces plws tes nyob ntsia ntuj, tsis muaj num ua ntxiv. Tswv Ntuj tes qav num tsis kawg niaj lis piam hnub Chiv, mus teev ntuj nrog tsoom ntseeg tom tsev teev ntuj tas rov los zaum puag tes puag taw nyob. Tswv Ntuj tes qav num tsis kawg txoj kev qhia kev ntseeg, los ua Thaj Txi Ntuj, los mus thov ntuj pab tej neeg muaj mob muaj nkeeg…Ua Tswv Ntuj tej qav num, yuav ua dab tsi ? Hloov yus lub siab lub ntsws los coj Yes Xus lub siab, hloov yus lub neej kom zoo nyiam, yus txhob xav txog yus tus kheej. Siv zog hlub yus tsev neeg, hlub yus niam yus txiv, hlub kwv tij neej tsa. Yog cob, qhia, rub yus lub siab lub ntsws kom los npuab los yoog raws tau Huab Tais Yes Xus lub siab nyiam. Tsis yog lo lus hais ntawm lub ncauj, tsis yog zaj teev ntuj yus tsa ncauj seev rau Tswv Ntuj xwb. Ua Tswv Ntuj tes qav num, yus yuav loj npab ntsuas ua neeg nquag, qee yus lub caij lub nyoog taug kev mus qhia kev ntseeg rau cov ntseeg tshiab. Yus muaj 2 lub tsho, yus yuav faib rau tus tsis muaj. Piv txwv zoo li no : Yus tuaj nyob hauv cov teb chaws vam meej, muaj noj tsis tshaib haus tsis nqhis. Muaj cov neeg txom nyem, tiv no nkaum qab choj. Tsis txhob tos nom tswv ua tus hlub lawv xwb. Muab yus lub siab lub ntsws pab tej koom haum, txhawb yus lub zog rau tej koom haum kom lawv tuav lawv luag dej luag num. Yus pom tej teb chaws pluag tshaib plab, tsis muaj noj tsis muaj haus, yus yuav tau tawm hws, muab kom tau yus ntiag tug ib qho los pab kom tau luag. Tshuav yus tej kwv tij neej tsa Hmoob tseem txom nyem. Yus yuav tau faib yus ntiag tug ua txhiam xws, ua mov rau lawv noj. Yuav ua cas faib yus mov rau cov tshaib noj ? Yuav ua dab tsi ? Yus yuav tau yoo khob puav dej qab zib tsis haus ; yuav tau yoo tej pluas hmo, tsis noj ; yus ntshaw tej cuab yeej tuam txeem los siv hauv vaj hauv tsev. Yus tsuas yuav qhov loj thiab tseem ceeb. Tseg tej yam me tsis txhob yuav. Yus ua ib qho ntxiv ob qho tuaj, yog muab coj los sib ntxiv, cov dej qab zib yus tsis haus (tseem zoo rau yus lub cev), tej pluas hmo yus tau yoo, tej cuab yeej tuam txeem yus tsis tau phob nyiaj…muab sib xam los mus hauv ib lub xyoos kuj raug li 200 thiab 300 nyiaj. Qhov ntawd, yog yus lub nqe zog yus tau qee hauv yus lub neej nyob hauv ib lub xyoos. Tej qhov ntawd, yog yam yus muaj muab, yog tej txim ntxim Tswv Ntuj siab, yus coj mus txi rau Tswv Ntuj ib npaug, yus yuav pom Tswv Ntuj pauj pua npaug rov rau yus : « Zoo kuv siab npaum li cas tau muab cov txim no cev rau koj, kuv nco ntsoov koj lub npe ua koj tsaug, vim koj siab zoo NPN55,8 » Tsis tas li ntawd xwb, cov txiv neej thiab cov poj niam, niaj lub xyoo npaj tau nyiaj tawm rooj mus loj leeb kom siab nqig. Yog nyias qee tau 1 los 2 lub xyoo tsis kwv ceg mus lwj. Muab nyias cov nqi kev 2 lub xyoo ntawd los ua txim cev rau Tswv Ntuj. Nyias yuav pom Tswv Ntuj lub zog nyias yuav txais los txhawb nyias lub cuab lub yig kom txawj sib hlub. Nyias yuav pom nyias lub neej hloov dua tshiab. Tswv Ntuj lo lus yuav txhawb yuav tsa nyias lub neej. Nyias tseem yuav ua rau lub teb lub chaw ntshaw thiab qhuas. Tsis muaj leej twg yuav thuam tau cov neeg ntawd lub npe. Peb yuav tau xav kom zoo : Yus yuav tsis txob tsis txw luag tej txij nkawm nrog yus mob siab ; tsis rhuav tsis ntxias tej tub tej ntxhais lub neej kom puas nyob tej teb chaws txom nyem kom yim huab liam txwv mus. Yus thiaj yuav yog lub noob nplej qoos cua tshuab tsis ya tawm hauv lub tshav nplej. Yus thiaj tsis yog lub npluag poob hauv lub cub tawg cig tsis txawj kug tas yus sim neej : « Nws tuav nws rab ntxuam ntawm tes yuav ntxuaj kom pov khawv nws lub tshav nplej thiab nws yuav sau cov nplej rau hauv nws txhab. Dua li, lub npluag yuav kub nyiab suaj kaum hauv hluav taws tsis txawj kug »

Tus tsis txawj xav, lub ntuj lub teb rau nws cav tsis muaj tsw, tsis muaj tug. Yog nws tus kheej muaj hwj huam, kheev lam ua tau, nws tseem yuav ntxeev tag lub ntiaj teb thooj nyiaj thooj kub ua nws tug thiab keev hlo ntiaj teb tib neeg thiab daim av rau nws tus kheej tswj thiab kav twb tsis kum nws yees puas yog. Tiam sis peb yog Tswv Ntuj cov tub cov kiv, peb yuav xyaum ua neeg txawj xav thiab thoob tsib, tsis txhob lam khaws xyeem qhov yooj yim ua li yus siab nyiam siab xav, kav xyeem yus kev tub nkeeg. Peb tos Huab Tais yug los hauv peb lub neej, yog txais lub cim ntxuav hauv hluav taws, kub siab ua txoj hauj lwm Huab Tais Yes Xus tso tseg rau peb ua : Pub kom tus dig muag pom kev, pub kom tus tuag ceg sawv mus taus kev, hais tau yus tus yeeb ncuab thaub qab. Tsis txhob ntshai siv tas yus zog hnub thiab hmo los npuab kom tau Huab Tais Yes Xus lus qhuab, siv tas yus siab thiab tswv yim taug nws qab xuas kom tau nws lw mloog nws lus qhia.

Cwj Vuam Chiv 7.12.2009

COV ZAJ NYEEM RAU HNUB CHIV 06/12/2009

( Hnub chiv 2 Tos Huab Tais - Xyoo C )

(Hais lus Hmoob - En Français)

• Zaj nyeem 1 : Npas Lws (5,1-9)

1 Yes Lus Xas Les, hle koj daim tsoos chim siab thiab txom nyem cia, hnav Tswv Ntuj daim tsoos hwj chim mus ib txhis.
2 Muab Tswv Ntuj lub tsho loj ncaj ncees los qwv koj, muab lub mom hwj chim nyob mus li los tso saum koj taub hau.
3 Tswv Ntuj yuav muab koj lub meej mom ua nto hauv qab ntuj,
4 Tswv Ntuj yuav tis cov npe no rau koj mus tas ib sim : « Thaj yeeb kev ncaj ncees » thiab « Lub hwj chim hwm Tswv Ntuj »
5 Sawv tsees, Yes Lus Xas Les ! Koj mus sawv pem lub chaw siab tig ntsia sab toob fab : pom Tswv Ntuj Ntshiab lo lus txoos koj cov me nyuam puag qab ntug ntsa txog qab ntug tsaus. Lawv zoo siab heev, vim Tswv Ntuj nco ntsoov lawv.
6 Koj pom lawv sawv kev mus taw yeeb ncuab nrog nraim, Tswv Ntuj coj lawv los cuag koj thauj lawv muaj ntsej muag tam zoj zaum tsaws vaj ntxwv lub theej kiab.
7 Vim Tswv Ntuj txiav siab muab cov ncov tsua thiab toj roob ib txwm nyob txawm ua kom qis tuaj thiab yuav txhub tej vos hav rau : daim av yuav tus yees tuaj, His Xais Lais yuav mus los tau luag hauv Tswv Ntuj lub hwj chim.
8 Tswv Ntuj lus : hav zoov thiab ntoo tsw qab yuav ntxoov nyos roos His Xais Lais.
9 Tswv Ntuj yuav hwj xwm His Xais Lais muaj kev zoo siab hlo hauv nws lub hwj chim kaj nrig thiab yuav pub muaj nws lub siab hlub lub siab ncaj ncees nrog ncig.

• Zaj nyeem 2 : Fis Lis Pos (1, 4-6.8-11)

4 Kuv zoo siab thov Ntuj rau nej tsis tseg,
5 vim kuv nco tias, txij thawj hnub los txog tav no, nej tau nrog kuv tshaj lub Moo Zoo.
6 Kuv paub tseeb tias, tus tau pib ua hauj lwm nyob hauv nej, nws tau ua ib txoj hauj lwm zoo kawg, thiab nws yuav ua kom tiav, mus txog Yes Xus Pleev lub Hnub Nyoog.
8 Tswv Ntuj ua tim khawv tau tias, kuv hlub nej mos nyoos nyob hauv Yes Xus Pleev lub siab.
9 Kuv thov Ntuj li no : thov kom nej txoj kev nyiam Ntuj hlob zuj zus, thiab nej paub zaj txuj ci tseeb, kom nej txawj xav,
10 mas nej thiaj li yuav pom tau qhov zoo tshaj, thiab yuav ua neeg siab dawb siab huv, kom tsis txhob muaj ib qho xyeej nyob hauv nej, mus txog Leej Pleev lub Hnub Nyoog.
11 Nej yog ib co txiv ntoo siav hauv txoj kev ncaj, uas Leej Pleev muab rau peb ris kom Tswv Ntuj nto koob meej, thiab kom sawv daws cav lus zoo txog Tswv Ntuj.

• Lus Kas Ntawv Moo Zoo (3, 1-6)

1 Xyoo kaum tsib, Tis Npes tseem ua vaj ntxwv, Poos Xis Yus Pis Las Tos ua tswj kav Yus Das, Hes Los ua vaj txheeb kav Nkas Lis Lais, nws tus tij laug Fis Lis Pos ua vaj txheeb kav Is Tus Lias thiab Thas Kos Nis Tis. Lis Xas Nias ua vaj txheeb kav As Npis Les Nas.
2 As Nas thiab Kais Fas nkawd ua tuam Leej Choj. Tswv Ntuj Lo Lus nrov tuaj txog Zam yog Ntxas Kas Lias tus tub nyob hav suab puam.
3 Zam tuaj mus ncig thoob cheeb tsam ntawm Yos Las Das, nws tshaj kab ke ntxuav plig hloov siab tshiab los txais kev zam txhaum
4 Raws li cov lus sau tseg hauv yaj saub His Xais phau ntawv : Ib lub suab nrov hla hav suab puam : Nej npaj Huab Tais txoj kev, nej ua kom nws txoj kev tiaj tus.
5 Yuav txhub txhua lub kwj ha, txhua lub tsua txhua lub toj roob yuav ua kom qis; qhov com kawb yuav ua kom ncaj, tej kev qawj yuav ua kom tiaj tus.
6 Tas sawv daws yuav pom Tswv Ntuj kev cawm neeg.

(Mus nyeem tsab ntawv nthuav Ntawv Ntshiab)