COV ZAJ NYEEM RAU HNUB CHIV 31/01/2010

( Hnub Chiv 4- Xyoo C )

(Hais lus Hmoob - En Français)

• Zaj nyeem 1 : Tsab Ntawv Yes Les Mias 1:4+5:17-19

4 Huab Tais hu kuv thiab hais lus rau kuv :
5 "Ua ntej xeeb koj hauv koj niam plab, kuv twb paub koj lawm ; ua ntej koj yug los kuv twb xaiv koj, kuv tsa koj ua ib tug saub rau cov haiv neeg."
17 Kav tsij sawv tsees, koj yuav tim lus los tiv lawv tas txhua yam kuv kom koj ua. Tsis txhob tshee na ntawm lawv xub ntiag, tsis li, kuv yog tus ua kom koj tshee na ntawm lawv xub ntiag.
18 Ntawm kuv, hnub no kuv muab koj ua ib lub tsheej zog loj zog heev, ua ncej hlau, ua ntsa tooj tiv tas lub teb chaws, tas cov vaj ntxwv Yus Das, tas nws cov thawj, cov leej choj thiab tas tsoom pej xeem.
19 Lawv yuav koom koj, tab sis lawv yuav ua tsis tau dab tsi rau koj, vim kuv nrog nraim koj kom npo tau koj. Yog Huab Tais lo lus.

• Zaj nyeem 2 : Kos Lis Nthos 12:31 + 13:1-13

31 Nej yuav nrhiav cov txiaj ntsim muaj nqis dua cov. Thiab kuv yuav qhia ib txog kev zoo tshaj cov txiaj ntsim ntawd tib si.
1 Yog kuv txawj hais ntau haiv neeg cov xeem lus, thiab txawj hais Ntuj cov Tshiab cov xeem lus huv tib si, tab sis kuv tsis muaj ib lub siab nyiam, mas kuv tsuas yog ib lub nruas tooj nrov
dag, thiab ib lub nruas npuaj ncha ncha xwb.
2 Yog kuv txawj ua Yaj Saub, los kuv paub tas ib puas tsav yam lus tob, ib puas tsav yam txuj ci, thiab kuv lub siab ntseeg loj heev, txawm kuv lub siab ntseeg tshem tau tej lub roob rau lwm qhov, tab sis yog kuv tsis muaj ib lub siab nyiam, mas kuv tsis muaj nqis dab tsi.
3 Yog kuv muab kuv lub cuab tam tas huv tib si los faib rau cov neeg pluag, thiab kuv muab kuv lub cev hlawv, yog kuv tsis muaj ib lub siab nyiam, mas txhua yam ntawd tsis nqa ib qho dab tsi zoo los rau kuv.
4 Lub siab nyiam txawj ua siab ntev, ua siab sib, tsis txawj khib, tsis khav theeb, tsis muab hlob. 5 Lub siab nyiam tsis ua tub qaug luag, tsis nrhiav qhov zoo rau nws, tsis npau taws, tsis cib nyeej.
6 Lub siab nyiam tsis zoo siab pom luag tej ua tsis ncaj, nws xav pom luag tej nrhiav qhov tseeb.
7 Lub siab nyiam zam rau sawv daws, nws ntseeg sawv daws, nws tso siab rau sawv daws, nws ua siab ntev ris tas puas tsav yam nyuaj.
8 Txoj kev nyiam tsis txawj dua ib zaug. Txoj kev ua Yaj Saub yuav ploj. Muaj ib hnub twg, cov neeg txawj txhais tej xeem lus txawv yuav nyob ntsiag to. Txoj kev txawj kev ntse kuj yuav dua. 9 Vim tias, txuj ci, peb tsuas paub ib feem xwb.
10 Thaum txoj kev zoo txhij zoo txhua los txog, mas tej yam uas neeg ua tau ib feem me me yuav ploj tas huv tib si.
11 Thaum kuv tseem yau, kuv hais lus me nyuam yaus, kuv xav tswv yim li me nyuam yaus, kuv txawj xaiv xws li ib tug me nyuam yaus. Thaum kuv hlob tiav lawm, kuv tso tej kev ua me nyuam yaus pov tseg.
12 Zaum no, peb pom tsis tseeb, peb tsuas pom zoo li nyob hauv ib daim tsom iav. Lwm tiam, peb yuav pom xyeem ntawm qhov muag. Nyem no, kuv paub ib feem me me xwb. Fab lwm tiam, kuv yuav paub, ib yam li Ntuj paub kuv.
13 Nyem no, txoj kev ntseeg, txoj kev tso siab, thiab txoj kev nyiam tseem muaj nyob ua peb txog kev. Tiam sis, qhov loj tshaj mas yog txoj kev nyiam.

• Lus Kas Ntawv Moo Zoo 4, 21-30

21 Yes Xus hais rau lawv tias : “Hnub no, cov lus hauv Ntawv no tsheej xeeb ntawm nej pob ntseg."
22 Tas sawv daws cav lus zoo txog nws thiab lawv qhuas cov lus muaj txiaj ntsim tawm ntawm nws lub ncauj los, lawv hais tias : "Tus no, tsis yog Yos Xes tus tub lod ?"
23 Thiab nws hais rau lawv tias : "Nej yuav hais rau kuv zaj txhais no li qub : Txiv tshuaj, kav tsij kho koj tus kheej ; tas txhua yam peb hnov tshwm sim nyob Kas Fas Naus, sim ua tib yam ntawm no koj lub vag lub tse."
24 Nws hais tias : "Kuv hais tseeb rau nej, tsis muaj tug saub twg luag txais nws zoo ntawm nws lub vag lub tse.
25 Kuv hais ncaj rau nej : muaj coob tus poj ntsuam nyob His Xas Lais teb, thaum Es Lis nyob, lub ntuj kaw puv peb xyoos thiab rau hli, tas ntiaj teb tshaib plab loj.
26 Es Lis raug xa mus tsis txog ib tug poj ntsuam twg, tsuas kawg tus poj ntsuam nyob Xas Les Tas, Xis Doos teb.
27 Thiab muaj coob tus mob ruas nyob His Xas Lais teb, thaum saub Es Lis Xais nyob thiab lawv tsis muaj tug huv tuaj tau tsuas kawg Nas Maas tus Xis Lias.
28 Hnov li no, tas txhua leej meem txom hauv lub tsev txoos.
29 Tas lawv sawv los muab nws ntiab tawm sab nroog nraud thiab lawv coj nws mus txog ntawm taw ntsa txhim lub nroog phab toj roob kom muab nws thawb poob qab tsuas.
30 Tab sis, nws hla nruab nrab hauv lawv xuas nws kev lawm.

(Mus nyeem tsab ntawv nthuav Ntawv Ntshiab)

LECTURES DE LA MESSE DU 31/01/2010

( Quatrième dimanche - Année C ) (Hais lus Hmoob - En Français)

• 1ère lecture : « Je fais de toi un prophète pour les peuples » (Jr 1, 4-5.17-19) Lecture du livre de Jérémie

Le Seigneur m'adressa la parole et me dit : « Avant même de te former dans le sein de ta mère, je te connaissais ; avant que tu viennes au jour, je t'ai consacré ; je fais de toi un prophète pour les peuples. »
Lève-toi, tu prononceras contre eux tout ce que je t'ordonnerai. Ne tremble pas devant eux, sinon, c'est moi qui te ferai trembler devant eux. Moi, je fais de toi aujourd'hui une ville fortifiée, une colonne de fer, un rempart de bronze, pour faire face à tout le pays, aux rois de Juda et à ses chefs, à ses prêtres et à tout le peuple.
Ils te combattront, mais ils ne pourront rien contre toi, car je suis avec toi pour te délivrer. Parole du Seigneur. »

• 2ème lecture : Hymne à la charité (1Co 12, 31; 13, 1-13)
  Lecture de la première lettre de saint Paul Apôtre aux Corinthiens

Frères,
Parmi les dons de Dieu, vous cherchez à obtenir ce qu'il y a de meilleur. Eh bien, je vais vous indiquer une voie supérieure à toutes les autres
J'aurais beau parler toutes les langues de la terre et du ciel, si je n'ai pas la charité, s'il me manque l'amour, je ne suis qu'un cuivre qui résonne, une cymbale retentissante.
J'aurais beau être prophète, avoir toute la science des mystères et toute la connaissance de Dieu, et toute la foi jusqu'à transporter les montagnes, s'il me manque l'amour, je ne suis rien.
J'aurais beau distribuer toute ma fortune aux affamés, j'aurais beau me faire brûler vif, s'il me manque l'amour, cela ne me sert à rien.
L'amour prend patience ; l'amour rend service ; l'amour ne jalouse pas ; il ne se vante pas, ne se gonfle pas d'orgueil ;
il ne fait rien de malhonnête ; il ne cherche pas son intérêt ; il ne s'emporte pas ; il n'entretient pas de rancune ;
il ne se réjouit pas de ce qui est mal, mais il trouve sa joie dans ce qui est vrai ;
il supporte tout, il fait confiance en tout, il espère tout, il endure tout.
L'amour ne passera jamais. Un jour, les prophéties disparaîtront, le don des langues cessera, la connaissance que nous avons de Dieu disparaîtra.
En effet, notre connaissance est partielle, nos prophéties sont partielles.
Quand viendra l'achèvement, ce qui est partiel disparaîtra.
Quand j'étais un enfant, je parlais comme un enfant, je pensais comme un enfant, je raisonnais comme un enfant. Maintenant que je suis un homme, j'ai fait disparaître ce qui faisait de moi un enfant. Nous voyons actuellement une image obscure dans un miroir ; ce jour-là, nous verrons face à face. Actuellement ma connaissance est partielle ; ce jour-là, je connaîtrai vraiment, comme Dieu m'a connu. Ce qui demeure aujourd'hui, c'est la foi, l'espérance et la charité ; mais la plus grande des trois, c'est la charité.

• Evangile : La mission de Jésus est universelle (Lc 4, 21-30)
  Evangile de Jésus Christ selon saint Luc

Dans la synagogue de Nazareth, après la lecture du livre d"Isaïe, Jésus déclara : « Cette parole de l"Écriture que vous venez d"entendre, c"est aujourd"hui qu"elle s"accomplit. »
Tous lui rendaient témoignage ; et ils s'étonnaient du message de grâce qui sortait de sa bouche. Ils se demandaient : « N'est-ce pas là le fils de Joseph ? »
Mais il leur dit : « Sûrement vous allez me citer le dicton : 'Médecin, guéris-toi toi-même. Nous avons appris tout ce qui s'est passé à Capharnaüm : fais donc de même ici dans ton pays !' »
Puis il ajouta : « Amen, je vous le dis : aucun prophète n'est bien accueilli dans son pays.
En toute vérité, je vous le déclare : Au temps du prophète Élie, lorsque la sécheresse et la famine ont sévi pendant trois ans et demi, il y avait beaucoup de veuves en Israël ;
pourtant Élie n'a été envoyé vers aucune d'entre elles, mais bien à une veuve étrangère, de la ville de Sarepta, dans le pays de Sidon.
Au temps du prophète Élisée, il y avait beaucoup de lépreux en Israël ; pourtant aucun d'eux n'a été purifié, mais bien Naaman, un Syrien. »
A ces mots, dans la synagogue, tous devinrent furieux.
Ils se levèrent, poussèrent Jésus hors de la ville, et le menèrent jusqu'à un escarpement de la colline où la ville est construite, pour le précipiter en bas.
Mais lui, passant au milieu d'eux, allait son chemin.

Tsoom ntseeg tsob hwb Tswv Ntuj,


Hnub no yog ib hnub zoo sij hawm peb tuaj khaub zig peb tus Huab Tais Tswv Ntuj, yog peb niam peb txiv hlub peb tsis txawj tag. Peb nyuam qhuav mloog nws cov lus nws hais rau peb hnub no. Peb tsuas khaws tib lo lus tseg, yog lo lus coj peb ua neeg teev Tswv Ntuj mloog Tswv Ntuj lus ib yam li tej saub sawv Tswv Ntuj chaw cev Tswv Ntuj lus qhuab qhia Tswv Ntuj haiv neeg.

Ua neeg teev Tswv Ntuj mloog Tswv Ntuj lus. Kev teev ntuj, yuav teev li cas ? Ua cas yus tib neeg yus thiaj teev ntuj ?

Muaj ntau txoj kev teev ntuj, peb yuav hais tsis txhij piav tsis txhua rau ntawm no. Vim peb yog neeg ntseeg Tswv Ntuj hwm Tswv Ntuj hauv lub Koom Txoos Kav Tos Liv. Peb tsuas paub qhia teev ntuj raws li peb Kav Tos Liv tej poj yawm txwv koob tau qhuab qhia rau peb. Lub ntsiab, yog qhia kom peb kawm tau thiab txawj yoog raws li tus neeg nyiam Tswv Ntuj zaj teev ntuj, ua raws li cov thwj tim qhia, raws li saub thiab raws li Yes Xus qhia rau peb.
Nyias yuav tau npaj caij npaj nyoog los teev ntuj ib hnub ob zaug los peb zaug txij hnub sawv txog hnub poob. Hnub chiv yog Tswv Ntuj hnub, pes tsawg, yus yuav tsum mus koom kom tau ib Thaj Txi Ntuj nrog ib pawg ntseeg hauv yus lub zos los nyob qhov twg kuj xij. Hauv kev teev ntuj, yus yuav tsum kawm kom paub seev thiab txawj hais zaj. Peb tib neeg thaum teev ntuj, peb ntshaw hu tej zaj nkauj kom lom zem, zoo mloog, kom tej suab nkauj deeg daws tau puag hauv yus tej hlab siab hlab ntsws deev tau yus siab kom kaj nrig ; yus nyiam tej zaj lus hais tau yog, muaj qab haus dhos yus nplooj siab nplooj plaw, zaj lus yim zoo, yim ua rau yus tuaj zog thiab zoo siab teev ntuj hnub ntawd...Kuj muaj tej suab nkauj ua rau yus xeeb txob thiab muaj tej zaj lus ntiav ntiav tws tws hais ntev hais ntau qhov qub, ua rau yus nkees tos ceeb laj hu xaus ib zaj nkauj. Kev teev ntuj tsis kawg rau tej nkauj paj nruag los cov zaj xwb, tus tib neeg thiab tas sawv daws…Piv txwv li yus mus teev ntuj, yus nqa tag yus lub siab lub ntsws thiab yus lub neej mus cev rau Tswv Ntuj. Tej txiaj ntsim yus tau txais yus mus ua Tswv Ntuj tsaug. Yus raug kev nyuaj siab, yus mus pe mus thov Tswv Ntuj pab yus daws yus kev tsaus ntuj pov tseg. Tsis yog yus npaj yus ntsej muag thiab lub ncauj mus yws Tswv Ntuj xwb. Vim yus liam Tswv Ntuj tsis pab yus, tsis hlub yus, yus thiaj li nyuaj siab li no, raug tus kab mob no, yus tus txheeb tus ze nim raug xwv txheej npaum li ntawd. Yus mus yuam Tswv Ntuj pab yus cuag Tswv Ntuj tshuav yus nqe. Dhau qhov ntawd lawm, tsheej hli, tsheej xyoo, cuag tu taw lawm, tsis tshwm ib taws tsev teev ntuj, mus txog thaum kev tws mam rov tuaj yws Tswv Ntuj mloog dua…
Kev teev ntuj yuav teev li cas ? Ntshai tsis muaj lwm txoj kev zoo tshaj qhib yus poj ntseg mloog saub lus qhua qhia, qhib yus tej siab ntsws tos txais Yes Xus lub Moo Zoo deev yus siab. Kev teev ntuj tsis yog nrhiav kev lom zem ua qhov ib. Yog tsis lom zem ces txawm nkees tsis teev ntuj, yog ua tau lom zem mam teev ntuj. Kev teev ntuj tsis yog mus yws yus tej kev txhawj xeeb kom Tswv Ntuj hlub yus xwb. Peb ho nrog xav saib, kev teev ntuj puas yog qhib yus lub siab los mloog saub lus, puas yog npaj yus tej siab ntsws tos txais Yes Xus lub Moo Zoo. Lub ntsiab yog kheev lam cia tau, cia yus lub siab thiab yus lub neej sawv ua npoj mus ua ntxaig caum saub qab lawv Yes Xus lw. Hmoob hais tias : soj tau qab xuas tau hneev. Peb sim xav saib saub teev ntuj saub teev li cas ? Hos ntawm peb, peb teev ntuj peb teev li cas ? Saub Yes Les Mias hais li no hauv nws zaj lus qhuab qhia : “Ua ntej xeeb koj hauv koj niam plab, kuv twb paub koj lawm ; ua ntej koj yug los kuv twb xaiv koj, kuv tsa koj ua ib tug saub rau cov haiv neeg” Yog saub tsis cuab pob ntseg, nej sim xav, saub puas hnov Tswv Ntuj tej lus txib saub ? Vim saub siab ntsws npuab rawv Tswv Ntuj tsis tseg, muaj tus xwm dab tsi, muaj lo lus tshiab li cas Tswv Ntuj xav hais saub puav leej paub, puav leej hnov. Tswv Ntuj lo lus txia ua saub lus pauj rov rau Tswv Ntuj. Saub pom tej txiaj ntsha txiaj ntsim Tswv Ntuj tau hlub saub npaum li cas, ua ntej saub tsis tau xeeb tsis tau yug, Tswv Ntuj twb xaiv saub ua Tswv Ntuj tug. Saub teev ntuj, saub hais tias vim Tswv Ntuj twb hom saub, Tswv Ntuj thiaj xeeb saub hauv saub niam plab. Yog peb tsis cuab pob ntseg mloog saub lus, peb kuj txais tsis tau saub zaj teev ntuj. Tiam sis, yog peb cuab pob tseg mloog saub, cov lus saub hais rau peb kuj yuav txia ua peb zaj teev ntuj pauj Tswv Ntuj txiaj ntsha txiaj ntsim peb tau txais ntawm Tswv Ntuj. Kev teev ntuj kuj yuav nthuav loj rau peb taug tsis kawg. Thaum ntawd, peb yuav to taub tias kev teev ntuj, tsis yog mus kom lom zem xwb, tsis yog mus thov Tswv Ntuj rau peb txoj kev tsaus ntuj ua neej nyob hauv ntiaj teb no…Peb mus teev ntuj vim Tswv Ntuj hlub peb tsis txawj tag, peb mus teev ntuj yog mus hais ib lo lus qhuas Tswv Ntuj siab ntshiab thiab siab zoo. Peb yuav pom tias peb tseg tsis taus, peb tseg tsis nyog kev teev ntuj. Ib yam saub hais : “Kav tsij sawv tsees, koj yuav tim lus los tiv lawv tas txhua yam kuv kom koj ua” Saub kev nyuaj siab tsis zoo li peb kev nyuaj siab. Ntawm peb, yog kev muaj mob muaj nkeeg ua rau peb nyuaj siab ; yog kev ploj kev tuag ua rau peb ntshai. Tsis yog kev muaj mob los kev ploj tuag ua saub nyuaj siab. Yog kev tseg tsis taus Tswv Ntuj txiaj ntsa, yog kev npuab Tswv Ntuj txiaj ntsim ua saub chaw ntxhov siab Tswv Ntuj tsa saub ua ncej hlau thiab ntsa tooj txheem Tswv Ntuj lus. Saub thiaj li sawv tsees los tiv tej nom tswv thiab vaj ntxwv thiab pej xeem kom sawv daws tsis txhob pob txhob vau, kom sawv daws ua neej nyob khov kho li tooj li hlau. Peb tsis yog yuav caum kom tau saub qab xwb. Peb tseem yuav raws kom tau Yes Xus lw.
Hnub no Lus Kas piav li no txog Yes Xus qhia rau peb hnov. Yes Xus rov los txog Nas Xas Les hauv Yes Xus qub zog. Cov neeg hnov lus moo cua piav txog Yes Xus cov hwj huam Yes Xus tau ua nyob Kas Fas Naus thiab lwm qhov chaw. Lawv yuam kom Yes Xus ua hwj huam rau lawv pom li nyob lwm lub zos. Tiam sis Yes Xus teb ob lo lus txheej laus thaum ub rau lawv xav :
1-Es Lis thiab cov poj ntsuam : Es Lis tsis raug xa mus rau cov poj ntsuam His Xais Lais, tiam sis, rau ib tug poj ntsuam neeg pej kum nyob lub zos Xas Les Tas, teb chaws Xis Doos. Lub ntuj tshav tau 3 xyoos thiab 6 hli ua rau ntiaj teb neeg puav leej tshaib plab. Tej poj ntsuam txhua leej puav leej tshaib plab. Tiam sis, Es Lis raug xa mus cawm tus poj ntsuam nyob Xas Les Tas. Thaum Yes Xus piav txog zaj ntawv no. Cov neeg nyob Nas Xas Les puav leej paub thiab to taub Yes Xus cov lus. Yes Xus zoo li Es Lis. Cov neeg nyob Nas Xas Les zoo li cov poj ntsuam His Xais Lais. Kas Fas Naus zoo li tus poj ntsuam nyob Xas Les Tas. Vim tus poj ntsuam nyob Xas Les Tas siab dawb siab dav, Tswv Ntuj tshua txog nws. Tswv Ntuj thiaj xa Es Lis mus nkaum hauv nws thiab mus cawm nws. Cov neeg nyob Kas Fas Naus, yog ib co neeg nyiam Tswv Ntuj mloog Tswv Ntuj lus. Yes Xus mus xyuas lawv yog mus cawm lawv. Cov neeg nyob Nas Xas Les tsis tshaib tsis nqhis Tswv Ntuj lus npaum cov nyob Kas Fas Naus thiab lwm qhov chaw.
2-Es Lis Xes thiab cov mob ruas : Nyob Hias Xais Lais kuj muaj mob ruas coob leej tiam sis tsis muaj tug yuav zoo thiab huv tuaj kawg yog Nas Maas ib niag neeg pej kum Xis Lias, vim nws yog tus mloog Tswv Ntuj lus tshaj cov mob ruas His Xais Lais.
Thaum lawv hnov Yes Xus piav ob zaj lus no tas, ua rau lawv meem txom rau Yes Xus. Vim lawv tsis ntseeg Tswv Ntuj zoo. Lawv puas yuav rua tau qhov muag pom Tswv Ntuj tej txiaj ntsim Tswv Ntuj tau pub rau lawv ? Yes Xus twb nrog lawv nyob tav li no, yog lub txiaj ntsim loj tshaj nyob lwm qhov chaw lawv twb tsis pom. Lawv tseem yuav kom Yes Xus ua hwj huam dab tsis ntxiv rau lawv saib ? Lwm qhov chaw, Yes Xus mus tib lwm xwb, lawv ntseeg tias Yes Xus yog Tswv Ntuj Leej Tub. Hauv zos, lawv hais tias Yes Xus yog Yos Xes tub.

Ib tsoom ntseeg sawv daws, peb to taub Huab Tais Yes Xus cov lus zoo li cas? Peb yuav xyaum coj li cov neeg nyob Kas Fas Naus, ua neeg ntseeg Tswv Ntuj thiab mloog Tswv Ntuj lus. Qhib yus lub siab lub ntsws yam tus neeg tshaib thiab nqhis Tswv Ntuj lus. Yus coj yus lub neej kom haum li Tswv Ntuj nyiam, ua ncej hlau thiab ua ntsa tooj txheem Tswv Ntuj lus tiv tej nom tswv thiab vaj ntxwv thiab pej xeem yog tsis txhob yoog li luag, txhob ua li lub teb lub chaw. Yus yuav tiv tiag kom yeej lub teb lub chaw, yog ua li Yes Xus lus qhia, yog ua li Tswv Ntuj siab nyiam. Yog txoj kev sawv Tswv Ntuj ib tug saub.

Cwj Vuam Chiv 29.01.2010

COV ZAJ NYEEM RAU HNUB CHIV 24/01/2010

( Hnub Chiv 3- Xyoo C )

(Hais lus Hmoob - En Français)

• Zaj Nyeem 1 : Tsab Ntawv Nes Hes Mis (8,1-4.5-6.8-10)

1 Thaum txog lub xya hli, tas nrho haiv neeg tuaj sib txoos ua ke li ib tug tib neeg ntawm lub tshav lub rooj vag dej. Lawv hais tus thoob xwm ntawv Es Nras nqa Mais Xes phau ntawv Txhooj, yog Huab Tais muab pub His Xas Lais hwm.
2 Leej Choj Es Nras nqa tus Txhooj rau cov tuaj sib txoos, muaj txiv neej, poj niam thiab tas cov muaj hnub nyoog paub tab lawm. Yog hnub xiab ib lub xya hli.
3 Ntawm lub tshav lub rooj vag dej, nws muab phau ntawv nyeem txij thaum kaj ntug mus txog tav su rau cov tuaj sib txoos, muaj txiv neej, poj niam thiab tas cov muaj hnub nyoog paub tab lawm. Tas nrho haiv neeg cuab pob ntseg rau phau ntawv Txhooj.
4 Tus thoob xwm ntawv Es Nras sawv saum lub sam thiaj ntoo, xwb tim npaj tseg rau ntawd.
5 Tas haiv neeg ntsia ntsoov Es Nras thuav phau ntawv. Vim nws nyob lub chaw nuam tas haiv neeg. Thaum nws thuav phau ntawv, haiv neeg sawv ntsug tas.
6 Es Nras qhuas txog Huab Tais, tus Tswv Ntuj loj. Tas haiv neeg tsa tes siab siab teb tias : "Ua li ! Ua li !" thiab qhoo cev pe Huab Tais ntsej muag ti av.
8 Es Nras nyeem Tswv Ntuj phau ntawv Txhooj, cov Les Vis txhais thiab nthuav lub ntsiab : ua rau luag to taub zaj nyeem.
9 Nes Hes Mis Es Nras yog leej choj thoob xwm ntawv thiab cov Les Vis txhais cov ntsiab lus, lawv hais rau tas haiv neeg : "Hnub no, yog ib hnub ntshiab rau Huab Tais, nej tus Tswv Ntuj ! Nej yuav txhob chim, tsis txhob quaj !" Vim tas haiv neeg hnov cov lus hauv tus Txhooj ua sawv daws quaj.
10 Nws hais ntxiv rau lawv tias : « Kav tsij mus, nej mus muab nqaij qab noj, muab cawv qab haus, mus faib nws phuv rau tus npaj tsis tau dab tsi. Vim hnub no yog hnub ntshiab rau Huab Tais ! Txhob tsub txim rau nej ! Huab Tais zoo siab heev yim huab ua nej lub zog loj tuaj ! »

• Zaj nyeem 2 : Cov lus Paj Lug sau tuaj rau cov ntseeg nyob Kos Lis Nthos (1Co 12, 12-30)

12 Ib yam li neeg lub cev : neeg muaj tib lub cev xwb : tab sis muaj tes, muaj taw, muaj ntau yam : txhua yam yog lub cev, txawm tias muaj ntau ces, los yeej yog tib lub cev xwb. Nyob hauv Leej Pleev kuj zoo li ntawd.
13 Vim tias peb sawv daws tau txais lub Cim Ntxuav nyob hauv Leej Ntuj Plig tib leeg, thiab nyob hauv tib lub cev xwb. Tsis hais cov Yus Das los cov Hes Las, cov qhev los cov twj lij, peb sawv daws puav leej tau haus txaus siab ntawm Leej Ntuj Plig tib leeg.
14 Lub cev tsis muaj ib txhais ceg xwb : lub cev muaj ntau txhais.
15 Yog txhais taw hais tias : ‘Kuv tsis yog lub cev, vim kuv tsis yog txhais tes.’ Txawm tias txhais taw hais zoo li ntawd, los nws tseem yog ib ceg ntawm lub cev thiab.
16 Yog pob ntseg hais tias : ‘Kuv tsis yog lub cev, vim kuv tsis yog qhov muag.’ Tab yog pob ntseg hais li ntawd, los pob ntseg tseem yog lub cev tug thiab.
17 Yog tas lub cev ua qhov muag, mas yuav ua cas hnov suab nrov tau ? Yog tas lub cev ua pob ntseg, mas yuav ua cas hnia ntxhiab tau ?
18 Tab sis Tswv Ntuj tso txhua yam rau hauv lub cev, kom nyias nyob nyias chaw, raws li nws pom zoo.
19 Yog tas lub cev muaj ib ceg xwb, mas lub cev yog qhov twg ?
20 Muaj ntau ceg, tab sis yog tib lub cev xwb.
21 Li ntawd qhov muag hais tsis tau rau txhais tes tias : ‘Kuv tsis tas yuav siv koj !’ Lub taub hau hais tsis tau rau ob txhais taw tias : ‘Kuv tsis tas yuav siv neb !’
22 Tej yam hauv lub cev, uas peb saib zoo li tsis muaj zog, tab sis lawv yog qhov muaj nqi dua tej.
23 Muaj tej yam uas peb saib tsis muaj tsim dab tsi nyob hauv lub cev, mas yog tej yam uas peb muab siab rau vov zoo dua. Tej yam tsis muaj tsim, mas peb tseem txuag zoo dua tej.
24 Tej yam uas peb saib muaj tsim, mas peb tsis vov. Tswv Ntuj dhos tib neeg lub cev kom peb hwm tej yam tsis muaj tsim.
25 Li ntawd tsis muaj ib yam uas tsis sib npuab nyob hauv lub cev. Tas txhua yam sib dhos zoo. 26 Yog ib sab ceg mob, mas tas nrho tej tes taw nrog nws mob. Yog ib txhais tes tau koob meej, mas txhua ces hauv lub cev nrog nws zoo siab.
27 Ntawm nej, mas nej yog Leej Pleev lub cev, nyias muaj nyias tug nyob hauv Leej Pleev.
28 Nyob hauv lub Koom Txoos, Tswv Ntuj tsa tej tus ua Hauv Paus Xa Lus, tej tus ua Yaj Saub, tej tus ua Xib Hwb. Tseem muaj cov ua hwj huam yees ntxwv, cov tau lub txiaj ntsim kho mob, cov tsob hwb luag, cov tuav kev tswj fwm, thiab cov paub ntau xeem lus.
29 Sawv daws puas yog Hauv Paus Xa Lus ? Sawv daws puas yog Yaj Saub, los Xib Hwb ? Sawv daws puas ua hwj huam yees ntxwv ? 30 Sawv daws puas txawj kho mob kom zoo ? Sawv daws puas paub ntau xeem lus ? Sawv daws puas txhais tau ntau xeem lus ?

• Lus Kas Ntawv Moo Zoo 1,1-4;4,14-21

1 Vim muaj coob leej tau nqes tes teev ib tog zuj zus tej zag hais txog yam tau muaj tshwm tuaj hauv peb.
2 Raws nraim li thaum chiv keeb, cov tau tshaj rau peb, lawv yog cov pov thawj lub muag pom ntsoov thiab tau ua kiag Leej Lo Lus cov tub txib.
3 Kuj zoo rau kuv tib yam, tau nug kawg nkaus puag thaum chiv lub keeb meej tag ib tog zuj zus muab sau tseg rau koj, tus tshua txog : Tes Os Fis Los.
4 Kom xwv koj xeev pom, npaum li cas cov lus koj tau txais no yog khov kho.
14 Yes Xus rov qab los Nkas Lis Lais nrog Leej Ntuj Plig lub hwj huam thiab ib lub moo tshwm ncha thoob tas ib cheeb tsam txog nws.
15 Thiab nws qhuab qhia hauv lawv tej tsev txoos, tas sawv daws qhuas nws.
16 Ces nws tuaj txog Nas Xas Les lub chaw luag tu nws hlob thiab nws nkag hauv lub tsev txoos xws li nws ua kam, hnub Xas Npas Tos, thiab nws sawv mus nyeem ntawv.
17 Luag cev tau saub His Xais phau ntawv rau nws thiab nws thuav kauj ntawv nws nrhiav tau ntu muaj sau tseg :
18 “Huab Tais tus Ntsuj Plig nyob saum kuv, vim nws tau pleev kuv mus tshaj lub Moo Zoo rau cov pluag, nws xa kuv mus ceeb toom kev twj lij rau cov raug cuab thiab kev pom tseeb rau cov dig muag, tso cov raug luag tsim txom los mus twj lij,
19 Ceeb toom Huab Tais xyoo. yog ib niaj dawb ib niaj hu.”
20 Muab phau ntawv kauv cia muab cev rau tus tub txib, ces nws zaum. Tas cov qhov muag hauv lub tsev txoos ntsia ntsoov nws.
21 Nws pib hais rau lawv tias : “Hnub no, tsab ntawv no tsheej xeeb ntawm nej pob ntseg."

(Mus nyeem tsab ntawv nthuav Ntawv Ntshiab)

LECTURES DE LA MESSE DU 24/01/2010
( Troisième dimanche - Année C )

(Hais lus Hmoob - En Français)

• 1ère lecture : Le peuple de Dieu redécouvre la Parole (Ne 8, 1-4a.5-6.8-10)
  Lecture du livre de Néhémie

Quand arriva la fête du septième mois, tout le peuple se rassembla comme un seul homme sur la place située devant la Porte des eaux. On demanda au scribe Esdras d'apporter le livre de la loi de Moïse, que le Seigneur avait donnée à Israël.
Alors le prêtre Esdras apporta la Loi en présence de l'assemblée, composée des hommes, des femmes, et de tous les enfants en âge de comprendre. C'était le premier jour du septième mois.
Esdras, tourné vers la place de la Porte des eaux, fit la lecture dans le livre, depuis le lever du jour jusqu'à midi, en présence des hommes, des femmes, et de tous les enfants en âge de comprendre : tout le peuple écoutait la lecture de la Loi.
Le scribe Esdras se tenait sur une tribune de bois, construite tout exprès.
Esdras ouvrit le livre ; tout le peuple le voyait, car il dominait l'assemblée. Quand il ouvrit le livre, tout le monde se mit debout.
Alors Esdras bénit le Seigneur, le Dieu très grand, et tout le peuple, levant les mains, répondit : « Amen ! Amen ! » Puis ils s'inclinèrent et se prosternèrent devant le Seigneur, le visage contre terre.
Esdras lisait un passage dans le livre de la loi de Dieu, puis les lévites traduisaient, donnaient le sens, et l'on pouvait comprendre.
Néhémie le gouverneur, Esdras qui était prêtre et scribe, et les lévites qui donnaient les explications, dirent à tout le peuple : « Ce jour est consacré au Seigneur votre Dieu ! Ne prenez pas le deuil, ne pleurez pas ! » Car ils pleuraient tous en entendant les paroles de la Loi.
Esdras leur dit encore : « Allez, mangez des viandes savoureuses, buvez des boissons aromatisées, et envoyez une part à celui qui n'a rien de prêt. Car ce jour est consacré à notre Dieu ! Ne vous affligez pas : la joie du Seigneur est votre rempart ! »

• 2ème lecture : Diversité des membres dans l'unité du corps du Christ (1Co 12, 12-30)
  Lecture de la première lettre de saint Paul Apôtre au Corinthiens

Frères,
Prenons une comparaison : notre corps forme un tout, il a pourtant plusieurs membres ; et tous les membres, malgré leur nombre, ne forment qu'un seul corps. Il en est ainsi pour le Christ.
Tous, Juifs ou païens, esclaves ou hommes libres, nous avons été baptisés dans l'unique Esprit pour former un seul corps. Tous nous avons été désaltérés par l'unique Esprit.
Le corps humain se compose de plusieurs membres, et non pas d'un seul.
[ Le pied aura beau dire : « Je ne suis pas la main, donc je ne fais pas partie du corps », il fait toujours partie du corps.
L'oreille aura beau dire : « Je ne suis pas l'oeil, donc je ne fais pas partie du corps », elle fait toujours partie du corps.
Si, dans le corps, il n'y avait que les yeux, comment pourrait-on entendre ? S'il n'y avait que les oreilles, comment pourrait-on sentir les odeurs ?
Mais, dans le corps, Dieu a disposé les différents membres comme il l'a voulu.
S'il n'y en avait qu'un seul, comment cela ferait-il un corps ?
Il y a donc à la fois plusieurs membres, et un seul corps.
L'oeil ne peut pas dire à la main : « Je n'ai pas besoin de toi » ; la tête ne peut pas dire aux pieds : « Je n'ai pas besoin de vous ».
Bien plus, les parties du corps qui paraissent les plus délicates sont indispensables.
Et celles qui passent pour moins respectables, c'est elles que nous traitons avec plus de respect ; celles qui sont moins décentes, nous les traitons plus décemment ;
pour celles qui sont décentes, ce n'est pas nécessaire. Dieu a organisé le corps de telle façon qu'on porte plus de respect à ce qui en est le plus dépourvu :
il a voulu qu'il n'y ait pas de division dans le corps, mais que les différents membres aient tous le souci les uns des autres.
Si un membre souffre, tous les membres partagent sa souffrance ; si un membre est à l'honneur, tous partagent sa joie. ]
Or, vous êtes le corps du Christ et, chacun pour votre part, vous êtes les membres de ce corps.
[ Parmi ceux que Dieu a placés ainsi dans l'Église, il y a premièrement des apôtres, deuxièmement des prophètes, troisièmement ceux qui sont chargés d'enseigner, puis ceux qui font des miracles, ceux qui ont le don de guérir, ceux qui ont la charge d'assister leurs frères ou de les guider, ceux qui disent des paroles mystérieuses.
Tout le monde évidemment n'est pas apôtre, tout le monde n'est pas prophète, ni chargé d'enseigner ; tout le monde n'a pas à faire des miracles,
à guérir, à dire des paroles mystérieuses, ou à les interpréter. ]

• Evangile : Prologue de Saint Luc - « Aujourd'hui, s'accomplit la Parole » (Lc 1, 1-4; 4, 14-21)
  Commencement de l'Evangile de Jésus Christ selon saint Luc

Plusieurs ont entrepris de composer un récit des événements qui se sont accomplis parmi nous,
tels que nous les ont transmis ceux qui, dès le début, furent les témoins oculaires et sont devenus les serviteurs de la Parole.
C'est pourquoi j'ai décidé, moi aussi, après m'être informé soigneusement de tout depuis les origines, d'en écrire pour toi, cher Théophile, un exposé suivi,
afin que tu te rendes bien compte de la solidité des enseignements que tu as reçus.

Lorsque Jésus, avec la puissance de l'Esprit, revint en Galilée, sa renommée se répandit dans toute la région.
Il enseignait dans les synagogues des Juifs, et tout le monde faisait son éloge.
Il vint à Nazareth, où il avait grandi. Comme il en avait l'habitude, il entra dans la synagogue le jour du sabbat, et il se leva pour faire la lecture.
On lui présenta le livre du prophète Isaïe. Il ouvrit le livre et trouva le passage où il est écrit :
L'Esprit du Seigneur est sur moi parce que le Seigneur m'a consacré par l'onction. Il m'a envoyé porter la Bonne Nouvelle aux pauvres, annoncer aux prisonniers qu'ils sont libres, et aux aveugles qu'ils verront la lumière, apporter aux opprimés la libération,
annoncer une année de bienfaits accordée par le Seigneur.

Jésus referma le livre, le rendit au servant et s'assit. Tous, dans la synagogue, avaient les yeux fixés sur lui.
Alors il se mit à leur dire : « Cette parole de l'Écriture, que vous venez d'entendre, c'est aujourd'hui qu'elle s'accomplit. »

Tsoom ntseeg mloog Tswv Ntuj lus,


Peb twb zoo siab tso dab qhuas tseg, tig los ua lub Koom Txoos Kav Tos Liv tsoom tub ki, ua haiv neeg ntseeg Tswv Ntuj, teev Tswv Ntuj raws li Huab Tais Yes Xus cov thwj tim qhia, mloog Yes Xus lus. Tsis phim peb tseem khuv xim rov thaub qab mus khee tej dab qhuas Hmoob los coj los teev li poj yawm ua kam. Tsis yog cai peb cam kom yeej yus lub Koom Txoos cov lus qhia, vim lub Koom Txoos tsis ua li peb siab nyiam. Kuj tsis tsim nyog peb yuav chim, tawm khiav mus nkag mus taug lwm lub koom haum luam taw, npuab lwm tus xib hwb zaj thiab taug nws txoj kev nej ntsia muaj ceem dua. Los puas tej zaum yus tseem xav sawv xib hwb tshiab qhia dua ib pab neeg kom muaj ceem thiab zoo tshaj tas lwm cov koom haum tib si raws li yus siab xav. Peb yuav tuaj yeem ua moj zeej mus zov teb txog thaum twg ? Tos luag siv moj zeej, vim moj zeej muaj hwj chim thaiv tau txom fav thaj teb no tas, coj mus thaiv dua lwm thaj. Ua neeg teev Tswv Ntuj, hwm Tswv Ntuj tsis yog ua moj zeej coj moj zeej hwj chim, los ua cov xib hwb cuav ntxias tus ub tus no los poo yus ua li yus siab nyiam. Peb ua Tswv Ntuj me nyuam xav kom peb txhua leej hais tau, tuav tau Tswv Ntuj tej lus. Hais lo lus tseeb, ua qhov yog cai, tsis paub yuav tau kawm, kawm tau ua txhob yuam kev neej los tso siab dab los ntshai. Peb twb paub leej tib neeg tus tau koob tau hmoov tshaj ib tsoom poj niam : Nkauj Xwb Mab Liab. Tas peb txhua leej Kav Tos Liv yuav tau tig mus thov peb leej niam Mab Liab pab peb. Ua Tswv Ntuj me nyuam, peb yuav txais Tswv Ntuj lus hauv peb lub siab thiab peb lub neej ib yam Mab Liab. Peb pom Nkauj Xwb Mab Liab mloog Tswv Ntuj lus ua Tswv Ntuj lus xeeb tub hauv Mab Liab cev. Yog peb mloog Tswv Ntuj lus, peb tes dej num kuj yuav tawg paj thiab txi txiv li Mab Liab. Xyov yog hmoov dab tsis Yes Xus thiaj xaiv tau peb los ua nws thwj tim.
Vim Yes Xus xav kom peb tuav nws lub luag dej luag num, vam peb lub pliaj plhu taj nws lub, vam peb lub ncauj cev nws tej lus taj nws, ntshaw peb lub siab nyiam npaum li nws lub nyiam ntiaj teb neeg tas txhia xeem neeg, tos peb lub cev thiab tes taw nquag npaum li nws mus ncig thoob teb chaws plhws txhua tus neeg mob, raug dab thiab txom nyem. Peb paub ntsoov, peb tsis muaj zog txaus, peb siab tsis dav, tsis loj, puas yuav ua tau raws li Yes Xus vam thiab tos peb ? Peb thiaj li yuav qee kom tau caij nyoog los muab Yes Xus cov lus ua txhiam xws noj niaj hnub niaj lis piam yug peb txoj sia kom peb muab zog ciaj ua Tswv Ntuj me nyuam, tuav Yes Xus luag dej luag num mloog lus ib yam cov thwj tim. Peb twb hnov nyob hauv Nes Hes Mis tsab ntawv nws hais li no : “Ntawm lub tshav lub rooj vag dej, nws muab phau ntawv nyeem txij thaum kaj ntug mus txog tav su rau cov tuaj sib txoos, muaj txiv neej, poj niam thiab tas cov muaj hnub nyoog paub tab lawm. Tas nrho haiv neeg cuab pob ntseg rau phau ntawv Txhooj” Tas haiv neeg yuav tuaj mus muab Tswv Ntuj cov lus los txoos tag sawv daws ua ke yam ib tug tib neeg xwb. Zoo li sawv daws yuav koom ua ib tse neeg, koom tib lub siab xwb. Sawv daws yuav siv caij siv nyoog, qee kom tau sij hawm los hnov Leej Txiv Tswv Ntuj lo lus yog sawv daws Leej Txiv. Nws cov lus yuav roos tag sawv daws. Peb yog nws me nyuam, peb mloog nws lus, peb hais li cas yog li cas, peb ua dab tsi tau dab tsi, peb taug txoj ke twg tsis yuam kev. Nws cov lus roos peb, tiv thaiv peb. Vim li ntawd, cov lus peb hais, dej num twg peb ua puav leej yog koob hmoov. Txoj kev peb taug yuav tiaj yuav dav, tsis fab tsis ntxhov zoo mus los tau luag ; tej neeg ob cag yuav nrog peb koom taug ib txoj kev. Tswv Ntuj lo lus tsis yog nroos peb xwb. Peb muab peb Leej Txiv Ntswv Ntuj lo lus ua peb tus Txhooj kav peb lub neej. Tswv Ntuj lo lus nres nyias lub siab lub ntsws. Txawm muaj nag xob nag cua ntshawj peb lub neej, Tswv Ntuj lo lus hwj xwm peb lub siab nyob tus yees tsis qaij tsis qaug, ua peb lub chaw cuab zog ruaj nreb xws caj zeb, khov kho xws caj tsuas. Peb tus kheej yuav nyob kaj siab lug tsis txob tsis txhawj. Tswv Ntuj nyiam kev ncaj ncees, peb lub neej kuj yuav ncaj ncees li Tswv Ntuj siab nyiam. Luag pom peb lub cuab lub yig sib haum, ib tug txawj hais lwm tus txawj mloog. Ua rau tiaj nrag qaum pes ntshaw yus lub neej sib hlub. Nyias yuav tsum paub nyob hauv nyias siab : Tsis yog vim peb paub dua, txawj sib hlub dua luag tej.Yog peb ua neej sib hlub, sib haum, tsuas yog txiaj ntsim peb txais, yog koob hmoov luag muab rau peb, vim peb vam luag, muab luag lo lus ua peb tus Txhooj kav peb lub neej xwb. Leej choj Es Nras thiaj qhia li no : « Kav tsij mus, nej mus muab nqaij qab noj, muab cawv qab haus, mus faib nws phuv rau tus npaj tsis tau dab tsi. Vim hnub no yog hnub ntshiab rau Huab Tais ! Txhob tsub txim rau nej ! Huab Tais zoo siab heev yim huab ua nej lub zog loj tuaj ! » Qhov peb nyuaj siab, ua rau peb txhawj, tsis yog Tswv Ntuj tsis pab peb. Sawv daws puav leej tau txais Tswv Ntuj txiaj ntsim, tsuas yog sawv daws tsis paub xwb. Yus tsis paub tias Tswv Ntuj hlub yus, pab yus ces ua rau yus chim thiab tu siab. Yog thaum peb rua muag ntsia Tswv Ntuj tej txiaj ntsim nws tau muab rau peb, peb lub zog yim huab yuav loj. Kuj zoo li peb leej tib neeg, tus neeg twg ntxub yus, yus yeej zam kev tsis xav ntsib ; tsev neeg twg nquag sib ceg, muaj teeb meem, yus yeej tsis tau luag mus ntsib ; lub teb chaws twg nom tswv lim hiam, pej xeem neeg yeej nyooj laws nroo qas ntws. Vim li ntawd, yog yus xav tias Tswv Ntuj tsis zam rau yus, yeej ua yus qaug zog luj luas. Tiam sis yog yus pom Tswv Ntuj zoo siab heev rau yus ces yus lub zog yim huab loj tuaj. Muaj tseeb tiag.

Yog vim li ntawd, Lus Kas thiaj sau nws tsab ntawv piav txog Yes Xus rau tus tsis paub kom paub meej Yes Xus yog Tswv Ntuj tso tuaj pab peb, tuaj cawm peb. Lus Kas tau nug muaj nug txaus cov pov thawj qhov muag tau pom, tau txuas lus, ncauj nrog kiag tham, tau tuav tes kiag thiab lawv los ua nws thwj tim tshaj nws lub Moo Zoo rau ntiaj teb. Thaum nug ib tog zuj zus tas, Lus Kas paub lub ntsiab lawm, nws thiaj muab ntawv los sau tseg qhia tus tshua txog : Tes Os Fis Los (Ami de Dieu, Tswv Ntuj Phooj Ywg).
Lus Kas yog leej twg, neeg dab tsi ? Lus Kas yog neeg Hes Las (Grec), nws txoj hauj lwm yog kws tshuaj kho mob. Lus Kas tau ntsib cov thwj tim Pob Zeb thiab Paj Lug. Lus Kas tau nrog Paj Lug mus tshaj Yes Xus lub Moo Zoo txog ntau lub teb chaws, hla ntau lub nroog, ntsib ntau xeem neeg tig los ntseeg Tswv Ntuj teev Tswv Ntuj. Peb mloog Paj Lug hais li no hauv nws tsab ntawv xas rau cov ntseeg nyob Kos Los Xais : “Lus Kas, tus kws tshuaj tshua txog thiab Des Mas hais noj qab nyob zoo rau nej Col 4,14” Peb paub meej txog Lus Kas cov ntawv nws sau los qhia Yes Xus rau Tes Os Fis Los, Tswv Ntuj Phooj Ywg : “Phau ntawv Moo Zoo thiab Cov Hauv Paus Xa Lus tej Hauj Lwm” yog 2 phau ntawv. Thaum ua ntej, Lus Kas kuj yog neeg teev dab qhuas. Tiam sis thaum Lus Kas tig los txais kev ntseeg Yes Xus raws li cov thwj tim qhia. Lus Kas lub neej kuj hloov lawm ntau heev, pom kev deb, muaj kev kaj siab ntau yam. Tas tej txiaj ntsim nws tau txais yog tuaj ntawm Yes Xus tuaj. Lus Kas thiaj txiav siab piav txog Yes Xus tus tuaj kaj lub sim ceeb kev tsaus ntuj thiab kaj Lus Kas lub neej.
Lus Kas qhia rau peb paub tias : Yes Xus yog Leej Txiv Tswv Ntuj lub txiaj ntsim tshwm sim ua leej tib neeg. Tsis yog dab neeg los npau suav : Yes Xus hlob nyob lub zos Nas Xas Les. Yes Xus zoo li lwm leej lwm tus neeg nyob hauv zos. Yes Xus txiv, Yos Xes txoj hauj lwm yog phua ntoo, kaw ntoo ua vaj ua tsev, txua rooj txua tog. Yes Xus kuj nrog Mab Liab thiab Yos Xes nkawd ua hauj lwm pab niam pab txiv ib yam luag tej me nyuam. Peb hnov tias Yes Xus kuj nquag mus teev ntuj hauv tej tsev txoos. Luag txib dab tsi ua dab tsi. Luag kom nyeem ntawv, nws kuj mus nyeem ntawv. Yes Xus tau kawm ntawv, vim nws txawj nyeem thiab txawj sau. Tiam sis txij thaum Yes Xus pib mus tshaj lub Moo Zoo rau lwm lub zos, neeg pib paub Yes Xus zoo zuj zus. Hnub ntawd, Yes Xus rov qab los txog nws lub zos. Nws kuj mus nyeem ntawv li txhia zaus nws ua kam. Txhia zaus kuj tsis muaj tus yam dab tsi txawv. Los txog tav no, cov neeg tuaj teev ntuj hnov Tswv Ntuj lo lus tas, lawv tsis khaws dab tsi tseg. Lawv lub neej nyob li qub, lawv kev nyuaj siab tsis kaj, lawv tej siab ntsws ntxhov qas hnyo tsis hloov. Tiam sis hnub ntawd, Yes Xus qhib lawv lub siab. Lawv qhov muag pom xyeem Leej Pleev, Tswv Ntuj lub txiaj ntsim Tswv Ntuj tau hais tseg, tau cog cia rau lawv tej poj yawm txwv koob txheej laus thaum ub. Puag tiam dhau tiam los, lawv tos ntshi Leej Pleev, tus muaj Tswv Ntuj Leej Ntsuj Plig lub hwj huam, tus Cawm Seej tuaj deev His Xais Lais thooj siab mob kom nquag kom zoo, txhiv kom lawv dim kev txom nyem. Lawv nco ntsoov Tswv Ntuj tej lus : Cov pluag yog cov neeg Tswv Ntuj nyiam tshaj ; cov muaj txim txhaum raug luag cuab, luag muab coj mus ua luag qhev do av tsim vaj tse, nqa pob zeb mus txhub tej zej zog, Tswv Ntuj yuav tuaj tso kom lawv dim ; cov neeg dig niaj hnub ncig nquj nquas qab zog dhau hauv zos thov khawv ua rau tib neeg laj tag yuav rov pom tseeb ; cov tua neeg luag niaj hnub muab khi muab nplawm cab tej niag pab coj mus dai saum ntoo cuam saum roob khauj khaum taub hau ziab tshav quaj qw quaj thov tsis muaj tug quav ntsej, yuav muaj tus tuaj txhiv kom lawv dim : “18 “Huab Tais tus Ntsuj Plig nyob saum kuv, vim nws tau pleev kuv mus tshaj lub Moo Zoo rau cov pluag, nws xa kuv mus ceeb toom kev twj lij rau cov raug cuab thiab kev pom tseeb rau cov dig muag, tso cov raug luag tsim txom los mus twj lij, 19 Ceeb toom Huab Tais xyoo. yog ib niaj dawb ib niaj hu.” Kuj zoo li ib yim Hmoob, thaum nej muaj ib tug me nyuam cam thawj, ua ib yam dab tsi phem. Nej muab nws rau txim qhuab qhia nws. Nej kom nws ua ib qho hauj lwm los daws nws qhov txhaum. Nws mloog nej lus, thaum twg ua tas ces nws qhov txhaum kuj daws tas. Los puas, nyob hauv cov teb chaws vam meej, thaum lub caij xaiv nom. Thaum tsa tau ib tug nom tshiab sawv los kav teb chaws, tus nom ntawd tso ib tug neeg hauv tsev loj faj dim dawb nws cov txim. Cov teb chaws vam meej coj kam li ntawd. Nyob hauv His Xais Lais kev hwm Tswv Ntuj, Tswv Ntuj tau qhia rau His Xais Lais ib yam nkaus. Kom His Xais Lais hwm Tswv Ntuj xyoo. Tswv Ntuj xyoo yog ib xyoos ntshiab, ib xyoos dawb thiab huv. Sawv daws ua neej 49 xyoos xaus, xyoo 50, yog Tswv Ntuj xyoo, yog lub xyoo ntshiab dawb huv (Lv 25,10). Lub xyoo yog Tswv Ntuj xyoo, yus yuav qiv yus thaj teb dawb do rau cov pluag tsis muaj liaj teb kom lawv tau kev ua noj ua haus. Thiab Tswv Ntuj xyoo, leej twg tshuav yus nuj nqes, yuav zam dawb paug kom tag rau tus ris yus nuj nqes. Los puas, yus muaj ib tug txheeb tug ze raug plaub raug ntug them tsis taus, Tswv Ntuj xyoo, yus nqa nyiaj mus txhiv tso yus tus txheeb ze dim dawb. Vim li ntawd, Yes Xus yog peb tus txheeb ze, tuaj txhiv peb. Hnub ntawd, Yes Xus hais rau cov qhov muag ntsia Yes Xus nruj nreem hauv lub tsev txoos tias, Yes Xus yog Leej Pleev, tus Cawm Seej, tus tuaj txhiv Tswv Ntuj haiv neeg ntawm lawv cov txhaum : “21 Nws pib hais rau lawv tias : “Hnub no, tsab ntawv no tsheej xeeb ntawm nej pob ntseg.” Cov neeg His Xais Lais tso siab rau Tswv Ntuj lo lus puag txheej dahu txheej tiam dhau tiam los hnub ntawd, lawv pom xyeem ntawd qhov muag. Tsis yog npau sauv.

Ib tsoom ntseeg nyiam Tswv Ntuj, tso siab rau Tswv Ntuj, nej muaj kev txhawj xeeb ntau yam hauv nej lub neej tsis pom qab hais rau leej twg. Nej tos ntshi ntsia ntsoov lub ncauj xub ke puas muaj leej twg tuaj pab nej, daws nej kev txhawj xeeb. Nej ua siab loj, Huab Tais Yes Xus yog peb tus Vaj Pleev, muaj hwj huam, yog tus pab tau nej. Xav kom nej pom nws lub txiaj ntsim pab nej, cawm nej, txhiv nej ces nej yuav muaj ib lub zog loj nej tsis tau pom dua, sim neej nej xav tsis txog yuav ua nej lub siab nyob ruaj nreb khov kho. Huab Tais lub hwj huam nyob ntawm nej ib sab txheem nej. Yog peb mloog Yes Xus lus ces peb yuav pom nws lub zog pab peb. Nej xav li cas, yog Leej Txiv Tswv Ntuj tsis hlub peb, nws puas yuav xa nws Leej Tub nqes los ua neeg. Yog Yes Xus tsis tuaj cawm peb, nws yuav tsis hais qhia peb paub kom peb vam vam. Yog peb tsis cuab pob ntseg, peb puas yuav hnov nws cov lus, puas yuav txais tau cov thwj tim, cov pov thawj tej lus hais. Txhia zaus Yes Xus mus nyeem ntawv rau lawv, tiam sis lawv tsis qhib lawv lub siab. Lawv tsuas pom Yes Xus zoo li lawv. Thiam sis hnub ntawd, lawv qhov muag qhib, ces lawv pom Yes Xus tsis zoo li qub lawm. Peb kuj ib yam, yog peb rua muag kom zoo, Yes Xus cov lus peb niaj hnub mloog yuav pab kom peb paub Yes Xus zoo dua tuaj.

Cwj Vuam Chiv 18.01.2010

LUS TSHAJ XO KEV PLOJ TUAG NTAWM TSOOM NTSEEG
Hmoob Kav Tos Liv nyob Fab Kis Tev

• Nyob Orléans, xeev 45 :

Tsev xyom cuab thiab tsoom ntseeg npaj ua lub ntees rau niam Qhua Yis YAJ, uas tau tas sim neej rau hnub tim 18 lub 1 hlis:

Lub ntees npaj rau lub chav tsev "Rue de la Bissonnerie" nyob St-Jean de Braye.

Hnub tim 22 lub 1 hlis, TP Cwj Vuam Chiv thiab Xyooj Tsav Vam ua kab ke xa plig rau nws.

Hnub tim 25, thaum 15h00 coj tus qauv mus hauv tsev teev Ntuj nyob Saint Jean Bosco (140 rue Argonne 45000 Orléans).
Tom qab mam coj mus sam sab.

• Nyob Amboise, xeev 37 :

Tsev xyom cuab thiab tsoom ntseeg npaj ua lub ntees rau tub Meej VAJ yug nyob Guyane. Yog ib tug tub hluas muaj 28 xyoo.
Lub ntees npaj rau lub chav tsev ntawm lub zos "Porcherieux" nyob ze "Autrêche" (37).

Hnub tim 23, TP Cwj Vuam Chiv thiab Tsab Tshuas Teev ua kab ke xa plig.

Hnub tim 25, thaum 10h00 coj tus qauv mus hauv tsev teev Ntuj nyob Amboise (37).
Tom qab mam coj mus sam sab.

COV ZAJ NYEEM RAU HNUB CHIV 17/01/2010

( Hnub Chiv 2- Xyoo C )

(Hais lus Hmoob - En Français)

• Zaj nyeem 1 : Tsab Ntawv His Xais 62,1-5

1 Vim Xis Yoos, kuv yuav tsis nyob ntsiag to, vim Yes Lus Xas Les, kuv yuav tsis tau so, yog nws txoj kev ncaj ncees tsis sawv tsees li kaj ntug thiab nws lub zog yeej tsis cig plaws tuaj li tus nplaim tsau.
2 Cov teb chaws yuav pom koj kev ncaj ncees, cov vaj pom koj hwj chim. Luag yuav hu koj dua lub npe tshiab, lub Huab Tais tus kheej tau muab.
3 Koj yog lub mom tawg paj paug hauv Huab Tais txhais tes, yog lub mom vaj ntxwv paj zeb hauv koj tus Tswv Ntuj xib teg.
4 Luag yuav tsis hu koj ntxiv : "Tus luag xyeej." Tsis tis koj daim av npe : "Tus luag thuam." Tiam sis, luag yuav tuav koj npe : "Hauv nws yog kuv chaw dai siab" thiab koj av : “Nkauj nyab”, vim Huab Tais pom koj ua nws chaw dai siab thiab koj av yog nws nkauj nyab.
5 Tam zoj tus hluas nraug qaws ib tug nkauj xwb, koj tus tswv yuav qaws koj thiab zoo npaum nkauj nyab ua nraug vauv zoo siab, koj tus Tswv Ntuj yuav zoo siab npaud li rau koj.

• Zaj nyeem 2 : Cov lus Paj Lug sau tuaj rau cov ntseeg nyob Kos Lis Nthos 12, 4-11

4 Ntuj pub ntau yam txiaj ntsim, tiam sis yog tuaj ntawm Leej Ntuj Plig tib leeg tuaj xwb. 5 Muaj ntau txoj kab xwm, tab sis yog tuaj ntawm tib tug Huab Tais tuaj.
6 Muaj ntau txoj hauj lwm, tab sis yog tib tug Tswv Ntuj ua cov hauj lwm ntawd nyob hauv txhua leej tib neeg.
7 Ntuj pub Leej Ntuj Plig rau peb kom peb pab tau tsoom sid. 8 Ib txhia, Leej Ntuj Plig pub ib zaj lus thoob tsib rau lawv. Ib txhia, Leej Ntuj Plig pub ib zag txuj ci rau lawv.
9 Ib txhia, Leej Ntuj Plig pub kom lawv muaj ib lub siab ntseeg. Ib txhia, Leej Ntuj Plig pub kom lawv txawj kho mob. 10 Ib txhia, Leej Ntuj Plig pub kom lawv txawj ua hwj huam yees ntxwv. Ib txhia, Leej Ntuj Plig pub kom lawv txawj ua Yaj Saub. Ib txhia, Leej Ntuj Plig pub kom lawv txawj pom tias puas yog dab. Ib txhia, Leej Ntuj Plig pub kom lawv txawj hais ntau xeem lus. Ib txhia, Leej Ntuj Plig pub kom lawv txawj txhais ntau xeem lus.
11 Tas ib puas tsav yam ntawd, yog Leej Ntuj Plig tib leeg ua, yog Leej Ntuj Plig tib leeg muab faib rau zeej tsoom sawv daws, raws li nws nyiam.

• Zam Ntawv Moo Zoo 2,1-11

1 Hnub peb, muaj ib rooj tshoob nyob Kas Nas xeev Nkas Lis Lais. Yes Xus leej niam nyob ntawd thiab.
2 Lawv caw Yes Xus mus noj tshoob nrog nws cov thwj tim.
3 Cia li tsis muaj cawv, vim cov cawv tshoob tas lawm. Yes Xus leej niam hais nws tias : "Lawv tsis muaj cawv lawm."
4 Yes Xus hais nws tias : "Koj thiab kuv muaj tus tsi, poj niam ? Tseem tsis tau txog kuv sij hawm."
5 Nws leej niam hais rau cov tub txib : “Nws hais nej dab tsi, ua kiag.”
6 Nyob ntawd, muaj rau lub hub zeb tseg cia cov Yus Das siv yaug cev. Ib hub ntim ze kaum thoob dej.
7 Yes Xus hais rau lawv : "Nej hliv dej kom puv cov hub no." Lawv hliv puv nkaus saum cov ncauj.
8 Thiab nws hais rau lawv : "Zaum no nej ce thiab nqa mus rau txiv thiaj com." Ces lawv thiaj nqa mus.
9 Thaum txiv thiaj com saj cov dej txia ua cawv thiab nws tsis paub cov no yog nyob qhov twg, ntawm cov tub txib lawv paub vim lawv tau ce dej. Txiv thiaj com hu nraug vauv los.
10 Thiab nws hais rau tus ntawd : "Tib neeg sawv daws xub muab cov cawv qab thaum lawv qaug tas mam muab cov qab tsis heev. Koj li, koj tseg cov cawv qab cia txog tav no."
11 Yog chiv thawj lub ntawm Yes Xus cov cim nyob Kas Nas xeev Nkas Lis Lais thiab ua nws lub hwj chim tshwm thiab nws cov thwj tim ntseeg nws.

(Mus nyeem tsab ntawv nthuav Ntawv Ntshiab)

LECTURES DE LA MESSE DU 17/01/2010
( Deuxième dimanche - Année C )

(Hais lus Hmoob - En Français)

• 1ère lecture : Les noces de Dieu et de son peuple (Is 62, 1-5)
  Lecture du livre d'Isaïe

Pour la cause de Jérusalem je ne me tairai pas, pour Sion je ne prendrai pas de repos, avant que sa justice ne se lève comme l'aurore et que son salut ne flamboie comme une torche.
Les nations verront ta justice, tous les rois verront ta gloire.
On t'appellera d'un nom nouveau, donné par le Seigneur lui-même.
Tu seras une couronne resplendissante entre les doigts du Seigneur, un diadème royal dans la main de ton Dieu. On ne t'appellera plus : « La délaissée », on n'appellera plus ta contrée : « Terre déserte », mais on te nommera : « Ma préférée », on nommera ta contrée : « Mon épouse », car le Seigneur met en toi sa préférence et ta contrée aura un époux.
Comme un jeune homme épouse une jeune fille, celui qui t'a construite t'épousera.
Comme la jeune mariée est la joie de son mari, ainsi tu seras la joie de ton Dieu.

• 2ème lecture : Diversité des charismes dans l'unité (1Co 12, 4-11)
  Lecture de la première lettre de saint Paul Apôtre aux Corinthiens

Frères,
Les dons de la grâce sont variés, mais c'est toujours le même Esprit. Les fonctions dans l'Église sont variées, mais c'est toujours le même Seigneur.
Les activités sont variées, mais c'est toujours le même Dieu qui agit en tous.
Chacun reçoit le don de manifester l'Esprit en vue du bien de tous.
A celui-ci est donné, grâce à l'Esprit, le langage de la sagesse de Dieu ; à un autre, toujours par l'Esprit, le langage de la connaissance de Dieu ;
un autre reçoit, dans l'Esprit, le don de la foi ; un autre encore, des pouvoirs de guérison dans l'unique Esprit ; un autre peut faire des miracles, un autre est un prophète, un autre sait reconnaître ce qui vient vraiment de l'Esprit ; l'un reçoit le don de dire toutes sortes de paroles mystérieuses, l'autre le don de les interpréter.
Mais celui qui agit en tout cela, c'est le même et unique Esprit : il distribue ses dons à chacun, selon sa volonté.

• Evangile : Les noces de Cana (Jn 2, 1-11)
  Evangile de Jésus Christ selon saint Jean
  

Il y avait un mariage à Cana en Galilée. La mère de Jésus était là. Jésus aussi avait été invité au repas de noces avec ses disciples. Or, on manqua de vin ; la mère de Jésus lui dit : « Ils n'ont pas de vin. »
Jésus lui répond : « Femme, que me veux-tu ? Mon heure n'est pas encore venue. »
Sa mère dit aux serviteurs : « Faites tout ce qu'il vous dira. »
Or, il y avait là six cuves de pierre pour les ablutions rituelles des Juifs ; chacune contenait environ cent litres.
Jésus dit aux serviteurs : « Remplissez d'eau les cuves. » Et ils les remplirent jusqu'au bord.
Il leur dit : « Maintenant, puisez, et portez-en au maître du repas. » Ils lui en portèrent.
Le maître du repas goûta l'eau changée en vin. Il ne savait pas d'où venait ce vin, mais les serviteurs le savaient, eux qui avaient puisé l'eau.
Alors le maître du repas interpelle le marié et lui dit : « Tout le monde sert le bon vin en premier, et, lorsque les gens ont bien bu, on apporte le moins bon. Mais toi, tu as gardé le bon vin jusqu'à maintenant. »
Tel fut le commencement des signes que Jésus accomplit. C'était à Cana en Galilée. Il manifesta sa gloire, et ses disciples crurent en lui.

Ib tsoom ntseeg tsob hwb thiab khaub zig Huab Tais Tswv Ntuj,


Hnub no, yog lis piam hnub Chiv 2 pib lub caij nyob nruab xyoos. Yog zoo hnub zoo nyoog, peb caw nej txhua leej qhib nej lub siab los mloog Zam tsab ntawv Moo Zoo. Peb tsis muaj sij hawm txaus, hnub no, peb tsis hais txog saub His Xais tsab ntawv. Peb tsuas piav txog Zam tsab ntawv Moo Zoo xwb. Txawm li ntawd los peb twb yuav hais tsis tag cov ntsiab lus. Peb tsuas khaws 3 lub ntsiab lus los txhawb txhim peb txoj kev ua Yes Xus thwj tim tshaj Yes Xus cov lus hauv peb lub neej. Tiam sis kev ua Yes Xus thwj tim, tsis yog ua li peb lub siab nyiam siab xav. Kev xyaum ua Yes Xus thwj tim, yuav tau kawm muaj kws thiaj tsis yuam kev thiab ua nyog Yes Xus thwj tim. Yog ua raws li Pob Zeb thiab Paj Lug, ua raws li Zam cov lus sau tseg hauv nws tsab ntawv peb nyuam qhuav mloog no thiab ua raws li lub Koom Txoos Kav Tos Liv cov lus qhia. Vim lub Koom Txoos Kav Tos Liv txais Yes Xus lub Moo Zoo ntawm cov thwj tim Pob Zeb, Paj Lug thiab Zam…lub Koom Txoos Kav Tos Liv tshaj Yes Xus lub Moo Zoo raws li cov thwj tim tau qhia txij puag thaum chiv lub keeb los txog niaj hnub no. Nej pom lwm cov koom haum qhia kev ntseeg luam taw laws ib ncig ntawm nej nyob, muaj ntau pab ntau pawg, ntau tus xib hwb tus yuav hais li cas rau nej txog Yes Xus thiab yuam nej ris lub nra hnyav li cas kuj muaj. Tej koom haum luam taw no yog zoo li tej noob dib noob taub cog tau sib txuam tas. Thaum tawg paj txi txiv, cov txiv yeej txuam tag, muaj pob taub, muaj ntev thiab txaij pliag...Los puas zoo li tej noob nplej thiab pob kws txia tag ua nplaum ua txua sib xyaws daws, ua mov noj tsis cua tsis tsw ha los tsis qab lawm. Cov koom haum luam taw no nyob tsis ntev thiab tsis huam vam. Vim lawv tsis tuaj ntawm Yes Xus tuaj. Tsis muaj tus tsa, lawv sawv lawv tus kheej xib hwb. Lawv zoo li cov txiv neeb cuav lam sawv ua neeb. Tej koom haum luam taw no tseem pheej niaj hnub muaj cov ploj lawm los kuj muaj cov yuav sawv quj qees los. Vim li ntawd, peb yuav ceev faj kawg nkaus rau nyias tus kheej rua muag ntsia kom zoo txhob yuam kev mus npuab, mus raws tus xib hwb ub tus xib hwb no yooj yim npaum ua si. Tsis txhob ua cov neeg twm xeeb twm kawv yuav nws siab ib leeg kheej. Peb los ntxuav plig hauv lub Koom Txoos Kav Tos Liv, peb txoj hmoov zoo, vim yog Yes Xus xaiv tau peb los ua nws thwj tim. Peb kav tsij mob siab xyaum ua Huab Tais Yes Xus thwj tim raws li Pob Zeb, Paj Lug thiab Zam…raws li lub Koom Txoos coj thiab qhia rau peb. Txawm nej pom nws tsis ua dab tsi muaj ceev txaus nej qhuas, nws txawm zoo tsis tag, los nej ua siab ntev thiab tso siab lug. Nws zoo li nej niam nej txiv hlub nej twj ywm rau nruab siab, tsis niaj tag kis plws nej taub hau. Tus sawv cov thwj tim chaw yog Txiv Vaj Qhia thiab cov Txiv Tswv Qhia. Yog peb mloog Vaj Qhia thiab cov Tswv Qhia thiab cov Txiv Plig coj peb, qhia peb, peb thiaj tsis yuam kev thiaj ua nyog Yes Xus thwj tim. Leej twg tawv, yuam cai tsis mloog Vaj Qhia lus. Tus ntawd, yuam kev ua neeg loj leeb, pus tau nws cov txheeb cov ze poob qab nrog nws, yam nkaus cov xib hwb nej pom, ua txiv ntxhias kav tej koom haum luam taw, tseem muaj cuab kav thuam thiab tseem muaj ntsej muag piv tias lawv paub dua, loj dua Txiv Vaj Qhia. Leej twg ua Yes Xus thwj tim, nws yuav tau mloog Yes Xus cov lus. Leej twg mloog Yes Xus cov lus, yog mloog cov thwj tim Pob Zeb, Paj Lug, Zam thiab mloog Vaj Qhia lus…Nyob hauv Zam tsab ntawv Moo Zoo hnub no, peb khaws 3 lub ntsiab lus no los pab peb :

1. Yog peb mloog cov thwj tim lus qhuab qhia, peb kuj mloog Zam tsab ntawv Moo Zoo hnub no nws hais qhia peb.
2. Rooj tshoob lawv caw Yes Xus mus noj, nyob Kas Nas, yog Yes Xus rooj tshoob.
3. Peb muab peb lub neej los cog hauv Tswv Ntuj xub ntiag, peb yuav dim plhuav ib puas tsav yam kev txob txhawj.

1-Yog peb mloog cov thwj tim lus : Cov thwj tim qhia dab tsis rau peb ? Lawv mus thoob qab ntuj coj Yes Xus lub Moo Zoo mus tshaj qhia rau ntiaj teb neeg. Pob Zeb thiab Paj Lug tuaj tshaj Yes Xus lub Moo Zoo txog sab Aws Los Pas (Europe) neeg tawv dawb, txog As Tes Nias (Athènes) thiab nkawd tau tas sim neej nyob Los Mas (Rome) ; Tos Mas xa Yes Xus lub Moo Zoo mus dhau Mes Xos Pos Tas Mias (La Mésopotamie) nws tau tas sim neej nyob Is Ntias (Inde) thiab cov Nestoriens tuaj tshaj Yes Xus lub Moo Zoo txog Suav teb neeg tawv daj ; Fis Lis Pos thiab lwm cov thwj tim mus rau sab neeg tawv dub Es Tis Os Pias (Ethiopie)…Peb pom tias cov thwj tim kub siab tshaj Yes Xus lub Moo Zoo thoob plaub ceg kaum ntuj raws li Yes Xus tau hais rau lawv thaum nws tseem nrog lawv nyob. Tus twg qhib nws lub siab, leej twg cuab pob ntseg mloog, kom tus ntawd muaj kev kaj siab, tau kev dim pa, Tswv Ntuj hlub nws, pab tau nws daws nws kev nyuaj siab kev txob txhawj pov tseg.
Peb Hmoob ib txhia, kuj tau nrauj peb tej dab qhuas tseg. Peb tig los txais Yes Xus lub Moo Zoo. Peb zoo siab hlo thov txais lub Cim Ntxuav hauv Lub Koom Txoos Kav Tos Liv, yug dua tshiab los ciaj ua haiv neeg hwm Tswv Ntuj teev Tswv Ntuj, zoo siab ciaj ua Tswv Ntuj haiv neeg raws li cov thwj tim tej lus qhuab qhia. Cov thwj tim tau sau ntawv teev meej kom peb hwm peb niam peb txiv, nco txog peb tej poj koob yawm txwv tej txiaj ntsim : “68 Huab Tais His Xais Lais tus Tswv Ntuj siab zoo, vim nws tuaj saib thiab tuaj txhiv nws haiv neeg 69 Nws ua tshwm ib lub zog yeej cawm peb hauv nws tus tub txib Das Vis tsev 70 muaj raws li nws cov saub ntshiab lub ncauj tau hais tseg txheej laus thaum ub 71 nws yuav tuaj npo peb ntawm peb cov yeeb ncuab thiab ntawm cov neeg ntxub peb tes 72 yog nws kev khuv leej peb cov yawg koob thiab nco ntsoov cov lus nws cog cia 73 thiab tau cog meej rau peb leej txiv Has Nplas Has…Lk1,68-73” Peb pom tias Yes Xus lub Moo Zoo tsis thuam peb niam peb txiv tej lus nyiaj lus kub, tsis rhuav peb tej poj koob yawm txwv tej txiaj ntsim. Yes Xus lub Moo Zoo tuaj pab peb kho peb tej kab ke qhov nkhaus kom ncaj rau, qhov yuam kom thim los yoog peb. Yes Xus lub Moo Zoo hlub neeg ; Yes Xus lub Moo Zoo tho txoj kev dav haum ntiaj teb tib neeg tswv yim tej plab plaw, haum peb Hmoob lub siab, hlub taus peb Hmoob, txhawb peb ciaj nyog Tswv Ntuj tsoom tub ki. Lub Koom Txoos tshaj Pob Zeb, Paj Lug thiab Zam lawv tej lus. Zam sau nyob hauv nws phau Ntawv Moo Zoo hais txog Mab Liab lub txiaj ntsim. Zam tsis muaj sij hawm ntau yuav hais txog Mab Liab. Vim Zam npaj nws phau ntawv los qhuab qhia Yes Xus lub neej rau peb kom peb ntseeg Yes Xus. Tiam sis, lo puav lus Zam tau hais txog Mab Liab rau peb hnov, twb txaus dhau rau peb coj los xav tsis tag hauv peb lub neej. Zam hais li cas txog Mab Liab ? Kuj zoo li peb kev cai Hmoob. Peb Hmoob piv lus tias : leej tij leej viv tam niam tam txiv, niam txiv tam lub ntuj. Hmoob muaj phaj muaj tim, muaj muam phauj txiv dab laug. Phaj hlob mus txog phaj yau ; phaj hlob yuav hlub phaj yau ; phaj yau yuav hwm phaj hlob. Hmoob yeej cob qhia tej tub ki hwm niam hwm txiv. Tej xeeb leej xeeb ntxwv, tej tub ki yeej ris tej laus tej koob hmoov, nco tej pog koob yawm koob tej txiaj ntsim. Zam tsuas hais kom peb nco Mab Liab tej koob hmoov. Vim Mab Liab yog tus xeeb Tswv Ntuj Leej Tub, yog tus tau koob tau hmoov tshaj ib zeej tsoom poj niam sawv daws. Mab Liab yog tus xub pom, tus paub peb kev txhawj xeeb, kev nyuaj siab. Nyob hauv Zam tsab ntawv hnub no, ntawm rooj tshoob, Mab Liab pom tias nraug vauv cawv tshoob meej lawm, Mab Liab tsa suab thov nws Leej Tub Yes Xus pab nraug vauv : “Yes Xus leej niam hais nws tias : "Lawv tsis muaj cawv lawm."4 Yes Xus hais nws tias : "Koj thiab kuv muaj tus tsi, poj niam ? Tseem tsis tau txog kuv sij hawm."5 Nws leej niam hais rau cov tub txib : “Nws hais nej dab tsi, ua kiag.” Zam qhia hais tias, yog peb leej twg xav tau txiaj ntsim ntawm nws Leej Tub Yes Xus, peb yuav vam txog Mab Liab lub txiaj ntsim txhawb peb ib yam Mab Liab qhia cov tub txib kom mloog Yes Xus lus. Vim cov tub txib hnov Mab Liab twb xub qhia lawv paub, thaum Yes Xus txib lawv nqa dej los ntim hauv hub. Lawv mloog Yes Xus lus, ces lawv pom cov hub dej txia ua cov hub cawv. Yog peb nyiam mloog Zam tsab ntawv Moo Zoo. Thaum Zam yuav xaus nws tsab ntawv, Zam rov qab los piav txog Mab Liab rau peb hnov. Yog thaum luag muab Yes Xus dai saum Ntoo Cuam, lub sij hawm Yes Xus yuav ncaim lub ntiaj teb neeg : “26 Yes Xus pom nws leej niam thiab tus thwj tim ntxim nws siab sawv ua ke, nws hais rau nws niam : “Poj niam, nws yog koj tub.” 27 Thiab nws hais rau tus thwj tim : “Nws yog koj niam.” Txij ntawd los, tus thwj tim coj nrog nws Z19,26-27.» Yes Xus yug ntawm Mab Liab los ; Mab Liab yog Yes Xus leej niam. Tiam sis peb hnov Yes Xus qhia tus thwj tim tias Mab Liab kuj yog nws niam thiab. Yes Xus nqes saum ntuj los ciaj neeg kom coj tau peb tib neeg ntiaj teb mus saum qaum ntuj ciaj Yes Xus kwv thiab muam. Mab Liab yog peb leej niam nyob saum ntuj txuag peb, thov Tswv Ntuj npo peb ua nws tsoom tub ki khuam ntiaj teb no. Pob Zeb, Paj Lug, Zam lawv yog cov thwj tim tshaj Yes Xus lub Moo Zoo. Lub Koom Txoos Kav Tos Liv txais cov lus qhuab qhia ntawm cov thwj tim. Peb mloog lub Koom Txoos lus, kuj yog peb mloog cov thwj tim lus. Vim li ntawd, peb muaj teev Txoj Saw Mab Liab. Peb muaj caij muaj nyoog hwm Mab Liab tej txiaj ntsim, tsis yog phem. Kuj zoo li Hmoob hwm tej laus, hwm niam hwm txiv, hwm poj koob yawm txwv. Leej twg vam txog Mab Liab, tus ntawd kuj tau txais Mab Liab tej txiaj ntsim pab nws. Peb thiaj pom cov neeg me, neeg pluag khaub zig Mab Liab coob leej ntau tiam neeg los. Mab Liab tau tawm tuaj rau lawv pom coob leej muab Tswv Ntuj lub hwj chim Mab Liab tau txais pub rau lawv zoo li nyob : Fatima, Pontmain, Paris Rue du Bac, Lourdes, Guadeloupe Mexico…Tsuas kawg cov neeg thiab cov koom haum luam taw ua noob dib noob taub txia tas taug lawv txoj kev twm xeeb kev poob zoo, poob hauv lawv lub qhov tws, lawv thiaj tseem muaj ntsej muag thuam Mab Liab.

2-Hais txog lawv caw Yes Xus mus noj tshoob nrog nws cov thwj tim nyob Kas Nas. Lub ntsiab lus, puas yog Zam muab rooj tshoob nyob Kas Nas los ua cim qhia rau peb txog lwm yam ? Lwm yam Zam xav qhia rau peb ntawd, puas yog nthuav Yes Xus lub qe qhia rau peb ? Vim muaj tej lub cim zoo li no : Lub Moo Zoo yog tib neeg. Tus tib neeg muaj npe : Yes Xus. Peb twb hnov, Yes Xus yog Leej Lo Lus ib txwm yog Tswv Ntuj. Leej Lo Lus nqes los ciaj neeg kom cawm tau lub sim ceeb, ua teeb kaj lub sim ceeb kev tsaus ntuj, rub lub sim ceeb npab mus ciaj qaum ntuj nyab. Txoj hauj lwm cawm ntiaj teb zoo tam zoj tus choj tshoob choj kos niam txiv tom no tuam nrog niam txiv tom ub. Hnub 3, muaj ib rooj tshoob nyob Kas Nas. Luag caw Yes Xus tuaj mus noj ib rooj tshoob tsis muaj npe, xyov nkauj nyab twg nraug vauv twg ua tshoob ; tsis tas li ntawd, kuj tsis hnov nkauj nyab nraug vauv ib lub suab lus nrov. Tsuas hnov txiv tuam mej koob hu nraug vauv ib suab xwb, ntsiag moo to lawm. Yog ib rooj tshoob txawv tas lwm rooj huv si. Qhua zej qhua zos tuaj noj nchuav ntws, haus nchuav ntws txog txij tus cawv tshoob cawv kos nqhuab kiag tshoob nyuam qhuav noj txog nrab. Tsis pom muaj ib tug twg txob txhawj, txog siav nta thiab nres rooj tshoob. Kawg yog Yes Xus thiab nws leej niam Mab Liab txob txhawj ua tswv nres lub tshoob nyob Kas Nas. Puas yog cai, nej puas pom txawv, nej xav li cas ? Nkauj nyab thiab nraug vauv lam nyob ntawm rooj tshoob, cuag li tsis muaj nkawd. Vim li ntawd, peb yuav nrhiav kom deb hauv peb lub siab lub tswv yim, peb puas nco tej zaj txhais hauv ntawv Moo Zoo kom pab tau peb. Muaj ib zaug, cov Yus Das tso ib co neeg tuaj nug Yes Xus li no: “Zam cov thwj tim yoo tshaib thiab teev ntuj, cov Fas Lis Xais cov thwj tim ua tib yam, koj cov noj tiag haus tiag. Yes Xus teb lawv tias : Nej puas tseev kom nraug vauv cov phooj ywg yoo tshaib, cheem nraug vauv tseem nrog lawv ua ke Lk5,33-34” Tej lus no qhia peb tias Yes Xus tuaj hauv ntiaj teb no zoo tam ntua nraug vauv tuaj qhaib nkauj nyab. Tseem muaj ib zaug, Yes Xus muab ib zaj txhais los piav txog 10 tus nkauj xwb nqa teeb mus taws tos nraug vauv yuav tuaj. Muaj 5 tug nkauj xwb xyuam xim, muaj 5 tug nkauj xwb ruam thiab nkees…Mt 25. Tsis tas li ntawd, thaum Yes Xus twb mus tshaj nws lub Moo Zoo. Yes Xus tuaj ntxuav plig rau cov neeg ntawm tus dej Yos Las Das. Zam Ntxuav Plig piav li no rau nws cov thwj tim txog Yes Xus : “ Ntawm nej, nej ua tim khawv hnov kuv hais li no : Kuv tsis yog Leej Pleev, tiam sis kuv yog tus tshaj xo ua nws ntej. Tus tau nkauj nyab yog nraug vauv ; tiam sis nraug vauv tus phooj ywg sawv nyob ntawd mloog nws ; nws hnov nraug vauv lub suab zoo nws siab heev Z3,28-29” Hais tau tias rooj tshoob Yes Xus tuaj noj nrog nws cov thwj tim, yog Yes Xus rooj tshoob. Yes Xus nqes saum ntuj los kaj lub sim ceeb kev qhaib lub sim ceeb ua nws sev. Yes Xus tuaj noj nws rooj tshoob ua Leej Lo Lus rub lub sim ceeb npab mus ua nws nyab. Nkauj nyab nraug vauv tus cawv tshoob meej thiab tu lawm. Qhua zej qhua zos tuaj haus Yes Xus rooj tshoob rooj kos 6 hub cawv qab cawv daw ntws sis laub sis lug. Vim li ntawd, txiv tuam mej koob thiaj yws nraug vauv muab cov cawv qab zais cia txog tav li no, ua cas tsis xub muab los ua thawj caw, thaum tshoob sawv ua thooj txhij cawv sawv. Tsis tas li ntawd xwb, tej zaum Zam tseem xav qhia ib yam ntxiv rau peb zoo li no : Peb txoj kev txais lub Cim Ntxuav yug ua Tswv Ntuj me nyuam yog ib lub neej lom zem tam zoj nkauj nyab thiab nraug vauv sib pus ntoj sib pus ntws, qab ntug dhau hauv ntuj. Tswv Ntuj thiab tib neeg sib tseg tsis taus ; peb leej tib neeg ciaj tsis tau yog tsis muaj Tswv Ntuj hlub. Nkauj nyab ciaj tsis tsheej ib yig yog tsis muaj nraug vauv. Nraug vauv ib leeg ua neej tsis sov tsev yog tsis muaj sev. Rooj tshoob rooj kos loj Tswv Ntuj thiab tib neeg yuav noj ua ke hauv lub yis ntuj nrog ib tsoom tshiab ua Tswv Ntuj cov tub txib rau zaub rau mov, ce caw noj nchuav ntws haus nchuav ntws yog hnub 3. Hnub ntawd yog hnub Yes Xus sawv rov muaj sia, kuj yog hnub peb cev nqaij thiab txha yuav sawv rov muaj sia mus saum lub yis ntuj nyob txhiab niag tim puas xyoo.

3-Peb cog peb lub neej hauv Tswv Ntuj xub ntiag zoo tam zoj cov thwj tim ntseeg Yes Xus thawj lub cim muab dej ua cawv. Lawv raws Yes Xus qab, nrog Yes Xus mus tshaj nws lub Moo Zoo thoob His Xais Lais teb. Lawv tseem yuav pom ntau lub cim Yes Xus ua ntxiv lawm yav tom ntej. Ntawm peb kuj zoo li ntawd, peb twb ntseeg Yes Xus muaj hwj huam. Peb kuj yuav caum Yes Xus qab, nrog lub Koom Txoos tshaj Yes Xus lub Moo Zoo kom mus thoob ntiaj teb. Peb yuav ntsib muaj teb hnub, peb mloog ua dab tsi yooj yim, tsis muaj kev txob txhawj. Tiam sis thaum muaj kev nyuaj siab, peb ntsia lub ntuj ntsaus nti ntawm peb lub ncauj xub ke. Thaum tej lub sij hawm zoo li no, peb yuav ua siab loj, tso siab rau Yes Xus. Tsis txhob thaub qab, ua siab me, tso tes khiav, ua neeg poob siab. Nco ntsoov tias peb tsis yog thawj tug ntsib txoj kev ntsaus ntuj zoo li peb. Tas txhua tus thwj tim ntseeg Yes Xus puav leej hla lub hav tsaus. Yes Xus twb pab lawv, Yes Xus kuj yuav pab kom peb hla dhau lub hav tsaus tib yam. Hauv peb lub neej txawm tsaus loj tsaus ntev npaum twg, Yes Xus yog peb lub teeb pom kev. Yes Xus tsis tso peb pov tseg ib zaug. Yes Xus kuj yuav muab nws lub hwj huam rau peb pom tib yam nws cov thwj tim.

Ib tsoom niam txiv kwv tij neej tsa, peb nco ntsoov nyeem Zam tsab ntawv Moo Zoo. Leej Ntuj Plig Ntshiab lub zog yuav pab kom peb to taub Yes Xus thiab nyiam Yes Xus tag peb lub siab lub ntsws.

Cwj Vuam Chiv 11.01.2010

COV ZAJ NYEEM RAU HNUB CHIV 10/01/2010

( Huab Tais Yes Xus Txais Lub Cim Ntxuav - Xyoo C )

(Hais lus Hmoob - En Français)

• Zaj Nyeem 1 : Ntawv His Xais (40,1-5.9-11)

1 « Nplij tiag, nplij tiag kuv haiv neeg , nej tus Tswv Ntuj hais li ntawd
2 Mus hais rau Yes Lus Xas Les daim nplooj siab thiab mus tshaj tias nws tes dej num ua tiav tas lawm, twb zam nws lub siab nyoos tua neeg tas rau nws lawm thiab nws twb raug Huab Tais txhais tes nplua ob npaug rau nws cov txhaum lawm.
3 Ib lub suab tshaj tias : « Npaj Huab Tais txoj kev hla hav suab puam. Tshav ib txoj kev tiaj tus hauv cov av nkig nkuav rau peb tus Tswv Ntuj.
4 Tej kwj ha yuav muab txhub rau, tej hauv toj hauv roob yuav pheej kom qis, tej kev nkhaus yuav ncaj tuaj, tej tsag siab yuav hloov ua nras.
5 Huab Tais lub koob meej yuav tshwm sim los thiab tas sawv daws ua ke yuav pom dheev li Huab Tais lub ncauj tau hais tseg.
9 Koj yog tus tshab xo rau Xis Yoos, nce mus saum lub roob siab. Nthe koj lub suab kom nrov, koj yog tus tshab xo rau Yes Lus Xas Les. Nthe koj lub suab, tsis txhob ntshai. Hais rau cov nroog Yus Das: « Saib, nej tus Tswv Ntuj. »
10 Saib Huab Tais Tswv Ntuj : Nws tuaj muaj hwj huam tas nrho thiab nws muaj peev xwm puv nkaus npab. Tej tsoos phij tsab nws lub zog heev ua ke nrog nws tuaj, tej khoom phij cuam nws nqe zog tuaj ua nws ntej.
11 Thooj li tus yug tsiaj coj nws pab tsiaj : nws npab sau nws cov yaj, nws muab nqa ntawm xub ntiag, mob siab rau tu cov maum yaj coj me nyuam.

• Zaj Nyeem 2 : Cov lus Paj Lug sau tuaj rau cov neeg nyob Tis Tos (Ti 2,11-14; 3,3-7)

11 Sawv daws yuav coj tus yam ntxwv zoo, vim Tswv Ntuj lub txiaj ntsim yog lub qhov dej uas txhawv txoj kev cawm txhua leej txhua tus. Tswv Ntuj lub txiaj ntsim tawm los rau sawv daws pom xyeem.
12 Tswv Ntuj lub txiaj ntsim qhia peb kom tso kev tsis hwm Ntuj pov tseg, tso txoj kev ntshaw txog lub sim ceeb no tseg, kom tiam neej no, peb ua neej nyob hauv txoj kev cheem peb lub siab, hauv txoj kev ncaj, thiab kev hwm Ntuj.
13 Vim peb tos thiab peb vam ntsoov txoj kev kaj siab lug. Peb tos kom peb tus Tswv Ntuj loj, Yes Xus Pleev uas yog tus cawm peb lub hwj chim tawm los rau qhov muag pom xyeem.
14 Yes Xus Pleev, nws muab nws rau luag ntes, kom nws txhiv tau peb ntawm txhua txoj kev phem. Nws ntxuav ib haiv neeg kom huv los ua nws tug, thiab kub siab ua cov dej num zoo.
3 Vim tias yav thaud peb kuj yog ib co neeg tsis paub tab, neeg ntxeev siab, neeg poob zoo, neeg ua qhev zwm rau ntau txoj kev ntshaw, zwm rau txoj kev ua si. Peb ua neej nyob hauv txoj kev phem kev ntshaw. Peb sib ntxub, vim li ntawd tsim nyog luag yuav ntxub peb.
4 Tab sis, hnub uas tus Tswv Ntuj cawm peb qhib nws lub siab zoo tawm los thiab nws txoj kev nyiam tsoom sid tawm los rau qhov muag pom xyeem,
5 mas nws tsis tshuaj tias peb puas tau ua cov dej num ncaj los tsis tau. Nws tsuas mloog nws lub siab khuv leej neeg. Nws cawm peb nyob hauv cov dej ntxuav neeg, kom peb rov yug los tshiab, thiab rov tshiab tuaj nyob hauv Leej Ntuj Plig Ntshiab.
6 Tswv Ntuj tso Leej Ntuj Plig los nyob puv hauv peb ntau kawg, nyob hauv Yes Xus Pleev, tus cawm peb.
7 Leej Pleev lub txiaj ntsim ua kom peb ntshiab tuaj, ces peb tso siab tau tias peb yuav txais txoj sia nyob mus li los ua peb lub cuab tam.

• Lus Kas Ntawv Moo Zoo 3,15-16.21-22

15 Tsoom pej xeem nyob tos ntshis, tas sawv daws xav tau zom zaws hauv nyias siab, ua li, Zam puas yog Leej Pleev los tsis yog.
16 Zam cev lus hais lawv tias : "Ntawm kuv li, kuv muab dej los ntxuav nej, tab sis tus muaj peev xwm dua kuv, nws tuaj, kuv twb tsis tsim nyog daws txoj hlua khi nws khau. Nws yuav ntxuav nej hauv Leej Ntuj Plig Ntshiab thiab hauv hluav taws.
21 Tshwm muaj li no, thaum muab tsoom pej xeem ntxuav tas, thiab kuj ntxuav Yes Xus tas, nws tseem teev ntuj, lub ntuj qhib plho
22 Thiab Leej Ntuj Plig Ntshiab muaj lub nrog cev xws li nquab, nqes los saum nws. Ib lub suab nrov saum ntuj tuaj tias : "Koj yog kuv Leej Tub. Hnub no, kuv yug tau koj."

(Mus nyeem tsab ntawv nthuav Ntawv Ntshiab)