COV ZAJ NYEEM RAU HNUB CHIV 28/02/2010

( Lub Caij Plaub Caug Hnub Chiv 2- Xyoo C )

(Hais lus Hmoob - En Français)

• Zaj nyeem 1 : Ntawv Hauv Paus 15, 5-12.17-18

5 Huab Tais coj Has Nplas Has tawm los thiab hais rau nws : "Tsa muag ntsia saum ntuj, suav cov hnub qub yog koj suav txheeb." Thiab nws hais tias : "Koj yuav muaj xeeb leej xeeb ntxwv npaum li ntawd."
6 Has Nplas Has ntseeg Huab Tais thiab Huab Tais pom nws ncaj ncees.
7 Thiab hais tias : "Kuv yog tus Huab Tais, tus coj koj tawm Us teb chaws Kes Des kom tau muab lub teb chaws no rau koj ua koj tug."
8 Has Nplas teb tias : "Kuv tus Huab Tais Tswv Ntuj, ua li cas kuv thiaj paub tias kuv tau yuav ua kuv tug ?"
9 Huab Tais hais rau nws : "Koj muab rau kuv ib tug xyuas nyuj maum peb xyoos, ib tug thav tshis maum peb xyoos, ib tug thav yaj txiv peb xyoos, ib tug poj nquab thiab ib tug me nyuam nquab."
10 Has Nplas Has coj cov tsiaj li hais los, muab faib nruab nrab, tso nyias sab nyob nyias pawv sib tib ; tiam sis nws tsis muab cov noog faib.
11 Noog dav nqes los saum cov pawv nqaij, Has Nplas Has muab lawv khiav.
12 Thaum hnub yuav poob qho, tuaj ib tug dab ntub txawv txawv laum Has Nplas Has ua rau nws ib ce xob ntshai kawg.
17 Thaum hnub poob qho tas tsaus ntuj qas nti, muaj yam li ib qhov txos pa taws ncho thiab ib teg tsau tuaj lwm saum cov pawv nqaij tsiaj.
18 Hnub ntawd, Huab Tais nrog Has Nplas Has cog zaj lus no : “Kuv muab lub teb chaws no rau koj tsoom xeeb leej xeeb ntxwv.”

• Zaj nyeem 2 : Cov lus Paj Lug sau rau cov ntseeg nyob Fis Lis Pos (3,17 - 4,1)

17 Kwv tij sawv daws, nej yoog raws li kuv tus lwj lwm mog. Nej ntsia ntsoov cov neeg ua raws li peb tus piv txwv.
18 Kuv hais li ntawd rau nej, yog vim muaj ntau leej ua xws li lawv yog cov yeeb ncuab ntxub Yes Xus tus ntoo cuam. Thaum kuv hais qhov ntawd rau nej, mas kuv kua muag poob.
19 Cov neeg ntawd,lawv kawg yuav poob rau hauv txoj kev tuag xwb. Lawv tus huab tais, yog lawv lub plab. Lawv muab tej yam phim yuav txaj muag los khav. Lawv tsuas nyiam tej yam nyob ntiaj teb no xwb.
20 Ntawm peb, mas peb lub tsheej nyob saum ntuj, vim peb tos Huab Tais Yes Xus Pleev yuav los cawm peb ; 21 nws yuav muab peb lub cev txom nyem no hloov ua ib lub cev muaj hwj chim, xws li nws lub. Nws
ua li ntawd tau, vim nws muaj hwj huam tswj txhua tsav txhua yam.
1 Kuv cov kwv tij zoo nyiam, nej yog kuv qhov chaw zoo siab, yog kuv lub koob meej. Nej nyob ruaj nreb hauv Huab Tais mog .

• Lus Kas Ntawv Moo Zoo 9,28-36

28 Ib sij huam, Yes Xus coj Pob Zeb, Zam, thiab Yas Kos nrog nws nce mus teev Ntuj saum roob.
29 Thaum nws tseem teev ntuj, ib sij huam, nws ntsej muag tsis zoo li qub, nws cev ris tsho dawb paug cuag xob laim.
30 Muab ob tug neeg nrog nws txuas lus : Nkawd yog Mais Xes thiab Es Lis.
31 Tshwm sim muaj hwj chim lug, nkawd tham txog yam nws yuav sawv kev mus ua tshwm tuaj nyob Yes Lus Xas Les.
32 Pob Zeb thiab cov nrog nws ua ke qaug dab ntub ; thaum rov feeb meej, lawv pom nws lub hwj chim thiab muaj ob tug neeg nrog nws sawv ua ke.
33 Ib sij huam, thaum nkawd ncaim nws mus, Pob Zeb hais rau Yes Xus tias : "Xib Hwb, zoo npaum li rau peb nyob ntawm no ; tsa peb lub tsev tsam phooj, ib lub rau koj, ib lub rau Mais Xes, ib lub rau Es Lis." Tsis paub tus tsi txog qhov nws hais.
34 Tseem tab tom hais li, ib sij huam ib tw huab tuaj npog luas ntxoov lawv tas ; ua lawv ntshai rwg thaum lawv plos ntais hauv twv huab.
35 Ib lub suab tuaj ntawm twv huab tuaj tias : "Tus no yog kuv Leej Tub, tus raug xaiv tau, kav tsij mloog nws."
36 Thaum lub suab hais li ntawd, tshuav Yes Xus tib leeg kheej. Lawv ua twj ywm hauv cov hnub ntawd tsis qhia leej twg txog yam lawv tau pom no.

(Mus nyeem tsab ntawv nthuav Ntawv Ntshiab)

LECTURES DE LA MESSE DU 28/02/2010

( Deuxième dimanche de Carême - Année C )(Hais lus Hmoob - En Français)

• 1ère lecture : L'Alliance de Dieu avec Abraham (Gn 15, 5-12.17-18a)
  Lecture du livre de la Genèse

Le Seigneur parlait à Abraham dans une visiosn. Puis il le fit sortir et lui dit : « Regarde le ciel, et compte les étoiles, si tu le peux... » Et il déclara : « Vois quelle descendance tu auras ! »
Abram eut foi dans le Seigneur et le Seigneur estima qu'il était juste.
Puis il dit : « Je suis le Seigneur, qui t'ai fait sortir d'Our en Chaldée pour te mettre en possession de ce pays. »
Abram répondit : « Seigneur mon Dieu, comment vais-je savoir que j'en ai la possession ? »
Le Seigneur lui dit : « Prends-moi une génisse de trois ans, une chèvre de trois ans, un bélier de trois ans, une tourterelle et une jeune colombe. »
Abram prit tous ces animaux, les partagea en deux, et plaça chaque moitié en face de l'autre ; mais il ne partagea pas les oiseaux.
Comme les rapaces descendaient sur les morceaux, Abram les écarta.
Au coucher du soleil, un sommeil mystérieux s'empara d'Abram, une sombre et profonde frayeur le saisit.
Le Seigneur parlait à Abraham dans une vision. Puis il le fit sortir et lui dit : « Regarde le ciel, et compte les étoiles, si tu le peux... » Et il déclara : « Vois quelle descendance tu auras ! »
Après le coucher du soleil, il y eut des ténèbres épaisses. Alors un brasier fumant et une torche enflammée passèrent entre les quartiers d'animaux.
Ce jour-là, le Seigneur conclut une Alliance avec Abram en ces termes :« A ta descendance je donne le pays que voici. »

• 2ème lecture : Le Christ nous transfigurera (Ph 3, 17-21; 4, 1)
  Lecture de la lettre de saint Paul Apôtre aux Philippiens

Frères, prenez-moi tous pour modèle, et regardez bien ceux qui vivent selon l'exemple que nous vous donnons.
Car je vous l'ai souvent dit, et maintenant je le redis en pleurant : beaucoup de gens vivent en ennemis de la croix du Christ.
Ils vont tous à leur perte. Leur dieu, c'est leur ventre, et ils mettent leur gloire dans ce qui fait leur honte ; ils ne tendent que vers les choses de la terre.
Mais nous, nous sommes citoyens des cieux ; c'est à ce titre que nous attendons comme sauveur le Seigneur Jésus Christ,
lui qui transformera nos pauvres corps à l'image de son corps glorieux, avec la puissance qui le rend capable aussi de tout dominer.

• Evangile : La Transfiguration (Lc 9, 28-36)
  Evangile de Jésus Christ selon saint Luc

Jésus prit avec lui Pierre, Jean et Jacques, et il alla sur la montagne pour prier. Pendant qu'il priait, son visage apparut tout autre, ses vêtements devinrent d'une blancheur éclatante.
Et deux hommes s'entretenaient avec lui : c'étaient Moïse et Élie,
apparus dans la gloire. Ils parlaient de son départ qui allait se réaliser à Jérusalem.
Pierre et ses compagnons étaient accablés de sommeil ; mais, se réveillant, ils virent la gloire de Jésus, et les deux hommes à ses côtés.
Ces derniers s'en allaient, quand Pierre dit à Jésus : « Maître, il est heureux que nous soyons ici ! Dressons donc trois tentes : une pour toi, une pour Moïse, et une pour Élie. » Il ne savait pas ce qu'il disait.
Pierre n'avait pas fini de parler, qu'une nuée survint et les couvrit de son ombre ; ils furent saisis de frayeur lorsqu'ils y pénétrèrent.
Et, de la nuée, une voix se fit entendre : « Celui-ci est mon Fils, celui que j'ai choisi, écoutez-le. »
Quand la voix eut retenti, on ne vit plus que Jésus seul.Les disciples gardèrent le silence et, de ce qu'ils avaient vu, ils ne dirent rien à personne à ce moment-là.

Tsoom ntseeg nquag mloog Tswv Ntuj lus,


Hnub no yog hnub Chiv ob hauv lub Caij 40. Yog lub caij nyoog rau peb tsoom ntseeg rub nyias lub siab lub ntsws kom ncaj thiab ua lub neej tshiab ntawm peb tus Huab Tais Tswv Ntuj xub ntiag. Peb yuav rau siab ntso mus cuag peb tus Huab Tais Yes Xus, nrog nws ua ke ib yam li cov thwj tim hauv zaj nyeem peb hnov hnub no. Peb xub piav ob peb los txog Tswv Ntuj kev cog lus nrog Has Nplas Has, peb mam los hais txog Huab Tais Yes Xus muab nws lub hwj chim rau cov thwj tim pom xyeem ib vuag dua saum roob ntawm thaj chaw lawv mus teev ntuj.

Yog ze ntawm 2000 xyoo ua Yes Xus ntej, Has Nplas Has loj leej tuaj txog Cas Nas Has teb. Nkawd ob niam txiv kuj ua neej xws luag muaj nyiaj muaj txiaj ntau, muaj tsiaj txhu coob, muaj tub mab tub qhe nrog ncig. Yawg Has Nplas Has tsis yog ib tug neeg dog dig, nws yog neeg nplua nuj, neeg ntseeg Tswv Ntuj. Tiam sis nkawd lub siab ntsws nyob tsis qab, ua lub neej ntxhov qas hnyo : Ntshaw tub ki dhau yug tsis muaj ib tug. Nws poj niam Xas Lais kuj laus heev lawm. Nkawd yug tsis muaj tub ki xws li luag tej, ua nkawd txhawj tsis muaj tug los tuav nkawd lub cuab lub yig, tuav nkawd lub cuab tam. Xav zaj twg los kev puav leej tws, yus ua tsis tau dab tsi, cuag li tsis muaj hmoo, txawm yuav poob noob tiag tiag. Tsis kav, Has Nplas Has coj lub siab ntev siab tus, ua siab loj ntseev dav fo, tsis fav xeeb rau Huab Tais Tswv Ntuj. Nws tsis yog neeg siab nkhaus, siab nqaim siab luv li tej tib neeg. Nws ntseeg Tswv Ntuj, nws tso siab lug ruaj nreb rau Tswv Ntuj thiab teev Tswv Ntuj tsis tseg. Nws txawm pom nkawd ib xyoos laus zuj zus, nkawd kev txhawj xeeb ua mob qas ntsuav auv nkawd lub neej, tsis kav nws thov Huab Tais Tswv Ntuj kho nws qhov mob hauv nws nruab siab tsis tseg. Ib hnub, yog zoo hnub, ib hmo zoo hmo. Tswv Ntuj pom Has Nplas Has kev nyuaj siab kev txhawj xeeb loj heev. Tswv Ntuj tuaj tshoj tuaj hais rau nws tias : “Tsa muag ntsia saum ntuj, suav cov hnub qub yog koj suav txheeb." Thiab hais tias : "Koj yuav muaj xeeb leej xeeb ntxwv npaum li ntawd." 6 Has Nplas Has ntseeg Huab Tais thiab Huab Tais pom nws ncaj ncees.” Has Nplas Has nkawd laus lawm tiag, twb yug tsis muaj ib tug nyob qhov twg, yuav ua li cas muaj tub ki npaum tsoom hnub qub nyob saum ntuj ? Puas yooj yim tso siab thiab ntseeg Tswv Ntuj lus npaum li ntawd ? Tiam sis Has Nplas Has tseem npuab qees Tswv Ntuj, ntseeg Tswv Ntuj lo lus khov kho. Has Nplas Has kev tso siab thiab ntseeg Tswv Ntuj lo lus no ua koob ua hmoov nyob mus li tsis ploj. Muaj koob hmoov zoo li cas ? Muaj koob hmoov loj rau nws tus kheej thiab muaj koob hmoov tseg tiam dhau tiam. Peb Hmoob twb hais txog tsim koob tsim hmoov tseg. Yam koob hmoov loj rau nws tus kheej pom xyeem yog Tswv Ntuj ua nws yug tau tub raws li nws lub siab ntshaw. Has Nplas Has tsuas xav tau ntiav ntiav li tej tib neeg tej siab ntsws, tsuas pom ze ze ntawm qhov muag tub ki yus yug ntawm yus roj yus ntshav. Nws tsis pom tej koob hmoov loj tis ua loj, Huab Tais Tswv Ntuj yuav pub rau nws. Yog tej koob hmoov ntxoov tuaj mus tiam dhau tiam. Tswv Ntuj pom, Tswv Ntuj qhuas Has Nplas Has yog ib tug ncaj ncees. Has Nplas Has siab tsis nqaim, tsis nkhaus, siab tsis me tsis muag yuav cib nyeej rau Tswv Ntuj, yws Tswv Ntuj. Has Nplas Has tsis zoo li dab phem yuav sim yuav twv Huab Tais Tswv Ntuj. Nws tos ntsoov Tswv Ntuj tej koob hmoov ua hnub ua hmo, thawm niaj thawm xyoo.
Peb yuav tau tig ntsia peb tus yawg Koob Has Nplas Has, rua muag los saib nws kev hwm Tswv Ntuj teev Tswv Ntuj. Tsis yog nws tsis muaj kev txob txhawj ; tsis yog nws tsis muaj kev nyuaj siab. Peb yuav tau xav ntawm peb lub neej mus cob rau ntawm nws lub neej. Peb muaj kev nyuaj siab ntxhov plawv, peb ntsib kev tsaus ntuj hauv peb lub neej. Peb yuav xav txog nws kev nyuaj siab kev tsaus ntuj. Nkawd ob niam txiv yug tsis muaj tub ki, ib xyoos laus zuj zus, nkawd txhawj xeeb nkawd lub neej ib hmos tsis txawj kaj ntug, ib hnub tsis txawj tsaus ntuj. Tsis kav, nkawd thov Tswv Ntuj, tsis nkees teev Tswv Ntuj li. Ua li ntawm peb, peb twb thov Tswv Ntuj tsis muaj 3 zaug sib law, thov dawb thov do Tswv Ntuj ib lo qhuav xwb, peb haj tseem dhuav, npau, chim, thiab muaj cuab kav yws npaum Huab Tais tshuav peb nqe. Thaum zoo li no lawd, yus ho xav tau ib zag txawv txawv yuam kev rhuav, nyiag kev rov mus fiv dab. Tshuav dab nqe, siv zog ntsos them, zoo siab hlo muas tsiaj muas txhuv ntiav dab pov yus. Tus phem, tus looj koov rau yus, tus ntaim yus noj haus, tus qis tus me, tsis muaj tsim hlo, yus ho mus zwm mus nyoo nws. Puas yog yus ua neej thaub qab, ua kub ua npau, ua ceev npaum li ntawd; dab puas muaj peev xwm npaum Tswv Ntuj ? Sim neej, peb Hmoob tsis hais ib los tias dab tsim tau ib yam nyob qhov twg. Tiam sis Hmoob hais tias : “Thaum Ntuj tsim teb raug…” Peb yuav rua muag ntsia kom deb puag qab ntug kawg. Yog qiv saub qhov muag los coj yus txoj kev teev Tswv Ntuj, ntseeg Tswv Ntuj; qiv saub lub ncauj hais Tswv Ntuj lus tshem yus kev txob txhawj kev tsaus ntuj pov tseg; ua nphoov tes cug yawg koob Has Nplas Has tej koob hmoov ntxoov tuaj txog ncua peb zim txwv no mus txog fab lwm txheej, sawv daws yog nws tub nws ki npaum hnub qub saum ntuj thiab suab puam ntawm hiav txwv. Tej koob hmoov yawg koob tau txais, Tswv Ntuj tau pub nws txais, peb kuj yuav txais, Tswv Ntuj kuj yuav pub peb txais.
Tiam sis muaj ib yam khi yawg koob ruaj nreb ntawm Tswv Ntuj xub ntiag. Yam ntawd yuav khi peb kom ruaj nreb ntawm Tswv Ntuj xub ntiag tib yam nkaus. Yawg koob li, yawg koob tau txais Tswv Ntuj tej koob hmoov lawm tshuav peb tug peb tseem yuav txais. Yog peb tsis siv zog npuab Tswv Ntuj kom ruaj nreb, peb ua nphoov tes to qhov cug tsis tau Tswv Ntuj tej koob hmoov. Tswv Ntuj qhia li no rau yawg koob : “Koj muab rau kuv ib tug xyuas nyuj maum peb xyoos, ib tug thav tshis maum peb xyoos, ib tug thav yaj txiv peb xyoos, ib tug poj nquab thiab ib tug me nyuam nquab."10 Has Nplas Has coj cov tsiaj li hais los, muab faib nruab nrab, tso sib tib nyias sab nyob nyias pawv; tiam sis nws tsis muab cov noog faib.” Has Nplas Has ua nphoov tes cug tsis tag Tswv Ntuj tej koob hmoov ntws si lug tuaj txog rau peb yog li no: Has Nplas Has tes txawj tes nquag, muaj tsiaj muaj txhu coob. Nws muab nws tej tsiaj los ua txim txi Tswv Ntuj ntxim Tswv Ntuj siab. Thaum tsaus ntuj nti, thiaj muaj ib teg tsau cig tuaj lwm cov sab nqaij nws muab los txi Tswv Ntuj. Yog tej koob hmoov Tswv Ntuj nchuav tuaj rau nws nphoov tes cug tsis tag kom tuaj txog rau peb, nws tej tub ki, mloog nws lus, ntseeg Tswv Ntuj li nws. Ntawm peb, peb tsis muaj tsiaj txhu los cev txi rau Tswv Ntuj. Tiam sis, peb kuj mus khwv tau qhov noj qhov haus, yug peb poj niam tub se. Peb muab ib qho qee ua txim txi Tswv Ntuj li yawg koob Has Nplas Has. Peb kuj yuav ua nphoov tes cug tsis tag Tswv Ntuj tej koob hmoov.

Vim li ntawd, Tswv Ntuj tej koob hmoov nws loj thiab dav npaum li cas peb tsuas pom tsuas paub me me tej yam Tswv Ntuj tau muab rau peb pom xwb. Rau peb, twb loj kawg, peb twb qhuas kawg. Tiam sis, tseem tshuav loj, tshuav dav thiab tshuav ntau yam zoo ntxiv, peb paub tsis tag. Muab piv li cov thwj tim tau raws Yes Xus mus teev ntuj saum roob. Lawv tau txais cov txiaj ntsim qhib lawv qhov muag pom xyeem Huab Tais Yes Xus lub hwj chim. Peb muab ob lub ntsiab lus los piav txog Huab Tais Yes Xus lub hwj chim rau ntawm no :

1-Vim cov thwj tim raws Yes Xus qab, lawv thiaj pom Yes Xus lub hwj chim. Muaj 3 yam ua rau lawv zoo siab tsis paub tag : Cov thwj tim twb raws Yes Xus ntev los lawm. Lawv twb nrog nws mus tshaj lub Moo Zoo txog ntau qhov chaw. Lawv pom Yes Xus ua hwj huam ntau zaus, ua neeg dig muag rov pom kev, ua neeg tuag ceg mus taus kev, tsa neeg tuag sawv rov ciaj sia. Yog thawj zaug lawv pom Huab Tais Yes Xus hloov tshiab tsis zoo li qub thiab ris tsho dawb paug cuag xob laim. Tsis tas li ntawd, lawv zoo siab, vim lawv tau pom xyeem nyob ntawm Yes Xus txheej laus thaum ub thiab zim txwv no nyob ua ib ke, sawv ib nqag, ua rau lawv tsis paub nruab hnub thiab hmo ntuj, tsis paub lub caij lub nyoog, ua rau lawv mloog zoo li nyob hauv zaj npau suav, tiam sis yog tiag tiag. Lawv pom xyeem lawv cov yawg koob tsuas paub lawv npe xwb, zim txwv no pom dheev tus tib neeg. Mai Xes thiab Es Lis nkawd nrog Yes Xus sib txuas lus ntawm lawv xub ntiag. Lawv tseem nco tau tej lus lawv tau sib tham : Mai Xes, Es Lis thiab Yes Xus lawv hais txog txoj hauj lwm Yes Xus yuav mus ua thiab yuav tshwm tuaj nyob lub tuam ceeb Yes Lus Xas Les. Pob Zeb tsis pom qab hais li cas, nws cia li lam taus lam hais tej lo lus txawv txawv : “Tsa 3 lub tsev tsam phooj, ib lub rau Mai Xes, ib lub rau Es Lis, ib lub rau koj” kom lawv tau nyob ntev saum roob tsis xav rov los tsev. Yog txia tau, lawv twb xav txia saum roob tsis ua neeg. Thiab yam 3 ua rau lawv zoo siab, muaj ib lub suab txhib lawv puav leej hnov : “Tus no yog kuv Leej Tub, tus raug xaiv tau, kav tsij mloog nws.” Lub suab ua tau lawv lub siab lub ntsws muaj zog, ua rau lawv kev tso siab rau Yes Xus yim huab loj ntxiv.

2-Lub ntsiab lus 2 yuav pab kom peb khaws Lus Kas zaj nyeem no txhawb peb txoj kev ntseeg. Peb yuav ntsia lub cim cov thwj tim tau pom thiab tau ntsib saum lub roob nrog Yes Xus, yog ib lub ntxiaj ntsim thiab koob hmoov txhawb cov thwj tim kev tso siab rau Yes Xus. Peb tug thwj tim, yog peb leeg caum Yes Xus tas zog. Lawv caum Yes Xus txog twg, vim lawv nyiam Yes Xus, xav nrog Yes Xus ua ke. Lub txiaj ntsim peb leeg thwj tim tau pom, kuj yog tej koob hmoov Yes Xus xav pub rau peb leej twg kub siab mloog Yes Xus, kub siab raws Yes Xus kom muaj cov koob hmoov no hauv peb lub neej. Lawv peb leeg thwj tim no cov yawg koob : Mai Xes, 1200 xyoo thiab Es Lis, 870 xyoo ua Yes Xus ntej lawv twb dua nra tas tau pes tsawg tiam los. Peb tug thwj tim tseem tau ntsib lawv cov yawg koob nrog Yes Xus sib tham sib txuas lus. Yog ib lub cim qhia rau peb txog peb lub cev thiab txoj sia. Txawm leej twg dua nras tas txij puag txheej thaud los mus txog fab lwm tiam hnub ntiaj teb kawg, lawv thiab tsoom neeg ciaj sawv daws tseem yuav rov sib pom ntawm Huab Tais Yes Xus lub hwj chim. Twb yog ib lub cim qhia ua ntej rau cov thwj tim thiab qhia rau peb paub meej hais txog Yes Xus yuav raug hiam, tuag nyob Yes Lus Xas Les thiab sawv tsees ciaj sia nyob mus li ntawm Tswv Ntuj. Mai Xes thiab Es Lis ua pov thawj txog txoj sia nyob mus li. Cov thwj tim tseem tsis tau to taub. Thaum lawv pom Yes Xus tuag thiab sawv rov qab los, lawv thiaj mam to taub thiab ntseeg vim li cas lawv pom Mai Xes thiab Es Lis. Nkawd muaj Tswv Ntuj txoj sia nyob mus li ntawm Tswv Ntuj xub ntiag ib yam Yes Xus sawv tsees rov los muaj txoj sia nyob mus li. Ntawm peb, kuj tsis yog thawj zaug peb hnov hais txog Yes Xus sawv tsees hauv tsoom tub tuag thiab rov muaj txoj sia. Tiam sis peb kuj yuav to taub ib hnub twg. Peb yuav thov kom Yes Xus pub lub txiaj ntsim ntawd rau peb.

Ib tsoom phooj ywg Hmoob, peb los ntseeg Huab Tais Tswv Ntuj tus tsim lub ntuj lub teb, tus muaj hwj huam. Peb tsis yog yawg koob Has Nplas Has cov tub ki koom roj koom ntshav. Tiam sis yog nws cov tub ki muaj koob meeb thiab loj tshaj koom roj koom ntshav. Vim peb txais nws cov koob hmoov Tswv Ntuj laub rau nws nphoov tes cug tuaj roos txog rau peb. Peb ntseeg tus Huab Tais tsim lub ntuj lub teb ib yam nws yog peb leej txiv tus xub ntseeg. Tsis tas li ntawd, peb ntseeg Huab Tais Yes Xus, tsis yog peb ntseeg raws li peb tus kheej siab nyiam thiab xav tau. Peb ntseeg Yes Xus, peb raws Yes Xus qab raws li cov thwj tim qhia rau peb. Peb mloog raws li lub Koom Txoos Kav Tos Liv sawv cov thwj tim npe qhia rau peb ntseeg. Peb mloog Yes Xus cov lus raws li lub suab txhib cov thwj tim kom tso siab rau Yes Xus. Vim li ntawd, lub caij 40 no, yog lub caij nyoog rau peb tsoom ntseeg rub nyias lub siab lub ntsws kom ncaj thiab ua lub neej tshiab ntawm peb tus Huab Tais Tswv Ntuj xub ntiag.


Cwj Vuam Chiv 23.02.2010

LUS TSHAJ XO KEV PLOJ TUAG NTAWM
TSOOM NTSEEG HMOOB
NYOB IB CHEEB TSAM CAEN (14)

VAJ Npuag Lis thiab niam VAJ Npuag Lis nkawd tau tas sim neej rau hnub tim 14 lub 2 hlis 2010.

Nkawd muaj 40 tawm xyoo, muaj 10 leej me nyuam : 5 leeg tub thiab 5 leeg ntxhais, muaj ib txwg tub nyab.

Yuav coj nkawd los pam rau hauv tsev "16, rue de Luxembourg à Saint André sur Orne (14320)" ntawm ntug Caen.

• Hnub 24.02.2010 : noj hmo tas ua kab ke xa plig rau leej niam.
• Hnub 26.02.2010 : 10h00, ua Thaj Txi Ntuj sam sab rau leej niam.

• Hnub 27.02.2010 : noj hmo tas ua kab ke xa plig rau leej txiv.
• Hnub 01.03.2010 : 10h00, ua Thaij Txi Ntuj sam sab rau leej txiv.

Peb nco pab thov peb Txiv Tswv Ntuj rau nkawd thiab.

COV ZAJ NYEEM RAU HNUB CHIV 21/02/2010

( Lub Caij Plaub Caug Hnub Chiv 1- Xyoo C )

(Hais lus Hmoob - En Français)

• Zaj nyeem 1 : Phau Ntawv Txoj Cai Ob 26,4-10

4 Thaum koj coj koj phaum qoob tshiab tuaj txog, txiv leej choj txais lub pob tawb ntawm koj tes mus txo ntawm koj tus Huab Tais Tswv Ntuj lub thaj hauv ntej.
5 Koj los hais cov lus no ntawm koj tus Huab Tais Tswv Ntuj : "Kuv txiv yog ib tug neeg As Las Mias loj leeb, nws nqes mus Hais Nkws Tos teb ua pej kum neeg, nrog nws pab nyuam txiv tub. Yog nyob nrad, lawv huam vam coob ua ib haiv neeg loj thiab muaj zog.
6 Cov Hais Nkws Tos muab peb hiam, txo peb ciaj khaub pluag ; yuam peb ua qhev hnyav kawg.
7 Peb hu txog Huab Tais, peb cov yawg koob tus Tswv Ntuj. Nws hnov peb lub suab, nws pom peb ciaj khaub pluag, tu siab, raug quab yuam.
8 Huab Tais tuaj coj peb tawm Hais Nkws Tos teb ntawm nws tes peev xwm thiab ntawm nws caj npab ntug, txaus ntshai, muaj tej lub cim, tej hwj huam.
9 Nws coj peb los rau thaj chaw no thiab pub lub teb chaws no rau peb, ib lub teb chaws mis thiab zib ntws sis dug.
10 Zim txwv no kuv nqas phaum qoob tshiab tuaj ntawm thaj av koj muab pub rau kuv, Huab Tais.

• Zaj nyeem 2 : Los Mas 10, 8-13

8 Kwv tij sawv daws, nyob hauv Ntawv, peb nyeem lo lus no : Tswv Ntuj lo lus nyob ze koj, Tswv Ntuj lo lus nyob hauv koj qhov ncauj thiab nyob hauv koj lub siab,
Tswv Ntuj lo lus yoj koj txoj kev ntseeg uas peb tshaj.
9 Yog koj di ncauj lees tias Yes Xus yog Huab Tais, thiab koj lub siab ntseeg tias Tswv Ntuj tsa Yes Xus tuag sawv rov los, mas koj yuav txais kev cawm neeg.
10 Lub siab ntseeg tau txais kev ncaj los ua nws tug. Lub ncauj uas lees ntseeg txog Yes Xus tau txais kev cawm. Vim Ntawv sau cia tias : ‘Tus ntseeg txog Huab Tais, nws yuav tsis poob ntsej
muag.’
12 Li ntawd, txhob hais tias muaj cov Yus Das thiab muaj cov Hes Las ; lawv tsis sib txawv. Sawv daws muaj ib tug Huab Tais xwb, yog tus Huab Tais pub paj tshab ntau rau cov neeg hu txog nws.
13 Vim Ntawv yeej sau cia tias : ‘Leej twg hu txog Huab Tais lub npe, nws yuav ntsib kev cawm neeg.’

• Lus Kas Ntawv Moo Zoo 4,1-13

1 Yes Xus rov ntawm dej Yos Las Das los, muaj Leej Ntuj Plig Ntshiab puv npo nws thiab Leej Ntuj Plig coj nws mus hav suab puam
2 Plaub caug hnub, raug dab phem ntxias. Thiab tsis noj dab tsi li hauv cov hnub ntawd. Thaum suaj kaum qhov ntawd, nws tshaib plab.
3 Dab phem hais nws tias : "Saib ! Koj yog Tswv Ntuj Leej Tub, hais kom lub pob zeb no txia ua mov."
4 Thiab Yes Xus teb rau nws : "Tau sau muaj tseg : Tsis yog mov nkaus xwb ua neeg ciaj sia."
5 Coj tau nws mus saum lub chaw siab, qhia tas nrho cov vaj ntxwv teb chaws saum daim av ib vuag dua ntais rau nws saib.
6 Thiab dab phem hais rau nws : "Kuv yuav muab rau koj kav tag nrho tej no thiab lawv tej hwj chim, vim kuv tau txais ua kuv tug, kuv xav muab rau leej twg kuj tau ywj kuv.
7 Koj ntag, yog koj pe ntawm kuv, tej ntawd tag nrho yog koj tug."
8 Thiab Yes Xus hais teb rau nws : "Tau sau muaj tseg : Huab Tais koj tus Tswv Ntuj, koj yuav pe thiab koj yuav teev nws ib leeg”
9 Coj nws mus Yes Lus Xas Les, tso nws sawv saum lub ruv Tuam Tsev Teev Ntuj thiab hais rau nws tias : "Saib ! Koj yog Tswv Ntuj Leej Tub, dhia rhees koj tus kheej ntawm no lawm hauv;
10 Tau sau muaj tseg li hais : Hais txog koj, nws yuav txheev nws cov tshiab kom txuag koj,
11 Thiab lawv yuav nqa koj hauv tes, kom koj taw txhob ntsawm ib lub zeb."
12 Thiab Yes Xus hais teb rau nws : "Tau hais muaj tseg : Koj tsis txhob ntxias Huab Tais, koj tus Tswv Ntuj.
13 Kawg tswv yim ntxias tag, dab phem zam kev deb ntawm nws mus txog lwm lub sij hawm.

(Mus nyeem tsab ntawv nthuav Ntawv Ntshiab)

LECTURES DE LA MESSE DU 21/02/2010

( Premier dimanche de Carême - Année C )
(Hais lus Hmoob - En Français)

• 1ère lecture : La profession de foi du peuple d'Israël (Dt 26, 4-10)
  Lecture du livre du Deutéronome

Moïse disait au peuple d'Israël : Lorsque tu présenteras les prémices de tes récoltes, le prêtre recevra de tes mains la corbeille et la déposera devant l'autel du Seigneur ton Dieu. Tu prononceras ces paroles devant le Seigneur ton Dieu : « Mon père était un Araméen vagabond, qui descendit en Égypte : il y vécut en immigré avec son petit clan. C'est là qu'il est devenu une grande nation, puissante et nombreuse. Les Égyptiens nous ont maltraités, et réduits à la pauvreté ; ils nous ont imposé un dur esclavage. Nous avons crié vers le Seigneur, le Dieu de nos pères. Il a entendu notre voix, il a vu que nous étions pauvres, malheureux, opprimés. Le Seigneur nous a fait sortir d'Égypte par la force de sa main et la vigueur de son bras, par des actions terrifiantes, des signes et des prodiges. Il nous a conduits dans ce lieu et nous a donné ce pays, un pays ruisselant de lait et de miel. Et voici maintenant que j'apporte les prémices des produits du sol que tu m'as donné, Seigneur. »

• 2ème lecture : La profession de foi en Jésus Christ (Rm 10, 8-13)
  Lecture de la lettre de saint Paul Apôtre aux Romains

Frère, nous lisons dans l'Ecriture : La Parole est près de toi, elle est dans ta bouche et dans ton coeur. Cette Parole, c'est le message de la foi que nous proclamons. Donc, si tu affirmes de ta bouche que Jésus est Seigneur, si tu crois dans ton coeur que Dieu l'a ressuscité d'entre les morts, alors tu seras sauvé. Celui qui croit du fond de son coeur devient juste ; celui qui, de sa bouche, affirme sa foi parvient au salut. En effet, l'Écriture dit : Lors du jugement, aucun de ceux qui croient en lui n'aura à le regretter. Ainsi, entre les Juifs et les païens, il n'y a pas de différence : tous ont le même Seigneur, généreux envers tous ceux qui l'invoquent. Il est écrit en effet, tous ceux qui invoqueront le nom du Seigneur seront sauvés.

• Evangile : La tentation de Jésus (Lc 4, 1-13)
  Evangile de Jésus Christ selon saint Luc

Après son baptême, Jésus, rempli de l"Esprit Saint, quitta les bords du Jourdain ; il fut conduit par l"Esprit à travers le désert où, pendant quarante jours, il fut mis à l'épreuve par le démon. Il ne mangea rien durant ces jours-là, et, quand ce temps fut écoulé, il eut faim. Le démon lui dit alors : « Si tu es le Fils de Dieu, ordonne à cette pierre de devenir du pain. » Jésus répondit : « Il est écrit : Ce n'est pas seulement de pain que l'homme doit vivre. » Le démon l'emmena alors plus haut, et lui fit voir d'un seul regard tous les royaumes de la terre. Il lui dit : « Je te donnerai tout ce pouvoir, et la gloire de ces royaumes, car cela m'appartient et je le donne à qui je veux. Toi donc, si tu te prosternes devant moi, tu auras tout cela. » Jésus lui répondit : « Il est écrit : Tu te prosterneras devant le Seigneur ton Dieu, et c'est lui seul que tu adoreras. » Puis le démon le conduisit à Jérusalem, il le plaça au sommet du Temple et lui dit : « Si tu es le Fils de Dieu, jette-toi en bas ; car il est écrit : Il donnera pour toi à ses anges l'ordre de te garder ; et encore : Ils te porteront sur leurs mains, de peur que ton pied ne heurte une pierre. » Jésus répondit : « Il est dit : Tu ne mettras pas à l'épreuve le Seigneur ton Dieu. » Ayant ainsi épuisé toutes les formes de tentations, le démon s'éloigna de Jésus jusqu'au moment fixé.

Ib tsoom ntseeg mloog Tswv Ntuj lus,


Peb nyob hauv lub caij 40, yog 40 hnub ua ntej lub Hmoov Hla (Pâque du Seigneur Jésus, Lord's Passover), Huab Tais Yes Xus Hla lub lav tuag sawv tsees rov muaj sia, Hla lub ntiaj teb no mus saum ntuj. Lub Koom Txoos Kav Tos Liv caw tas tsoom ntseeg, siv zog muab 40 hnub los hloov yus lub siab neeg pov tseg los coj Tswv Ntuj siab, ua li Tswv Ntuj nyiam.

Peb muab 3 lub caij coj los piav Tswv Ntuj cov lus peb hnov hnub no :
-Txheej laus thaum ub.
-Lub sij hawm thaum Yes Xus tseem ua neej nyob.
-Zim txwv peb nyob no.

Txheej laus thaum ub:

Has Nplas Has, yog neeg As Las Mias (Araméen), cov teb chaws niaj hnub no (Irak thiab Syrie) lawv cov poj yawm txwv txoob thaum ub neeg. Has Nplas Has ua loj leeb tuaj txog His Xais Lais teb thiab tuaj mus nyob ua neeg pej kum rau Hais Nkws Tos teb (Egypte). Niaj xyoo, Mai Xes Txoj Cai Ob, kom Has Nplas Has tsoom tub ki nco ntsoov txog lawv lub keeb kwm thiab koob hmoov Huab Tais Tswv Ntuj tau pub rau lawv txais : “5 Koj los hais cov lus no ntawm koj tus Huab Tais Tswv Ntuj : "Kuv txiv yog ib tug neeg As Las Mias loj leeb, nws nqes mus Hais Nkws Tos teb ua pej kum neeg, nrog nws pab nyuam txiv tub. Yog nyob nrad, lawv huam vam coob ua ib haiv neeg loj thiab muaj zog.” Has Nplas Has ua loj leej, tsis yog loj leeb li peb Hmoob lo lus hais, loj leeb tub nkoj tub nkeeg tsis xav ua noj, mus ncig toj ncig pes kom txhua nrho, tsis loj leej li tus tub sab los neeg quav dej quav cawv, nyob tsis muaj chaw…Has Nplas Has loj leej xws li fab Hmoob hais kev nkauj nraug. Nkauj yog nkauj tso tshav, nraug yog nraug tso nras. Tos nkauj nraug los sib tau, vim nkauj nraug nyias nqa nyias daim ntawv nyiaj keeb puaj txwm lug toj lug pes los sib sau. Nraug vauv tsuas pom kauj nyab zoo nkauj tuam sis iab, nraug vauv tau nkauj nyab thiaj ntxim nraug vauv siab. Nkauj nyab tsuas pom nraug vauv zoo nraug tuaj sis awv, nkauj nyab tau nraug vauv thiaj ntxim nkauj nyab plawv. Has Nplas Has loj leej hla 9 lub toj ntiab dab tshoj dab ntxhiab 8 lub dawm xa qhua raws ntoj thuv Faj Tim Huab Tais Tswv Ntuj li ntxim Has Nplas Has me nplooj plaw. Hla 9 lub dawm xa qhua raws 8 lub toj xa dab ntxhiab ntoj thuv Huab Tais Tswv Ntuj thiaj ntxim Has Nplas Has nplooj siab. Tej koob hmoov Has Nplas Has tsev nyuam txiv tub tau txais vim Has Nplas Has ua neeg mloog Huab Tais Tswv Ntuj lus txib lus ntuas. Mus ua pej kum neeg nyob puag Hais Nkws Tos teb, dai luag toj qiv luag tais ua noj, yoog luag txuj kawm luag ci. Muaj Tswv Ntuj koob hmoov ua kaus roos Has Nplas Has tsoom tub ki. Lawv huam vam coob, txawj ntse ua rau vaj ntxwv Fas Las Oos txhawj thiab ntshai. Vaj ntxwv thiaj ua zaj ua ntxeev txo, ua zaj ua ntxeev hiam tsoom tub ki His Xais Lais ciaj khaub poob cev qhev. Nyiaj tshaib nyiaj nqhis, tiv tshav tiv nag. Lawv tsa suab hlo quaj pe thov Huab Tais Tswv Ntuj. Yawg koob Has Nplas Has tus Tswv Ntuj thiaj cev tes tuaj npo lawv khiav tawm Hais Nkws Tos teb, muab npab thaiv lawv lw, Fas Las Oos cov tub rog caij nees nrhiav tsis tau lawv tua pov tseg. Lawv nco ntsoov Tswv Ntuj lub hwj huam cawm lawv dim ntawm Hais Nkws Tos teb los hla hav suab puam 40 xyoo. Tsoom tub ki His Xais Lais hla hav suab puam 40 xyoo, ib tiam neej. Lawv tau ntsib ntau yam kev nyuaj siab, kev txob txhawj, raug kev haub kev ntxias. Lawv raug ntxias qhov noj qhov haus, lawv cem Mai Xes yog tus coj lawv los tuag tshaib tuag nqhis hauv hav suab puam. Lawv khuv xim lawv tej lauj kaub nqaij cub nqaij hau noj seem noj so nyob Hais Nkws Tos teb. Lawv khuv xim qhov noj ua cas tsis nyob ua siab nyoo, ua Fas Las Oos qhev tsuav plab tsau. Hla hav suab puam tsis muaj chaw nkaum tshav nkaum nag, yuav tau yoo tshaib yoo nqhis, tso siab rau lub ntuj coj yus kev. Luag pub yus muaj txoj sia, zoo siab ciaj sia nyob tag kis. Luag pom zoo yus tuag, yus zoo siab hlo muab tag yus txoj sia tso hauv luag xib teg. Muaj coob leej, rov lawv taw tuam ntuj. Lawv sau lawv tej nyiaj tej kub los nchuav ua nyuj rau lawv teev, lawv hawm, cuag tsis muaj Tswv Ntuj. Lawv tsis nco Huab Tais Tswv Ntuj tej txiaj ntsim cawm lawv, tso lawv dim Fas Las Oos tus quab thiab rab nplawm. Muab tus mlom nyuj lawv nchuav ua lawv tus huab tais. Tsis tas li ntawd, tsoom His Xais Lais tseem yws Tswv Ntuj thiab yws Mai Xes. Lawv lub ncauj thiab siab ntsws tsawm Huab Tais Tswv Ntuj qaug dab phem ntxias, qaug yeeb ncuab quav. Tus yeeb ncuab yog dab Xas Tas txia ua nab. Thaum lub hauv paus ntxias niam Nkauj Iab Es Vas qaug nws quav. Tsoom tub ki His Xais Lais kuj qaug dab Xas Tas ntxias, raug nab tom tuag coob. Lawv quaj thov pe Tswv Ntuj zam lawv cov txhaum. Leej twg raug nab tom, yuav kom nws dim, nws yuav mloog Tswv Ntuj tus tub txib Mai Xes lus. Leej twg tsa muag ntsia tus nab tooj Mai Xes muab dai saum nkhib ntoo, nws yuav ciaj sia nyob. Tus nab tooj tsis yog nab, tiam sis yog siav tooj siav hlau qaum ntuj tso tuaj khuam saum nkhib ntoo. Leej twg ntshaw, tus tsa muag ntsia, nws yuav tau txais thiab muaj txoj sia. Zaj yog toog ua txiv saub lus hais, lus qhuab lus qhia txog tus yuav nqes saum ntuj los ib hnub twg. Huab Tais Yes Xus tus nqes saum ntuj los, raug dai saum Ntoo Cuam, tuag, sawv tsees muab txoj sia rau tsoom ciaj tsoom tuag ib yam tus nab tooj cawm cov raug nab tom thaum ub.

Thaum Yes Xus tseem ua neej nyob:

Yes Xus nqes saum ntuj los. Zam Ntxuav Plig ua lub Cim Ntxuav rau Yes Xus hauv dej Yos Las Das. Leej Ntuj Plig tuaj nyob saum Yes Xus thiab coj Yes Xus mus 40 hnub hauv hav suab puam. Dab Xas Tas kuj tuaj ntxias Yes Xus ib yam thaum ub Xas Tas tuaj ntxias tsoom tub ki His Xais Lais 40 xyoo hauv hav suab puam :
1- Yes Xus mus teev ntuj 40 hnub nyob hav suab puam, ua ntej yuav mus tshaj lub Moo Zoo qhia Huab Tais Tswv Ntuj lub siab hlub neeg rau ntiaj teb. Lub sij hawm teev ntuj, yog lub caij yus tsis khoom noj mov thiab haus dej. Yus muab tag yus lub siab lub ntsws, lub tswv yim thiab lub cev los npuab los mloog Tswv Ntuj. Yes Xus yoo tau ntev hnub. Yes Xus tshaib plab thiab nqhis dej ib yam His Xais Lais, ib yam sawv daws hla hav suab puam. Xas Tas pom Yes Xus tshaib, yuav ntxias tau yooj yim. Xas Tas paub, Yes Xus yog Tswv Ntuj Leej Tub muaj hwj huam loj. Tus quav yeeb, muab yeeb ntxias tau yooj yim. Tus ntshaw nyiaj, muaj nyiaj ntxias tau yooj yim. Tus tshaib plab muab dab tsi ntxias tau tag. Yes Xus tshaib plab thiaj muaj hwj huam loj, muab hwj huam los ntxias Yes Xus kom Yes Xus ua hwj huam : “3 Dab phem hais nws tias : "Saib ! Koj yog Tswv Ntuj Leej Tub, hais kom lub pob zeb no txia ua mov." Dab phem zaj yog zaj yooj yim : Haub, ntxias thiab dag yeej. Hem kom neeg ntshai, muab yam neeg ntshaw los haub, los ntxias neeg. Muaj hwj huam loj, muaj hwj chim lug cuag Yes Xus. Tsis txog yuav nyiaj tshaib, yoo nqhis npaum li tus tib neeg pluag, txom nyem, tsis muaj peev xwm dab tsi, yuav tsum nyob ze dej kom tau dej haus ; siv zog khwv ciaj khwv tuag thiaj muaj diav mov noj txuas pluas, muaj daim hnav lo npua. Kom Yes Xus cia li siv nws lub hwj huam Leej Txiv tso rau nws. Tsis txog yuav cev tes mus khwv mus ua npaum li neeg. Hais tib lo xwb pob zeb txia kiag ua mov noj tsis tag, nroj tsuag txia ua daim tsuj daim npuag hnav zoo nkauj nyob zoo nraug, dej ntws paim yaws ntawm ko taw. Tiam sis Yes Xus tsis muaj plhus thiab tsis khav theeb li ntsej muag dab phem : “4 Thiab Yes Xus teb rau nws : "Tau sau muaj tseg : Tsis yog mov nkaus xwb ua neeg ciaj sia." Muaj mov noj, tsis yog neeg txhais tes nkaus khwv tawm lo noj xwb. Mov, kuj yog koob yog hmoov Tswv Ntuj pub, tib neeg thiaj tau noj tau haus. Tsis muaj daim liaj daim teb ua, tsis muaj noob qoob noob tsa, tsis muaj lub ntuj tshav ntuj nag, tib neeg txhais tes khwv dawb yuav tsis muaj noj muaj haus. Vim li ntawd, tsis yog zaub mov nkaus ua kom tib neeg muaj txoj sia nyob. Koob hmoov, txiaj ntsim thiab Huab Tais Tswv Ntuj lo lus txib lus ntuas tib neeg sib hlub, sib faib mov noj ua tau sawv daws thiaj muaj txoj sia nyob.
2-Dab phem rov ntxias Yes Xus dua zaum ob. Saum neej no, dab phem kav tag nrho. Dab phem yog tus muaj hwj chim loj saum yaj ceeb no. Nws muaj peev xwm muab nws lub hwj chim hle nog leej tib neeg twg tau tag, tus neeg ntawd muaj hwj chim cuag dab phem. Muaj tseeb, tej vaj ntxwv thiab nom tswv muaj hwj chim loj cuag dab phem hais. Lawv muaj cai tua neeg thiab cawm tau neeg. Vim li ntawd, lawv ntsia lawv muaj hwj chim txaus tsis vam txog tus neeg me, tus pluag. Tib neeg thiaj muaj khib, tej vaj ntxwv, tej nom tswv, cov ua thawj ua hau thiaj sib txeeb ua tus loj dua cov. Thaum ub, cov His Xais Lais muab lawv cov nyiaj cov kub nchuav ua nyuj rau lawv teev, ua lawv tus huab tais. Yog lawv kev tso siab rau lawv lub zog, lawv cia siab rau lawv thooj nyiaj thooj kub loj tshaj cia siab rau Huab Tais Tswv Ntuj. Yes Xus twb pom xeeb yog Tswv Ntuj Leej Tub muaj hwj chim lug npaum li ntawd. Dab phem kom Yes Xus pe dab phem tib pe xwb txaus lawm. Kom Yes Xus tuaj dab phem zaj, siv Yes Xus lub hwj chim, hloov pob zeb los ua mov thiaj tsis tau cev tes mus khwv cuag tus tib neeg pluag, tsis muaj peev xwm ua dab tsi : “8 Thiab Yes Xus hais teb rau nws : "Tau sau muaj tseg : Huab Tais koj tus Tswv Ntuj, koj yuav pe thiab koj yuav teev nws ib leeg” Dab phem haub tsis tau Yes Xus kom ua li His Xais Lais siab xav thiab ua li tej vaj ntxwv thiab tej nom tswv zaj. Yes Xus tsis zoo li dab phem xav, thuam Tswv Ntuj thiaj thuam neeg li dab phem.
3-Dab phem nrhiav dua tswv yim ntxias Yes Xus zaum peb. Yes Xus twb yog Tswv Ntuj Leej Tub diam, muaj hwj huam loj cuag li, muaj hwj chim lug thiab muaj lub cev nqaij thiab txha. Ntiaj teb tib neeg cev nqaij cev txha yug los hauv yaj ceeb no, tshwm sim ua lub neej qas yeev nyob, yuav raws lub sim ceeb yas kab yas ncua, lawv nws qab taug nws lw. Tib neeg cev nqaij cev txha muaj noj qab nyob zoo phim lub sim ceeb zoo nkauj thiab zoo saib ; lub cev ntaj ntsug muaj mob dia hau phim ntuj nrhoo teb qeeg, kuav toj hauv pes nphau. Yes Xus tshwm sim muaj lub cev ntaj ntsug tsis yog zaj dab ntub npau suav, tsis yog cuav ; Yes Xus tsheej xeeb ua lub neej qas yeev nyob yaj ceeb no ciaj neeg, muaj tseeb muaj tiag. Dab Xas Tas rov ntxias kom Yes Xus ua Yes Xus lub cev ntaj ntsug txawm mob tsis txog txhawj, txawm txhoj tsis txog ntshai. Kom Yes Xus mus tsaw tsua, tshiab yuav thaiv yuav npo tsis pub Yes Xus ceg lov npab dam. Tiam sis Yes Xus paub Xas Tas siab nyoog, haus ntshav nyoos. Kom tseg, dab Xas Tas yuav tsum hwm Tswv Ntuj, tsis yeem ntxias Huab Tais Tswv Ntuj.

Lub zim txwv no :

Ib tsoom phooj ywg mloog Tswv Ntuj lus txib lus ntuas. Ua ntej Huab Tais Yes Xus, His Xais Lais raug dab phem ntxias tau tag. Thaum lub hauv paus, As Das thiab Es Vas nkawd kuj raug dab phem haub thiab ntxias tau nkawd. Peb leej tib neeg tsis muaj zog tiv Xas Tas kev haub kev ntxias. Kawg yog Huab Tais Yes Xus tib leeg thiaj tiv yeej Xas Tas kev haub kev ntxias.
Peb tsoom ntseeg yuav vam Huab Tais Yes Xus lub zog pab peb txhua txhia txoj xub ke, txhua txhia lub sij hawm hauv peb lub neej. Vim li ntawd, lub caij 40, peb yuav siv zog teev ntuj dua qub thov Yes Xus lub txiaj ntsim roos peb kom peb muaj zog. Peb muab caij nyoog los teev saw Mab Liab pab ib tsoom neeg txom nyem. Peb ua tiag sawv kom tau mus teev ntuj…Lub caij 40, peb yuav caiv peb lub cev ntaj ntsug tsis txhob ua zaj qub raws li peb ua kam. Kuv yog neeg nyiam haus yeeb thiab haus cawv. Kuv yuav caiv yeeb thiab cawv. Kuv yog neeg nyiam twv nees rag. Kuv yuav caiv tsis mus nrog luag twv nees. Kuv nyiam tau zoo caij tsheb. Kuv caiv tsheb txhob caij, mus taw ib ntus…Cov nyiaj kuv sau tau vim kuv caiv tsis haus yeeb haus cawv, tsis mus twv nees rag, tsis yuav roj rau tsheb, tsis mus noj pluas qab, tsis mus cinéma...Lub caij 40, kuv faib lub txiaj ntsim Tswv Ntuj tau muab rau kuv txais los ua txim cev rau Tswv Ntuj. Kuv muab cov nyiaj kuv sau tau vim kuv caiv thiab kuv yoo, pub rau ib lub Koom Haum txhawb neeg pluag, pub ib lub Association kho tib neeg muaj mob, pab tej lub teb chaws txom nyem txhawb me nyuam kawm ntawv, los puas pab yus lub Koom Txoos txoj hauj lwm. Cov nyiaj peb tseg tau no, muaj nuj nqes kawg nkaus nyob ntawm Tswv Ntuj xub ntiag. Yog leej twg tsis ntseeg, kom nws sim puv 3 xyoos. Lub txiaj Tswv Ntuj muab rau nws txais, nws yuav pom loj thiab zoo nkauj heev, tej zaum nws tseem yuav xav txog lig.

Peb sawv daws ua Huab Tais Yes Xus tsaug, nws hlub peb tsis txawj tag.

Cwj Vuam Chiv 16.02.2010

COV ZAJ NYEEM RAU HNUB CHIV 14/02/2010

( Hnub Chiv 6- Xyoo C )(Hais lus Hmoob - En Français)

• Zaj nyeem 1 : Phau Ntawv Yes Les Mias 17,5-8

5 Huab Tais lo lus : "Leej twg cia siab rau tib neeg siav me, nws yuav khaum, tus muab lub cev nqaij los ua nws chaw cuab zog, nws lub siab yuav ncaim ntawm Huab Tais.
6 Nws tam zoj tsob nyuam ntoo txawm nruab nrag av tsuag, nws yuav tsis pom muaj kev tau zoo. Nws txawm rau thaj chaw qhuav hav suab puam, av ntsuag ntsev thiab ciaj tsis taus neej. 7 Leej twg cia siab rau Huab Tais, nws tau hmoov : Huab Tais yog nws chaw tso siab.
8 Nws tam zoj tsob ntoo txawm ntawm ntug dej, nrhau cag ncav tau dej, lub ntuj qhuav nws tsis txhawj, nws tej nplooj nyob ntsuab li xiab ; lub xyoo nkig nws tsis ntshai, nws txiv txi tau tsis tseg.

• Zaj nyeem 1 : Kos Lis Nthos tsab 1: 15, 12. 16-20

12 Yog peb tshaj tias Leej Pleev sawv hauv cov tuag rov los lawm, vim li cas, nyem no, muaj tej tus hauv nej hais tias tsis muaj kev sawv hauv cov tuag los ?
16 Yog cov tuag tsis sawv rov los, mas Leej Pleev kuj tsis tau sawv rov los tiag.
17 Yog Leej Pleev tsis sawv rov los, mas peb txoj kev ntseeg yog ib txoj kev cuav, hos nej, los nej tseem nyob hauv nej cov txhaum. 18 Thiab cov uas tau mus tsaug zog nyob hauv Leej Pleev, mas lawv ploj lawm tiag.
19 Peb cov uas tso siab rau Leej Pleev, yog peb tsuas muaj kev cia siab nyob hauv tiam neej no xwb, mas peb yog cov neeg txom nyem tshaj ib tsoom tib neeg huv si.
20 Tab sis tsis yog zoo li ntawd. Leej Pleev sawv hauv cov tuag rov los lawm tiag. Nyob hauv ib tsoom neeg uas mus tsaug zog lawm, mas Leej Pleev yog thawj tug uas tau sawv rov los.

• Lus Kas Ntawv Moo Zoo 6,17.20-26

17 Nrog lawv nqes los, Yes Xus nres ntawm ib lub nras tiaj nrog nws ib npoj thwj tim thiab ib tsoom pej xeem neeg tas nrho Yus Das, Yes Lus Xas Les, ntug Tws Los thiab Xis Doos;
20 Tsa muag zoj ntsia nws cov thwj tim, Yes Xus hais tias : "Cov pluag, nej hmoov zoo, Tswv Ntuj lub teb chaws yog nej tug.
21 Cov tshaib zim txwv no, nej hmoov zoo, nej yuav tau nyob tsau npo. Cov quaj zim txwv no, nej hmoov zoo, nej yuav tau nyob luag ntxhi.
22 Thaum muaj neeg ntxub nej thiab thawb nej pov tseg, thaum luag tsawm nej thiab thuam nej npe npaum saib tsis taus nej vim Neeg Leej Tub, nej hmoov zoo.
23 Hnub ntawd, yog nej hmoov thiab dhia tiag hom khaj, vim thooj pauj rau nej loj nyob saum ntuj : Yog tib yam lawv cov yawg koob tiam cov yaj saub.”
24 “Cov nplua nuj, mob nej siab, twb tas kev nplij nej !
25 Cov nyob zoo tsau npo zim txwv no, mob nej siab, nej yuav muaj tshaib. Cov nyob luag ntxhi zim txwv no, mob nej siab, nej yuav pom quaj thiab nyiav.
26 Thaum luag cav lus zoo txog nej, yuav mob nej siab : Yog tib yam lawv cov yawg koob tiam cov yaj saub cuav."

(Mus nyeem tsab ntawv nthuav Ntawv Ntshiab)

LECTURES DE LA MESSE DU 14/02/2010
( Sixième dimanche - Année C )(Hais lus Hmoob - En Français)

• 1ère lecture : Malédictions et bénédictions de l'ancienne Alliance (Jr 17, 5-8)
  Lecture du livre de Jérémie

Parole du Seigneur : Maudit soit l'homme qui met sa confiance dans un mortel, qui s'appuie sur un être de chair, tandis que son coeur se détourne du Seigneur. Il sera comme un buisson sur une terre désolée, il ne verra pas venir le bonheur.
Il aura pour demeure les lieux arides du désert, une terre salée et inhabitable. Béni soit l'homme qui met sa confiance dans le Seigneur, dont le Seigneur est l'espoir. Il sera comme un arbre planté au bord des eaux, qui étend ses racines vers le courant :
il ne craint pas la chaleur quand elle vient, et son feuillage reste vert ; il ne redoute pas une année de sécheresse, car elle ne l'empêche pas de porter du fruit.

• 2ème lecture : Résurrection des morts et résurrection du Christ (1Co 15, 12.16-20)
  Lecture de la première lettre de saint Paul Apôtre aux Corinthiens

Frères, nous proclamons que le Christ est ressuscité d'entre les morts ; alors, comment certains d'entre vous peuvent-ils affirmer qu'il n'y a pas de résurrection des morts ? Si les morts ne ressuscitent pas, le Christ non plus n'est pas ressuscité.
Et si le Christ n'est pas ressuscité, votre foi ne mène à rien, vous n'êtes pas libérés de vos péchés ; et puis, ceux qui sont morts dans le Christ sont perdus.
Si nous avons mis notre espoir dans le Christ pour cette vie seulement, nous sommes les plus à plaindre de tous les hommes.
Mais non ! le Christ est ressuscité d'entre les morts, pour être parmi les morts le premier ressuscité.

• Evangile de Jésus Christ selon saint Luc

Jésus descendit de la montagne avec les douze Apôtres et s'arrêta dans la plaine. Il y avait là un grand nombre de ses disciples, et une foule de gens venus de toute la Judée, de Jérusalem, et du littoral de Tyr et de Sidon.
Regardant alors ses disciples, Jésus dit : « Heureux, vous les pauvres : le royaume de Dieu est à vous !
Heureux, vous qui avez faim maintenant : vous serez rassasiés ! Heureux, vous qui pleurez maintenant : vous rirez !
Heureux êtes-vous quand les hommes vous haïssent et vous repoussent, quand ils insultent et rejettent votre nom comme méprisable, à cause du Fils de l'homme.
Ce jour-là, soyez heureux et sautez de joie, car votre récompense est grande dans le ciel : c'est ainsi que leurs pères traitaient les prophètes.
Mais malheureux, vous les riches : vous avez votre consolation !
Malheureux, vous qui êtes repus maintenant : vous aurez faim ! Malheureux, vous qui riez maintenant : vous serez dans le deuil et vous pleurerez !
Malheureux êtes-vous quand tous les hommes disent du bien de vous : c'est ainsi que leurs pères traitaient les faux prophètes. »

Ib tsoom ntseeg mloog Huab Tais Tswv Ntuj lus qhuab qhia,


Yog zoo hnub zoo nyoog peb rov tuaj mloog Huab Tais Yes Xus lus koob lus hmoov qhib peb lub tswv yim kom nthuav, kho peb tej siab ntsws kom ncaj rau. Huab Tais Yes Xus niaj hnub tos peb tav li twg, peb thiaj muab peb tej siab ntsws cuaj khaum zawv thiab ntxhua pov tseg, tis daim nplooj siab tshiab zoo nyiam, lo dua daim nplooj plaw ntxim ntshaw ua koob hmoov.

Tsis muaj sij hawm txaus, peb tsuas piav me me hais ob peb los txog Yes Les Mias tsab ntawv. Peb lub neej tsob hwb Tswv Ntuj, vam khom thiab teev Tswv Ntuj zoo tam zoj tsob ntoo txawm rau ntawm ntug dej, nrhau cag muab tau dej los yug siav. Lub neej tsob hwb Tswv Ntuj, nyiam Tswv Ntuj yog koob yog hmoov. Peb zoo siab ua Tswv Ntuj tub ki, ciaj Tswv Ntuj haiv neeg. Peb yuav tsum to taub lub neej ciaj Tswv Ntuj me nyuam. Nws tsis zoo li lub neej teev pej kum dab, tsis zoo li lub neej ua dab ua qhua thiab tsis zoo li peb leej tib neeg lub siab thiab lub tswv yim xav tau. Lub neej ciaj Tswv Ntuj haiv neeg, yog hloov dua qhov muag tshiab los pom Tswv Ntuj tej txiaj ntsim peb tau txais txhawb peb lub neej. Muab tag peb lub siab thiab lub tswv yim los npuab Huab Tais Tswv Ntuj, mloog nws lus. Peb nyiam Tswv Ntuj kom tag peb lub zog noj mis. Peb yuav pom tej koob hmoov tuaj ntawm Tswv Ntuj tuaj txhawb tas ntiaj teb neeg txhua leej txhua tus, sawv daws thiaj muaj txoj sia nyob saum daim npoo av. Lub hnub tsis tawm tuaj ziab ib co neeg tseg lwm cov, tsis pom kev rau cov neeg ncaj tseg cov neeg nkhaus. Lub hnub pom kev thiab tshav rau tag ntiaj teb neeg lub neej. Muaj lub hnub, tib neeg thiaj li cia sia nyob. Lub hnub yog koob yog hmoov peb niaj hnub txais ntawm Tswv Ntuj kaj peb lub neej. Tus neeg tsis hwm Tswv Ntuj, qhia nws tsis ntseeg, hais nws tsis lees pom tsis lees paub Tswv Ntuj tej txiaj ntsim. Kawg yog tus neeg nyiam Tswv Ntuj thiaj lees pom lees paub. Nag thiab lwg tsis poob yug cov nquag tej qoob loo tseg cov tub nkeeg. Nag thiab lwg ua dej neeg haus, ua hiav txwv rau ntses nyob, ua pas rau zaj laug nkaum. Nag thiab lwg yog koob yog hmoov los yug tas ntiaj teb tej qoob loo thiab nroj tsuag pub tsiaj txhu noj…Lub neej ciaj Tswv Ntuj haiv neeg qhia peb tus mloog Tswv Ntuj lus kom yug los dua lub neej, siab ntsws thiab ntsuj plig tshiab tag nrho.

Lub neej tshiab yog tso yus tib neeg lub neej muab hlob thiab khav theeb pov tseg, xyaum coj lub neej raws li Huab Tais Yes Xus lo lus qhia, ua tus neeg me, rov yug dua yam tus me nyuam yaus, ntseeg nws niam nws txiv lus, mloog tus laus hais. Leej tib neeg ib txwm keeb, nws tsuas nco txog nws tus kheej. Vim li ntawd, tus tib neeg twg lub neej twb mus tib txog kab taug tib txoj lw : nws liaj nws lub rooj txag, tsis pub neeg txeem tau tsam muaj neeg tshawb nws nyiaj qab nas. Nws liaj nws lub rooj paim ntshai tub sab nkag mus tsev nqa nws tej cuab yeej. Nws xov laj kab koos nws lub vaj tsis pub leej twg tsuj nws taw rooj. Nws hom mos phua nws ciam dej ciam av txwv pej kum neeg hla dhau mus los…Peb yog Tswv Ntuj tub ki, peb yuav xyaum coj li Tswv Ntuj nyob tsis muaj vag muaj tse, nyob thoob ntiaj teb, thoob ntuj, txhua txheej ntuj. Saum daim npoo av tsuas yog peb lub chaw so xwb, peb lub chaw nyob mus li yog saum ntuj, nrog Tswv Ntuj ua ke. Ua Tswv Ntuj tub ki, yog mloog Tswv Ntuj lus, ua li Tswv Ntuj qhia.

Hloov siab hloov ntsws dua tshiab yog muab tag peb nplooj siab cog rau Huab Tais Yes Xus lo lus. Npaj peb lub siab tos txais tej yam hwj huam peb tsis tau pom dua. Yog peb txawj pom Tswv Ntuj lub siab dawb paug ua hnub tshav rau tus ncaj thiab tus nkhaus, ua nag poob rau tus nquag thiab tus tub nkeeg kom tau noj tau haus. Peb yuav tsis khib vim Tswv Ntuj hlub tus ncaj thiab tus nkhaus, tus nquag thiab tus nkees ob leeg sib npaug zos. Yog peb muaj khib vim Tswv Ntuj hlub tus tub sab los tus tua neeg hauv tsev loj faj ib yam peb. Hais tau tias, peb tseem zoo li cov neeg teev pej kum dab, peb tseem coj lub neej qub, coj lub qub siab. Peb tseem xav thiab coj li tej tib neeg tsis hwm, tsis paub Tswv Ntuj. Lawv lub siab thiab lub tswv yim tseem xam khib. Lawv yuav tsum pauj kom tau tus tub sab los tus tua neeg. Lawv pom zoo muab tus tua neeg tua pauj thiaj tag nws lub txim. Lawv tsuas pom tus tua neeg lub txim txhaum xwb, lawv tsis pom lawv tus kheej kuj yog neeg muaj txhaum. Txawm lawv tsis muaj lub txim tua neeg tiag. Tiam sis lawv muaj lwm lub txim txhaum neeg tsis paub los Huab Tais Tswv Ntuj paub. Peb yog Tswv Ntuj cov tub ki, peb yuav hloov peb tej siab ntsws dua tshiab, lawv Yes Xus qab mus txoj kev Yes Xus tho taug ua peb ntej. Peb tus kheej tsis muaj zog taug kev ib leeg, peb lawv Yes Xus qab thiaj tsis poob zoo. Peb yuav vam Leej Ntuj Plig Ntshiab pab peb, muab tag peb lub siab los npuab Tswv Ntuj tsis tseg, muab Tswv Ntuj ua peb lub chaw cia siab, mloog Tswv Ntuj lus. Vim Huab Tais Tswv Ntuj Ntshiab peb npaug Ntshiab : “Cov tshiab ib leeg qw rau ib leeg : “Ntshiab, Ntshiab, Ntshiab lub sim ceeb tus Huab Tais Tswv Ntuj. Nws lub hwj chim puv tas ntiaj teb HX6,3.” Peb li, peb muaj txhaum, yog neeg txhaum los Tswv Ntuj khuv leej peb, tso nws Leej Tub tuaj npo peb, zam tag peb tej txhaum rau peb. Vim li, peb tuaj pe Tswv Ntuj, ua Tswv Ntuj tsaug, vim Tswv Ntuj hlub tus ncaj thiab tus nkhaus sib npaug zos. Peb yuav xyaum hlub tus neeg muaj txhaum li Tswv Ntuj hlub peb.

Leej tib neeg kev txob kev txhawj loj yog dab tsi ? Peb txhawj peb lub cev thiab txoj sia. Tus tsis paub tsis hwm tsis ntseeg Tswv Ntuj, tsis muaj kev pab daws nws kev tsaus ntuj kev nyuaj siab. Vim li ntawd, cov neeg teev pej kum dab qhuas mus txob tej txoj cai ua nra hnyav ntxiv rau lawv leg. Ntawm peb Hmoob, peb cov poj yawm txwv koob thiaj muab tsiaj txhu ntsuj duab los thov los txhiv kom tau yus tus neeg mob tus ntsuj duab ntsuj plig rov qab los npuab cev. Muab tsiaj tus ntsuj los theej los roos yus tus neeg tus ntsuj duab ntsuj plig. Kom yus tus neeg dim ntawm lub mob zoo los muaj txoj sia nyob ntev. Hmoob txoj kev cai, Hmoob ua li ntawd. Peb los khaub zig Huab Tais Tswv Ntuj, ua Tswv Ntuj cov me nyuam. Peb tsis ua li Hmoob zaj qub kev cai no lawm. Peb ntseeg Yes Xus Tswv Ntuj Leej Tub peb ua raws li nws qhia rau peb ua. Peb twb pom Tswv Ntuj hlub tus pluag thiab tus nplua nuj, hlub tus teev dab thiab tus ntseeg Tswv Ntuj sib npaug zos. Peb yuav xyaum tso siab rau Yes Xus npaum Yes Xus tso siab rau Leej Txiv Tswv Ntuj. Yes Xus tsa suab thov Leej Txiv pab tshem lub ntim rau nws roj ntsha mus kom deb ntawm nws. Peb kuj thov Yes Xus roos peb lub cev ntaj ntsug, tshem lub mob lub ntsaj, kev qaij qaug kom mus deb ntawm peb. Leej Txiv Tswv Ntuj tuaj ruj nws Leej Tub Yes Xus tes, sawv tsees los muaj sia nyob txhiab niag tim puas xyoo. Leej Txiv tsis tso nws Leej Tub pov tseg rau txoj kev ploj kev tuag. Huab Tais Yes Xus kuj yuav rub peb cev nqaij ciab zib thiab txha plaub mag ib hnub twg sawv tsees nrog nws koom ib txoj sia nyob mus li. Yes Xus yuav tsis tso peb pov tseg tib yam. Vim li ntawd, saub His Xais thiaj hais tias : “7 Leej twg cia siab rau Huab Tais, nws tau hmoov : Huab Tais yog nws chaw tso siab. 8 Nws tam zoj tsob ntoo txawm ntawm ntug dej, nrhau cag ncav tau dej, lub ntuj qhuav nws tsis txhawj, nws tej nplooj nyob ntsuab li xiab ; lub xyoo nkig nws tsis ntshai, nws txiv txi tau tsis tseg” Tsob ntoo tsis txhawj, tsis ntshai lub ntuj qhuav ntuj nkig. Peb kuj tsis txhawj tsis ntshai peb lub cev ntaj xib ntsug raug mob raug ntsaj qaij qaug los mus ua twv av luaj dub luaj dag. Dej thiab tshuaj hauv yaj ceeb no cawm tsis tau peb lub cev ntaj xib ntsug. Tiam sis, Huab Tais Yes Xus tib leeg muaj hwj huam cawm tau peb cev ntaj ntsug ua twv av luaj dub luaj dag sawv tsees nrog nws muaj txoj sia nyob txhiab niag tim puas xyoo.

Hnub no, peb hnov Lus Kas qhia Huab Tais Yes Xus cov lus li no rau peb. Yes Xus nrog nws cov thwj tim nce mus saum roob mus teev ntuj. Yes Xus Xaiv 12 leeg los ua nws cov tshaj xo, cov Hauv Paus Xa Lus. Thaum xaiv tau lawv tas, lawv nqes saum roob los txog nram tiaj. Tas zeej tsoom neeg no muaj cov pluag, cov nplua nuj, muaj cov tshaib nqhis thiab cov ua neej ruaj ntseg tsis ntshaw tsis vam leej twg pab, muaj cov txhawj xeeb quaj ntsuag thiab cov nyob zoo tsis txob tsis txhawj, muaj cov raug luag ntxub luag thuam thiab cov muaj koob meej luag cav luag qhuas…Tas sawv daws tuaj nyob nram tiaj ua ib npoj neeg coob. Yes Xus thiab nws pab 12 leeg los poo sawv daws. Muaj ib txhia, lawv coj lawv cov mob tuaj thov Yes Xus kho. Muaj ib txhia yog cov tuaj ntsib Yes Xus thawj zaug, xav paub xav pom, xav hnov Yes Xus qhuab qhia. Kuj muaj cov lam tuaj nyob ntawd tsis muaj siab ntseeg dab tsi thiab muaj cov tuaj npaj hais lus xaiv lus ncua txog Yes Xus. Tom qab, lawv yog cov yuav tiv Yes Xus, txiav txim pom zoo muab Yes Xus tua.

Peb hnov Huab Tais Yes Xus cov lus no, peb yuav ceev faj tsis txhob to taub yuam kev. Txhob yuam kev tias Yes Xus hlub ib co tseg ib co. Thaum peb hnov Yes Xus hais txog cov pluag, cov tshaib cov muaj kev tu siab quaj, cov raug luag ntxub raug luag thuam, raug luag nto, peb tsis txhob xav hauv siab tias ntshai Yes Xus hais lwm leej lwm tus, tsis yog hais peb. Kuj tsis txhob to taub yuam kev tias, puas yog Yes Xus tsis pab tsis hlub cov nplua nuj, cov muaj noj haus tsau npo, muaj kev noj qab nyob zoo tsis txob txhawj nyob luag ntxhi, los yog cov muaj suab muaj npe nto koob meej. Muaj ntau yam yuav piav, yuav hais tsis tas, tiam sis peb tsuas khaws 3 yam coj los xav hnub no :

-1 Npoj neeg tuaj ntsauv Yes Xus nram tiaj no, yog ntiaj teb tib neeg sawv daws txhua nrho. Hauv qab ntuj khwb, muaj cov teb chaw pluag, txom nyem, cov teb chaws nplua nuj, muaj cov teb chaws tshaib plab thiab cov teb chaws vam meej muaj noj seem noj so, muaj cov teb chaws sim neej luag tsis hais txog thiab cov teb chaws luag niaj hnub qhuas niaj hnub cav txog…Tsis yog lub ntiaj teb xwb, lub teb chaws twg puav leej muaj cov neeg zoo li no. Tab hauv yus lub zos los hauv yus lub tsev teev ntuj, kuj muaj cov pluag, cov nplua nuj, muaj cov poj ntsuam tub ntsuag muaj kev tu siab, los kua muag, quaj thiab muaj cov tau zoo neej tsis txob tsis txhawj…

-2 Cov pluag thiab cov nplua nuj Yes Xus hais, tsis yog pluag nyiaj kub, los pluag noj haus, los pluag daim tsoos hnav tsoos npua xwb. Tiam sis, pluag lwm yam loj dua qhov yus xav. Yes Xus kuj tsis yog hais cov nplua nuj fab nyiaj txiag, muaj noj muaj hnav, muaj vag muaj tse. Tiam sis, cov nplua nuj lwm fab. Yog li ntawd, thaum Yes Xus hais cov pluag thiab cov nplua nuj yog cov zoo li cas ? Yes Xus cov lus qhuab qhia no yog ib co lus qhuab qhia tag tsoom sid, tas pab 12 leeg hauv Paus Xa Lus, tas lwm cov thwj tim, tas cov neeg tuaj ntawm Yus Das, Yes Lus Xas Les, Tws Los, Xis Doos…Yog peb nyeem Lus Kas Ntawv Moo Zoo mus lawm tom ntej. Peb yuav pom cov neeg no npe thiab lub pliaj plhu tshwm zuj zus los. Peb yuav hais tsis tas lawv cov npe rau ntawm no. Yog hais txog cov pluag thiab nplua nuj, muaj coob muaj ntau. Muaj ntau tus pluag Yes Xus tsis qhuas. Tus pluag Yes Xus qhuas, yog tus zoo li Las Ntxas Los. “Nws ib ce mob kev txhab, chev ntawm tus nplua nuj lub taw rooj; yam twg poob ntawm tus nplua nuj lub rooj mov los puav leej ua rau nws ntshaw kom tsau nws plab; tiam sis, kawg cov dev thiaj yaim nws tej kev txhab LK16,20” Tus Las Ntxas Los pluag no, yog tus pluag kawg kiag. Pluag noj pluag haus, qias neeg, ntsu kauv, tsw phem, mob kev txhab ib ce lwj dhi, tsis zoo hlub, tsis zoo nyiam. Las Ntxas pluag, yog pluag kawg kiag, ua neej nyob tsis muaj pluag tshaj nws. Mob chev pem teb sawv tsis taus, mus tsis taus, liam txwv, poob tsim tsis zoo ua neeg, nrog dev ua ib pag. Tsis muaj tib neeg tug thuv laj hlub taus. Dev thiaj yaim nws cov kev txhab.
Tus nplua nuj, nyob tsev zeb tsev tsua, hnav nyiaj hnav kub, noj qab noj zoo rog kheej lam, ntxub Las Ntxas Los, tsw phem thiab qias neeg, chev ntawm nws taw rooj paim, laj ntsia, tshaib los puam chawj, cia yoo kom tuag mus, dhuav siab laj pom laj mloog nws suab ntsaj ua hnub ua hmo ntawm taw rooj. Las Ntxas Los, tus pluag liam txwv tuag tshaib. Tus nplua nuj siv zog noj haus ua plab nrha ris, ua mob, tuag mob. Las Ntxas mus nrog yawg koob Has Nplas Has nyob. Tus nplua nuj mus khooj hauv qhov ntuj puag dab teb. Peb to taub Yes Xus cov lus no : “cov pluag, nej hmoov zoo, lub ntuj yog nej tug…Cov nplua nuj, mob nej siab, twb tas kev nplij nej” Tus nplua nuj, tsis yog nplua nuj nyiaj txiag thiab noj haus, tsoos hnav tsoos npua xwb. Tus nplua nuj, nws siab ntsws kuj nplua nuj, tswv yim kuj nplua nuj. Lub siab ntsws nplua nuj, yog lub siab twm xeeb, plab plaw tsis nthuav. Nws tsis ntshaw, tsis vam leej twg, tawv tim tawv. Ciaj los nyob tuag los tseg. Tus nplua nuj lub tswv yim txawj dag tau noj, txawj liam tau yuav. Lo tas lo tuaj, zaj tag zaj tuaj, tsis pluag lus hais. Tus nplua nuj neej nws tsis vam, Tswv Ntuj tsis ntshaw tsis ntxiv dab tsi rau nws. Mus teev ntuj tseem tab kaum nws, tseem txaj muag mus tshwm ntsej muag hauv tsev teev ntuj. Tsis yog Tswv Ntuj thawb nws hauv qhov ntuj, nrog dab phem nyob. Yog nws tus kheej xwb tim dhia qhov ntuj. Tuag mus, tus nplua nuj thiaj mus khooj dab teb, ciaj dab phem. Thaum ua neej nyob, Las Ntxas pluag, vam txog neej pab, quaj tu siab pe thov Tswv Ntuj cawm. Tuag tas, Las Ntxas nce mus saum ntuj, nrog cov pluag nyob.
-3 Yuav kom peb tsis txhob yuam kev, peb twb los ua Tswv Ntuj cov me nyuam ua Tswv Ntuj haiv neeg. Peb twb yog Huab Tais Yes Xus thwj tim. Peb yuav tau mloog Yes Xus qhuab qhia peb ib yam pab 12 leeg ua Yes Xus thwj tim. Yog peb mloog Yes Xus lus, peb ua li Yes Xus qhia rau peb. Peb yog tus pluag ntxim Yes Xus qhuas. Peb tsis yog tso siab rau peb lub zog, tsis yog tso siab rau tus tib neeg tsis muaj peev xwm, tsis muaj hwj huam dab tsi. Peb tsis yog tso siab rau tej qaib npua, nyuag tsiaj nyuag txhu tsis muaj nuj nqes yuav thaiv tau peb tej txhaum. Peb tsis tso siab rau dej thiab tshuaj cawm tsis tau peb txoj sia. Tus peb yuav vam khom, tus peb tos, tus peb hwm, peb teev, yog Tswv Ntuj, tus muaj hwj huam muaj hwj chim nyob mus li. Yog Huab Tais Yes Xus, tus muaj, tus nplua nuj, muaj hwj chim, muaj hwj huam, txia ua tus pluag li peb tib neeg sawv txij peb, ua peb ib leeg tij, rub peb tes ua nws kwv nws muam nrog nws tuav Huab Tais Ntuj npe ua : Leej Txiv. Yog lub koob lub hmoov Yes Xus muab pub rau peb.

Ib tsoom phooj ywg sawv daws, peb nco ntsoov muab peb lub siab lub ntsws npuab Huab Tais Yes Xus tsis tseg. Yog peb txoj kev ua Yes Xus thwj tim.

Cwj Vuam Chiv 11.02.2010

COV ZAJ NYEEM RAU HNUB CHIV 07/02/2010

( Hnub Chiv 5- Xyoo C )

(Hais lus Hmoob - En Français)

• Zaj nyeem 1 : Tsab Ntawv His Xais 6,1-2.3-8

1 Xyoo vaj ntxwv Os Xias tuag, kuv pom Huab Tais zaum saum ib lub theej kiab nyob siab siab. Nws tus tw tsho puv tag lub tsev txoos.
2 Muaj ib co tshiab koos nws nyob saum toj saum nws. Lawv ib leeg qw rau ib leeg :
3 “Ntshiab, Ntshiab, Ntshiab lub sim ceeb tus Huab Tais Tswv Ntuj. Nws lub hwj chim puv tas ntiaj teb.
4 Thaum tus qw suab ncha ntws cov ncej qhov rooj ua zog koog thiab pa ntshawb puv nkaus lub tsev txoos.
5 Kuv hais tias : "Khaum kuv lawm ! Kuv ces tas li ! Vim kuv yog neeg di ncauj tsis huv. Kuv nyob nruab nrab ib haiv neeg di ncauj tsis huv. Kuv qhov muag tau pom xyeem Vaj Ntxwv, lub sim ceeb tus Huab Tais !"
6 Cov tshiab ib tug ya plho los cuag kuv, tuav rawv ib lub ncaig kub lug nws xuas ciaj tais saum lub thaj Txi Ntuj los.
7 Nws coj los ntawm kuv qhov ncauj thiab hais tias : " Yam no twb chwv koj di ncauj thiab tam sim no tshem tag koj lub txim, zam tag koj cov txhaum lawm."
8 Kuv txawm hnov Huab Tais lub suab hais tias : "Kuv yuav xa leej twg mus ? Leej twg yog peb tus tshaj xo ?" Kuv teb tias : "Kuv, kuv yuav ua koj tus tshaj xo: xa kuv mus."

• Zaj nyeem 2 : Kos Lis Nthos tsab ib 15, 1-11

1 Kwv tij sawv daws, kuv rov qab hais kom nej nco ntsoov txog lub Moo Zoo uas kuv tau tshaj rau nej. Nej tau txais, thiab nej nyob ruaj nreb hauv lub Moo Zoo ntawd. 2 Yog nej ntseeg raws nraim li kuv tau tshaj rau nej, mas nej yuav txais kev cawm nyob hauv lub Moo Zoo. Yog lub Moo Zoo cawm tsis tau nej, mas nej ntseeg dag xwb.
3 Qhov kuv tau qhia rau nej, mas yog qhov kuv xub tau txais : yam li Yes Xus yeem tuag kom tau ntxuav peb cov txhaum pov tseg, raws li Ntawv Ntshiab xub hais.
4 Lawv muab nws zwm rau hauv ntxa, ces hnub peb, nws sawv rov qab los, raws li Ntawv xub hais.
5 Nws yees tawm los rau Pob Zeb pom tas, ces nws rov tawm tuaj rau pab kaum ob leeg pom. 6 Tom qab no, Yes Xus tseem yees tawm los rau ib pab kwv tij muaj tsib puas leej ib txhij pom. Cov ntawd, muaj qee leej twb tuag lawm, tiam sis cov coob tseem ua neej nyob txog tav no.
7 Tom qab no, Yes Xus tseem tawm los rau Yas Kos pom, thiab muaj ib zaug rau tas nws cov Hauv Paus Xa Lus huv tib si pom.
8 Kuv yog tus puag tom tw, xws li ib tug me nyuam yug los tsis tau puv hli, tsis kav Yes Xus kuj tawm tuaj rau kuv pom thiab.
9 Kuv yog ib tug Hauv Paus Xa Lus me tshaj cov. Kuv tsis tsim nyog hu ua Hauv Paus Xa Lus, vim kuv tau hiam Tswv Ntuj lub Koom Txoos.
10 Yog Tswv Ntuj lub txiaj ntsim ua kom kuv lub siab hloov los zoo li no. Tswv Ntuj lub txiaj ntsim nyob hauv kuv, nws tsis nyob dag. Kuv tau ua hauj lwm ntau tshaj sawv daws. Tab sis tsis yog kuv ua : yog Tswv Ntuj lub txiaj ntsim uas nrog kuv nyob, tau ua cov hauj lwm ntawd.
11 Txawm yog kuv los yog lawv, qhov peb tshaj tawm yog cov lus ntawd. Ces nej ntseeg.

• Lus Kas Ntawv Moo Zoo 5,1-11

1 Txawm muaj ib zaug, thaum ib npoj neeg coob sib txiv daws ntawm nws mloog Tswv Ntuj Lo Lus, nws sawv ntsug ze lub pas dej Nkes Nes Xas Les.
2 Thiab nws pom ob lub nkoj nyob ze ntawm lub pas dej. Cov puav ntses nqes tag los tseem ntxuav lawv cov vas.
3 Txawm nce zoj mus hauv ib lub nkoj, yog Xis Moos lub, hais rau nws kom nrug deb ntawm ntug mus me ntsis tom plawv ; thiaj zaum hauv nkoj nws qhuab qhia npoj neeg.
4 Thaum nws hais lus tas, nws hais rau Xis Moos : "Mus lawm tom qhov tob, pov nej cov vas nqes mus kom mag."
5 Xis Moos teb tias : "Xib Hwb, peb twb khwv ib hmos qhuav tsis tau dab tsi. Tab sis vim koj lo lus hais, kuv yuav pov cov vas nqes mus."
6 Ua zoj li ntawd mag tau ntses ntau tsis ntau ua lawv cov vas ntuag kiag.
7 Thiab lawv yom rau cov npawg nyob lwm lub nkoj kom tuaj pab, lawv tuaj txog ob lub nkoj puv tag tseem yuav luag tog.
8 Pom li ntawd, Xis Moos Pob Zeb poob nthav ntawm Yes Xus hauv caug hais tias: "Huab Tais, zam kev deb ntawm kuv, vim kuv yog ib tug neeg txhaum."
9 Nws thiab tas sawv daws nrog nws puav leej ib ce xob tag rau cov ntses lawv cuab tau.
10 Kuj ib yam nkaus rau Yas Kos thiab Zam, Xis Moos ob tug npawg, Ntxes Npes Dais ob tug tub. Yes Xus hais rau Xis Moos tias : "Tsis txhob ntshai, txij no mus, koj yuav puav ciaj tib neeg."
11 Coj cov nkoj los tag saum av tso plhuav puas tsav yam tseg, lawv cia li raws nws lawm.

LECTURES DE LA MESSE DU 07/02/2010

( Cinquième dimanche - Année C )

(Hais lus Hmoob - En Français)

• 1ère lecture : Révélation du Dieu saint et vocation d'Isaïe (Is 6, 1-2a.3-8)
  Lecture du livre d'Isaïe

L'année de la mort du roi Ozias, je vis le Seigneur qui siégeait sur un trône très élevé ; les pans de son manteau remplissaient le Temple.
Des séraphins se tenaient au-dessus de lui. Ils avaient chacun six ailes : deux pour se couvrir le visage, deux pour se couvrir les pieds, et deux pour voler.
Ils se criaient l'un à l'autre : « Saint ! Saint ! Saint, le Seigneur, Dieu de l'univers. Toute la terre est remplie de sa gloire. »
Les pivots des portes se mirent à trembler à la voix de celui qui criait, et le Temple se remplissait de fumée.
Je dis alors : « Malheur à moi ! je suis perdu, car je suis un homme aux lèvres impures, j'habite au milieu d'un peuple aux lèvres impures : et mes yeux ont vu le Roi, le Seigneur de l'univers ! »
L'un des séraphins vola vers moi, tenant un charbon brûlant qu'il avait pris avec des pinces sur l'autel.
Il l'approcha de ma bouche et dit : « Ceci a touché tes lèvres, et maintenant ta faute est enlevée, ton péché est pardonné. »
J'entendis alors la voix du Seigneur qui disait : « Qui enverrai-je ? qui sera notre messager ? » Et j'ai répondu : « Moi, je serai ton messager : envoie-moi. »

• 2ème lecture : La tradition de la foi au Christ mort et ressuscité (brève : 1...11) (1Co 15, 1-11)
  Lecture de la première lettre de saint Paul Apôtre aux Corinthiens
  

Frères, je vous rappelle la Bonne Nouvelle que je vous ai annoncée ; cet Évangile, vous l'avez reçu, et vous y restez attachés,
vous serez sauvés par lui si vous le gardez tel que je vous l'ai annoncé ; autrement, c'est pour rien que vous êtes devenus croyants.
Avant tout, je vous ai transmis ceci, que j'ai moi-même reçu :le Christ est mort pour nos péchésconformément aux Écritures,
et il a été mis au tombeau ;il est ressuscité le troisième jourconformément aux Écritures,
et il est apparu à Pierre, puis aux Douze ;
ensuite il est apparu à plus de cinq cents frères à la fois - la plupart sont encore vivants, et quelques-uns sont morts -
ensuite il est apparu à Jacques, puis à tous les Apôtres.
Et en tout dernier lieu, il est même apparu à l'avorton que je suis.
Car moi, je suis le plus petit des Apôtres, je ne suis pas digne d'être appelé Apôtre, puisque j'ai persécuté l'Église de Dieu.
Mais ce que je suis, je le suis par la grâce de Dieu, et la grâce dont il m'a comblé n'a pas été stérile. Je me suis donné de la peine plus que tous les autres ; à vrai dire, ce n'est pas moi, c'est la grâce de Dieu avec moi.
Bref, qu'il s'agisse de moi ou des autres, voilà notre message, et voilà votre foi.

• Evangile : La pêche miraculeuse. La vocation des Apôtres (Lc 5, 1-11)
  Evangile de Jésus Christ selon saint Luc

Un jour, Jésus se trouvait sur le bord du lac de Génésareth ; la foule se pressait autour de lui pour écouter la parole de Dieu.
Il vit deux barques amarrées au bord du lac ; les pêcheurs en étaient descendus et lavaient leurs filets.
Jésus monta dans une des barques, qui appartenait à Simon, et lui demanda de s'éloigner un peu du rivage. Puis il s'assit et, de la barque, il enseignait la foule.
Quand il eut fini de parler, il dit à Simon : « Avance au large, et jetez les filets pour prendre du poisson. »
Simon lui répondit : « Maître, nous avons peiné toute la nuit sans rien prendre ; mais, sur ton ordre, je vais jeter les filets. »
Ils le firent, et ils prirent une telle quantité de poissons que leurs filets se déchiraient.
Ils firent signe à leurs compagnons de l'autre barque de venir les aider. Ceux-ci vinrent, et ils remplirent les deux barques, à tel point qu'elles enfonçaient.
A cette vue, Simon-Pierre tomba aux pieds de Jésus, en disant : « Seigneur, éloigne-toi de moi, car je suis un homme pécheur. »
L'effroi, en effet, l'avait saisi, lui et ceux qui étaient avec lui, devant la quantité de poissons qu'ils avaient prise ;
et de même Jacques et Jean, fils de Zébédée, ses compagnons. Jésus dit à Simon : « Sois sans crainte, désormais ce sont des hommes que tu prendras. »
Alors ils ramenèrent les barques au rivage et, laissant tout, ils le suivirent.

Yawg Zoov Vws YAJ

Yug nyob Phuaj Khom, lub zos Pas Zaj, ze ntawm 1910. Zam Xyooj thiab Xaiv Txiab yog ob kwv tij niam txiv yug ib plab. Zam Xyooj Yaj yug tau Txawj Tswb Yaj ces nws tau tas sim neej lawm. Muab niam tij Zam Xyooj txis rau tus kwv Xaiv Txiab Yaj raws li Hmoob txheej laus thaum ub ua kam, thiaj yug tau peb tug tub : Xov Lwm, Tsav Yob thiab Zoov Vws. Txawj Tswb Yaj yog Zoov Vws Yaj tus tij laug hlob, ob kwv tij koom ib tug niam yug.

Txawj Tswb yog thawj tug Hmoob txais Txiv Plig Nyiaj Pov nyob hauv nws tsev thaum Txiv Plig nyuam qhuav tuaj txog pem Hmoob, nyob Roob Nyuj Qus xyoo 1950. Hauv Txawj Tswb tsev muaj nws txwm tub nyab Zam Nob thiab Txiv Plig tuaj ua qhua tau 3 lub hlis, txhim tau tsev, Txiv Plig thiaj mus nyob Txiv Plig lawm. Xyoo 1953, Txawj Tswb thiab Zam Nob tau muab tej dab neeb nrauj pov tseg tig los txais kev ntseeg Yes Xus.

Lub caij ntawd, Zoov Vws, nyob rau ib qho mus raws cov neej tsa. Lub teb chaws Muas Loob tsis tiaj tus. Xyoo 1962, cov Hmoob Roob Nyuj Qus tau khiav rog los txog naj khoos sab no Xas Nyas Npus Lis, Huab Xev thiab Naj Pas. Xyoo 1970, Txawj Tswb tau tas sim neej nyob Naj Pas. Lub teb chaws Los Tsuas rov nchuav tawg ntxhov hnyo xyoo 1975, ib zeej tsoom Hmoob sib huas kev khiav poob deg tas, cov coob kuj hla dhau naj khoos tuaj rau sab Thaib teb, thaum kawg thiaj tuaj tsim dua lub neej thaj yeeb thiab ywj siab rau sab Aws Los Pas thiab As Mes Lis Kas.

Zoov Vws kuj tau coj nws cov tub nyab, 3 txwg, thiab ntxhais vauv 4 txwg tuaj rau Fab Kis, nyob Orléans. Zoov Vws thiaj yog tseem laus neeg, tsev Hmoob Yaj Ncuab 9 txig dab qhuas tus yawg koob. Yog muab xam tag nws tij laug Txawj Tswb cov los mus rau nws cov nws yug, yawg Zoov Vws Yaj ua neej nyob laus nkoos pom me tub me nyuam thiab xeeb leej xeeb ntxwv 6 phaj 6 tiam neeg. Hnub xiab 12 lub 1 hlis 2010, nws tau tso sawv daws tseg, muaj hnub nyoog 100 xyoo. Nws yeej tsis muaj mob ib qho, yog laus laus lawm, siav cia li yaj xwb. Nws tsoom tub ki, xeeb leej xeeb ntxwv thiab ntxhais vauv kev neej kev tsav sawv daws tau tuaj hlub tuaj tshua nta nws lub ntees ua npoj ntws lom zem xov npo rau lub lis pias tim 16-17thiab 18 lub 2 hlis 2010.

Cwj Vuam Chiv 01.02.2010