COV ZAJ NYEEM RAU HNUB CHIV 16/01/2011
( Chiv 2 Nruab Xyoo - Xyoo A )
  • Zaj nyeem 1 :  Tsab Ntawv His Xais 49,3.5-6
3 Nws hais rau kuv : “Koj, His Xas Lais, kuv tus tub txib, hauv koj yuav muaj kuv lub koob meej.”
4 Hos kuv hais tias : “Kuv khwv dag, qhuav tsis muaj qab hau, nkim kuv lub zog, tiam sis Huab Tais nrog kuv phab xis thiab Tswv Ntuj qhov kuv tau.”
5 Nyem no, Huab Tais tsa ncauj hais, nws tsim kuv puag nruab plab ua nws tus tub txib kom coj Yas Kos rov los cuag nws thiab His Xas Lais rau nws ua ib ke, Huab Tais pom kuv yuav muaj koob meej thiab kuv tus Tswv Ntuj yog kuv lub zog.”
6 Nws tsa ncauj hais : “Tsawg dhau koj ua tub txib rau kuv tsa Yas Kos cov xeem sawv tsheej thiab His Xas Lais cov kub siab rov los, kuv yuav pub koj ua qhov pom kev rau cov teb chaws, ua kuv tus cawm seej mus txog npoo ntiaj teb.

  • Zaj nyeem 2 : Tsab 1 Paj Lug sau rau cov Kos Lis Nthos 1,1-3
1 Paj Lug, hu ua Yes Xus Pleev tus tshaj xo vim Tswv Ntuj pom zoo thiab tus kwv tij Xov Thes Nes.
2 Rau Tswv Ntuj lub Koom Txoos nyob Kos Lis Nthos, rau cov dawb huv hauv Yes Xus Pleev, hu ua neeg ntshiab, nrog tas txhua leej tuav txog peb tus Huab Tais Yes Xus Pleev lub npe nyob qhov txhia chaw, lawv thiab peb.
3 Txiaj ntsim thiab kev thaj yeeb ntawm peb Leej Txiv Tswv Ntuj thiab Huab Tais Yes Xus Pleev rau nej.

  • Zam Ntawv Moo Zoo 1,29-34
29 Tag kis, nws pom Yes Xus tuaj ntawm nws, nws hais tias : “Saib Tswv Ntuj Leej Yaj, tus daws qab ntuj neeg cov txhaum.
30 Yog tus ntawd, tus kuv tau hais : Tuaj ib tug neeg lawv kuv qab, nws ua kuv ntej, vim nws yog kuv tus thawj.
31 Kuv tsis paub nws, kom xwv nws tshwm sim rau His Xais, vim li ntawd, kuv tuaj no kuv raus hauv dej.”
32 Zam ua tim khawv hais tias : “Kuv yees pom Leej Ntuj Plig nqes saum ntuj los xws li nquab nyob rau saum nws.
33 Kuv tsis paub nws, tab sis tus xa kuv tuaj ntxuav hauv dej, tus ntawd hais rau kuv : Saum tus koj yuav pom Leej Ntuj Plig nqes los nyob saum nws, tus ntawd yog tus ntxuav hauv Leej Ntuj Plig Ntshiab.
34 Kuv li kuv pom thiab ua tim khawv tias tus no yog Tswv Ntuj Leej Tub.”

0 commentaires: