COV ZAJ NYEEM HNUB 29/05/2011
( Lub Caij Hla Hnub Chiv 6 - Xyoo A ) 
  • Zaj nyeem 1 : Hauj Lwm 8,5-8.14-17
5 Fis Lis Pos nqes mus nram Xas Mas Lias ib lub nrog, tshaj Leej Pleev rau lawv.
6 Npoj neeg sawv tib nqag mloog Fis Lis Pos qhuab qhia, lawv xyiv fab zoo thiab pom cov cim nws tau ua.
7 Muaj coob tus ntsuj qias tawm khiav qw tsheej zag ntawm tej neeg, coob tus neeg tuag ceg, neeg ceg tawv zoo hlo ;
8 Muaj kev zoo siab loj tas nrho hauv lub nroog ntawd.
14 Npoj xa lus nyob Yes Lus Xas Les paub tias cov Xas Mas Lias los txais Tswv Ntuj lo lus, xa tau Pob Zeb thiab Zam nkawd tuaj rau lawv,
15 Nkawd nqes tuaj txog teev ntuj rau lawv kom xwv lawv txais Leej Ntuj Plig Ntshiab.
16 Nws tseem tsis tau nqes los rau lawv leej twg, tsuas yog tau ntxuav plig ntawm Huab Tais Yes Xus npe nkaus.
17 Nkawd thiaj tsa tes saum lawv ces lawv tau txais Leej Ntuj Plig Ntshiab.

  • Zaj nyeem 2 : Pob Zeb 3,15-18
15 Nej yuav ua kom Huab Tais Pleev ntshiab si hauv nej nruab siab, npaj txhij kom qhia tau rau tus nug txog nej kev cia siab,
16 Tiam sis ua neeg xyuam xim saib taus luag thiab zoo nyiam kom xwv cov neeg xyav nej txaj muag rau nej txoj kev ua zoo hauv Leej Pleev,
17 Txawm raug sab vim ua qhov zoo raws li Tswv Ntuj siab nyiam zoo tshaj ua phem.
18 Vim Leej Pleev raug tsim txom kawg kiag rau kev txhaum, nws ncaj rau cov tsis ncaj kom xwv coj nej los rau Tswv Ntuj, lub cev nqaij tuag lis nthi, tiam sis ntsuj plig ciaj sia li zus.

  • Zam Ntawv Moo Zoo 14,15-21
15 “Yog nej hlub kuv, nej yuav mloog kuv cov lus qhia,
16 Kuv yuav thov Leej Txiv, nws yuav muab tus tiv thaiv rau nej kom nws nyob mus li nrog nej,
17 Lub sim ceeb tsis muaj cuab kav txais tus Ntsuj Plig tus tseeb, vim lub sim ceeb pom tsis tau nws thiab paub tsis tau ; nej li, nej paub nws, vim nws txawm ze ntawm nej thiab yog nws nyob hauv nej.
18 Kuv yuav tsis cia nej ntsuag nos, kuv yuav tuaj cuag nej.
19 Tshuav me ntsis lub sim ceeb yuav tsis pom kuv ntxiv, tab sis nej pom kuv, vim kuv ciaj sia thiab nej kuj yuav ciaj sia.
20 Hnub ntawd, nej yuav paub tias kuv nyob ntawm kuv Txiv thiab nej nyob ntawm kuv thiab kuv ntawm nej.
21 Tus muaj kuv cov lus qhia thiab mloog cov lus no tus ntawd tus hlub kuv; tus hlub kuv, nws yuav yog tus kuv Txiv hlub thiab kuv yuav hlub nws thiab kuv tus kheej yuav tshwm sim rau nws.”



0 commentaires: