Rome Tim 01.05.2011

Ib tsoom ntseeg thiab phooj ywg,

Xiab 1 lub 5 hlis xyoo 2011 yog ib hnub muaj txiaj muaj ntsig zoo tshaj plaws. Tas ib tsoom ntseeg Kav Tos Liv thiab phooj ywg ib txhia coj lwm yam kev teev hawm sawv daws tau tuaj ua lub Thaj Txi Ntuj tsa TVQ Zam Paj Lug 2 ua leej ntshiab, nyob Los Mas (Messe de béatification de JP II).
Peb tseem nco ntsuj ntsoov TVQ Zam Paj Lug 2 hauv peb tej nruab siab, nco nws lub suab luag, nws txoj kev nquag ncig ntuj tshaj Yes Xus lub Moo Zoo, nws lub siab dawb zam txhaum rau tus neeg phem tau tua nws. Tsis tas li ntawd, Tswv Ntuj tau pub hwj huam rau txiv vaj qhia kho tau neeg, hlub tau neeg txom nyem, daws cov muaj kev txhawj xeeb kev tsaus ntuj pov tseg. Vim li ntawd, neeg thoob ntiaj teb tuaj thov Zam Paj Lug 2 mloog sawv daws tej lus vam khom thov Tswv Ntuj pab sawv daws. Thawj lub hwj huam, Zam Paj Lug 2 ua rau neeg pom yog kho tau niam nkauj xwb Marie-Simon-Pierre tus mob parkinson zoo hlo. Hnub no, neeg tuaj coob npaum li ntawd thoob ntiaj teb tuaj thov Zam Paj Lug 2, qhia rau peb pom ua ntej hnub ntiaj teb kawg kuj yuav zoo li hnub no, tag lub sim ceeb yuav tuaj ntawm Tswv Ntuj xub ntiag noj ib roog qav lom zem tshaj tej hnub no.
Sawv daws cov tuaj no puav leej muaj ib leeg ob peb lo lus. Ntawm kuv, kuv kuj tau cev sawv daws tej lus thov Zam Paj Lug 2, thov nws pab peb tsoom ntseeg kom kub siab nyiam Tswv Ntuj thiab txawj zam txhaum rau cov neeg txhaum thiab thov kom nws tej lus qhia tshoj peb cov tub ntxhais Hmoob coob leej muaj kev zoo siab muab lawv lub neej los ua Huab Tais Yes Xus cov tub ntxhais txib tiam Huab Tais Yes Xus.


Deo gratias, Leej Txiv Tswv Ntuj, koj tau tsa koj leej tub txib Zam Paj Lug 2 muaj hwj chim saum qaum ntuj thiab ntiaj teb no, peb ua koj tsaug.

Cwj Vuam Chiv



0 commentaires: