COV ZAJ NYEEM HNUB 26/06/2011
( Hwm Yes Xus lub plaws - Xyoo A ) 
 
  • Zaj nyeem 1 : Txoj Cai Ob 8, 2-3.14b-16a
2 Koj yuav cim ntsoov Huab Tais koj tus Tswv Ntuj txoj kev nws coj koj plaub caug xyoo hauv suab puam kom koj pluag, nws  sim koj kom paub koj lub siab saib koj puas khaws los tsis khaws nws tej lus txib.
3 Nws ua koj pluag, ua koj tshaib, pub koj noj mas nas yam koj tsis tau pom dua thiab koj cov yawg tsis tau paub, kom koj paub tias tsis tim mov nkaus ua tib neeg yuav ciaj neej, hos tas txhua yam tawm ntawm Huab Tais lub ncauj ua tib neeg ciaj neej.
14 Koj yuav tsub kev muab hlob rau koj, koj yuav puam chawj koj tus Huab Tais Tswv Ntuj, yog nws tus coj koj tawm av Hais Nkws Tos tsev ua qhev.
15 Tus coj koj mus hauv lub hav suab puam loj txaus ntshai nab tsiv, kab khiav, av nkig, qhuav dej, tus ua kom tawm dej rau koj ntawm zeb tsua;
16 Tus pub mas nas koj noj hauv suab puam koj cov yawg twb tsis paub, ua kom koj pluag sim koj, cob kom koj lub neej tom ntej zoo.



  • Zaj nyeem 2 : Tsab Ib Kos Lis Nthos 10, 16-17
16 Lub ntim koob hmoov peb cav txog no puas yog koom Leej Pleev ntshav ? Lub ncuav mov peb ntais no, puas yog koom Leej Pleev lub cev ?
17 Tsuas tib lub mov, tib lub cev txawm peb yog ob peb leeg, vim sawv daws koom lub ncuav mov tib lub xwb.



  • Zam Ntawv Moo Zoo 6, 51-58
51 Kuv yog mov ciaj sia nqes saum ntuj los ; yog leej twg noj yam mov no, yuav ciaj mus ib txhis, kuv nqaij yog yam mov kuv yuav muab pub rau ntiaj teb txoj sia.
52 Cov Yus Das sib cav zom zaws tias : “Tus no yuav ua cas pub tau nqaij rau peb noj ?”
53 Yes Xus hais rau lawv : “Kuv hais tseeb rau nej, yog nej tsis noj neeg Leej Tub nqaij thiab tsis haus nws ntshav, nej tsis muaj sia hauv nej kheej.
54 Leej twg noj kuv nqaij thiab haus kuv ntshav muaj sia nyob ib txhis, hnub kawg, kuv yuav tsa nws sawv ciaj sia.
55 Vim kuv nqaij yog tseem txhiam xws, kuv ntshav yog tseem kua.
56 Tus noj kuv nqaij thiab haus kuv ntshav nyob txawm tau hauv kuv thiab kuv hauv nws.
57 Tam Leej Txiv tus ciaj sia yog tus xa kuv tuaj, tos kuv ciaj vim Leej Txiv, tus noj kuv tus ntawd thiab yuav ciaj vim kuv.
58 Yam no, mov nqes saum ntuj los, tsis thooj yam nej cov txiv tau noj thiab lawv tuag lawm. Tus noj yam mov no ciaj sia mus ib txhis.


0 commentaires: