COV ZAJ NYEEM HNUB 29/01/2012
( Hnub chiv 4 Nruab xyoo - Xyoo B )

  • Zaj nyeem 1 : Txoj Cai Ob 18,15-20
15 Koj tus Huab Tais Tswv Ntuj yuav tsa ib tug saub nruab nrab hauv koj cov kwv tij zoo li kuv, nej yuav mloog nws.
16 Tas txhua yam koj thov ntawm koj tus Huab Tais Tswv Ntuj saum Hos Les hnub nej tuaj sib txoos hais tias : “Kuv tsis xav hnov kuv tus Huab Tais Tswv Ntuj lub suab ntxiv, tsis xav pom tsaj hluav taws loj no ntxiv lawm thiab kuv tsis xav tuag.”
17 Huab Tais hais rau kuv : “Lawv hais yog lawm,
18 Kuv yuav tsa ib tug saub nruab nrab lawv cov kwv tij zoo li koj rau lawv, kuv yuav tso kuv cov lus rau nws lub ncauj, nws yuav hais tas txhua yam kuv kom nws hais rau lawv.
19 Tus neeg tsis mloog kuv cov lus nws tshaj ua kuv npe, kuv yuav nrhiav tos tus ntawd.
20 Tus saub muaj plhus hais lus ua kuv npe tiam sis, kuv tsis tau kom hais thiab tseem hais ua lwm cov dab ntuj npe, tus saub ntawd kawg tuag.”
  • Zaj nyeem 2 : 1 Kos Lis Nthos 7,32-35
32 Kuv xav kom nej txhob txhawj xeeb; tus tsis muaj nkawm txhawj txog Huab Tais yuav ua li cas thiaj ntxim Huab Tais;
33 Tus muaj nkawm txhawj rau lub sim ceeb yuav ua li cas thiaj ntxim nws tus poj niam,
34 Ua rau nws siab coob. Tus poj niam tsis muaj nkawm los tus nkauj xwb txhawj rau Huab Tais zaj twg li ua nws lub cev thiab tus plig ntshiab ; tus muaj nkawm txhawj rau lub sim ceeb yuav ua cas thiaj ntxim nws tus txiv.
35 Kuv hais tej no kom pab tau nej tus kheej, kuv tsis cuam vas saum nej, tiam sis kom coj zoo thiab npuab rawv Huab Tais txhob nrug.
  • Mas Kos Ntawv Moo Zoo 1,21-28
21 Lawv nkag mus hauv Kas Fas Naus ; tam sis ntawd, yog xas npas tos, chaws mus hauv tsev txoos nws qhuab qhia lawv.
22 Ua rau sawv daws ceeb nws tej lus qhuab qhia ; vim nws lus qhuab qhia muaj kuab tsis zoo li cov thoob xwm.
23 Tam sis ntawd, hauv lawv lub tsev txoos muaj ib tug tib neeg raug ib tug ntsuj qias qw
24 Hais tias : “Muaj tus tsi rau peb thiab koj, Yes Xus Nas Xas Les ? Koj tuaj kom peb ploj mus ? Kuv paub koj yog leej twg, Tswv Ntuj Leej Ntshiab.”
25 Yes Xus cheem zoj hais rau nws tias : “Tswm seeb, tawm khiav ntawm nws.”
26 Tus ntsuj plig qias ncho ntho tus neeg, qw suab tawg ntho tawm plaws khiav ntawm nws.
27 Tag sawv daws ntshai rwg sib hais zom zaws tias : “Yog ua cas ? Ib zag lus qhuab qhia tshiab muaj kuab npaud li, hais rau cov ntsuj plig qias puav leej tawv tsis dhau nws.”
28 Tam sis ntawd, nws lub koob meej ncha thoob plaws cheeb tsam Nkas Lis Lais.

0 commentaires: