COV ZAJ NYEEM HNUB 08/07/2012
( Nruab Xyoo Hnub Chiv14 - Xyoo B )
  • Zaj nyeem 1 : Es Xes Kias 2, 2-5
2 Nws hais rau kuv, ib nthwv pa ntsawv tuaj hauv kuv, nws ua kuv sawv saum kuv ob txhais taw, kuv hnov tus hais rau kuv,
3 Nws hais rau kuv : “Neeg leej tub, kuv xa koj mus rau His Xais Lais cov tub ki mus rau cov teb chaws cav ncauj, lawv cav kuv, lawv cov txiv cav kuv txog ntua hnub no,
4 Kuv xa koj mus rau lawv, koj hais tias Huab Tais Tswv Ntuj hais li no : Cov tub ntsej muag tawv thiab siab qig lus,
5 Saib lawv yuav mloog los lawv yuav kwv hlo vim lawv yog ib tse neeg cam thawj, lawv yuav paub tias ib tug saub nyob nruab nrab hauv lawv.”
  • Zaj nyeem 2 : 2 Kos Lis Nthos 12, 7-10
7 Muaj tshwm sim tsis tau pom dua, kom kuv tsis txhob muaj plhus khav, ib tug pos ntsia ntsees kuv nqaij, xas tas tus tub xo tos ntsoov nplawm kuv kom kuv txhob khav.
8 Kuv thov peb lwm Huab Tais maim kuv dhau txoj xub ke ntawd,
9 Tiam sis nws hais rau kuv tias : Kuv lub txiaj txaus koj lawm, lub hwj huam nres nroos tus muag luav, ua kuv muaj ntsej muag rau kuv kev muag luav, xwv Leej Pleev hwj huam ntag yees saum kuv.
10 Ua kuv txaus siab rau kev muag luav, raug tsawm, raug quab yuam, raug tsim txom thiab txais kev txhawj xeeb vim Leej Pleev ; yog kuv muag luav txawm cuab kub zog loj thaum ntawd.
  • Mas Kos Ntawv Moo Zoo 6, 1-6
1 Tawm ntawd mus, nws los ntawm nws thaj chaw, nws cov thwj tim raws nws qab.
2 Txog hnub xas npas, nws pib qhuab qhia hauv tsev txoos, muaj coob leej mloog ua rau lawv ceeb tag, lawv hais : “Nws muab tej ntawd qhov twg los ? Thoob tsib npaum li ntawd thiab hwj huam txhawv ntawm nws txhais tes ?
3 Nws tsis yog tus ua ntoo lod ? Mab Liab tub, Yas Kos, Yos Xes Tos, Yus Das thiab Xis Moos lawv kwv tij lod ? Nws cov muam tsis nyob ze ntawm peb lod ?” Lawv xav tsis tas txog nws.
4 Yes Xus hais rau lawv : “Cov thuam tus yaj saub yog nws teb chaws, nws cov neeg thiab nws tsev neeg.”
5 Nws tsis niam ua ib qho hwj huam li tsuas tsa tes kho leej puav neeg mob nkeeg zoo.
6 Ua rau nws ceeb loj vim lawv tsis ntseeg kiag, ces nws mus qhuab qhia cov zos nyob ib cheeb tsam.

0 commentaires: