COV ZAJ NYEEM HNUB 09/09/2012
( Nruab Xyoo Hnub Chiv 23 - Xyoo B )
  • Zaj nyeem 1 : Es Xais 35, 4-7a
4 Nej hais rau cov poob plig : “Ua siab tawv, txhob txhawj, saib, nej tus Tswv Ntuj kev pauj, nws kev pab, Tswv Ntuj yuav tuaj cawm nej
5 Cov dig qhov muag yuav rua hlo, cov lag pob ntseg yuav qhib plho
6 Tus neeg ceg yuav dhia rhees li tus kauv, tus piav tes yuav qw tsheej suab, vim dej yuav paim yaws hav suab puam thiab ntws nto hauv tiaj nrag.
7 Lub teb chaws nkig yuav teev ua pas, dej yuav txhawv ntsos hauv thaj av qhuav, plis chaw nyob yuav tuaj hav tauj hav txhiav.”
  • Zaj nyeem 2 : Yas Kos Npos 2, 1-5
1 Kuv cov kwv tij, kom nej txoj kev ntseeg peb tus Huab Tais Yes Xus Pleev muaj hwj chim txhob kws leej twg cai
2 Yog ib tug neeg hnav tsoos ci hob coj nplhaib kub thiab ib tug pluag tsoos ntsu kauv hna nkag los hauv nej lub chaw txoos
3 Nej ntsia zoj tus hnav tsoos ci hob thiab hais tias : “Koj zaum lub zoo chaw no thiab nej hais rau tus pluag : Koj sawv ntawm ko los koj zaum hauv kuv theem tiag taw
4 Nej puas saib ntsej ua plhu thiab ua cov txiav txim raws zaj niag phem ?
5 Kom nej mloog, kuv cov kwv tij ntxiv hlub : Puas yog Tswv Ntuj xaiv cov pluag kom kev ntseeg nplua nuj rau ntiaj teb thiab ciaj qaum ntuj xeeb ntxwv raws nraim li nws tau hais tseg rau cov hlub nws ?”
  • Mas Kos Ntawv Moo Zoo 7, 31-37
31 Tawm ntawm Tws Lus teb, nws hla sab Xis Doos mus rau lub hiav txwv Nkas Lis Lais, hauv nruab nrab teb chaws Des Kas Pos Los
32 Lawv coj ib tug ntsej lag hais lo puav lus tuaj rau nws, lawv thov kom nws tsa tes rau
33 Nws thiaj coj tawm mus rau ib cag, deb npoj neeg, nws cev ntiv tes rau tus ntawd qhov ntsej thiab nti aub ncaug tub tus nplaig
34 Tsa muag ntsia saum ntuj, xyu ib suab thiab hais rau tus ntawd : “Es fas tas,” txhais tias : “Qhib plho.”
35 Tus ntawd pob ntseg qhib plho, tus nplaig zooj lias nws hais taus lus
36 Yes Xus cheem tsis pub lawv qhia rau leej twg li. Tab sis nws yim cheem, lawv yim hais ncha
37 Ua rau lawv qhuas dhau, lawv hais tias : “Nws ua zoo tag txhua yam, ua tau cov neeg lag hnov thiab cov piav tes hais lus tuaj”

0 commentaires: