COV ZAJ NYEEM HNUB 16/12/2012
(Tos Huab Tais Chiv 3 - Xyoo C )
  • Zaj nyeem 1 : Xos Fos Nias 3, 14-18a
14 Xis Yoos me ntxhais qw suab hom khaj, His Xais Lais tsa ncauj seev, Yes Lus Xas Les me ntxhais koj yuav zoo siab luag ntxhi
15 Huab Tais plhws koj tej txim, nws yauv txhem koj tus yeeb ncuab, Huab Tais yog His Xais Lais tus Vaj Ntxwv, nws nyob nruab nrab hauv koj, koj yuav tsis ntshai qhov phem ntxiv
16 Hnub ntawd, luag yuav hais rau Yes Lus Xes Les koj tsis txhob ntshai, Xis Yoos koj tes tsis txhob tsaug
17 Huab Tais Tswv Ntuj nyob nruab nrab hauv koj, nws yog tus muaj peev xwm cawm, nws txaus siab hlo rau koj, nws hlub koj twj ywm, nws siab ntsws luag ntxhi txog koj
18 Cov muaj kev tu siab tsis tau koom kev lom zem deb ntawm koj, kuv yuav txais lawv

  • Zaj nyeem 2: Paj Lug tsab ntawv rau cov nyob Fis Lis Pos 4, 4-7
4 Nej yuav zoo siab rau Huab Tais txhua lub sij hawm, kuv rov hais dua, nej yuav zoo siab
5 Nej yog neeg zoo, phim kom neeg paub nej, Huab Tais nyob ze lawm
6 Nej txhob txhawj dab tsi, Tswv Ntuj paub nej zaj thov ntuj, zaj lus khaub zig, lus ua tsaug
7 Tswv Ntuj kev thaj yeeb loj tshaj lub tswv yim nej xav kam thiab lub siab nej xav txog Leej Pleev Yes Xus

  • Ntawv Moo Zoo : Lus Kas  3, 10-18
10 Npoj neeg thiaj nug nws hais tias : “Peb yuav tsum ua li cas ?”
11 Nws teb rau lawv hais tias : “Tus muaj ob daim tsoos ua nws tug kom nco ntsoov pub rau tus tsis muaj, kom tus muaj txhiam xws ua tib yam nkaus.”
12 Cov tub se kuj tuaj txais cim ntxuav, lawv hais rau nws : “Xib Hwb, peb yuav tsum ua li cas ?”
13 Nws teb rau lawv : “Tsis txhob cuab tshaj txoj cai kom nej sau.”
14 Cov tub rog kuj nug nws hais tias : “Peb yuav tsum ua li cas ?” Nws hais rau lawv : “Tsis txhob quab yuam txeeb kom tau, zoo siab txais nej tus nqi.”
15 Tsoom pej xeem tos ntsoov, tas sawv daws xav tau zom zaws hauv nyias nruab siab, ua li, Zam puas yog Leej Pleev los tsis yog
16 Zam hais rau lawv sawv daws : “Kuv li, kuv muab dej los ntxuav nej, hos tus muaj peev xwm dua kuv, kuv twb tsis tsim nyog daws nws txoj hlua khau, nws tuaj, nws yuav ntxuav nej hauv Leej Ntsuj Plig Ntshiab thiab hauv hluav taws
17 Nws tuav rawv rab ntxuam hauv nws tes mus ntxuaj nws lub tshav thiab sau nplej rau hauv nws txhab ; cov npluag, nws yuav muab hlawv hauv hluav taws tsis txawj kug.”
18 Nws tseem qhuab qhia lub Moo Zoo rau tsoom pej xeem thiab txhib lawv ntau yam ntxiv   



0 commentaires: