COV ZAJ NYEEM HNUB 23/12/2012
(Tos Huab Tais Chiv 4 - Xyoo C )

  • Zaj nyeem 1 : Saub Mis Kas Es Tsab Ntawv 5, 1-4a
1 Npes Les Hes Es Fas Tas, tus me tshaj hauv Yus Das cov xeem, kuv yuav ua kom tus tswj His Xais Lais tawm hauv koj los ; nws lub keeb chiv puag txheej laus thaum ub thaum hauv paus
2 Nws tau tso lawv pov tseg mus txog thaum tus yuav yug me nyuam yug tau me nyuam ; hauv nws cov kwv tij pawg seem yuav rov qab los nrog His Xais Lais cov me nyuam
3 Nws yuav sawv tsees los, nws yuav saib nws pab tsiaj muaj Huab Tais hwj huam, muaj nws tus Tswv Ntuj nto koob meej lub npe ; lawv yuav tau nyob thaj yeeb, nws yuav muaj hwj huam loj mus txog puag npoo ntiaj teb
4 Nws tus kheej yog kev thaj yeeb.
  • Zaj nyeem 2 : Tsab Ntawv Hes Nplaws 10, 5-10
5 Vim li ntawd, nws tuaj hauv qab ntuj no, nws hais tias : “Koj tsis xav tau tej txim thiab xyab ntaw, koj thiaj ua lub cev ntaj ntsug rau kuv
6 Muab tsiaj los ua txim daws txhaum tsis haum koj siab
7 Kuv thiaj hais tias : kuv tuaj ov ! Hauv kauj ntawv twb tau sau txog ntawm kuv kom ua li koj nyiam, Tswv Ntuj
8 Li tau hais saum toj : xyab ntaw, tsiaj txhu thiab tej txim muab los txi daws txhaum raws txoj cai koj tsis xav tau thiab tsis haum koj siab”
9 Nws thiaj hais li no : “Kuv tuaj ua kom tau li koj siab nyiam” Nws yog tus rhuav thawj tus txhooj kom tsa dua tus ob sawv
10 Hauv tus ob no ua tau peb ntshiab huv li nws nyiam vim Yes Xus Pleev lub cev ua txim ib zaug kav ib txhis
  • Ntawv Moo Zoo : Lus Kas 1, 39-45
39 Thaum lub hnub nyoog ntawd, Mab Liab sawv tsees maj nroos mus pem toj siab, hauv ib lub nroog nyob xeev Yus Das.
40 Nws chaws mus hauv Zas Kas Lias tsev thiab hu Es Lis Xas Npes.
41 Xyov thaum Mab Liab suab hu, Es Lis Xas Npes hnov dheev tus me nyuam hauv nws plab dhia ib rhees thiab Es Lis Xas Npes cia li muaj Leej Ntsuj Plig Ntshiab puv npo
42 Nws tsa suab hlo hais tias : “Koj yuam, tus muaj hmoo tshaj tsoom poj niam huv si thiab lub txiv hauv koj plab yog koob hmoo
43 Xyov dab tsi rau kuv yuad, ua cas kuv tus Huab Tais leej niam tuaj ntawm kuv ?
44 Uag, thaum koj lub suab hu ncha txog kuv pob ntseg, tus me nyuam mos hauv kuv plab dhia rhees hom khaj.
45 Hmoov zoo tus ntseeg yam Huab Tais hais rau nws yeej kawg tsheej xeeb”






0 commentaires: