COV ZAJ NYEEM HNUB TIM 07/07/2013 
( Hnub chiv 2 lub Caij Hla, Xyoo C )

  • Zaj nyeem 1 : Hauj Lwm 5,12-16

12 Cov tshaj xo tes ua tau ntau lub cim thiab ntau yam hwj huam loj rau haiv neeg. Lawv sawv daws sib koom ua ke nyob ntawm Xas Los Moos maum kaum tsev,
13 Tsis muaj leej twg muaj peev xwm txav los poo lawv, tab sis haiv neeg qhuas lawv kawg.
14 Neeg yim coob tseeg Huab Tais, tej npoj txiv neej thiab poj niam,
15 Xwv nqa neeg mob txawb txaj thiab chaw kwv neeg puv nkaus tshav puam, kom Pob Zeb hla mus ua duab ntxoov nroos lawv leej puav.
16 Cov nroog ib cheeb tsam Yes Lus Xas Les tej npoj neeg kwv neeg mob thiab coj tej raug dab qias tuaj sib sau, lawv tej ntawd puav leej zoo huv si.


  • Zaj nyeem 2 : Qhiv Yav Tom Ntej 1, 9-11a.12-13.17-19

9 Zam yog kuv, nej kwv tij nrog nej txom nyem thiab ua ke saum qaum ntuj thiab nyob ruaj hauv Yes Xus, kuv tuaj hauv lub pov txwv Pas Mos vim Tswv Ntuj lo lus thiab Yes Xus kev ua tim khawv,
10 Thaum Huab Tais hnub, Leej Ntsuj Plig txawm tshoj kuv ces kuv txawm hnov ib lub suab ncha ntws nraum kuv qab li lub suab raj,
11 Txawm hais tias : “Yam koj pom muab sau tseg hauv phau ntawv thiab muab xa mus rau xya lub koom txoos,
12 Kuv thiaj tig mus saib lub suab hais lus rau kuv ntawd, thaum kuv tig mus, kuv pom xya tus kais teeb kub,
13 Hauv nruab nrab xya tus kais teeb zoo li neeg leej tub hnav ib daim tsoos ti nkaus ko taw thiab sia ib txoj siv kub ntawm duav,
17 Thaum kuv pom dheev nws, kuv nyo nris hauv nws ko taw li tuag lawm, nws thiaj tso nws sab xis saum kuv hais tias : tsis txhob ntshai, kuv yog tus thawj thiab tus kawg,
18 Tus ciaj sia, kuv tuag lawm thiab ciaj sia mus txhiaj niaj puas xyoo, kuv muaj txoj kev tuag thiab qab tiv txwv cov yawm sij,
19 Muab yam koj tau pom sau thiab tej no thiab cov yuav txawm tuaj tom qab ntawd.”


  • Zam Ntawv Moo Zoo 20,19-31

19 Tib hnub ntawd thaum tsaus ntuj, yog thawj hnub hauv lis piam, cov qhov rooj hauv lub chaw cov thwj tim nyob kaw tas, vim lawv ntshai cov Yus Das ; Yes Xus tuaj, sawv hauv nruab nrab, nws hais rau lawv : “Nyob thaj yeeb nej sawv daws”
20 Hais li tas, nws thws zoj tes thiab phab tav rau lawv. Cov thwj tim tau pom Huab Tais ua lawv zoo siab tas nrho.
21 Nws rov hais ntxiv rau lawv : “Nyob thaj yeeb nej sawv daws ; xws  li Leej Txiv xa kuv tuaj, kuv thiab kuv xa nej mus.”
22 Hais li tas, nws tshuab zoj ib pas, nws hais rau lawv : “Txais Leej Ntuj Plig Ntshiab ;
23 Yog nej zam txhaum rau tej txhia, lawv txhaum yuav muaj zam mus, yog nej tseg rau tej txhia, lawv yuav nyob nraim.”
24 Tos Mas yog ib tug hauv pab kaum ob, muaj npe ua Dis Dws Mos, nws tsis nrog lawv nyob thaum Yes Xus tuaj.
25 Lwm cov thwj tim hais rau nws : “Peb twb pom Huab Tais lawm !” Tus no hais rau lawv : “Yog kuv tsis pom lub qhov ntsia hlau hauv nws tes thiab cev kuv ntiv tes rau lub qhov ntsia hlau thiab muab kuv txhais tes plhws nws phab tav, kuv yuav ntseeg tsis tau.”
26 Yim hnub tom qab, nws cov thwj tim tseem nyob rawv sab hauv thiab Tos Mas nrog lawv ua ke. Cov qhov rooj puav leej kaw tas, Yes Xus tshwm plaws tuaj sawv hauv nruab nrab, nws hais : “Nyob thaj yeeb nej sawv daws !”
27 Thiab hais rau Tos Mas : “Cev koj ntiv tes ntawm no ntsia kuv cov tes thiab cev koj txhais tes ntawm kuv phab tav thiab txhob ua tus tsis ntseeg, hos ua tus ntseeg.”
28 Tos Mas teb rau nws : “Kuv tus Huab Tais thiab kuv tus Tswv Ntuj.”
29 Yes Xus hais rau nws : “Koj ntseeg vim koj pom kuv ; cov tsis tau pom lawv ntseeg, hmoov zoo.”
30 Yes Xus tseem ua ntau lub cim ntxiv ntawm cov thwj tim xub ntiag tsis muab sau tas rau hauv phau ntawv no.
31 Cov no muab sau tseg kom xwv nej ntseeg tias Yes Xus yog Leej Pleev Tswv Ntuj Leej Tub kom xwv tus ntseeg muaj txoj sia vim nws lub npe.



0 commentaires: