COV ZAJ NYEEM HNUB TIM 23/06/2013 
( Chiv 12, Nruab Xyoo C )
  • Zaj nyeem 1 : Ntxas Kas Lias 12,10-11a ; 13,1
10 Kuv yuav ua kom txoj pa txiaj ntsim thiab kev pe hawm nyab yees rau saum Das Vis tsev thiab saum tus nyob Yes Lus Xas Les, lawv yuav tsa muag ntsia kuv, tus lawv nkaug, lawv yuav nyiav nws li nyiav tib leeg kheej, lawv yuav nco nws npaum nkaus nco thawj tug me nyuam.
11 Hnub ntawd, Yes Lus Xas Les yuav nyiav laws npaum Has Das Li Moos suab nyiav hauv tiaj nras Maws Nkis Dos.
1 Hnub ntawd, dej yuav ntws nto rau Das Vis tsev neeg thiab cov nyob Yes Lus Xes Les rau lawv tej txhaum thiab kev luab tsuab.

  • Zaj nyeem 2 : Nkas Las Tais 3, 26-29
26 Tag nrho, nej yog Tswv Ntuj tej tub vim kev ntseeg Leej Pleev Yes Xus,
27 Cov nej tau ntxuav plig hauv Leej Pleev, nej hnav Leej Pleev,
28 Tsis muaj tus Yus Das los tus Hes Las lawm, tsis muaj qhev los neeg twj lij lawm, tsis muaj txiv thiab maum lawm, sawv daws nej ua tib tug hauv Leej Pleev Yes Xus.
29 Yog tias nej ua Leej Pleev tug, nej yog Has Nplas Has xeeb ntxwv raws li kev cog lus tseg.

  • Lus Kas Ntawv Moo Zoo 9, 18-24
18 Muaj ib zaug, nws tseem teev ntuj nyob ib cag, cov thwj tim tuaj sib sau nrog nws ces nws nug lawv tias : “Npoj neeg hais tias kuv yog leej twg ?”
19 Lawv ib txhia hais tias : “Yog Zam Ntxuav Plig, lwm cov tias yog Es Lias, tej txhia tias yog ib tug yaj saub thaum ub sawv rov los.”
20 Nws hais rau lawv tias : “Ntawm nej, ua li nej hais kuv yog leej twg ?” Pob Zeb teb hais tias : “Koj yog Tswv Ntuj Leej Pleev.”
21 Nws txwv nkaus lawv tseev kom txhob qhia qhov ntawd rau leej twg hlo,
22 Hais tias : “Neeg Leej Tub yuav tsum raug txom nyem loj, raug cov txwj laus, cov thawj leej choj thiab cov thoob xwm muab txhem pov tseg, tua tuag nthi, tiam sis hnub peb yuav tsim dheev los.”
23 Nws hais rau lawv tib si : “Leej twg ntshaw lawv kuv qab tuaj, nws txhob paub nws kheej thiab yuav niaj hnub pus nws tus ntoo cuam caum kuv,
24 Vim tus xav cawm nws ntsuj plig yuav ua nws plam plhuav ; tus ua poob nws ntsuj plig tim kuv, tus ntawd cawm tau nkaus nws.”


0 commentaires: