COV ZAJ NYEEM HNUB TIM 14/07/2013

( Hnub chiv 15, Nruab Xyoo C )
  • Zaj nyeem 1 : Txoj Cai Ob 30,10-14
10 Vim koj mloog koj tus Huab Tais Tswv Ntuj lub suab, ua li nws lus tseev cia thiab kom tseg thiab sau rau hauv phau ntawv Txoj Cai no kom koj rov los cuag koj tus Huab Tais Tswv Ntuj nrog tas koj lub siab thiab koj tus ntsuj.
11 Vim lo lus tseev cia uas kuv tau kom koj hnub no nws tsis dhau dhau thiab tsis deb npaum rau koj.
12 Tsis yog puag qaum ntuj kom hais tias : Leej twg thiaj nce txheej ntuj saud muab rau peb thiab pub peb hnov nws peb thiaj yuav ua ?
13 Thiab nws kuj tsis yog hiav txwv sab nraum ub kom hais tias : Leej twg yuav hla hiav txwv sab nraum ub rau peb thiab pub peb hnov nws peb thiaj yuav ua ?
14 Vim lo lus ze ntawm koj tshaj plaws, hauv koj lub ncauj thiab hauv koj nruab siab kom ua li nws.

  • Zaj nyeem 2 : Kos Los Xais 1, 15-20
15 Nws yog tus Tswv Ntuj ploj loog tus duab, tus xub yug tas txhua yam,
16 Vim txhua yam tsim los hauv nws, yam txheej ntuj saum thiab saum daim av, yam pom tau thiab yam ploj loog, tej theej kiab, tej huab tais, cov nrim teb thiab tej peev xwm, tos txhua yam tsim tau vim nws thiab rau nws,
17 Yog nws tus thawj tag nrho thiab txhua yam txawm tau hauv nws,
18 Thiab nws yog lub cev, koom txoos lub taub hau, yog nws tus chiv keeb, tus xub yug hauv tsoom tub tuag, xwv hauv tas txhua nrho tus thawj yog nws,
19 Vim hauv nws tag nrho puav leej txawm tau zoo kom los nyob,
20 Thiab tim nws tas txhua yam tsis hais saum ntiaj teb thiab txheej ntuj saud nyob thaj yeeb los vim tus nqi ntshav ntawm nws tus ntoo cuam.

  • Lus Kas Ntawv Moo Zoo 10, 25-37
25 Muaj ib tug thoob xwm sawv los sim nws hais tias : “Xib Hwb, yuav ua li cas kuv thiaj yuav muaj txoj sia nyob ib txhis ua kuv tug ?”
26 Yes Xus hais rau nws tias : “Muaj dab tsi sau tseg hauv Txoj Cai ? Koj nyeem zoo li cas ?”
27 Tus no teb hais tias : “Koj yuav hlub Huab Tais, koj tus Tswv Ntuj, tas koj siab ntsws, tas koj ntsuj plig, tas koj lub zog, tas koj lub tswv yim thiab tus ze ze koj ib yam li koj tus kheej.”
28 Nws thiaj hais rau tus ntawd : “Koj txawj teb kawg, koj ua li ntawd, koj yuav ciaj sia.”
29 Tus no xav tias nws txawj ua tus ncaj ncees lawm txawm hais rau Yes Xus : “Tus ze ze kuv yog leej twg ?”
30 Yes Xus txais nkaus hais tias : “Muaj ib tug tib neeg nqes ntawm Yes Lus Xas Les mus rau nram Yes Lis Kos poob nthav nruab nrab ib co tub sab, lawv muab nws lwg tas, ntaus nws ntau qws yuav ciaj yuav tuag khiav lawm.
31 Ciav ib tug leej choj nqes tom thawj txoj kev ntawd tuaj, pom dheev nws lug zoj kev lawm ;
32 Tus Les Vis tuaj txog tib thaj chaw, ua tib yam, pom dheev lug zoj lawm.
33 Tab sis tus Xas Mas Lias neeg taug kev txog ntawm nws, pom dheev ua nws mob siab qeeg qas daws,
34 Thiab txav zoj los hliv roj thiab hliv cawv qhwv tus ntawd tej qhov txhab, muab zaum saum eeb coj mus tom ib lub tsev qhua rau siab tu tus ntawd.
35 Tag kis, nws rho tau ob lub txiaj nyiag rau tus tswv tsev txais qhua hais tias : Koj tu nws, yam koj tau siv tshaj, thaum kuv rov qab los, kuv yuav ntxiv rau koj.
36 Saib koj, ntawm lawv peb leeg no leej twg ua tus ze ze rau tus poob hauv cov tub sab tes ?”
37 Tus no teb tias : “Tus tau khuv leej luag.” Yes Xus hais rau nws : “Koj thiab, mus koj ua tib yam li ntawd.”

0 commentaires: