COV ZAJ NYEEM HNUB TIM 08/09/2013

Chiv 23 Nruab Xyoo C

  •  Zaj nyeem 1 : Thoob Tsib 9,13-18
13 Leej tib neeg twg paub tau Tswv Ntuj zaj ? Leej twg mem tau yam Huab Tais siab nyiam ?
14 Peb cov txawj tuag tej tswv yid qauj les thiab lub hom phiaj zuav zaws.
15 Lub cev ciab zib hnyav ntsuj plig thiab daim vuas av luaj ntxhov tswv yim ntau zaj.
16 Yam saum av peb twb xam tsis thoob thiab ntawm tes twb ceeb laj, yam saum qaum ntuj leej twg txawj xam ?
17 Leej twg paub tau koj zaj, yog koj tsis pub kev thoob tsib thiab tsis xa koj ntsuj plig ntshiab puag txheej saud tuaj ?
18 Cov nyob saum daim av txoj kev thiaj pom qab taug, tib neeg thiaj paub kawm yam ntxim koj siab thiab kev thoob tsib thiaj cawm tau lawv.

  • Zaj nyeem 2 : Fis Les Moos 9b-10.12-17
9 Vim kev hlub kuv thiaj tsa ncauj thov, Paj Lug tus kuv no, twb laus qas nkoos thiab ua Yes Xus tus neeg nyob nkuaj,
10 Kuv tsa ncauj thov koj hais txog kuv tus me nyuam Os Nes Xis, tus kuv yug tau txawm tias saw hlau suab yi,
12 Kuv xa nws rau koj, nws zoo tam kuv tej plab plaw,
13 Kuv li, kuv yeej xav cia nws nyob ze kuv tus kheej tiam kuv taj koj chaw vim lub Moo Zoo saw hlau thiaj suab yi,
14 Kuv yuav tsis ua dab tsi yog tsis xub nug koj tso, xwv qhov zoo koj ua ntawd tsi yog muab txhob rau koj, tsuas xav kom zoo siab hlo.
15 Ntshai yog li ntawd nws thiaj ncaim tau ib ntus xwv koj rov txais nws tus kheej mus ib txhis,
16 Txhob saib li qhev hos kom tshaj tus qhev, li tus kwv tij ntxim hlub, loj heev rau kuv, kuj yuav tshaj rau koj hauv cev nqaij thiab hauv Huab Tais.
17 Yog tias koj xam kuv ua kwv luag ces koj txais nws tam li kuv.

  • Lus Kas Ntawv Moo Zoo 14, 25-33
25 Tej pab neeg coob nrog nws taug kev, tig ntiag lees los nws hais rau lawv:
26 “Leej twg tuaj nrog kuv thiab nws tus kheej tsis ntxub nws niam nws txiv, nws poj niam me nyuam, nws cov kwv tij thiab cov muam thiab ntxiv nws tus kheej txoj sia, nws ua tsis tau kuv thwj tim.
27 Tus tsis pus nws tus ntoo cuam thiab tuaj caum kuv qab yuav ua tsis tau kuv thwj tim.
28 Leej twg hauv nej xav txhim ib tug pej thuam, tsis xub zaum xam phaj tus nqe saib nws puas muaj txaus ua kom tiav,
29 Ntshai tsam nws pib txhim cov taw ntsa tas tsis muaj peev xwm ua kom tiav, luag ob cag pom luag yuav pib thuam nws :
30 Tus neeg no pib txhim, ho tsis muaj peev xwm ua kom tiav !

0 commentaires: