COV ZAJ NYEEM HNUB TIM 08/12/2013

Chiv 2 Lub caij tos Huab Tais Xyoo A

  • Zaj nyeem 1 : Yaws Xas Yas 11, 1-10
1 Ib tug ntsuag yuav hlav ntawm Yiv Xam tus kav, ib tug kaus nthaw ntawm nws cag yuav txi txiv.
2 Huab Tais txoj sia yuav tsaws saum nws, txoj sia thoob tsib thiab ntse, txoj sia tuav xam zog loj, txoj sia paub qab hau thiab hwm Huab Tais.
3 Nws tus pa hwm Huab Tais yuav tsis txiav txim li nws qhov muag pom thiab yuav tsis txiav siab li nws pob ntseg hnov.
4 Nws yuav txiav txim ncaj ncees rau cov muag luav thiab yuav txiav haum rau cov me nyuam neeg hauv teb chaws thiab yuav nplawm lub teb chaws nrog tus cwj ntawm nws lub ncauj thiab tus pa ntawm nws di ncauj yuav ua tus lim hiam tuag.
5 Kev ncaj ua txoj siv ntawm nws duav thiab kev tseeb ua txoj siv ntawm nws ntsag.  
6 Tus hma nrog tus nyuam yaj nyob, maum tsov puag tus nyuam tshis pw, ib tug me nyuam tub yuav coj tus xyuas nyuj, tus nyuam tsov thiab tus tsiaj rog yuav npoj.
7 Nyuj thiab dais yuav nog zaub, lawv tej me nyuam yuav pw ua pawg, tus tsov ntxhuav yuav noj quav nyab li tus tsiaj loj.
8 Tus me nyuam noj mis fab fo ncauj qho nab raj, tus cais mis xyab tes rau nab txaig qho.
9 Luag yuav tsis ua phem thiab tsis puas ntsoog saum kuv kev ntshiab lub roob, vim kev paub Huab Tais thoob plaws teb chaws li dej npog hiav txwv.
10 Hnub ntawd, Yiv Xam tus cag yuav txhos nris li cov haiv neeg tus chij, cov teb chaws yuav nrhiav nws, lub hwj chim yuav yog nws chaw nyob.
  • Zaj nyeem 2 : Los Mas 15,4-9
4 Yam tau sau ua ntej yog sau qhuab qhia peb kom kev tos thiab kev nplij hauv Ntawv Ntshiab ua kom peb tau txais li kev vam,
5 Tus Tswv Ntuj hauv kev tos thiab kev nplij pub kom nej ua neej sib puag npoo ib tug nrog tug raws li Leej Pleev Yes Xus,
6 Kom xwv nej ua tib tug ntsuj nrog tib lub ncauj qhuas Tswv Ntuj peb tus Huab Tais Yes Xus Pleev Leej Txiv,
7 Vim li, nej ib leeg yuav txais ib leeg xws li Leej Pleev txais nej rau Tswv Ntuj lub hwj chim,
8 Kuv hais li no, Leej Pleev ua tub txib rau cov hlais tawv vim Tswv Ntuj kev ncaj ncees ua tau li cov lus cog tseg rau cov yawg koob ;
9 Hos tej pej kum neeg qhuas Tswv Ntuj vim kev khuv leej raws li sau tseg : yog li, kuv yuav cav txog koj thiab seev koj npe hauv tsoom pej kum neeg ;

  • Mas Tais 3,1-12
1 Hauv cov hnub nyoog ntawd, Zam Ntxuav Plig tshwm tuaj tshaj xo nyob Yus Das hav suab puam.
2 Nws hais tias : “Nej yuav thim xav, vim txheej ntuj saud kav tuaj ze lawm.”
3 Vim tus saub Es Xais tau teev npe hais txog : Tus qw hauv suab puam npaj Huab Tais txoj kev, ua kom nws txoj kab ncaj rau.
4 Zam cev khaub ncaws yog plaub thauj thiab sia siv tawv ncig nws duav, muab kab kooj thiab zib mu ua nws tej txhiam xws.
5 Tas Yes Lus Xas Les thiab Yus Das thiab cheeb tsam Yos Las Das tawm mus cuag nws,
6 Ua kab ke ntxuav lawv hauv dej Yos Las Das lees lawv tej txhaum.
7 Pom cov Fas Lis Xais thiab cov Xas Dus Kais coob leej tuaj rau nws ntxuav, nws hais rau lawv : “Caj ces nab raj, leej twg qhia nej khiav deb ntawm txoj kev npau yuav tuaj no ?
8 Kav tsij txi txiv ntxim tus neeg hloov tshiab,
9 Tseg kiag txhob xav hauv nej nruab siab : Peb muaj Has Nplas Has ua peb txiv. Kuv hais rau nej, Tswv Ntuj ua tau kom cov pob zeb no tshwm sim me nyuam rau Has Nplas Has.
10 Rab taus twb tso ntawm tus cag ntoo lawm, tsob ntoo tsis txi txiv zoo yuav tau muab txiav thiab xyeeb hauv hluav taws.
11 Kuv li, ib qho kuv ntxuav nej ntawm dej kom hloov tshiab, lwm qhov tus lawv kuv qab tuaj muaj zog tshaj kuv, kuv tsis muaj cuab kav hle nws khau, nws yuav ntxuav nej hauv Leej Ntuj Plig Ntshiab thiab hauv hluav taws.
12 Rab ntxuam nyob hauv nws tes, nws yuav ntxuaj nws lub tshav thiab yuav sau nws cov nplej rau hauv txhab, hos lub npluag yuav hlawv hauv taws tsis txawj kug.”

0 commentaires: