COV ZAJ NYEEM HNUB TIM 15/12/2013

Chiv 3 Tos Huab Tais Xyoo A
  • Zaj nyeem 1 : Yaws Xas Yas 35, 1-6a.10
1 Hav suab puam thiab av nkig yuav zoo nej siab hlo, tiaj nras yuav laim txias hom khaj nra paug li paj dos.
2 Tawg paj kav tsij tawg laim txias hom khaj tsa suab see deeg daws txais Lis Npas Nos hwj chim thiab lawv yuav pom roob Kas Mes thiab Xas Los cev zam thiab Huab Tais hwj chim thiab peb tus Tswv Ntuj cev zam.
3 Sam zog puv npo rau txhais tes muag ncee, lub caug tshee na muaj sia.
4 Nej hais rau cov poob plig : “Ua siab tawv, txhob txhawj, saib ov, nej tus Tswv Ntuj kev pauj, nws kev pab, Tswv Ntuj yuav tuaj cawm nej,
5 Cov dig qhov muag yuav rua hlo, cov lag pob ntseg yuav qhib plho,
6 Tus ceg tawv yuav dhia rhees li tus kauv, tus piav tes yuav qw tsheej suab, 10 Huab Tais cov neeg nws txhiv tuaj dug dam tuaj mus rau Txhis Yoos ua suab see yees zoo siab tsis txawj tag, pliaj plhu luag nyav, kev chawj chim yaj ntshis.
 

  • Zaj nyeem 2 : Yas Kos Npos 5,7-10
7 Kwv tij, nej yuav siab ntev tiag kom txog thaum Huab Tais tuaj. Saib tus ua qoob ua siab ntev tos tej txiv zoo ntawm thaj av mus txog thaum nws tau cov cauj thiaj cov taj huv si.
8 Nej yuav ua siab ntev tib yam nkaus, tso siab khov kho, vim Huab Tais twb tuaj yuav txog.
9 Kwv tij, nej ib tug txhob yws rau ib tug thiaj tsis raug txiav txim ; tus txiav txim twb nyob ntawm qhov rooj lawm.
10 Kwv tij, nej xyaum cov yaj saub kev raug quab yuam thiab siab ntev ua nej tus piv txwv thaum lawv sawv tshaj lus ua Huab Tais npe.

  • Mas Tais 11,2-11
2 Zam nyob hauv tsev loj faj, nws hnov hais txog Leej Pleev tes hauj lwm, xa tau nws cov thwj tim tuaj,
3 Nug tias : “Koj puas yog tus yuav tuaj tus peb tos los yog lwm tus ?”
4 Yes Xus teb rau lawv tias : “Nej mus tshaj rau Zam tej yam nej hnov thiab pom :
5 Cov dig rov pom kev, cov ceg rov mus taus, cov mob ruas huv tuaj lawm, cov lag piav tes rov hnov, cov tuag sawv tsees los, cov pluag txais lub Moo Zoo ;
6 Tus tsis this kuv ua nws poob ntsej muag nws hmoov zoo.”
7 Thaum cov ntawd mus lawm, Yes Xus pib hais txog Zam rau npoj neeg : “Nej mus pom dab tsi tom hav suab puam ? Ib tug nqeeb cua nplawm co ncuj ncee ?
8 Nej tawm mus pom dab tsi ? Ib tug neeg hnav tsoos tsuj tsoos npuag ? Cov hnav tsoos tsuj tsoos npuag nyob hauv vaj ntxwv tej tsev.
9 Nej tawm mus pom dab tsi ? Ib tug saub ? Tseeb, kuv hais rau nej tseem tshaj tus saub.
10 Yog nws, lo tau sau tseg : “Yog kuv, tus xa kuv tus tshaj xo taj koj pliaj plhu npaj koj txoj kev ua koj ntej.
11 Kuv hais tseeb rau nej : tsis muaj tus sawv loj tshaj Zam Ntxuav Plig hauv tsoom poj niam yug tau ; tab sis, tus me tshaj saum qaum ntuj lub ntuj tseem loj tshaj nws.”

0 commentaires: