COV ZAJ NYEEM HNUB TIM 22/12/2013

Chiv 4 Tos Huab Tais Xyoo A
  • Zaj nyeem 1 : Yaws Xas Yas (Es Xais) 7, 10-16
10 Huab Tais hais ntxiv rau As Kas :
11 “Tsa ncauj thov ib lub cim rau koj ntawm Huab Tais koj tus Tswv Ntuj puag nruab yeeb tub tuag teb los puas saum lub chaw siab saum ub”
12 As Kas hais tias : “Kuv yuav tsis thov tsis xav sim Huab Tais.”
13 Nws hais tias : “Das Vis tsev neeg, thov nej mloog ! Nej ua rau neeg ceeb laj haj tsawg ! Nej tseem yuav ceeb laj kuv tus Tswv Ntuj.
14 Yog li, Huab Tais yuav pub ib lub cim rau nej. Saib ov ! Tus hluas nkuaj cev hnyav yuav yug tub thiab yuav hu nws npe ua Is Mas Nus Es.
15 Nws yuav noj roj mis thiab zib ntab mus txog thaum nws paub xyeeb qhov phem xaiv qhov zoo.
16 Vim ua ntej tus nyuam tub txawj xyeeb qhov phem xaiv qhov zoo, thaj av koj dhuav ob tug vaj ntxwv no yuag raug tso pov tseg.
 
  • Zaj nyeem 2 : Los Mas 1,1-32
1 Paj Lug, Yes Xus Pleev tus qhev, hu ua xa moo, qee cia ib cag rau Tswv Ntuj lub Moo Zoo.
2 Tswv Ntuj twb xub cog cov lus Moo Zoo rau nws cov saub hauv cov Ntawv Ntshiab
3 Hais txog nws Leej Tub cev nqaij yug ntawm Das Vis caj ces,
4 Tsa Tswv Ntuj Leej Tub muaj hwj huam raws Leej Ntuj Plig Ntshiab, Yes Xus Pleev peb tus Huab Tais, sawv li tsees hauv tsoom tub tuag los
5 Peb txais txiaj ntsim thiab kab xwm ntawm nws rau tsoom pej kum mloog kev ntseeg vim nws lub npe
6 Nej thiab ntag, nej yog Yes Xus Pleev cov hu txog
7 Tas nrho nej cov nyob Los Mas cov Tswv Ntuj hlub, hu ua ntshiab, kom nej muaj peb Txiv Tswv Ntuj thiab Huab Tais Yes Xus Pleev txiaj ntsim thiab kev thaj yeeb.

  • Mas Tais Ntawv Moo Zoo 1,18-24
18 Yes Xus Pleev lub keeb chiv yog li no : Nws leej niam Mab Liab muab qhaib rau Yos Xes, ua ntej nkawd los nyob ua ke, txawm muaj Leej Ntuj Plig Ntshiab hauv plab.
19 Nws tus txiv Yos Xes, neeg ncaj, tsis xav muab nws xyav, npaj nrauj nws twj ywm.
20 Nws tseem xav tau li ntawd, Huab Tais tus tshiab ua yog toog tshwm tuaj rau nws hais tias : “Yos Xes, Das Vis leej tub, txhob ntshai mus coj Mab Liab koj tus poj niam ; hauv nws xeeb los ntawm Leej Ntuj Plig Ntshiab ;
21 Nws yuav yug tub, koj yuav hu lub npe Yes Xus rau nws ; vim nws yuav cawm nws haiv neeg ntawm lawv tej txhaum.
22 Muaj li ntawd tuaj kom xwv ua tau raws li Huab Tais tau hais rau nws tus saub tias :
23 Tus nkauj xwb yuav xeeb hauv plab, nws yuav yug tub, luag yuav hu lub npe Es Mas Nus Es rau nws, txhais tias : Tswv Ntuj nrog peb”
24 Yos Xes tsim dheev nruab dab ntub, nws ua raws li Huab Tais tus tshiab hais ntsoov rau nws thiab mus coj nws poj niam los




0 commentaires: