COV ZAJ NYEEM HNUB TIM 05/01/2014

Chiv Huab Tais Tshwm Tuaj - Xyoo A
  • Zaj nyeem 1 : Yaws Xas Yas (Es Xais) 60,1-6
1 Sawv tsees, Yes Lus Xas Les ! Luag ntxhi : koj txoj kev pom kev tuaj txog lawm thiab Tswv Ntuj lub hwj chim sawv tuaj saum koj,
2 Saib ov ! ntuj tsaus ntais qhwv tas daim av thiab teb tsaus nti qhwv cov haiv neeg ; tab sis Huab Tais sawv los saum koj thiab nws lub hwj chim ci tuaj saum koj,
3 Tej teb chaws yuav sawv kev tuaj cuag koj txoj kev pom kev thiab tej vaj ntxwv cuag koj kev kaj lug,
4 Tsa muag ntsia ib ncig ntawm koj : tas sawv daws sib sau tuaj zom zaws ; koj cov tub los deb deb los, lawv puag koj cov ntxhais ntawm npab,
5 Koj yuav pom, koj yuav luag ntxhi, yuav sov koj siab thiab ua koj siab nthuav loj. Thooj nyiaj kub sab dej hiav txwv nraum ub yuav sis dug tuaj cuag koj nrog cov teb chaws nplua nuj,
6 Tej npoj ntxhuav yuav tuaj vij koj nrog Mas Dias thiab Es Fas cov thauj, tas cov neeg Ses Npas nqa kub thiab xyab ntaw tuaj cav lus zoo txog Huab Tais,



  • Zaj nyeem 2 : Es Fes Xos 3,2-3a.5-6
2 Peb Leej Txiv Tswv Ntuj thiab Huab Tais Yes Xus Pleev lub txiaj ntsim thiab kev thaj yeej rau nej,
3 Peb tus Huab Tais Yes Xus Pleev Leej Txiv Tswv Ntuj tus nto meej nto moo, 5 Ntxov fij peb ua nws cov tub sau rau nws vim Leej Pleev Yes Xus tam zoj nws lub siab zoo lub siab ntshaw,
6 Rau nws kev nto meej nto moo thiab lub txiaj ntsim tsam rau peb hauv tus hlub peb,



  • Mas Tais 2,1-12
1 Yes Xus yug los nyob Npes Les Hes, Yus Das teb, thaum lub caij Hes Los ua vaj ntxwv, cov txiv muam sab Toob Fab tuaj txog Yes Lus Xas Les,
2 Lawv hais tias : “Cov Yus Das tus vaj ntxwv nyuam qhuav yug los nws nyob qhov twg ? Peb pom nws lub hnub qub sab Toob Fab, peb tuaj pe hawm nws.”
3 Hnov li ntawd, vaj ntxwv Hes Los lub siab nphau npog nrog tas Yes Lus Xas Les huv si,
4 Nws hu tas cov thawj leej choj thiab cov kws ntawv hauv tsoom pej xeem tuaj sib sau nug kom paub lub chaw Leej Pleev yug los,
5 Cov ntawd hais rau nws : “Nyob Npes Les Hes, Yus Das teb, vim saub tau sau tseg tias:
6 Koj li, Npes Les Hes, av Yus Das, koj tsis yog tus khee tw hauv Yus Das cov zos tseem ceeb ; vim tus tsav thawj yuav tawm ntawm koj los, nws yuav zov kuv haiv His Xas Lais.”
7 Ces Hes Los txawm hu twj ywm cov txiv muam tuaj, kom lawv qhia meej rau nws lub caij twg lub hnub qub tau tshwm tuaj,
8 Thiab nws xa lawv mus Npes Les Hes nws hais tias : “Nej mus no, mus tshuaj kom meej txog tus me nyuam ; thaum nej nrhiav tau nws lawm, nej xa xov rau kuv, kom kuv tau mus pe hawm nws thiab.”
9 Tus vaj hais cov lus ntawd tas, lawv txawm sawv kev mus ; ua ciav, lub hnub qub lawv pom sab Toob Fab mus ua lawv ntej nres nroos saum qhov chaw tus me nyuam nyob,
10 Thaum lawv pom lub hnub qub, lawv muaj kev zoo siab loj kawg ,
11 Thaum lawv chaws mus hauv tsev, lawv pom tus me nyuam nrog nws niam Mab Liab, lawv nyo nris pe hawm nws ; lawv qhib lawv cov cuab tam kub thiab xyab thiab txab tshuaj ua paj tshab rau nws,
12 Ceeb toom hauv lawv zaj yog toog kom txhob rov mus cuag Hes Los, lawv rov fib qab taug lwm txoj kev mus lawv teb chaws lawm,



0 commentaires: