COV ZAJ NYEEM HNUB TIM 12/01/2014

Chiv Huab Tais Txais Lub Cim Ntxuav - Xyoo A
  • Zaj nyeem 1 : Yaws Xas Yas (Es Xais) 42,1-4.6-7
1 Saib ov ! Kuv tus tub txib kuv txhawb, kuv xaiv nws, kuv ntsuj plig txaus siab, kuv txoj sia nyob saum nws, nws yuav ua ncaj ncees tawm rau cov teb chaws,
2 Nws yuav tsis qw, tsis tsa, tsis ua hnov nws lub suab nraum tej kev.
3 Tus kaus tauj lov nws yuav tsis muab dam, tus nplaim qauj les nws yuav tsis tua, nws yuav ua qhov ncaj tawm plaws li muaj tseeb.
4 Nws tsis lam tais caus, tsis tsum kom txog txij nws txawb qhov ncaj saum daim av thiab cov pov txwv tos ntshis nws txoj cai.
5 Huab Tais Tswv Ntuj hais li, tus tsim qaum ntuj loj li tom cas thiab kom av dav rau nws tub ki pub txoj pa rau haiv neeg, txoj sia rau cov mus los saum nws.
6 Tus kuv Huab Tais, tus hu koj rau txoj tseem, kuv tuav koj tes, zov rawv koj, pub rau koj ua chaw cog lus haiv neeg ua tej teb chaws qhov pom kev,
7 Kom qhib cov dig qhov muag, tso tus raug txim tawm qhov taub thiab cov nyob hauv kev tsaus ntuj dim plaws nkuaj.
  • Zaj nyeem 2 : Hauj Lwm 10,34-38
34 Pob Zeb qhib ncauj hais tias : Qhov tseeb, kuv zeem tau tias Tswv Ntuj tsis saib ntsej ua plhu,
35 Hauv tas txhua haiv neeg leej twg hwm nws coj tau yog ua xis nws siab.
36 Lo lus tshaj tuaj rau tsoom tub ki His Xas Lais qhia kev thaj yeeb lub Moo Zoo tim Yes Xus Pleev, nws yog sawv daws tus Huab Tais.
37 Nej li, nej twb paub ntsoov lo lus tshwm sim thoob Yus Das teb, pib ntawm Nkas Lis Lais txij Zam tshaj lub cim ntxuav tas,
38 Yes Xus Nam Xas Les uas Tswv Ntuj muab Leej Ntuj Plig Ntshiab pleev nws li cas thiab hwj huam, nws hla tuaj ua qhov zoo thiab kho zoo tag tej neeg raug dab phem lem vim Tswv Ntuj nrog nws.
  • Mas Tais 3,13-17
13 Yes Xus tawm plaws Nkas Lis Lais tuaj Yos Las Das cia Zam ua kab ke ntxuav.
14 Zam tsis kam lees nws hais tias : “Yog kuv, tus vam kom koj ntxuav, koj tseem tuaj cuag kuv.”
15 Teb ntua, Yes Xus hais rau nws : “Cia ua li ntawd tam sis no thiaj haum rau wb ua kom yog.” Nws thiaj cia li.
16 Ntxuav plig tas, Yes Xus tawm plaws tam sim hauv dej, qaum ntuj qhib plho, nws pom Tswv Ntuj Leej Ntsuj Plig nqes yam tus nquab tuaj saum nws 17 Ib lub suab tuaj saum qaum ntuj hais tias : “Tus no yog kuv Leej Tub tus ntxim hlub, kuv txaus siab hauv nws.”


0 commentaires: