COV ZAJ NYEEM HNUB TIM 19/01/2014

Chiv 2 Nruab Xyoo A
  • Zaj nyeem 1 : Yaws Xas Yas (Es Xais) 49,3.5-6
3 Nws hais rau kuv : Koj, His Xas Lais, kuv tus tub txib hauv koj kuv yuav ua kom kuv nto koob meej.
5 Ziag no, Huab Tais hais, nws tsim kuv puag hauv plab li tub txib rau nws kom coj Yas Kos los cuag nws thiab His Xas Lais tuaj sib txoos rau nws, kuv muaj koob meej ntawm Huab Tais thiab kuv tus Tswv Ntuj yog kuv lub zog.
6 Nws hais tias : Tsawg dhau qhov koj ua tub txib rau kuv tsa Yas Kos cov xeem sawv los thiab coj His Xas Lais cov seem los, kuv yuav pub koj ua teeb pom kev rau cov teb chaws, ua kuv tus cawm seej txog puag npoo ntiaj teb.


  • Yaj nyeem 2 : 1 Kos Lis Nthos 1,1-3
1 Paj Lug, hu los ua Yes Xus Pleev tus tshaj xo vim Tswv Ntuj pom zoo thiab tus kwv tij Xos Thes Nes,
2 Rau Tswv Ntuj lub Koom Txoos nyob Kos Lis Nthos, rau cov ntshiab huv hauv Yes Xus Pleev, los ua neeg ntshiab, nrog tas txhua leej tuav txog peb tus Huab Tais Yes Xus Pleev lub npe tas qhov txhia chaw, lawv thiab peb tus
3 Thov kom peb Leej Txiv Tswv Ntuj thiab Huab Tais Yes Xus Pleev txiaj ntsim thiab kev thaj yeeb rau nej.

  • Zam Ntawv Moo Zoo 1,29-34
29 Tag kis, nws pom Yes Xus tuaj ntawm nws, nws hais tias : “Saib ov ! Tswv Ntuj Leej Yaj, tus daws qab ntuj neeg cov txhaum.
30 Yog tus ntawd, tus kuv tau hais : Tuaj ib tug neeg lawv kuv qab, nws ua kuv ntej, vim nws yog kuv tus thawj.
31 Kuv tsis paub nws, kom xwv nws tshwm sim rau His Xas Lais, vim li ntawd, kuv tuaj ntxuav hauv dej.”
32 Zam ua tim khawv hais tias : “Kuv pom xyeem Leej Ntuj Plig nqes saum ntuj los xws li nquab nyob rau saum nws.
33 Kuv tsis paub nws, tab sis tus xa kuv tuaj ntxuav hauv dej, tus ntawd hais rau kuv : Saum tus koj yuav pom Leej Ntuj Plig nqes los nyob saum nws, tus ntawd yog tus ntxuav hauv Leej Ntuj Plig Ntshiab.
34 Kuv li kuv pom thiab ua tim khawv tias tus no yog Tswv Ntuj Leej Tub.”

0 commentaires: