COV ZAJ NYEEM HNUB TIM 31/05/2015

Huab Tais Peb Leeg
Txoj Cai Ob 4, 32-34.39-40

32 Koj nug cov thawj hnub nyoog ua koj ntej, txij hnub Tswv Ntuj tau tsim noob neej saum daim av sab ntuj no txog puag npoo ntuj ub, saib puas muaj tus tsav tsi loj cuag li no, puas tau hnov dua tej yam zoo li no :
33 Puas muaj ib haiv neeg hnov dua Tswv Ntuj lub suab lus nruab nrab hluav taws li koj hnov thiab nws tseem ciaj nyob ?
34 Puas muaj ib tug tswv ntuj twg tuaj coj ib haiv neeg nruab nrab lwm haiv neeg rau nws ua tau hwj huam, cim thiab txuj ci cev tes loj npab ntshuas ntug ntoob los tiv qawv txaus ntshai npaum li nej tus Huab Tais Tswv Ntuj ua rau nej qhov muag ntsia ntsoov nyob Hais Nkws Tos ?
39 Koj paub hnub no, nco ntsoov hauv koj nruab siab tias Huab Tais nws yog Tswv Ntuj saum qaum ntuj thiab saum daim av tsis muaj dua lwm tus.
40 Koj cim ntsoov nws cov lus qhub thiab lus qhia hnub no kuv kom koj mloog kom xwv zoo rau koj thiab tub ki thiab xeeb ntxwv nej siav yuav ntev dhawv saum npoo av koj tus Huab Tais Tswv Ntuj pub rau koj mus ib txhis.

 

Los Mas 8, 14-17

14 Cov neeg cia Tswv Ntuj Leej Ntsuj Plig coj ke, lawv yog Tswv Ntuj tub ki.
15 Vim nej tsis txais tus ntsuj plig qhev tais caus lawm, hos nej txais tus Ntsuj Plig cag, vim nws peb thiaj hais tias : As Npas, Txiv.
16 Leej Ntsuj Plig kheej lees peb ntsuj plig tias peb yog Tswv Ntuj me nyuam.
17 Pom xeeb yog me nyuam kuj yog cag, ciaj Tswv Ntuj cag thiab nrog Leej Pleev, nrog nws txom nyem, peb thiaj nrog nws muaj hwj chim.


Mas Tais Ntawv Moo Zoo 28,16-20

16 Pab kaum ib leeg thwj tim sawv kev mus rau Nkas Lis Lais nyob saum lub roob ntawm Yes Xus tau teem rau lawv,
17 Pom dheev nws, lawv txhos caug pe, tiam sis lawv tseem ua xyem xyav;
18 Txav zoj los, Yes Xus tham rau lawv hais tias: “Tej hwj huam saum ntuj thiab saum daim av muab rau kuv tag.
19 Mus ua thwj tim kom tas txhua haiv neeg, ntxuav lawv plig hauv Leej Txiv thiab Leej Tub thiab Leej Ntuj Plig Ntshiab lub npe,
20 Qhuab qhia lawv hwm tag tej kuv tau kom rau nej, hos kuv niaj hnub nrog nraim nej mus txog lub caij kawg.

Alléluia. Alléluia.
Gloire au Père, et au Fils, et au Saint-Esprit : au Dieu qui est, qui était et qui vient !
Alléluia.

Évangile de Jésus Christ selon saint Matthieu 28,16-20

En ce temps-là,
les onze disciples s’en allèrent en Galilée,
à la montagne où Jésus leur avait ordonné de se rendre.
Quand ils le virent, ils se prosternèrent,
mais certains eurent des doutes.
Jésus s’approcha d’eux et leur adressa ces paroles :
« Tout pouvoir m’a été donné au ciel et sur la terre.
Allez ! De toutes les nations faites des disciples :
baptisez-les au nom du Père, et du Fils, et du Saint-Esprit,
apprenez-leur à observer
tout ce que je vous ai commandé.
Et moi, je suis avec vous
tous les jours jusqu’à la fin du monde. »



TP Cwj Vuam Chiv



0 commentaires: