COV ZAJ NYEEM HNUB TIM 29/11/2015

Chiv 1 Tos Huab Tais Xyoo C


I Mias Hus 33,14-16

14 Huab Tais tsa ncauj tias : cov hnub ntawd tuaj txog, kuv yuav ua kom tau li lo zoo lus kuv tau tshaj rau His Xas Lais tsev thiab rau Yus Das tsev.
15 Lub caij cov hnub nyoog ntawd, kuv yuav ua kom yub nthaw rau Das Vis ib tug yub ncaj nws yuav ua ncaj ua yog hauv teb chaws.
16 Cov hnub nyoog ntawd, Yus Das yuav tau kev cawm, Yes Lus Xas Les yuav nyob tus yees, luag yuav hu nws ua : “Huab Tais, peb kev ncaj ncees.”

1 Tes Xas Los Nis 3,12–4,2

12 Thov Huab Tais ua kom nej loj hlob thiab huam vam kev hlub ib tug rau ib tug thiab rau sawv daws li peb rau nej,
13 Kom txhawb tau nej tej siab txhob muaj kiam hauv kev ntshiab huv ntawm peb Leej Txiv Tswv Ntuj hauv peb tus Huab Tais Yes Xus hnub nrog nws tsoom leej ntshiab.
1 Dua li ntawd, kwv tij, peb hais nej thiab txhib nej hauv peb tus Huab Tais Yes Xus, nej twb tau kawm ntawm peb yuav taug txoj kev twg thiaj ntxim Tswv Ntuj, xwv nej taug txoj ntawd nej thiaj yuav txawj tshaj ntxiv.
2 Vim nej twb paub cov cai Huab Tais Yes Xus kom peb hais rau nej.

Lus Kas 21,25-28.34-36

25 Yuav muaj tej lub cim saum lub hnub, saum lub hli thiab cov hnub qub, nyob saum daim av, cov haiv neeg kev ntshai txhawj rau qhov hiav txwv nphau ua doog diaj,
26 Tib neeg ntshai yuav tuag tos tej xwm yuav tuaj hauv yaj ceeb no, vim tej hwj huam txheej ntuj saud yuav nphau tag.
27 Ces lawv yuav pom neeg Leej Tub tuaj saum ib twv huab muaj hwj huam thiab hwj chim loj tas nrho,
28 Thaum tej xwm ntawd pib tuaj, nej sawv tsees thiab tsa nej taub hau, kev txhiv nej tuaj txog ze lawm.
34 Nej ceev faj nej tus kheej tsam nej lub siab qaug rau kev quav dej quav cawv thiab lub neej laum siab, tos nco hnub ntawd raug nej,
35 Yam lub vas, sua zog txhua qhov chaw tas nrho saum daim av.
36 Kom nej xyuam xim, teev ntuj txhua sij hawm, nej thiaj muaj zog maim thaum tej ntawd tuaj txog thiab sawv taus ntsug ntawm neeg Leej Tub.


TP Cwj Vuam Chiv

0 commentaires: