COV ZAJ NYEEM HNUB TIM 13/12/2015

Chiv 3 Tos Huab Tais C

  • Xos Fos Nias 3,14-18a
14 Seev yees Txhis Yoos me ntxhais, tsa suab hlo His Xas Lais, zoo siab hom khaj Yes Lus Xas Les me ntxhais,
15 Huab Tais plhws koj tej txim, nws twb tshem koj tus yeeb ncuab, Huab Tais His Xas Lais tus vaj ntxwv nyob nruab nrab hauv koj, koj txhob ntshai qhov phem ntxiv.
16 Hnub ntawd, yuav hais rau Yes Lus Xes Les koj tsis txhob ntshai, Txhis Yoos txhob ua koj tes tuag zawv.
17 Huab Tais koj tus Tswv Ntuj nyob nruab nrab hauv koj, yog ib tug cawm, nws txaus siab hlo rau koj, nws ua twj ywm hlub, qhuas ntxhias txog koj.
18 Cov txhawj xeeb deb kev sib cuag nyob deb koj, ntsawv siab, mob siab kuv yuav txais lawv.

  • Fis Lis Pos 4,4-7
4 Nej zoo siab tas zog hauv Huab Tais, kuv rov hais dua, nej zoo siab hlo.
5 Xav kom tib neeg paub txhua nej tus zoo mos nyoos, Huab Tais nyob ze lawm.
6 Kom nej txhob txhawj dab tsi, tas nrho kev thov ntuj thiab kev taij kom muaj kev nco txiaj ntsim, nej zaj lus khaub zig Tswv Ntuj yeej nrog paub,
7 Thiab Tswv Ntuj kev thaj yeeb loj tshaj kev txawj ntse txuag nej lub siab thiab lub tswv yim hauv Leej Pleev Yes Xus.
 
  • Lus Kas  Ntawv Moo Zoo 3,10-18
10 Npoj neeg thiaj nug nws hais tias: “Peb yuav tsum ua li cas ?”
11 Nws teb ntua hais rau lawv: “Tus muaj ob daim tsoos pub ib daim rau tus tsis muaj, tus muaj txhiam xws ua tib yam nkaus.”
12 Cov sau se tuaj txais kab ke ntxuav, lawv hais rau nws: “Xib Hwb aw ! peb yuav tsum ua li cas ?”
13 Nws hais rau lawv: “Txhob ua dab tsi tshaj qhov tus hais kom nej ua.”
14 Cov tub rog kuj nug nws hais tias: “Peb thiab yuav tsum ua li cas ?” Nws hais rau lawv: “Tsis txhob quab yuam thiab txhob iab liam, zoo siab rau nej tus nqe zog.”
15 Vim kev vam, tsoom pej xeem xav zom zaws hauv nyias nruab siab txog Zam, xyov Leej Pleev puas lam yog nws,
16 Zam teb ntua, nws hais rau lawv sawv daws: “Qhov ib, kuv muab dej los ntxuav nej, ob nws tuaj tus muaj peev xwm dua kuv, kuv twb tsis tsim nyog daws nws txoj hlua khau, nws mam ntxuav nej hauv Leej Ntsuj Plig Ntshiab thiab hluav taws.
17 Rab ntxuam hauv nws tes yuav ntxuaj nws lub tshav thiab yuav hus nplej rau hauv nws txhab, hos cov npluag, nws mam hlawv hauv hluav taws tsis txawj tuag.”
18 Tseem tshuav ntau yam nws txhib lawv thiab tshaj lub Moo Zoo rau tsoom pej xeem.  



TP Cwj Vuam Chiv

0 commentaires: