COV ZAJ NYEEM HNUB TIM 20/12/2015

Chiv 4 Tos Huab Tais C
  • Mis Kas 5,1-4a
1 Koj, Npes Les Hes Es Fas Tas, tus me tshaj cov hauv Yus Das, kuv yuav ua kom ib tug tawm hauv koj los kav His Xas Lais ; nws lub keeb ib txwm chiv puag txheej laus thaum ub.
2 Nws muab lawv tso txog thaum tus yuav yug me nyuam yug tau me nyuam ; cov seem hauv nws cov kwv tij yuav los cuag cov tub ki His Xas Lais.
3 Nws yuav sawv tsees, nws yuav zov pab tsiaj muaj Huab Tais lub zog, muaj nws tus Tswv Ntuj nto koob meej lub npe ; lawv yuav nyob ruaj vim nws yuav loj mus txog puag npoo ntiaj teb.
4 Yog nws kev thaj yeeb.
  • Es Nplais 10,5-10
5 Vim li, tuaj hauv lub sim ceeb, nws hais tias: “Koj tsis xav tau tej txim thiab paj tshab, koj thiaj ua lub cev nqaij rau kuv;
6 Koj tsis pom zoo hlawv tsiaj thiab txi txim los daws txhaum.
7 Kuv thiaj hais tias: kuv tuaj os ! Twb sau txog kuv hauv phau ntawv, kom ua li koj nyiam, Tswv Ntuj.
8 Twb hais li no saum toj: txim thiab paj tshab thiab hlawv tsiaj daws txim txhaum raws nraim txoj cai ua kam koj tsis yeem thiab tsis pom zoo.”
9 Ces nws hais tias: “Kuv tuaj ua li koj siab nyiam.” Nws muab thawj tus txhooj rhuav tsa tus dua tus ob,
10 Hauv nws siab nyiam ua tau peb ntshiab huv vim txi Yes Xus Pleev lub cev ib zaug kav lawm ib txhis.
  • Lus Kas Ntawv Moo Zoo 1,39-45
39 Thaum lub hnub nyoog ntawd, Mab Liab sawv tsees maj nroos mus pem toj siab, hauv ib lub nroog Yus Das,
40 Nws chaws mus hauv Zas Kas Lias tsev thiab hu Es Lis Xas Npes.
41 Cas thaum Es Lis Xas Npes hnov dheev Mab Liab hu nws, tus me nyuam hauv nws plab dhia rhees, ces Es Lis Xas Npes tau nkaus Leej Ntuj Plig Ntshiab puv npo.
42 Nws tsa suab hlo hais nrov tias: “Koj, tus tau koob hmoov tshaj tsoom poj niam thiab lub txiv hauv koj plab yog koob hmoov.
43 Xyov cas li no, ua cas kuv tus Huab Tais leej niam tuaj cuag kuv ?
44 Saib, thaum koj lub suab hu ncha txog kuv pob ntseg, tus me nyuam mos hauv kuv plab dhia rhees hom khaj.
45 Hmoov zoo tus uas ntseeg yam Huab Tais tau hais rau nws yuav tsheej xeeb.”

TP Cwj Vuam Chiv

0 commentaires: