COV ZAJ NYEEM HNUB TIM 03/01/2016

Hnub Chiv Hwm Huab Tais Tshwm Tuaj Xyoo C
  • Yaws Xas Yas (Es Xais) 60,1-6
1 Sawv tsees, ci ntsa iab, koj txoj kev pom kev tuaj lawm thiab Huab Tais lub hwj chim lam lug saum koj.
2 Tiag, saib ov ! Tsaus ntais pog luas daim av thiab tsaus ntuj nti rau tej haiv neeg ; Huab Tais lam lug saum koj thiab nws lub hwj chim yuav pom xyeem saum koj.
3 Tej pej kum yuav tuaj cuag koj txoj kev pom kev thiab tej vaj ntxwv cuag koj kev kaj lug.
4 Tsa koj qho muag ntsia ib ncig lawv tuaj sib sau ntawm koj ; koj cov tub tuaj deb deb tuaj thiab lawv nqa koj cov ntxhais ntawm npab.
5 Koj yuav pom, koj yuav luag ntxhi, koj siab yuav ntxhee yees thiab dav fo, dej hiav txwv tej cuab yeej yuav ntws lug rau koj, cov pej kum tej cuab tam yuav tuaj cuag koj.
6 Tej npoj ntxhuav yuav npog luas koj, Mas Dias thiab Es Fas cov thauj, sau hlo Ses Npas tuaj, lawv yuav nqa kub thiab xyab ntaw, lawv yuav tshaj Huab Tais lub koob meej.

  • Es Fes Xos 3,2-3a.5-6
2 Kheev nej paub Tswv Ntuj lub txiaj ntsim kev khuv leej muab pub kuv kom nej tau,
3 Yees tshwm plaws yam puag nruab nrog rau kuv raws li kuv tau sau ob peb los,
4 Li nej mem tau kuv lub tswv yim to taub Leej Pleev nruab nrog,
5 Nws tsis tau tshaj qhia rau lwm cov tiam neeg tej tub li ziag no tshaj qhia nws npoj tshaj xo ntshiab thiab Leej Ntsuj Plig rau cov saub,
6 Tsoom pej kum nrog koom thiab txuas tau thiab nrog txais kev cog lus hauv Leej Pleev Yes Xus vim lub Moo Zoo,

  • Mas Tais Ntawv Moo Zoo 2,1-12
1 Yes Xus yug nyob Npes Les Hes, Yus Dais teb, hauv cov hnub nyoog Hes Los ua vaj ntxwv, cov txiv muam sab Toob Fab tuaj txog Yes Lus Xas Les,
2 Hais tias : “Cov Yus Dais tus vaj ntxwv yug los nyob qhov twg ? Peb pom nws lub hnub qub sab Toob Fab, peb tuaj pe hawm nws.”
3 Hnov dheev, vaj ntxwv Hes Los ntshaus ntsho thiab tag nrho Yes Lus Xas Les nrog nws,
4 Hu tag cov thawj leej choj thiab cov kws ntawv hauv tsoom pej xeem tuaj nws nug lawv saib Leej Pleev yug los nyob qhov twg,
5 Lawv no hais rau nws: “Nyob Npes Les Hes, ntawm Yus Dais, vim saub twb sau tseg li no:
6 Koj thiab Npes Les Hes, av Yus Das, koj tsis yog tus me tshaj cov nroog tseem ceeb nyob Yus Dais, vim tus coj kev tus yuav zov kuv haiv His Xas Lais yuav tawm hauv koj.”
7 Ces Hes Los ua twj ywm hu cov txiv muam kom lawv qhia lub caij uas lub hnub qub tau tshwm tuaj,
8 Thiab nws xa lawv mus Npes Les Hes nws hais tias: “Nej mus lawm, nej tshuaj xwm kom meej txog tus me nyuam, thaum nej ntsib dheev lawm nej xa xov rau kuv xwv kuv tau mus pe hawm nws thiab.”
9 Lawv hnov vaj ntxwv tas, ces lawv mus, cas lub hnub qub lawv pom sab Toob Fab ua lawv ntej nres nroos saum tus me nyuam chaw nyob,
10 Pom dheev lub hnub qub, ua rau lawv zoo siab tas nrho,
11 Chaws mus hauv tsev, lawv pom tus me nyuam nrog nws niam Mab Liab thiab nyo nris lawv pe hawm nws thiab qhib lawv tej phob nra cev kub thiab   xyab thiab txab ntoo ua paj tshab rau nws,
12 Ceeb toom hauv zaj yog toog kom txhob rov mus cuag Hes Los, ces lawv taug dua lwm txoj kev rov mus lawv teb chaws lawm.

TP Cwj Vuam Chiv

0 commentaires: