COV ZAJ NYEEM HNUB TIM 17/01/2016

Chiv 2 : Nruab Xyoo C
  • Yaws Xas Yas (Es Xais) 62,1-5
1 Vim Txhis Yoos, kuv yuav tsis ua twj ywm, vim Yes Lus Xas Les kuv yuav tsis so txog ntua nws kev ncaj ncees tawm tuaj li qab ntug ntsa thiab nws kev cawm tam li tus tsau cig.
2 Cov teb chaws yuav pom koj qhov ncaj ncees thiab cov vaj ntxwv koj lub hwj chim, yuav hu dua lub npe tshiab rau koj, Huab Tais lub ncauj mam tis.
3 Koj yog lub kauj zoo nkauj rhib hauv Huab Tais txhais tes, vaj ntxwv daim txoom suab hauv koj tus Tswv Ntuj xib teg.
4 Koj yuav tsis yog ntxiv: “Tus nrauj zoo.” Thiab yuav tsis hu daim av ntxiv: “Tu siab nrho.” Yuav hu koj ua: “Kuv lub chaw dai siab.” Rau daim av: “Nkauj nyab.” Vim Huab Tais txaus siab rau koj, daim av ua nkauj nyab,
5 Tam zoj nraug vauv qaws ib tug nkauj xwb, koj tej tub yuav qaws nkaus koj cuag nkauj nyab ua nraug vauv zoo siab, koj yuav ua koj tus Tswv Ntuj zoo siab.

  • 1 Kos Lis Nthos 12,4-11
4 Txawm yog ntau hom txiaj ntsim los tib tug Ntsuj Plig,
5 Thiab ntau txoj kev tiam los tib tug Huab Tais,
6 Thiab ntau txoj dej num los tib tug Tswv Ntuj tus txhim tas txhua txoj.
7 Leej Ntsuj Plig tshoj pub rau tas txhua leej kom tau hauj lwm tag nrho.
8 Vim Leej Ntsuj Plig tus pub ib los thoob tsib rau ib leeg, lwm tus ib los txawj ntse kuj puav leej tib tug Ntsuj Plig,
9 Rau lwm leej txawj ntseeg kuj tib tug Ntsuj Plig, rau lwm tus txiaj ntsim kho mob nkeeg kuj tib tug Ntsuj Plig,
10 Rau lwm tus txawj hwj huam, lwm leej ua saub, lwm tus tswv yim soj ntsuam, lwm leej txawj lus thiab lwm tus txawj txhiaj txhais ;
11 Tib tug Ntsuj Plig ua tej ntawd faib ib leeg ib yam raws li nws nyiam.

  • Zam Ntawv Moo Zoo 2,1-11
1 Hnub peb, muaj ib rooj tshoob nyob Kas Nas xeev Nkas Lis Lais. Yes Xus leej niam nyob ntawd thiab.
2 Lawv caw Yes Xus mus noj tshoob nrog nws cov thwj tim.
3 Cia li tsis muaj cawv, vim cov cawv tshoob tas lawm. Yes Xus leej niam hais nws tias : “Lawv tsis muaj cawv lawm.”
4 Yes Xus hais nws tias : “Koj thiab kuv muaj tus tsi, poj niam ? Tseem tsis tau txog kuv sij hawm.”
5 Nws leej niam hais rau cov tub txib : “Nws hais kom nej ua dab tsi, mas ua kiag.”
6 Nyob ntawd, muaj rau lub hub zeb tseg cia cov Yus Das siv yaug cev. Ib hub ntim ze kaum thoob dej.
7 Yes Xus hais rau lawv : “Nej hliv dej kom puv cov hub no.” Lawv hliv puv nkaus saum cov ncauj.
8 Thiab nws hais rau lawv : “Zaum no nej ce thiab nqa mus rau txiv thiaj com.” Ces lawv thiaj nqa mus.
9 Thaum txiv thiaj com saj cov dej txia ua cawv thiab nws tsis paub cov cawv no yog nyob qhov twg, ntawm cov tub txib lawv paub vim lawv tau ce dej. Txiv thiaj com hu nraug vauv los.
10 Thiab nws hais rau tus ntawd : “Tib neeg sawv daws xub muab cov cawv qab thaum lawv qaug tas mam muab cov qab tsis heev. Koj li, koj tseg cov cawv qab cia txog tav no.”
11 Yog chiv lub thawj ntawm Yes Xus cov cim nyob Kas Nas xeev Nkas Lis Lais thiab ua nws lub hwj chim tshwm thiab nws cov thwj tim ntseeg nws.


TP Cwj Vuam Chiv


0 commentaires: