COV ZAJ NYEEM HNUB TIM 14/02/2016

Chiv 1 Caij 40 C

  • Txoj Cai Ob 26,4-10
4 Leej choj txais lub pob tawb ntawm koj tes mus tso ntawm koj tus Huab Tais Tswv Ntuj lub thaj txi ntuj.
5 Koj yuav teb koj yuav hais ntawm koj tus Huab Tais Tswv Ntuj: “Kuv txiv yog ib tug As Las Mias poob zoo, nws nqes mus Mis Txhaws Lais teb nyob ntawd nrog ib pawg nyuag neeg, ces nws mam ua ib haiv neeg loj coob thiab muaj zog.
6 Cov Mis Txhaws Lais tau ua phem rau peb, lawv hiam peb, kom peb ua qhev hnyav kawg.
7 Peb thiaj hu Huab Tais, peb cov yawg suab tus Tswv Ntuj; Huab Tais hnov peb lub suab, nws pom peb txom nyem, peb kev khwv, kev quab yuam.
8 Huab Tais tuaj coj peb tawm Mis Txhaws Lais teb hauv txhais tes peev xwm thiab caj npab ntug, txaus ntshai kawg nrog tej cim muaj hwj huam.
9 Nws coj peb los rau thaj chaw no thiab nws pub lub teb chaws no rau peb, ib lub teb chaws mis thiab zib ntws nto.
10 Saib ziag no, kuv nqas thawj phaum txiv hauv thaj av uas koj muab pub rau kuv, Huab Tais.” Koj muab tso ntawm koj tus Huab Tais Tswv Ntuj ces koj pe koj tus Huab Tais Tswv Ntuj.
  • Los Mas 10,8-13
8 Nws hais li cas ? Lo lus nyob ze koj hauv koj lub ncauj thiab hauv koj nruab siab, ntawd yog lo lus ntseeg uas peb tshaj:
9 Yog koj lub ncauj lees Huab Tais Yes Xus thiab koj ntseeg hauv koj lub siab tias Tswv Ntuj tsa nws sawv tsees hauv tsoom tuag, ces yuav cawm nkaus tau koj.
10 Lub siab ntseeg thiaj yuav ncaj ncees tau, hos lub ncauj lees thiaj yuav cawm nkaus tau.
11 Vim ntawv sau tseg tias: Txhua tus ntseeg tsis muaj dab tsi txuam tau nws.
12 Thiaj tsis muaj qhov sib txawv ntawm tus Yus Dais thiab tus Hes Les, Huab Tais yog sawv daws tus, tsam cov hu txog nws:
13 Tus tuav txog Huab Tais lub npe cawm nkaus tau nws.
  • Lus Kas Ntawv Moo Zoo 4,1-13
1 Yes Xus rov tom dej Yos Das Nos los, tau Leej Ntuj Plig Ntshiab puv npo ces Leej Ntuj Plig coj nws kev mus rau hav suab puam,
2 Dab phem sim nws plaub caug hnub ; hauv cov hnub nyug ntawd nws tsis noj dab tsi li, thaum kawg nws tshaib plab.
3 Ces dab phem hais rau nws: “Yog koj pom xeeb yog Tswv Ntuj Leej Tub, hais kom lub pob zeb no yees ua mov.”
4 Tiam sis Yes Xus teb rau nws: “Twb sau tseg : Tsis yog mov nkaus ua kom neeg ciaj sia.”
5 Ces coj Yes Xus mus siab zog ua ntawg ntiag rau nws tas nrho tej nrim teb hauv yaj ceeb no,
6 Thiab dab phem hais rau nws: “Kuv yuav muab tej no rau koj kav tag nrho thiab lawv tej hwj chim, vim tso tag rau kuv ces kuv xav pub leej twg kuv pub.
7 Yog koj pe kuv, tej ntawd yuav yog koj tag nrho.”
8 Yes Xus teb ntua hais rau nws: “Tau sau tseg : Koj yuav pe Huab Tais koj tus Tswv Ntuj thiab koj yuav teev nws tib leeg xwb”
9 Coj dua Yes Xus mus Yes Lus Xas Les, cuab nws sawv saum ru tsev txoos thiab hais rau nws: “Yog koj pom xeeb yog Tswv Ntuj Leej Tub, dhia rhees koj tus kheej ntawm no lawm hauv,
10 Vim twb tau sau tseg: Nws yuav txheev nws cov tshab xo hais txog koj kom txuag koj,
11 Thiab lawv yuav nqa koj hauv lawv tes, tsis pub koj taw tswm ib lub zeb.”
12 Yes Xus teb ntua hais rau nws: “Twb hais tseg: Koj txhob ntxias Huab Tais, koj tus Tswv Ntuj.”
13 Tws tag kev ntxias, dab phem zam nws kev tos dua lwm lub sij hawm.


TP Cwj Vuam Chiv

0 commentaires: