COV ZAJ NYEEM HNUB TIM 03/04/2016

Chiv 2 Caij Hla
  • Hauj Lwm 5,12-16
12 Muaj tej cim thiab hwj huam loj hauv cov thwj tim tes rau tsoom pej xeem. Lawv sawv daws sib hais haum nyob ntawm Xas Los Moos maum kaum tsev,
13 Lwm cov tsis muaj leej twg muaj peev xwm txav los poo lawv, tiam sis, tsoom pej xeem qhuas lawv.
14 Cov tseeg Huab Tais coob zus tuaj, tej npoj txiv neej thiab poj niam,
15 Xwv luag nqa neeg mob kwv hauv tej txaj tso nraum tshav puam, kom Pob Zeb tus duab ntxoov nroos lawv leej puav.
16 Npoj neeg tej nroog ib cheeb tsam Yes Lus Xas Les kwv tej mob thiab tej raug dab qias tuaj, lawv puav leej zoo hlo tag.
  • Tshwm Plaws 1,9-11a.12-13.17-19
9 Kuv yog Zam, nej tus kwv tij nrog nej txom nyem thiab ua ke saum nrim ntuj thiab nyob ruaj hauv Yes Xus, kuv nyob hauv lub pov txwv Pas Mos vim Tswv Ntuj lo lus thiab ua Yes Xus tim khawv,
10 Kuv nrog Leej Ntsuj Plig nyob hauv Huab Tais hnub, ces kuv hnov ib lub suab nraum kuv qub qab muaj ceem li tshuab hom,
11 Hais tias: “Yam koj ntsuas muab sau tseg hauv ib phau ntawv thiab muab xa rau xya lub koom txoos,
12 Kuv thiaj tig mus ntsuas lub suab hais lus rau kuv ntawd, kuv tig mus, kuv pom xya tus kais teeb kub,
13 Hauv nruab nrab xya tus kais teeb tam zoj neeg leej tub hnav ib daim tsoos ti nkaus ko taw thiab sia ib txoj siv kub ntawm duav,
17 Thaum kuv pom dheev nws, kuv poob nthav hauv nws ko taw li tuag lawm, nws sab xis los chwv kuv hais tias: txhob ntshai, kuv yog tus thawj thiab tus kawg,
18 Tus ciaj sia, kuv twb tuag lawm thiab saib kuv ciaj mus txhiaj niaj puas xyoo, kuv tau kev tuag thiab qhov ntuj cov yawm sij,
19 Koj sau yam koj pom zim txwv no thiab yam yuav tsum tuaj tom qab ntawd.”
  • Zam Ntawv Moo Zoo  20,19-31
19 Thaum tsaus ntuj, hnub ntawd hnub chiv lis piam, tej qhov rooj ntawm cov thwj tim lub chaw kaw ntom nti, vim qhov ntshai cov Yus Dais, Yes Xus tuaj sawv hauv nruab nrab, nws hais rau lawv: “Nej nyob thaj yeeb.”
20 Hais li tas, nws thws zoj ob sab tes thiab phab tav rau lawv, ua rau cov thwj tim zoo siab heev tau pom Huab Tais.
21 Nws hais ntxiv rau lawv: “Nej nyob thaj yeeb ! Tam li Leej Txiv xa kuv, kuv thiab kuv yuav xa nej.”
22 Hais li tas, nws tshuab zoj pa thiab hais rau lawv: “Nej txais Ntsuj Plig Ntshiab,
23 Cov twg nej zam lawv tej txhaum, ces yuav zam rau lawv, cov twg nej tseg ces yuav nyob twj rau lawv.”
24 Tos Mas ib tug hauv pab kaum ob, muaj npe hu ua Dis Dws Mos, tsis nrog lawv ua ke thaum Yes Xus tuaj.
25 Lwm cov thwj tim hais rau nws: “Peb twb pom Huab Tais lawm !” Nws hais rau lawv: “Yog kuv tsis pom lub qhov txhab hauv nws tes thiab cev kuv ntiv tes rau lub qhov txhab thiab cev kuv tes rau nws phab tav, kuv tsis ntseeg.”
26 Yim hnub tom qab, nws cov thwj tim nyob sab hauv nrog Tos Mas, tej qhov rooj kaw ntom nti, Yes Xus tuaj sawv hauv nruab nrab, nws hais tias: “Nej nyob thaj yeeb.”
27 Ces nws hais Tos Mas: “Cev koj ntiv tes ntawm no ntsia kuv ob txhais tes thiab cev koj tes rau kuv phab tav txhob ua tus tsis ntseeg, ua tus ntseeg.”
28 Tos Mas teb thiab hais rau nws: “Kuv tus Huab Tais thiab kuv tus Tswv Ntuj.”
29 Yes Xus hais rau nws: “Vim koj pom kuv koj ntseeg, hmoov zoo rau cov tsis tau pom ho ntseeg.”
30 Muaj ntau lub cim Yes Xus ua ntawm cov thwj tim tsis tau muab sau hauv phau ntawv no.
31 Sau cov no xwv kom nej ntseeg tias Yes Xus yog Leej Pleev Tswv Ntuj Leej Tub, xwv cov ntseeg nej ciaj sia hauv nws lub npe.

0 commentaires: